XVII. —-V^ AD VIS

Donné à M. Marbault pour response à quelque poinct conteneu es lettres escrites par M. de Villerof à M, Duplessis.

Sur le subject duquel M. de Villeroy m'escrit, le sieur de Marbault aura à lui dire ce qui suit :

J'ai veu depuis qu'il est parti aulcungs des ministres retournans du synode national teneu à Gap, et encores que ce feust chose faicte , n'ai laissé de leur en dire mon advis.

L'occasion de ceste innovation a esté, comme j'ai entendeu d'eulx, que le sieur Febvrier, ministre de l'Eglise de Nisme8> il y a environ deux ans, ayant disputé en l'académie de Nismes que le pape estoit l'antechrist , messieurs de la court de parlement de Thoulouse décrétèrent contre lui en qualité de séditieux , dont il est encores en prévention ; et depuis quelques aultres, pour mesme subject, ont esté et sont en peine; comme ainsi soit toutesfois que chacung sçait que c'est l'opinion de toutes les Eglises reformées de la chrestienté, traictés ordinairement, pour laquelle, si elle estoit interprétée sédition , ils seroient tous en danger.

Ledict sieur Febvrier donc, représentant ce que dessus, auroit esté ad visé que ce poinct seroit inséré en la confession des Eglises de France , à l'exemple de quelques nations voisines , afîn que désormais il n'eust plus à estre teneu à sédition, ains compris soubs la liberté et relligion qui est permise en ce royaulme par les edicts de sa majesté.

Ce qui est pour respondre à ce que M. de Villeroy

A M. MARBAULT. 3t

remarque que sa majesté estime que cela a esté faict exprès pour l'offenser en la personne du pape , qu'on scait estre son ami.

Pour donc obvier aulx inconveniens qui en sont à craindre, sembleroit à propos que sa majesté mandast les députés de ceulx de la relligion qui sont près d'elle, aulxquels elle pourroit dire que n'estoit qu'elle prend plaisir à bien croire de ses subjects de la relligion, elle auroit occasion de prendre ceste innovation en mauvaise part, comme faicte pour l'ofFenser, estant telle qu'elle ne leur sert de rien , et peult nuire au repos public et au leur propre. Qu'il ne se veult poinct enquérir de ce qu'ils croyent du pape ni du siège de Rome, le laissant à leurs consciences; mais qu'aussi ne peult il souffrir que cest article nouveau soit imprimé et publié en ce royaulme, l'adjoustant à la confession que leurs prédécesseurs ont prescrite aulx roys ses de* vanciers; sur lequel lui estant faict plaincte par le pape, il seroit contrainct d'user de voyes non moins à lui desplaisantes qu'k eulx dommageables, nommeement d'en défendre la publication, impression et vente, et en somme, tout ce qui despendroit de ceste addition, ce qui mesme pourroit tirerplus oultre.

Parlant, qu'il désire qu'ils en escrivent à toutes les principales Eglises, leur remonstrant de sa part les raisons et inconveniens que dessus, à ce qu'ils se contiennent dedans les anciens termes, ne publient, impriment, ni souffrent imprimer et publier ailleurs ceste addition , et suspendent entièrement ^exécution de cest article jusques à ung prochain synode national, entre y et lequel sa majesté les rendra plus capables de ses intentions.

Promettant aussi de faire toutes poursuites contre

Sa ADVIS A M. MARBAULT.

ceuls: qui ont esté mis en peine , à Toccasion desquels

il aime mieulx croire qu'ils ont faict ceste addition

qu'aultrement.

£n novembre 1604 A

A M. Rivet y ministre de Thouars.

Monsieur, j'ai despesché le porteur, qui va trouver M. de Bourron avec ample response sur tous les chefs de ses lettres, mesme sur le mescontentement de madame la princesse qu'elle a transfus au roy et à messeigneurs ses plus proches. J'espère toutesfois que la chose leur estant bien représentée , ils n'y trouveront poinct d'inconsideration. J'en escris aussi à M. de Lomenie, puisque j'ai ce bonheur d'y estre pris à partie, dont je ne me mets pas en grande peine. Quant à envoyer vers madame la princesse , puisque madame de La Tremouille commence à se fortifier, j'estime qu'il est nécessaire et plus tost que plus tard. Le gentilhomme qu'elle y destinera pourra passer par ici sans s'esloigner , auquel je ferai tant mieulx entendre sa légation. Il sera à propos que madicte dame lui escrive une lettre , laquelle sera au moins signée de sa main , et que d'abondant madame de Saincte Croix lui en escrive une aultre , portant excuse de ce qu'elle n'aura escrit de sa propre main, estant la première lettre qu'elle a signée depuis son affliction extrême. Le subject pourra estre qu'elle la supplie d'excuser , si par la craincte et appréhension que les médecins lui donnoient qu'une subite esmotion n'accelerast son malheur, en l'extrémité où elle estoit elle mesmes agitée

