Bellenaves (Allier), arr. de Gannal

nommé de ce nom et non de Bellenave, disant qu'il n'estoit qu'un valet, de façon que ceux qui le tenoient crurent cela, et le laissèrent aller sans payer auciftie rançon, qu'il eust bien payée de deux mil escus. De là, je m'en allay à Joze, lieu de ma naissance, où je n'avois esté depuis que je fus mené à Chantilly, là où je fus fort visité de la noblesse.

Le Roy despescha le sieur de Maignanne, enseigne d'une des compagnies des gardes-du-corps, avec commission au sieur de Saint-Héran^, gouverneur d'Auvergne, de lui tenir main forte pour me prendre. Ledict sieur de Saint-Héran, qui avoit esté lieutenant de la compagnie de cent hommes d'armes de Mons' le connestable, et fort affectionné à feu mon père et à toute nostre maison, respondict audict de Maignanne qu'il estoit prest à faire ce que le Roy luy avoit commandé, mais qu'il ne sçavoit de qui se servir dans la province, où ma maison estoit aymée et honorée et des villes et de la noblesse; qu'il falloit avoir des forces d'ailleurs, que j'estois accompagné de cinquante ou soixante gentilshommes; qu'il prioit ledict Maignanne de ne se monstrer, de crainte que dans Glermont, où ils estoient, on ne lui fist déplaisir. Il me donna avis de l'arrivée dudict Maignanne et du commandement qu'il avoit, me conseillant et priant de prendre garde à moy et de m'oster de là ; je me résolus de m'en aller à Turenne.

Je pars de Joze fort bien accompagné, et vins à

1. Montmorin, sieur de Saint-Héran, dans sa jeunesse cornette de la compagnie du connétable, fait prisonnier avec lui à la bataille de Saint-Quentin.

72 MÉMOIRES [Juin 1574

Chasteaugué', où estoitMons'" de Fleurât; je séjournay là trois jours, courant la bague, et passant le temps avec plus de cent gentilshommes. Sçachant que Maignanne observoit mes actions et soUicitoit Mons"" de Saint-Héran à l'exécut-ion de sa commission, j'avisay d'envoyer Le Jeune, qui avoit le guidon de ma compagnie, à Glermont, accompagné de huict gentilshommes; descendit au logis où estoit Maignanne, lequel, les voyant entrer, monta en une chambre, où il fut suivy par ledict Le Jeune, lequel le prenant par le bras luy dict que Mons"" le vicomte de Turenne vouloit sçavoir qui il estoit; soudain, l'autre descend le degré et va à l'escurie faire apprester ses chevaux, et alla trouver le sieur de Saint-Héran pour prendre congé de luy, recognoissant qu'il falloit d'autres forces pour faire obéir le Roy. Il ne fut empesché de ce dessein, et n'eust asseurance qu'il ne sortist de l'Auvergne, ce qu'il fîst en un jour.

Je m'acheminay vers Turenne, et estois dans la montagne du Cantal en un lieu nommé Vic^, prétendant de m'en aller le lendemain coucher à Roquebée, maison qui estoit lors au sieur de Montai^, qui m'appartenoit de quelque chose. Je fus averty qu'il avoit retiré quelques hommes dans sa maison pour assassiner la pluspart de ce qui estoit avec moy, et me prendre prisonnier, trahison fort grande, d'autant que je l'avois obligé diverses fois estant à la cour, et luy