CCXXXIX. — ^ LETTRE DE M. ASSELINEAU

ué M, Duplessis,

Moj^siEUR, ce dernier courrier de Lyon m'a apporté trois des vostres, c'est ai sçavoir du 20* et 24** juillet, et du 7 d'aoust. Je ne me puis imaginer d'où procède ceste reserve , si ce n'est à Paris ; car ici elles passent par les mains de >nostre bon padre. Sur la perplexité

de ràf&ire de l'abbaye, j'ai différé à vous en donner advisy et aussi qu'il n'estoit rien surveneu digne de vous ; maintenant il est décidé depuis peu , à l'instance des ministres de nostre roy , et au grand regret de gens de bien qui l'avoient pour sainct |)retexte, bien que c'ait esté avec beaucoup d'honneur de ceste republique , et grande ignominie du pape , qui s'est tant abâisé tout à coup, qu'il en a quasi passé par où elle a vouUeu, lui communiquant la minute des bulles, pour les dresser à leur bon plaisir, et se contentant de beaucoup moins de ce qu'il avoit refusé au commencement; car le cardinal est demeuré pur pension* naire de cinq mille ducats di caméra; le fils d'ung des principaulx procurateurs de ceste seigneurie, titulaire de l'abbaye , et les moines réintégrés en leur premier droiçt, par clausules expresses et avec meilleure pension , et indépendante de l'abbé. Si du commencement le bon père eust poussé k la roue comme il a faict depuis , et lorsque le remède en estoit doubteux , sans doubte l'eschec et mat en eust esté encores plus rude. Ce qu'on a gaigné est que doresnavant le concile de Trente n'aura qu'autant de vertu que pourra comporter le propre interest , puisque lui mesmes l'a , dressé à ceste règle là , et par acte signalé. Ainsi se sappent insensiblement les fondemens, qui n'est peu à mon jugement. On s'apperçoit bien que la dévotion de Rome se va fort refroidissant , et ne tient plus qu'à ung filet; c'est pourquoi on tasche à présent de la voulloir reschauffer et rattacher par voye de doulceur, et suis bien abusé si on retombe plus en ces aigreurs passées , tant on s'y sent eschauldé ^ si ce n'est d'adventure par industrie et prudence de ces seigneurs. Le restablissement de la liberté de conscience, quasi

384 LETTRE DE M. ASSELINEâU

par toute rAlIemaigne, et l'alliance de ces princes et villes n'y aident pas peu , et ravallent merveilleusement ce faste romain. Nous sommes bien advisés , et de bon lieu , que les troubles de Cleves se passeront sans coup , frapper, puisque ni l'empereur, ni le roy d'Espaignc, ni l'archiduc Albert, ni mesmes les princes papistes d'Allemaigne , ne s'en veullent mesler , et que Tarchiduc Leopold en est révoqué ; que les Bohémiens ne quitteront les armes que ceulx de la Styrie, Garinthie et Carniole ne soient interinés en leur requeste, desjà réitérée et ensuivie de grande esmeute, spécialement contre les jésuites qui preschoientseditieusement contre eulx. Ce qui nous touche de plus près, et à nostre plus grande consolation , est que l'archiduc des susdictes provinces , se voyant pressé de la façon , ne sçait à quoi se resouldre , prévoyant la bourasque de plus hault, et dont il ne se peult mettre à couvert a\ec les jésuites qui le commandent à la baguette , et ayant protesté en bonne compaignie que volontiers il feroit eschange de son domaine à ung moindre de son contentement, s'il le trouvoit, pour sortir de cest esmoi, dont l'appréhension lui est redoubtable. Soubs ombre d'une dévotion de Nostre Dame, qui est aulx confins de la Styrie et du Tyrol, il s'est abouché avec le duc de Bavieres, et ne sçait on ce qu'ils ont resoleu ensemble. Vous nous l'avés bien prognostiqué de vostre grâce, et commençons à bien espérer de ce costé là, puisqu'on y chemine de si bon pied. A la vérité, le livre du roy de la Grande Bretaigne est une très bonne pièce, mais qui eust esté receue plus universellement s'il eust parlé plus couvertement , et eust mieulx rapporté le tout au commung interest des princes; es- . tant telle qu'elle est , on ne se pouvoit promettre eh

Italie aultre de ce qu'elle a prôduict lorsqu'elle y a esté présentée. En Savoye, on ne Ta vouUeu accepter. A Milan , le comte de Fuentcs l'a faict couper en pièces.' A Florence, la nouveau grand duc l'a donnée à Vinquisiteur pour la brusier. Quant à ces seigneurs , ils Tont acceptée avec beaucoup de remerciemens ; mais ayant esté, par edict public, condamnée à Rome d'heresie , ils n'ont peu empescher ouvertement que l'inquisiteur n'en ait peu faire secrette deffense, et à voix seulement, aulx libraires de la vendre publicquement. Cela tôutesfois a tellement indigné l'ambassadeur d'Angleterre , que sans délai il alla protester en plein collège que cest acte , bien que sourd , estoit incompatible avec la bonne intelligence et amitié de son prince, avec la bienveillance qu'ils avoient demonstree en recevant le présent , et avec son propre honneur, qui ne lui permettoit de plus résider ici comme ambassadeur ; de sorte qu'à ceste heure que je vous escris, il s'est retiré en son logis comme personne privée, et ne retourne plus à l'audience en aultre qualité , et sans estre appelé. A ce ressentiment si soubdain on a pris l'allarme, et y a on pourveu au mieulx qu'il a esté possible , ayant' esté esleu ambassadeur extraordinaire le meilleur subject et compatriote de leur republicque, nommé Franiçois Contarini , pour aller donner toute possible satisfaction à ce roy là, et en toute diligence, lui ayant enjoinct de partir dans huict jours tout au plus tard. Par mesme moyen , il pourra adoulcir aussi le desgoust surveneu de delà quasi au mesme temps , à l'occasion de .certains brevets diffainatoires, qui feurent trouvés au logis de leur ambassadeur résident, et dont en aurés peultestrè esté adverti par voye d'Angleterre. De cest expédient il sera aisé à cognoistre en

Ms^ff. DE DUPLBSSIS-MORNAY. ToMK X. 25