LETTRE DE M. DUPLESSIS, etc. 33

de corps et d'esprit , elle la feit requérir de remettre l'honneur qu'elle lui faisoit à une aultre fois, lequel elle sçaura tousjours priser comme elle doibt, et taschera de mériter par tous services, et que cela ne Tesloigne poinct de sa bonne grâce, ni mesme de la volonté qu'elle a eue de la visiter en son affliction , laquelle s'il lui plaist continuer, elle taschera de lui tesmoigner combien elle estime l'honneur de sa consolation ; le surplus en créance sur le genlilHomme. Je vous renvoyé les lettres de M. des Bordes à M. de Sainct Germain ; aussi celles de monseigneur et madame de Montpensier, qui ne pouvoient estre plus gracieuses. Il les fault entretenir en ceste bonne volonté. Mon fils est parti cejourd'hui pour aller voir sa sœur en Bourgoigne. J'escris à M. Tilenus pour lui lever l'allarme qu'on prend ou qu'on donne sans subject. Je vous dirai pour la fin que ma version est achevée, dont je vous ferai voir ung eschantillon quand vous voul-

drés ; et sur ce , je salue , etc.

De Saulmur, ce 9 novembre i6o4*

A M. de Lomenie.

Monsieur, il y a long temps que je n'ai eu de vos nouvelles ; ung nouveau subject toutesfois vous importunera encores des miennes. J'ai sceu que sa majesté a pris en mauvaise part ce que madame la princesse voullant venir à Thouars sur les dernières heures de feu M. de la Tremouille, feut suppliée de remettre la visite à temps plus propre, et le m'impute; par où je vois que mon malheur continue d'estre tousjours

MeM. de DUPLESSIS-MOAITAT. ToMS X. 3

blasmé, ou du mal que je ne fais pas, ou du bien que je £iûfi. Il estoit toutesfois plus raisonnable de croire qii'à mon âge je n'aurois pas faict une légèreté, ni en chose qui ne me pouvoit ni nuire , ni proficter une escapade ; car que pouvois je mesmes recevoir de sa présence que de Thonneur ? La vérité est donc que M. et madame de La Treraouille me requirent d'aller à Thouars en c^ste extrémité. J'y arrive le samedi après disner , et il mourut la nuict du dimanche entrant au lundi , à une heure après minuict. Il me recogneut, parla à diverses fois à moi, aultantque la nature de son mal le pouvoit porter ; me recommanda fort expressément madame sa femme, MM. ses enfans et sa maison, et m'obligea par la confiance qu'il prenoit de moi, laquelle ne nuira poinct plus au service du roy , que l'amitié que vivant il me tesmoignoit. Le dimanche sur les trois heures après midi , ayant comme perdeu la parole , arrive un lacquais de madame la princesse, qui demande qu'on lui envoyé un carrosse jusques à Monstreuil-Bellay. Les médecins qui ne voulloient encore désespérer, déclarèrent qu'une telle subite esmotion lui pourroit donner une seconde convulsion , à laquelleil succomberoit ; madame de La Tremouille mesmes, plus morte que vive , s'escrie que, si elle vient, il est mort , et nous prye, MM. de La Noue, de Sainct Germain et moi, d'y pourvoir; d'ailleurs, en mauvais estât de recevoir madame la princesse, à toute heure par nouveaulx accidens qui arrivoient en elle, preste de respirer. Que se pouvoit il aultre chose que de lui envoyer ung gentilhomme , par lequel elle estoit suppliée de n'accélérer le malheur de ceste povre dame et de vouUoir différer? De faict, le lundi aussitost qu'il feut decedé,.ung aultre lui feut despesché avec nouvelles