DONS DE LOUIS XI AUX ÉGLISES

envoya. Aulcuns vindrent parler à luy, ausquelz il ne parloit que de cest alongement de vie. La pluspart respondirent saigement, disant n'avoir point ceste puissance. De grandes offrandes faisoit et trop, à l’advis de l’arcevesque de Tours, homme de saincte et bonne vie, cordelier et cardinal, lequel, avec plusieurs aultres choses, luy escripvit qu'il luy vouldroit myeulx hoster l’argent aux chanoynes des eglises, où il faisoit ses grans dons, et le departir aux povres laboureurs et aultres qui paient ces grans tailles, que de lever sur ceulx-là pour le donner aux riches eglises et aux riches chanoynes où il le donnoit. Et monta bien en ung an ses veuz et ses offrandes et reliquaires qu’il donna et chasses, comprins la grisle d’argent de Saint-Martin de Tours, qui pesoit près de dix® huict marcs d’argent?, et la chasse monseigneur sainct Eutroppe de Xainctes et autres reliquaires qu’il donna à Coulongne, aux Trois Rois, à Nostre Dame d’Ez à, en Almaigne, à Sainct- Servés d’Utrecht, la chasse sainct Bernardin à l’Aquille ‘, au royaume de Naples, et les calices d’or envoyéz à Sainct- Jehan de Latran, à Rome, et plusieurs aultres presens d’eglise, tant d’or que d’argent, en son royaulme, le tout se monta bien sept cens mille francs.

De terres donna ? grand quantité aux eglises ; mais ce don de terres n’a point tenu. Aussy il en y avoit trop‘.

a. dix manque dans tous les manuscrits, mais doit être nécessairement suppléé. — b. donna-il M. — c. Les deux lignes de cet alinéa figurent dans D, contrairement à la note de l'édition B. de Mandrot, 1. IT, p. 54.

1. Hélie de Bourdeille, qui mourut en odeur de sainteté le 5 juillet 1484.

2. B. de Mandrot, au t. II de son édition, p. 53, n. 3, donne le chiffre exact : 16,776 marcs 2 onces 1 gros, d’après un document publié par lui dans son édition de Jean de Roye, t. II, p. 77.