CHAPITRE PREMIER
Sacre de Henri II.
L'empereur Charles cinquiesme^ tenant François, roy de France, surnommé le Grand, prisonnier en Espaigne, tascha, par tous moyens et sur toutes choses, à le faire condescendre de luy quicter la souveraineté de Flandres. A quoy le captif résista de tout son pou voir , alléguant qu*il iuy estoit impossible de s'y accorder sans le consentement gênerai de tous les Estats de son royaume, et qu'estant le comte de Flandres pair de France , et tous les Païs-Bas que possedoit TEmpereur tenus et mouvants de sa couronne, il feroit une merveilleuse bresche à sa réputation et memoyre, de quicter si légèrement l'hommaige de tant de villes et provinces de si grande estendue , desquelles les peuples , qui sont infinis, viennent, par appel et dernier ressort, chercher la Justice en sa cour de parlement à Paris, et le mesme comte de Flandres estre tenu, le jour que l'on sacre ung roy en France, d'y assister, et luy chausser ce jour-là les esprons, ou les porter devant luy, marchant en cérémonie. Touteffois l'Empereur, qui avolt cela à cœur, ne s'en tint refusé ; mais, par Timportunité et allichement de deux grandes promesses , Tune de luy donner sa sœur en mariaige, Taultre de le mettre en liberté moyennant hostaiges, obtint, ce luy sembla, sa demande. Mais estant le Roy hors d'Espaigne, et ayant fiancé sa femme par parolles de présent, manda à l'Empereur, parce que son ambassadeur le pressoit fort de luy donner ung acte de ceste promesse, qu'il ne luy avoit Jamais rien promis, et, qui plus est, despescbea ung herault devers luy, avec un cartel dedeffy pour le luy maintenir, et qu'en tout événement ung prisonnier ne se peultaulcunement obliger : dont demeura ceste querelle toute leur vie en vigueur, et dure encores indécise jusques à présent.
Le roy Henry son fils, venant à la couronne, assigna le Jour de son sacre à Rheims au vingtsixième de juillet, l'année susdicte 1 547 ; et pour reveiller l'Empereur de l'honunaige de Flandres,
il despescbea envers luy le premier heraaltde France, du tiltre deValoys, le sommer de comparoir audit jour, comme comtede Flandres, ety feire sa charge de pair de France ; et au mesme temps la cour de parlement de Paris, pour ne rien oublier en faict de telle conséquence, avoit envoyé le premier huissier à Therouanne , prendre escorte de la compaignie de M. de Villebon, Ion gouverneur de ladicte ville, pour le mener bien avant en la frontière, devers Saint-Omer,adjoumer le comte de Flandres aux effects que dessus , qui eurent tous deux une response de semblable subject : le herault , par la bouche de TEmpereur , et l'huissier, par acte du gouverneur de Saint-Omer, qui estoit que l'Emperear s'y trouveroit avec cinquante mille hommes poor y faire son devoir.
Le Roy, prévoyant bien de n'en avoir poiiK;! d'aultre, avoit desja faict faire levée de dix mille lansquenets, soubs les colonels Jacob Bon, Ausbourg et Bastien Schretel , et de quatre mille reithres, que l'on appellolt lors pistolliers, soubs les colonels Ernest, de Mandesloc et Joachim Sitvits, qui ne faillirent à se trouver le quinziesme dudit mois aux environs de Sainct-Marcoul et de Gommercy ; et avoit Ton semblablement faict approcher quinze cents hommes d'armes aux villes les plus voisines de Rheims, et renforcé de fanterie les garnisons de Champaigne et de Picardie, À petit bruit, affin de bien recevoir l'Empereur s'il eust tenu promesse ; mais il s'en oublia ou n'osa, jugeant , par la diligence de tels préparatifs, la résolue délibération du Roy de le combattre.
Cependant Sa Majesté fust sacrée, très-heureusement et sans trouble, avec ung appareil trèssomptueux et magnificence incomparable. La description de laquelle me semblerait par trop superflue, veu le grand nombre de bons esprits qui l'ont fort amplement deduicte en plusieurs langues ; mais pour ce qu'ils ont obmis une dis* pute qui se présenta sur quelques préférences, et qui est du nombre des cérémonies du sacre du Roy, je n'ay voulu faillir de la spedffler : et fut telle.
HBMOIBBS DB YIEILLEVILLB. — HENBI II. [1547]
