Mussidan (Dordogne), arr. de Ribérac

un peu continué le propos de Mussidan, il me dist qu'il y avoit quelque temps qu'il avoit dict à Mons"" de Laverdin, qu'il me meneroit son frère de Rozan là où je vouldrois; qu'il estoit à Agen, et que le lendemain il le feroit treuver au gravier *, qu'il seroit avec luy; et je le remerciay, l'asseurant que ce seroit le plus grand plaisir qu'il me pourroit faire, mais que je désirois que personne ne s'en mellast que luy et moy, et que j'avois fort bonne querelle, qui me faisoit espérer que, après avoir faict à son frère, il me resteroit prou de force pour luy foire raison, s'il se plaignoit de quelque chose de moy. Il me dist qu'il vouloit que je y menasse quelc'un; à quoy je luy feiz responce que puisqu'il le vouloit ainsi, que je y menerois ung de mes amys ; qu'au reste il estoit fort tard et que, si quelc'un le savoit, je luy en ferois reproche, l'assurant que pas un de mes amys n'en sçauroit chose du monde de moy, qui peust estre occasion de nous en empescher. Là-dessus, il me promist et me jura que s'il venoit quelc'un qui feussent de ses amys qui me voulust faire tort, que son frère et luy se rangeroient avec moy pour les en empescher, me le promectant sur son honneur. Je kiy feiz pareille promesse, en l'embrassant. Il commence à me donner le bonsoir : je le conduisy jusques hors de mon logis, où, estant rentré et Mons'" de Lesignan y estant demeuré, je le tiray à part et tiray promesse de luy de ne parler à homme ny à femme du monde de ce que je luy dirois, l'assurant que, s'il le faisoit, je luy demanderois rai-

1. Le « gravier » d'Agen était situé entre la muraille de la ville et la Garonne : il est encore aujourd'hui un élégant lieu de promenade et de fêtes publiques.

son de ce qu'il me promist. Je luy dis adonc ce que Mons"^ de Duras m'a voit dict, le priant de regarder le lendemain à la porte du gravier que personne ne sortist pour me faire supercherie.

Le lendemain, le jour estant venu, je m'en allay à la porte du Pin, par où j'avois dict audict s' de Duras que je sortirois, avec Mons"^ le baron de Sallignac, un petit page et un lacquais qui menoient deux courtaulx, suivant ce que j'avois dict audict s' de Duras de nous trouver sur un courtault chacun. Ladicte porte ne fut ouverte d'une grande demye heure après que nous feusmes arrivez. Cependant, je me promenois du long de la muraille, attendant qu'elle feust ouverte, ce que soudain qu'elle fut ouverte nous sortismes; et, estant arrivez sur le lieu, nous attendismes environ une heure et demye, de sorte que je envoiay à Mons*" de Duras un page, pour luy dire qu'il y avoit fort long temps que je l'attendois et qu'il estoit fort tard. Mon page y allant les trouva comme ilz venoient; je commençay à les veoir venir sur deux chevaulx d'Espagne, l'un bay et l'autre gris. Cependant, Mons"" de Lesignan, qui avoit veu venir mon page, pensant que je luy envoiasse pour le prier de se retirer, se retira loing, qui empescha qu'il ne peult veoir sortir lesdicts de Duras et Rozan et ceulx qui sortirent. Nous nous arrestames incontinant et vismes qu'ilz mectoient pied à terre : à quoy je priay Mons' le baron de Sallignac de s'avancer vers [eulx] et leur dire que c'estoit trop près de la porte. Hz faisoient quelque difficulté de remonter à cheval ; ce que voiant, je m'avançay vers eulx, d'aultant que je voiois venir quelques hommes qui couroient tant

