C. DE La Tremouille

En lan 1594.

%^^^^t^^mM^^^'^f*/\im^^t^/%*%m>'^^

LL — LETTRE DE M. DUPLESSIS A M. le mareschal d^Aumont.

MoirsrEUR , vous me faictes trop de faveur de vous soubvenir de moi y qui ai si peu dé moyen de vous faire

service. Mais il vous plaist d^accepter la bonne volonté de vos serviteurs. J'ai considéré la response de messieurs des estats des Provinces Unies sur les demandes de messieurs des estats de Bretaigne. C'est de quoi espérer que, quand on les pressera de près de leur promesse , on pourra estre assisté des hommes et munitions portées par leur response ; ce qui viendroit à propos pour les efFects mentionnés en vos lettres. Mais il est besoing de limiter cela à ùng certain temps, et à certaines aultres circonstances pour Taccommoder à ung certain efFect. C'est à quoi j'ai tendeu par le voyage de M. Chorin en court, et d'ung aultre encores depuis. Mais je n'en ai eu aulcune response , le roy ayant esté si occupé au siège de Laon , qu'il n'a voulleu penser à aultre chose. Sa majesté m'escrit toutesfois^ du a4 juin , qu'au premier jour elle me despeschera ung lacquais exprès là dessus. Et alors, monsieur, je ne fâuldrai de travailler , et vous advertir soigneusement du progrès. Je suis en mesme opinion de l'homme à qui vous avés affaire par delà. Ses longueurs et remises en font trop de foi. Je receus encores hier lettres d' Ancenis, où on s'en ennuyé fort. De môi> monsieur, la vérité est que sa majesté m'avoit nommé pour en traicter; mais la royne feut d'advis que je ne m'advançasse poinct qu'elle n'eust veu M. de Mercœur, et senti son humeur. C'est pourquoi j'attends son commandement. Mais s'il est tel que je m'y doibve et puisse employer pour le service du roy et bien de la province, je vous tiendrai . adverti de toutes choses. L'estat peult estre des affaires du rôy près de sa personne aura peu changer ses vo-^ lontés ; car vous scavés comme il a batteu les ennemis, qui se sont retirés avec honte et dommage notable ; et maintenant contineue le siège de Laon avec espoir do

76 LETTRE DE M. DUPLESSIS , etc.

briefVe et bonne isseue. Parmi ces combats , M. de Mon« loué avoit esté pris , lequel a esté renvoyé sur sa foi pour porter parcdes de paix au roy de la part de M. de Mayenne, qui passent mesme jusques à la générale avec TËspaignoI. il a esté et estrange et suspect que ledict sieur de Mayenne tout à coup rabbatist tant de ses premières prétentions, passant comme d'une extrémité en l'aultre. Toutesfois on est après à pénétrer le fonds ; et traicte pour cest effect M. de Sancy avec madame de Nemours; et M. de Sainct Luc est allé trouver le comte Charles. Je n'ose pour moi espérer encores ung si grand bien. Les députés de Poictiers sont retournés fort satisfaicts du roy pour leur regard. Mais M. d'Elbœiif n'y a poinct encores faict crier vive le roy. Au reste, monsieur, je loue Dieu du notable bon succès que vous avés eu en la réduction de celui que m'escrivés. Je ne fauldrai à despesclier incontinent à la Rochelle , afin qu'ils se rendent faciles à l'assister de ce qu'il sera besoing; encores que je ne fais doubte que vos seules lettres auront assés de puissance. Mais ce sera pour satisfaire au commandement que vous m'en faictes. Sur ce, monsieur, je vous protesterai de perpétuel service , et supplierai le Créateur vous avoir en sa saincte garde.

Apostille. M. de Vicose est ici des hier, qui m'a monstre article en ses instructions par lequel sa majesté le charge d'adviser avec ceulx de La Rochelle poiu* assister sa majesté de pouldres , munitions et deniers pour la Rretaigne , où sa majesté faict estât de.s'ache* miner en personne après son voyage de Lyon. Je l'ai aussi pryé pour l'af&ire que dessus.

De Saolmur, ce 5 juillet i594*

LETTRE DE MADAME CATHERINE, eu. ^^

LU. —LETTRE De madame Catherine de Navarre a M, Duplessù.

M. Duplessis, je suis très aise de ce que vous avés si bonne opinion de ma constance , en laquelle je veulx tellement persévérer que vous ni tous ceulx qui font mesnie profession n'y seront trompés. C'est sur ce subject que j'addresse à Dieu mes pryeres; et vous pouvés croire que j'y employé les plus belles heures du jour et de la nuict. Je ne doubte poinct que le changement dont vous oyés parler ne vous attriste. Pour moi , j'en porte ung tel ennui, que je ne le vous puis représenter. Mais j'espère que Dieu , qui jusques ici nous a rendeu tant de tesmoignage de sa bonté, ne nous delairra poinct, ni particulièrement celui qui, pour le bien de son peuple , ne crainct de relascher quelque chose de sa conscience , laquelle je m'asseure que Dieu lui rendra, après l'assoupissement de ces confusions, aussi saine et entière qu'elle feut jamais. C'est à nous à l'en ^ importuner par nos larmes et pryeres. Si vous ne vous hastés, l'assemblée et la bataille, s'il s'en doibt donner, seront finies. Vostre présence en l'une et en l'aultre seroit fort requise. Quoi qu'il arrive , croyés , M. Duplessis , que je serai tousjours vostre bien humble et affectionnée amie, Gatherij^te.

