CHAPITRE XII

Duel de iarnac et de U Cbâuignenie.

L'enterrement du feu roy François le Grand parachevé avec la sumptuosité cy-dessus déclarée , le sieur de La Ghastaigoeraye poursuivit très-instamment envers le Roy l'assignation du jour et du lieu de sou combat contre Jamac, pour mettre fin à leur querelle : ce que Sa Majesté luy accorda le jour... de juin (3) de la mesme année 1547, à Saint Germain en Laye, où la Cour s'achemina au sortir de Paris ; car Sadite Majesté en desiroit veoir l'issue avant que se faire sacrer; qui ne fut pas telle que Chastaigneraye esperoit , encores qu'il ne craignist son ennemy non plus que ung lyon le chien; mais il luy en advint comme à une femme grosse qui , se sentant preste d'accoucher, n'espargne aulcune despence pour décorer et diaprer sa maison et ses couches, cherchant des parains et maraines d'étoffe pour honorer le baptesme de son en&nt, mais, le terme venu de verser , elle et son fruit meurent en l'enfantement. Aussi cestuy-cy fist une excessive despence en apprests très-magnifiques pour paroistre , attendant le terme ordonné , mesme pour le soupper du jour de son combat, comme se promettant infailliblement la victoire ; et invita tous les plus grands seigneurs de la Cour pour en estre ; et d'autant que M. le prince de La Rochle-sur-Yon l'en avoit reffusé, et qu'il n'est demeuré auprès du Roy prince du

(1) Il y aToit eoTiroD yingt-deoi mois»

(2) Depuis long-temps.

(5) Ce duel eut lien le fO joUiet.

MBMOIRBS DE TIBILLEYILLE. — HENRI II. [tS47]

sang que luy [car M. de Yendosme s'estoit retiré, qae les aultres princes avoient suivy], pour luy avoir esté deffendu d'estre parrain de Jaroac, il pria M. de Vieilleville de tant faire envers luy, qu'il honorast son festin de sa présence : ce que ledit sieur prince , en faveur de M. Vieilleville , luy accorda ; mais , Dieu qui Tattendoit au passaige , le fist , de vainqueur par faotasie , demeurer vaincu par effet : et fut ce soupper tout crû enlevé par les Suisses et laquais de la Cour; car on n'avoit pas voulu touscher au feu que Ton n'en eust veu la An , aussi qu'il estoit quasi soleil couché premier qu'ils entrassent en duel : les pots et marmites renversées , les potaiges et entrées de tables respandus, mangez et dévorez par une infinité de herpaille (1) ; la vaisselle d'argent de cuysine et riches buffets , empruntez de sept ou huit maisons de la Cour , dissipez, ravis et volez avec le plus grand desordre et confusion du monde ; et , pour le dessert de tout cela , cent mille coups de halebardes et de bastons départis sans respect à tout ce qui se trouvoit dedans la tente et pavillon de Chastaigneraye , par les capitaines et archers des gardes et prevost de Thostel qui y survindrent , pour empescher ce vol et saulver ce que Ton pourroit : car il estoit venu ung inflny peuple de Paris, comme escoliers, artisans et vagabonds , b Saine Gcrmain-en-Laye, pour en veoir le passe-temps , qui s'estoient jectez là dedans à corps perdu , comme au sac d'une ville prise par assault, pour y exercer toutes sortes de ravaiges.

Ainsi passe la gloire du monde qui trompe toujours son maistre , principalement quand on entreprent quelque chose contre le droit et Téquité, comme Ton disoit qu'avoit fait Chastaigneraye : car luy ayant dict Jarnac , en amy et proche parent, qu'il entretenoit fort paisiblement madame de Jarnac sa belle mère, et en tiroit ce qu'il vouloit de moien pour paroistre à la Cour , Chastaigneraye fut si desbordé et impudent qu'il luy vouloit maintenir luy avoir dict qu'il paiilardoit et couchoit avec elle, se fiant en sa force et adresse ; mais il en receut un démentir, et par juste jugement de Dieu la mort , contre touteffois l'espérance de tout le monde, mesme du Roy et de M. le duc d'Aumalle (2) son paraîn , fils aisné de M. Claude , duc de Guyse ; estant Chastaigneraye homme fort adroit aux armes, de couraige invincible , et qui avoit fait mille preuves et mille bazards de sa valeur; et l'aultre non , qui faisoit plus grande profession de courtisan et dameret à se curieusement vestir, que des armQS et de guerrier.