qu'ilz pouvoient, n'estans pas deux cens pas de nous, et leur dis que résolument c'estoit trop près. Et leur dis : voilà des gens qui viennent, qui nous empescheroient de nous battre, et qu'il failloit aller plus loing; Guidant à la vérité que ce feussent gens de la Royne qui vinssent pour nous en empescher. Enfin, ilz montent à cheval, et commenceasmes à galopper comme qui yroit à la Gassagne^. En galoppant, je demande au s"" de Rozan s'il avoit de dague, qui me dist que ouy : à quoy je*respondis que j'en avois aussi, mais que je le priois que nous les gections là; ce qu'il ne voulut faire. Le s' de Duras commença à dire qu'il n'en avoit poinct, et le s"" de Sallignac luy dist qu'il en avoit une, mais qu'il la jecteroit là, ainsi qu'il feit tout aussitost. Gomme nous eusmes galoppé environ trois cens pas, estans presque vis-à-vis d'une chappelle qui est à costé du gravier, nous mismes pied à terre; mais, voiant le s"" de Rozan botté et esperonné, je le priay d'oster ses espérons, et que cela l'empescheroit; ce qu'il feist. Là-dessus, ledict s" de Duras s'aproche et me dist : « Monsieur, vous plaist-il pas que je vous visite? » A quoy je respondy que ouy; ce qu'il feit. Et là-dessus je luy dis que je ne le voulois poinct visiter; et, parlant audict s' de Rozan, qui estoit à dix ou douze pas près de moy, s'il estoit poinct armé : il leva son pourpoinct, qui n'estoit pas attaché à ses chosses, et me dist : « Je ne le suis pas. » Je luy respondz que je me reposois sur cela. Alors, le s"^ de Duras se retira quatre ou cinq pas en arrière,

1. La Cassagne est un château situé sur la commune de Pontdu-Casse, à 7 kil. d'Agen.

et lors je mis la main à l'espée, d'aultant que le s"" de Rozan l'y avoit long temps auparavant.

Le s"" de Duras me demande ce que j'avois à demander à son frère; je luy dis que, aux troubles de l'an V LXXVI, ceulx de Chasteljaloux jeetèrent Mons"" de Savillhan dehors et que, ayant mis Mons"^ de Rozan, son frère, pour y commander, qu'il m'avoit faict reffuser les portes, et que, estant à Cleirac quatre jours auparavant, il m'avoit promis de m'y faire tout l'honneur qu'il debvroit et de m'y laisser entrer quand je vouldrois, et que, pour me satisfaire, il failloit qu'il désadvouast ceulx qui i'avoient faict. A quoy ledict s'^ de Duras me dist que, s'en estant allé à Duras, il avoit commandé à ceulx qui commandoient audict Chasteljaloux soubz luy de n'y laisser entrer personne. « Ho ! ce diz-je, cela ne me contente pas, et, s'il falloit me contenter, falloit que ce feust la ville. » Là-dessus, ledict s"" de Duras print la parolle et dist : « C'est que vous aviez dict que vous y vouliez mectre Savaillan. » Je respondiz que cela estoit faulx et que je n'en a vois jamais parlé, ny pensé mesme de le faire. Je partz alors et m'envois droict audict s' de Rozan et, du premier coup, je luy donne une estocade dans l'estomach ; il commença à reculler le plus qu'il est possible. Je luy tiray cinq ou six estocades, qui tous portoient sur luy : toutesfois, pas une ne persa le pourpoinct. Le poursuivant et le pied m'ayant glissé, je tonibay, et, estant à terre, il me donna un coup dans la chausse, qui ne me blesse poinct. Je me rellève soudain et commence à le recharger; il me tourne le doz et commence à fuyr tant qu'il pouvoit courre. Cependant, je entcndois le baron