Du • « juillet 1594.

Au rojr.

Sire, j'ai reccu deux despescties de vostre majesté , l'une du . . du passé, par laquelle il vous a pieu me commander de sceller une commission pour la vente des bois de Domereau ; l'aultre concernant les Suisses , et pour le desplaisir que vostre majesté reçoit de ce qu'ils n'ont esté satisfaicts, à cause des difficultés surveneues sur la vente de leur ancien domaine. Sur quoi je supplierai vostre majesté de croire que les longueurs qui s'y sont rencontrées n'ont esté recherchées par vos serviteurs pour les frustrer de l'efFect de vostre bonne volonté, ains procèdent seulement de l'appréhension que chacung a d'employer ses deniers en choses dont la possession ne lui peult estre asseuree, tant que le partage de Madame et les hypothèques des créanciers demeureront à vuider. De faict, sire, ces empeschemens ont esté tels , que M. ayant employé

quattre mois à vendre deux domaines pour faire les cinquante mille escus que vostre majesté sçait, et apporté, pour l'acheminement de cest affaire, la diligence que merile l'importance d'icelle et le service de la royne sa maistresse, il n'en a sceu tirer trois ou quattre mille escus en tout , sinon qu'il eust voulleu donner les choses à si vil prix , que la conscience d'un homme d'honneur ne le sçauroit supporter. Il en est de mesme de la somme que vostre majesté avoit destinée sur pareille venle pour la fortification de Vendosme, laquelle^ ayant esté fournie par advance par le sieur de Giguellety

il ne se trouve maintenant personne qui veuille acheter à une condition. Quant au partage , sire , d'autant qu'à vo^tre séjour de Mantes vous feites démonstration de le désirer , on feit despescher à toutes les chambres des comptes pour avoir Testât des biens tels qu'ils estoient du temjps de la royne vostre mère; mais il n'a esté possible de recouvrer et recevoir, s'excusant les officiers de ne le pouvoir sitost dresser au vrai , sur ce que plusieurs aliénations ont esté faictes , qui ne se trouvent enregistrées , et cela nous a donné subject de leur faire ces jours passés une recharge, à ceste fin de les haster; mais, quelque diligence qu'ils y apportent^ j'y prévois de la longueur. Que si vostre majesté désire plus de célérité en ccst affaire, elle jugera, s'il lui plaist, s'il seroit à propos, sans entrer si scrupuleusement du dénombrement desdicts biens , d'en convenir avec Madame, réglant ledict partage selon la cognoissance quelconque que vos serviteurs peuvent avoir dudîct domaine, le respect qu'elle vous rend et l'affection qu'il plaist à vostre majesté de lui porter, dont on dressera quelques ouvertures , si vosf re majesté les agreott. Quant aulx créanciers, sire, quelque mesnage que Ton puisse faire , il est impossible d'en eschapper qu'en vendant , et malaisé de vendre en ceste nécessité qu'à vil prix. Cela nous faict resouldre , si vostre majesté le trouve bon, de, leur bailler des bois en payement, estimés à prix raisonnable, pourveu qu'ils y veuillent consentir; à quoi les veulx je disposer, et tasche on de leur persuader à tous. Car si ce poinct estoit vuidé , et celui de Madame , sire , je ne vois rien qui empesche que les Suisses ne soient satisfaicts ; aultrement j'y prévois de la longueur, nonobstant mesme l'arrest de la court sur la préférence aulx

8o LETTRE DE M. DUPLESSIS , etc. /

créanciers, qui ne peult estre exécuté sans leâ ouîr^ ainsi que ledict arrest le porte. Voilà ^ sire, ce que je puis, en première apparence, escrire à vostre majesté sur ce subject , me réservant de lui en faire response plus resoleue après en avoir conféré avec M. Rancher, et pris Tadvis de M. Calignon et messieurs de vostre conseil; en quoi j^ùserai de la diligence et fidélité que je doibs au service de vostre majesté. Quant à la vente du bois de Domereau , les mesmes difficultés TaccrO'cKeront; mais je vous supplie très humblement, sire, me pardonner si , ayant sceu à quoi vostre majesté ea destine les deniers, je suis contrainct de dire qu'en ceste grande et extresme nécessité, où vos créanciers et les gages de vos serviteurs ne peuvent estre payés ^ vostre libéralité ne doibt estre recherchée. Je lairrai ce propos, sire, pour vous dire que madame la duchesse de Rets m'a faict entendre que vostre majesté a désiré aultrefois le marquisat de Belle Isle. Si vous continués en ceste volonté , sire , j'oyrai les ouvertures qui m'en seront faictes par ladicte dame, et j'en donnerai advis à vostre majesté, laquelle je prye Dieu^ sire, voulloir conserver en sa saincte garde et protection.

De Paris, ce . . juillet i5g4*