LA HAUTE ALSACE CONTRE HAGENBACH

povez entendre les querelles que le roy suscitoit secrettement audict duc de Bourgongne:.

Tout ainsi comme cecy avoit esté conclud, il fut executé ; car en une belle nuyct fut prins messire Pierre d’Archambault!, gouverneur du pays de Ferrecte pour le duc de Bourgongne, avec huyt cens hommes de guerre qu'il avoit, lesquelz furent tous delivréz francs et quictes, excepté luy, qui fut mené à Basle, où ilz luy feïrent ung procès sur certains excès et violances qu'il avoit faictz audict pays de Ferrecte. En fin de compte luy tranchèrent la teste ; et fut mis tout le pays de Ferrecte en la main dudict duc Sigismont d’Autriche ; et commencèrent les Suysses la guerre en Bourgongne et prindrent Blasmont?, qui estoit au mareschal de Bourgongne, lequel estoit de la maison de Neufchastel. Les Bourguygnons allèrent pour le secourir, ilz furent desconfitz?. Lesdictz Suysses feïrent un grant dommaige au pays et puis se retirèrent pour ceste bouttée.

[CHAPITRE III