de Sallignac qui disoit au s"" de Duras : « Prenez une espée » ; lequel n'en voullut poinct prendre. Ledict Duras commence à crier à son frère : « Vous fuiez, vous faictes le poltron. » Il tourna, et, en tournant, ledict de Rozan tumba. Je luy diz adonc : « Lève toy. » Là-dessus, je me sentiz chargé de six ou sept, qui me baillèrent troys coups d'espée par derrière, et deux par le devant, tout en ung mesme temps sans que ledict de Rozan s'aprochast de moy. Incontinant, ledict de Duras commence à crier à ses gens : « Tuez, tuez le baron de Sallignac » ; qui dict que cinq ou six s'avancèrent pour le charger, et ung, entre aultres, qui est fort blond et avoit un manteau rouge doublé de vert, quiestoit cinq ou six pas devant eulx, lequel, voyant le s"" de Sallignac aller à luy, se retira jusques à ces compagnons; et tous eulx ensemble se retirèrent plus de huict pas : ce qui empcscha de veoir ce que ledict s"^ de Duras feit. Depuis, lesdicts me laissèrent, après m'a voir blessé de seize ou dix-sept coups d'espée, et estant tout en sang, je chargé encores ledict s'" de Rozan, lequel je feis encores fuyr et reculler devant moy. A ceste heure- là, ledict s"" de Duras luy cria encores les mesmes motz qu'il avoit faict auparavant, et, prenant une espée, s'en vint à moy et me tire une estocade qui ne fit que perser le pourpoinct. « Ha, ce diz-je, c'est une grande meschanseté ! Ce n'est pas la courtoisie que le baron de Sallignac t'a faicte et celle que j'ay faicte à ton frère à ceste heure, oultre celle que je luy feiz auprès d'Eguillon. » Là-dessus, je m'arrestay; et vint un garson de la fruicterie de Madame la princesse de Navarre, qui me dist : « Mons"^ de Thureyne retirez-vous ; il vous tueront. Las, ce dis-je,

c'est trop estre armé et encores estre dix ou douze sur ung homme! » Je me mis adoncà main gauche et eulx à main droicte; et commençasmes à nous en aller vers la ville. Comme j'euz faict environ deux cens pas, je trouvay Mons"^ de Lesignan, avec deux de ses gens, auquel je dis : « Vrayement, voilà de mesclians hommes : estre armés et encores estre dix ou douze sur ung homme. » Il me demanda si j'en avois dans le corps : je luy diz que non ; mais que je ne sçavois si une estocade que Duras m'avoit donnée, luy monstrant l'endroict où il m'avoit blessé. Là-dessus, je trouvay encores Mens'" le mareschal de Biron, auquel je tins mesme langaige, et me retiray en mon logis.

Rapport en forme de lettre sur le duel survenu ENTRE Jean de Durfort, vicomte de Duras, et SON FRÈRE Jacques, d'une part, et Henri de la Tour, vicomte de Turenne, et le baron de Sali-

GNAG, d'autre PART. NÉRAC, 18 MARS 15791.

Messieurs, d'aultant que le xvii^ de ce moys est advenu que Mons' de Turene a esté blessé hors les portes de la ville d'Agen et que plusieurs, ne sachans comme le faict est passé, pourroient en prendre et donner l'alarme en divers endroictz et en tirer des conséquences préjudiciables au bien de la paix, laquelle doibt estre stable et maintenue par tous les gens de bien, comme estant nécessaire en ce royaulme à la

1. Bibl. nat., f. Dupuy 744, fol. 82 r*". — C'est une sorte de circulaire faite sans doute par un des ministres protestants qui étaient venus à Nérac pour traiter de la paix.

