LETTRE DE M. DE LA. NOUE

LXXXVIU. — LETl'RE DE M. DE LA NOUE

A M. Duplessù.

MoNSîFUR , il ne s'est présenté ci devant chose beaucoup digne de vous faire sçavoir; c'est pourquoi vous n'avés poinct eu de mes lettres. Aujourd'hui , que l'affaire de M. de Bouillon est en la bouche de tout le' monde, j'estime nécessaire de vous informer de la vérité. Depuis trois mois on en a traicté par l'entremise de madame la princesse d'Orange , et en estoit on veneu à tel poinct, que moyennant sa confession le roy pardonnoit tout , et le remettoit en ses biens et honneurs. Comme on a pensé en faire une conclusion, le roy a déclaré que tout ainsi qu'il lui bailloit toutes les seuretés qu'il demandoit, il voulloit aussi avoir des puretés de lui contre les mesfiances qu'il . en pouvoit prendre ; et l'en a on laissé quelque temps à deviner. Enfin y le mot a esté tranché que le roy voulloit avoir dans Sedan ung gouverneur et une garnison qui lui en respondissent ; et cela lui estant mandé par ung gentilhomme qu'il avoit envoyé ici, à laquelle nouvelle ayant crainct madame la princesse d'Orange qu'il ne rompist toute negotiation , elle feit tant envers sa majesté, que pour essayer à le persuader à son debvoir elle obtint que j'y feisse ung voyage. J'ai donc esté et apporté toutes sortes de raisons pour le convier à se soubmettre à toutes les volontés du roy sans aulcune reservatioji. Je l'ai trouvé obstiné à ne se voulloir dessaisir de sa place pour chose du monde ; mais bien de permettre que ceki qui y est de sa part , sa garnison et ses bourgeois mesmes fassent le serment au roy»

A M. DUPLESSIS. i^'J

f wire n'ayent serment qu'au roy, au cas qu'il contre- Tienne aulx conditions de la protection ; que sa majesté puisse entrer forte et foible comme il lui plaira , et pour preuve de cela qu'elle y aille des le lendemain de l'accord , avec asseurance d'y estre receue, feust ce avec une armée, et non seulement elle , mais tous ceulx qu'il lui plaira y envoyer, moyennant qu'elle le lui commande, et que par ce moyen elle lui soit pour garant; prest oultre cela de venir trouver sa majesté et s'en tenir ou près , ou loing , selon qu'il lui plaira ordonner. Ces offres ont esté prises pour refus, et réputées comme paroles sans effect ; de sorte que le roy, qui ne veult rien diminuer de sa demande, s'est resoleu à prendre de force ce qu'on ne lui veult livrer de bon gré. Quantité de canons et de munitions sont desjà embarqués; dix mille hommes de pied françois se lèvent, et six mille Suisses, pour s'y acheminer au plus test qu'ils seront prêts. Nous avons tous à déplorer ce malheur , spécialement pour l'Eglise , qui s'est nionstree aultrefois si charitable envers les povres réfugiés de ces quartiers; laquelle court fortune d'estre ruynee, le roy m'ayant asseuré s'il la prend de force , ne pouvoir faire aultrement qu'y installer ung catholique. Et à (elle resolution, quelle intercession pouvoit faire bresche ? Je ne sçais si nos Eglises pourroient quelque chose , et le pouvant si elles oseroient. Au moins Dieu y pourra (de qui la main n'est poinct accourcie), et fera peult estre que ce lieu , pour chose qui arrive , ne laissera d'estre tousjours ung asyle pour les affligés. Ce mouvement ne peult qu'estrede grande importance; car il meut l'archiduc à armer sur sa frontière quelques Allemands peult estre pour M. de Bouillon, peult estre aussi M. de Savoye pour Geueve, ou mesme pour la

l58 LETTRE DE M. DE LA NOUE, etc.

France , s'il voit le roy esloigné ; cinq ou six mois nous en feront sages. Cependant j'appréhende fort ceste transmigration de Paris ( où je pensois avoir posé mon siège ferme ) à Mezieres ou à Mouson. Je vouidrois estre desjà sur le retour, ou plustost n'y poinct aller. Nous avions différé depuis deux mois que nostre cahier est prest à le présenter , espérant que ceste assemblée du clergé, qui nous y peult nuire, se separeroit; mais elle tient bon encores. C'est pourquoi nous en poursuivrons lesr responses, après lesquelles chacung attend de tous costés.

