SS
MBUOIAES DE CASTELNAU. [1562]
ce qui n'estoit point advenu. Quant au fait de Yassy^ilsavoient commission du Roy pour en informer et faire la justice, comme Ils esperolent jbire ; si bien qu'il auroit occasion de s'en contenter. Et la conclusion estoit pour Texliorter à se remettre avec le Boy , duquel il estoit si proclie parent.
Mais telles remonstrances n'eurent pas beaucoup de vertu envers luy, d'autant qu'il estimoit que le parlement estoit du tout passionné contre les huguenots; ce qui les affoiblissoit fort, attendu aussi que tous les autres parlemens, baillif^, seneschaux et autres Juges et magistrats, suivoient entièrement ce qui leur estoit enjoinct et mandé par ladite cour de parlement de Paris. Pour response, le prince fit derechef une déclaration (1), qui fut publiée, pleine de protestations et doléances telles et plus grande^ que les précédentes. Neantmoins il offrolt de se retirer en sa maison , pourvu que ceux de Guise, le connestable et mareschal de Sainct-André se retirassent aussi de la Cour, laissant les armes et le Roy, la Reyne et messeigneurs ses frères en liberté, cependant qu'il garderoit à Sa Majesté les villes saisies par les huguenots.
Il escrivit aussi à Tempereur Ferdinand, au duc de Savoye et au comte Palatin , afin qu'il leur plust s'interposer en ceste affaire comme bons amis et alliez de la maison de France , et Induire les uns et les autres à quelque bonne union, ou du moins pour se Justifier envers eux de la nécessité où il disoit que luy et tous les huguenots de France estoient reduicts.
Mais il estoit mal aisé d'esteindre un feu qui estoit trop allumé entre ceux d'un mesme sang et d'une mesme patrie, où chacun vouloit mettre le bon droict deson costé ; et aussi que ces princes estrangers , entr'autres ceux de la maison d'Austrlche, ne demandoient pas mieux que de voir ce grand estât de France, si fort et si puissant , se ruiner par ses propres mains. Le duc de Savoye sentoit aussi encore le dommage quMl avolt eu par la France, où il eust plustost attisé le feu que de l'estouffer , sçachant bien qu'elle auroit plus de perte en un an par les guerres civiles, qu'en vingt contre ses voisins, qui en estoient plus forts et plus asseurez. Car il est certain que la ruine et perdition d'un Estât est la conservation et accroissement des autres; et nul ne perd en ce monde icy, que l'autre ne gagne , et de la corruption de beaucoup de choses se fait la génération. Il est vray que le comte Palatin , que J'ay de ce temps-là cogneu fort passionné pour les huguenots , avoit quelque volonté , s'il eust pu, de moyenner un accord , mais en faveur desdicts huguenots , encore
qu'il fost pensionnaire de la maison de France? de laquelle il avolt reçu et les siens de géodes fiiveurs. Mais il estoit d'autre part suspect au catholiques , car il avoit abandonné la religion luthérienne, receue par l'intérim d'Allemagne, pour prendre la calviniste, dont il serendoit fort partisan en toutes choses.