conservation des Églises; j'ay bien voulu vous tenir particulièrenrient advertiz par la présente de tout ce qui est faict, qui est tel que, d'aultant que, en l'année 1576, ledict s^ de Turene estant nommé et esleu général des églises de Gienne, se resentoict de ce que le s"^ de Rausan, frère du s"^ de Duras, avoict tenu quelque propos qui sembloict estre au désavantaige du s"^ de Turene, le 13 de ce mois, estant le s"" de Turene allé à Agen de nostre part, pour faire dresser, avecques le conseil de la Roy ne mère du Roy, les commissions et instructions qui estoient requises pour l'exécution de l'eedict et de ce qui a esté arresté à la conférance, et, trouvant ledict s' de Duras en ladicte ville, l'auroict faict appeller ledict jour pour se trouver delà la rivière, luy seul, et y seroict allé l'attendre de bon matin; mais, aiant esté cela descouvert et entendu de ladicte dame Royne, non seullement ledict s"" de Duras ne seroict sorty, mais aussy ledict s' de Turene auroict esté mandé de s'en retourner en ladicte ville par Sa Majesté, laquelle n'auroict cessé JQsques ad ce qu'elle les eust accordez et faict embrasser par après. Le 1 6 de ce moys, le s"" de Rausan estant arrivé à Agen, ledict s"" de Duras seroict venu trouver ledict s'' de Turene en son logis, luy parlant tout hauit, le priant bien fort d'estre moien que le chasteau de Mucidan, qui auroict esté naguères surpris, fust rendu à Madame de Granmont, sa bellemère, à qui il apartient; mais, après ce propos, il tira ledict s*^ de Turene près de la fenestre de sa chambre, luy disant que son frère estoict venu et qu'il estoict prest de le mener par la main pour vuider le différent, ainsy qu'il l'auroict promis au s"" de

Lavardin : de quoy ledict s"" de Turene démonstra estre fort aise, le louant et luy faisant entendre qu'il le tenoict pour gentilhomme d'honneur et de valleur d'en user de ceste façon; sur l'heure, acordèrent d'un lieu hors la ville, sur le gravier, et, aflfin que leur entreprinse fust mieulx couverte, fut arresté entre eulx que ledict s"" de Turenne sortiroict avecq le baron de Salignac par la porte du Pin ^ et le dict s"^ de Rausan, secondé de sondict frère par la porte du gravier. Le lendemain matin, ledict s"" de Turene, secondé dudict s*" baron de Salinac, se trouva à la porte du Pin, avant qu'elle fut ouverte, de peur de n'estre d'assés bonne heure à l'assignation, et, à l'ouverture, ilz sortirent et attendirent lesdicts deux frères environ une heure et demie sur la place, tellement que, s'ennuyans, mandèrent ung page pour les haster, lequel les rencontra montés sur chevaux d'Espaigne et galopans pour se rendre audict lieu; où, estans arrivez, ilz eurent ensemble quelque propos, et enfin, ledict s"" de Turene déclarant qu'il ne pouvoict estre satisfaict, si ledict s"^ de Rausan ne confessoict qu'il n'avoict sceu que ledict s' de Turenne feust général, lorsque les portes de ladicte ville luy furent fermées, ou qu'il ne sçavoict pas qu'il y debvoict venir, feut entre eulx promptement arresté de venir aux mains; et, par ce que ledict s' de Turene advisa une troupe qui venoict après ledict s"^ de Duras, fut d'avis de galopper encores jusques à quatre ou cinq cens pas davantage, pour

1. La porte du Pin existait encore il y a quelques années; elle était située à Test d'Agen.

s'en reculer, ce qu'ilz tirent; et, ayans mis pied à terre, comença ledict s"" de Turenne à charger si vivement ledict s"^ de Rausan, qu'il le feict reculer environ quatre-vingtz ou cent pas, jusques à tourner le dos, ayant ung coup à la souris du bras, encores que ledict s"^ de Duras luy criât de tenir bon; et, enfin, fut jecté par terre, sans que ledict s"^ de Turenne le voulut charger lors; ce que voyans, dix ou douze cappitaine et soldatz, qui avoient suivy ledict s"^ de Duras, meirent tous à l'instant l'espée à la main, pour charger ledict s'^ de Turenne, auquel ilz donnèrent jusques à quinze ou seize coups sur la teste, au visaige, à l'espaule et aux reims, et presque tousjours par derrière, tellement qu'ilz l'abbatirent, luy ruant tousjours des coups qui portoict avecq la dacgue. D'autre costé, le baron de Salignac chargea ledict s'" de Duras, auquel ayant donné ung coup d'espée en la main, qui luy persa le bras, et, incontinent luy ayant saisy sadicte espée, luy donna une estocade soubz le bras, qui ne le blessa, et ung autre coup fort grand à la cuisse, et luy rompt son espée; et lors, ledict s*" de Duras, se voiant sans espée, le pria de le traicter en homme qui n'avoict poinct d'armes : à quoy le baron de Salignac respondict qu'il n'avoict jamais acoustumé de frapper gentilhomme qui n'eust de quoy se deffendre, le pressant de prendre une espée de ses gens qu'il voioict là près, ou qu'il le tueroict; ce que ledict s"" de Duras ne voulut faire, parce qu'il ne cognoissoict, comme il est à présumer, la bonté de l'espée de ses gens. Lors ledict s"^ de Duras cria à son frère, qu'il voyoict reculer, de tenyr bon et de ne faire le poltron : mais ledict baron de Salignac le menaça de tuer, s'il ne se taisoict.

