OPÉRATIONS EN FRANCHE-COMTÉ

congnoissance paravant, especiallement de monnoye d’or, que ilz ont esté fort près de se diviser entre eulx. Autrement ne leur sçauroit-on nuyre, tant sont leurs terres aspres et pouvres et eulx bons combattans ; par quoy peu de gens essayeront “ à leur courre sus.

Faict ces traictéz et tous les Allemans qui estoient en Bourgongne retiréz au service et gaiges du roy, la puissance des Bourguygnons fut de tous pointz rompue. Et, pour abbreger la matière, après plusieurs neufves choses faictes par le gouverneur de Chaulmont, il assiegea Rochefort !, ung chasteau près Dolle, où estoit messire Claude de Vauldrey, et le print par composition.

Après assiégea Dolle, dont son predecesseur avoit esté levé, comme j’ay dit, et fut prinse d’assault. On dit que aucuns Allemans, de ces nouveaulx reduictz?, cuydèrent entrer pour la deffendre ; mais en leur compaignye se misdrent tant de francs archiers (sans entendre la malice, mais seulement pour gaigner) que, comme ilz furent dedans, tout ce print à piller, et fut la ville bruslée et destruicte.

Peu de temps après ceste prinse, il assiegea Aussonne, ville très forte, mais il avoit bonne intelligence dedans, et escripvit au roy pour les offices , pour aucuns qu'il nommoit, avant que y mectre le siège, ce que voluntiers luy fut accordé. Combien que je ne fusse point sur le lieu où ces choses se fai-

a. essairoient M ; assairoient P ; aymeront À ; il faut remarquer que B. de Mandrot attribue par erreur à D la leçon essayeroient.