CCLVII. — * LETTRE

De M. le duc de Deux Ponts h M. Duplessis,

Monsieur, je vois qu'estant assés informé de ce qui s'est passé au pays de Cleves depuis la mort de M. mon oncle, le feu duc dernier decedé. Vous sçavés aussi, monsieur, le droict que ma maison a à prétendre à la succession dudict feu duc ; mais d'autant que les deux premiers qui sont à Dusseldorf, par la possession qu'ils ont prise du pays , veullent comme forclore ma maison, ou pour le moins la recevoir avec telle somme qu'ils trouveront bon, ce qu'ils ont mis en la teste presque de tout le pays par divers escrits qu'ils ont faict imprimer. J'ai esté contrainct de faire de ce costé ici imprimer une déduction du droict de ceste maison, par laquelle ceulx qui pourront avoir esté trop imbus des aultres escrits, puissent voir que nous avons envers nostre droict libre, et que mesmement, comme on a faict accroire à quelques ungs, nous nous pouvons tenir contens de leurs procédures. Me soubvenant, monsieur, de noslre bonne amitié et cognoissance, je vous ai aussi voulleu envoyer quelques exemplaires de la déduction susdicte; et parce qu'elle est en allemand, j'ai cru qu'aimeriés mieulx la voir en françois. Je l'ai faict traduire comme verres par les ci joinctes pièces, vous suppliant bien humblement de prendre la peine de la lire et m'honorer de vostre très sage advis , et comment il vous semble que j'aye à me comporter en cest affaire. Ce faisant, vous m'obligerés de plus en plus à vous rendre service. Je finirai ceste lettre avec pryere que je fais à Dieu, monsieur, qu'il lui plaise vous con-

A M. DUPLESSIS. 4o5

server longuement, heureusement pour le bien de son estai et Eglise. Voslre bien humble et très affectionné pour vous faire service ,

Jehan, comte palatin.

Du a4 octobre 1609.