Aussitost, ledict s*" baron veid ledict s"^ de Turenne abatu par terre et environ dix ou douze espées à l'entour de luy qui le chargeoient; ce qui le fit partir, pour l'aller secourir contre ceulx qui le traictoient si mal, lesquelz, estimans qu'il fut mort, le laissèrent; et ledict s*" de Duras, voiant ledict baron empesché après ceulx qui chargeoient ledict s*" de Turenne, print une espée et s'aproche dudict s' de Turenne, estant encores par terre, luy rua ung coup. On tient que ledict s"^ de Rausan avoict une maille soubz son pourpoinct, pour ce que, de deux ou trois grandes estocades que ledict s"" de Turenne luy donna, il n'y eust une seulle qui peut passer, comme il semble aussy qu'il soict à juger par la poincte de l'espée dudict s' de Turenne, lequel fut alors remené à la ville par le s"^ de Lusignen, qui s'y trouva sur la fin.

La Royne, mère du Roy, monstre en avoir grand desplaisir et mescontentement, pour la conséquence de telz faictz sur le commencement d'ung establissement de paix et après ung accord que avoict esté par elle faict entre ledict s"^ de Turenne et de Duras. Une chose contente beaucoup de gens que ledict s*" de Turenne est hors de danger; de quoy il a semblé estre besoing de faire ce brief et véritable discours, affin que personne ne se serve de ce faict à quelque impostures et faulx bruictz et calomnies, et que, pour ce regard, le bien de la paix, auquel ledict s' de Turene a tant travaillé, ne soict retardé ou empesché, laquelle tous les gens de bien doibvent maintenir ung chacun en unyon et bonne concorde.

Faict à Nérac, ce 18^ mars 1579.

Sommières, 26 mars [1579^].

Monsieur, ceste n'est à aultre fin que vous dire combien les gens de bien sont en paine de sçavoir de vostre portement, par avoir veu lettres de la Royne, mère du Roy, mandant qu'elle feroit faire justice exemplaire de ce qui estoit advenu entre le sieur de Duras et vous, à quoy on a adjousté qu'estiés blessé en troys lieux ; aussy, pour vous assurer que, n'estoit le commandement et haste que j'ay pour le voyage où je suys, je retorneroys très volluntier pour vous faire service en tout ce que j'auroys de moyen et vous offrir moy-mesme ce que fera la présente : c'est que je vous supplie de disposer de moy et de mes amys en tout ce qu'il vous plaira, pour vous accompagner à prendre la raison de ce fait et aultre qui vous pourra jamays importer, autant gaimant^ et volluntier qu'amy et serviteur que puissyés choisir : deux cent lieux de chemin, ne troys, que j'ay à faire, ne peuvent tant me retenir qu'il fault de temps à vous guérir. Faittes-moy cest honneur de croire que, si m'enployés et commendés de vous venir trouver, que, laissant mes affaires particullières en la main de Dieu, je ne vous abandonneré, que celles où vous vous vouldrés servir de moy ne soyent faictes ; je le dis an pattoy et rondeur, que j'ay appris des gens de bien de nostre pays, qui ne sçavent