Du 17 febvricr 1606.

A M, de La Noue,

MoirsiÉun , j'ai veu par celle qu'avés pris la peine de m'escrire ce qui s'est passé , tant en vostre voyage de Sedan , que depuis vostre retour, bien marri qu'après tant de telles entremises, cest affaire ne prend ung meilleur train, et pour le service du roy, et pour le repos de M. Bouillon , et ne puis dire aultre chose , sinon qu'il y a quelque fatahté qui s'oppose h tant de prudences, encores que je ne me veulx ni puis persuader, quand le roy aura bien balancé les difficultés de l'issue avec les offres de M. de Bouillon , qu'il n'aime mieulx ceste manière d'obéissance asseuree , que d'en rechercher une plus absoleue , peu certain du succès après beaucoup de frais et de peines. Ce siège ne peult estre que long, et jamais long siège ne feut sans plusieurs allarmes et in* cotivenicns. Le desespoir est ung mauvais conseiller, et en moindre nécessité nous empruntons du juif. Qui

LETTRE DE M. DUPLKSSIS, «te. iSg

ûe sçait que par moindres trous entre souvent l'estranger en ung estât ? Et ce royaulme est il en tel poincty que sans besoing nous l'y devions attirer ? Qui osera garantir aussi que pendant ceste longueur qu'on verra les forces de sa majesté attachées à une si dure bcsoigne , du milieu de tant de mescontentement fomentés de Testranger, il ne s'eleve des gens çà et là , qui se saisissent de places , en confiance que sa majesté n'y pourra jamais tourner si tost qu'elle ne les trouve en estât ? La personne du roy après , en laquelle humainement est enclose la vie de cest estât , n'y court elle pas évident hazard, en la façon qu'il a accoustumé de s'y conduire en ceste sienne valeur , qui ne vieillit point ? Et du moindre de ces inconveniens, y a il qui' puisse nous donner, ou remède s'il advient , ou caution qu'il n'advienne poinct ? Et le gain de Sedan , qui n'est poinct perdeu , si nous voulions , peut il contrepeser ces périls, le moindre d'eulx? Dieu doint bon conseil à M. de Bouillon : que le desespoir ne le porte poinct hors du debvoir et de la conscience ; mais à sa majesté aussi pour ne l'y précipiter poinct , pour ne jouer contre si peu de chose tant de réputation et de gloire ; et certes , si je vois quelque chose de si loing ^ le bien de ses affaires ne le requiert poinct. Je viens à l'interest de nos Eglises. Ceste place nous doibtestre chère, qui, en divers naufrages, a esté ung port à plusieurs gens de bien , où nous voyons periller une belle Eglise, périr sans ressource une académie; car je ne doubte poinct que la menace de sa majesté n'ait lieu , s'il force là place ; et cependant en la résolution de M. de Bouillon quel remède ? Vous me touchés que vous ne sçavés si nos Eglises y pourroient quelque chose, le pouvant mesmes si elles l'oseroient

l6o LETTRE DE M. DUPLESSIS, etc.

par leur intercession , et vous sçavés combien le roy a tousjours trouvé mauvais qu'elles s'en meslassent, et les choses se sont bien aigries depuis. Reste donc à nous pour le présent de recourir à Dieu, voir ce que le temps nous produira , qui seul quelquesfois guérit les hommes et les affaires ; mais encores que je vous plains extrêmement d'avoir avec tant de desplaisir à remuer vostre mesnage, et disputer nos cahiers sur ceste contrescarpe, si ne désespère je pas que vostre présence veillant sur les occasions n'y apporte du bien , quand de part et d'aultre les difficultés et les dangers reconneus de plus près en auront rendeu les esprits plus capables. Beaucoup d'aultres choses vous pourrois je dire sur ce subject , que vous concevés assés selon vostre prudence , et pour ce , finirai je ici , monsieur , en vous baisant bien humblement les mains, et^pryant Dieu vous avoir en sa saincte garde.

De Saulmur, ce aS febvrier i6o6.