LE ROI CHARLES IX AU VICOMTE DE TURENNE

14 juin 1568.

Mons'^ le viconte, voyant les grandes despences que, pour raison des troubles et divisions qui ont naguières esté en ce royaulme, j'ay esté contrainct de supporter, tant pour l'entretenement de ma gendarmerye, des estrangiers, tant de cheval que de pied, que j'ay entretenuz jusquesàceque, ayant pieu à Dieu me faire ceste grâce que d'establyr la paix entre mesdicts subjectz, j'ay licentié la pluspart des compaignyes de gens de pied^, ensemble les reystres, et me restant ung si grand nombre de gendarmerye que, oultre les vieilles et anciennes, mes bons et affectionnez subjectz ont faict lever, suivant ce que je leur en ay escript ou commandé, il est impossible de les pouvoir entretenir et faire payer de leurs estatz, sans une grande foulle, oppression et dommaige de mesdicts subjectz; qui a esté cause que j'ay advisé de les réduyre, sçavoir est : toutes celles qui sont de cent lances à soixante, et