ENTRÉE DE CHARLES LE TÉMÉRAIRE A LIÉGE ET A GAND

Lequel, l’endemain que les portes eurent esté baillées, entra en la cité de Liége à grant triumphe!, et luy fut abatu xx brasses de mur et uny le fossé du long de la grand rue. A l’envyron de luy entrèrent à pied bien deux mille hommes d'armes arméz de toutes pièces et dix mille archiers, et s’y demoura largement gens en l’ost. Luy estoit à cheval avecques les gens de sa maison et les plus grans de l’ost, les myeulx paréz et accoustréz qu’ilz povoient estre, et ainsi alla descendre à la grande eglise. Et, pour le vous faire court2, il sejourna aucuns jours en la cité. Il y feïst mourir v ou vi hommes de ceulx qui avoyent esté de ses ostaiges et, entre les autres, le messaigier de la ville, lequel il avoit en grant hayne. Il leur ordonna aucunes loix et coustumes nouvelles3. Il imposa grans deniers sur eulx, lesquelz il disoit luy estre deüz à cause des paix et apoinctemens rompuz les ans precédens.

Il emporta toutes leurs artilleries et armeüres et fist raser toutes les tours et murailles de la cité, et puis retourna en son pays, où il fut receü à grant gloire et en grant obeissance, par especial de ceulx de Gand, qui“, paravant qu'il entrast audict pays de Liége, estoient comme en rebellion avecques aucunes des autres villes. Mais à? ceste

a. que P. — b. de P.

1. Sur cette entrée, cf. G. Kurth, La cité de Liége au moyen âge, t. Il, p. 275, et H. Pirenne, Histoire de Belgique, t. II, p. 283; 3° éd., p 309.