DIVERSION DANS L’EST

”. \J'ay esté long en ce propoz, et est temps que je retourne au myen.

Dès que ces seigneurs furent arrivéz devant Paris, commancèrent tous à practiquer leans et à promectre offices et biens et ce qui povoit servir à leur matiere. Au bout de trois jours, feirent grant assemblée à l’ostel de la ville de Paris, et après grandes et longues parolles et ouyes les requestes et sommations que les seigneurs leur faisoient en publicque et pour le grand bien du royaulme, comme ilz disoyent, fut conclud d’envoyer devers eulx et entendre“ à° pacification!.

I1z vindrent en grand nombre de gens de bien vers les princes dessusdictz au lieu de Sainct Mor et porta la parolle maistre Guillaume Chartier, lors evesque de Paris?, renommé très grant homme. De la part des seigneurs parloit le conte de Dunoys. Le duc de Berry, frère du roy, presidoyt, assis en chaire, et tous les autres seigneurs debout. De l’un costé estoyent les ducz de Bretaigne et de Calabre et de l’autre ledict seigneur de Charroloys, qui estoit armé de toutes pièces, sauf la teste et les gardebras3 et une mantelline fort riche sur la° cuyrace; car il venoit de Conflans, et le boys de Vincennes

a. entreprendre À et B. — b. à omis par P. — c. sa P.