CHAPITRE V

On propoie à M. de Yieilleville le mariage de M fille ainée avec le fils du marquis d'Eipioay.

Arrivé qu'il fut à Anglers, M. l'abbé de Sainct- Thierry, grand doyen de l'église cathédrale, son frère, luy dist, après les bonnes chères, que M. d'Espinay luy estoit venu demander sa fille aisnée pour son fils aisné, que l'on appelle M. de Segré, et prié de luy en escrire. Et, encores qu'il l'eust reffusée à plusieurs , il n'estoit pas d'opinion qu'il negligeast ce party, estant ledit sieur d'Espinay riche de quarante mille livres de rente, d'ancienne et illustre extraction, au reste fort aisé et nullement en arrière , car il n'y avoit aucune debte ; mais , qui plus est , c'estoit la maison de Bretaigne autant richement meublée; et sont le père et la mère , qui est de ceste illustre maison de Goulaine , en réputation d'estre fort gens de bien et d'honneur , faisants ung recueil et 3here incroyable à leurs parents, amys, voisins , et à tous ceulx qui les viennent voir ; et que son advis estoit que , incontinent qu'il auroit séjourné cinq ou six jours en sa maison de Sainct-Michel-du-Bois , et veu madame de Yieilleville , qu'il le devoit aller veoir , et remettre sur les propos que luy-mesme avoit print la peine de luy venir dire jusques à Angiers. « Car il ne la vous demande pas , disMI , pour vous gehenner eu finances, ny demander l'argent d*un mariage tel que ma niepce peult et doibt apporter à ung mary tel que cestuy-là; mais seulement il la veult attendant ses droicts successif, sans aultrement vous contraindre ; car il scest bien que la succession de Durestal ne vous peut faillir , puisque je suis d'église et vous mon héritier. Ce n'est pas encores tout ; car la faveur que vous avez à la Cour le y convie plus que toute aultre espérance, et ne luy sçauroit-on oster de la fantaisie que vous ne soyez devant trois ou quatre ans mareschal de France , qui luy nourrlst au cœur et en Tame quelque marque de grandeur pour son fils. A ceste cause, mon frère, il me semble que vous y devez soigneusement penser ; et si vous l'avez vouée à quelqu'un de vos amis à la Cour , je vous prie de rompre cela dextrement , comme vous sçaurez bien faire ; car en meilleur lieu ny plus advantageux ne la pourriez-vous loger. Mais donnez-y ordre promptement , car je suis adverty qu'il y a une princesse que bien cognoissez, qui recherche à vive force de mettre là-dedans l'aisnée de ses trois filles qui ma fait vous prier encores une bonne foys de croire mon conseil et de l'efiTectuer. »

M. de Yieilleville luy respondit qu'il ne ftdiolt

MBMOIBBS DB VIEILLEYtLLE. — HBNBI II. [1548]

pas révoquer en double la paroUe de M. d'Espi- Day ; i car il y a long-temps , mon frère , que je le congnois , pour Tavoir veu souvent aux estats de Bretaigne, où M. de Chasteaubriant, gouverneur de la province, de la compaignie duquel j'estois lieutenant, i'honoroit bien fort , et luy donnoit auxdits estats des premières places ; et, qui plus est , J'ay esté avec mondit sieur de Chasteaubriant à Espinay, qui est ung chasteau fort bien basty , de grand et spacieux pourpris , et de très-ancienne marque et seigneurie; et quand il n*y auroit que le coUeige de chanoines, nommé Gbampeaux, qui est à deux mille pas du chasteau, on peult bien juger quelle est leur grandeur. Car il n*y a sainte chappelle en France, hormis celles que nos rois ont fondées , qui luy soit comparable, veu que les papes , archevesques ny evesques , mesme le diocésain , n^y ont que veoir ; mais le sieur d'Espinay en pourvoit luy tout seul; et sont les prébandes de mil à douze cents livres de rente chacune. Et fault bien dire que le fondateur avoit grand crédit avec le duc de Bretaigne , d'obtenir du Pape ung tel privileige de présentation, veu que les sainctes chappelles royales ne Font pas; car il leur fault prandre leurs signatures et toutes les aultres provisions en cour de Rome. Mais je ne m'en esbahy pas, puisque ledit fondateur estoit premier chambellan du Grand-Duc, et grand-maistre de Bretaigne ; et y a tantost deux cens ans qu'il posse^ doit dès ce temps-là toutes les terres et seigneuries qui sont aujourd'huy en leur maison, comme il se peult lire autour de sa sépulture : qui fait bien juger quMls sont plantez de immemorable ancienneté. Au demeurant , ladicte église fort bien servie , avec un maistre de chappelle qui entretient , avec nombre de chantres et huit enfans de chœur, une très-bonne musique, et toujours un excellent organiste ; et y a doyen , chantre et aultres dignités tout ainsi qu'en une église cathedralle ; et en ay veu plusieurs où les ornemens de drap d'or , d*argent et de soye , n'y sont pas si riches ny si communs que là dedans. Mais le service divin y est si dévotement célébré , que M. de Chasteaubriant s'y aimoit tant qu'il y a séjourné douze ou quinze jours pour une fois , sans en partir , avec une chère là nompareilie, et à toute sa suite, qui ne se pouvoit faire sans une despence excessive. Mais M. d'Espinay en estoit aussi peu estonné et ennuyé que sUl eust esté ung grand prince , et qu'il n'eust eu qu'ung gentilhommme de six mille livres de rente à traicter.

• Mais je crahis , mon frère , une difficulté qui pourra reculer ou rompre du tout nostre entreprise, qui est que sa grande-mere et la mienne

estoient sœurs , filles d'Estouteville. — Ne vous donnez peine de cela, mon frère, dist M . de Saint Tlùerry ; car n'estant M. de Segré et ma niepce que au quart (1) vis-à-vis, les dispences de tels degrés de parentelle s'impetrent fort facilement en cour de Rome ; tant y a que je m'en fais fort. — Or, puisque ainsi est , dist M. de Vieilleville, Je tiens le mariage pour fait ; et ne fauldray d'estre dedans huict ou dix jours au chasteau d'Espinay. i