LXII. — LETTRE DE M. DUPLESSIS A M. de La Fontaine, (r

MoirsiEUR , je vous escrivis à mon arrivée en ceste court, et depuis vous ai envoyé le duplicata. Je me plains , comme vous, de mauvaise addresse , et nous y fault remédier. En ceste ville vous avés MM. de Montigny et de LaFaye, l'ung desquels en prendra volontiers le soing. Et, pour plus de facilité, je vous envoyé avec ceste ung nouveau chiffre , selon lequel je vous escrirai , quand j'aurai advis que l'ayés receu. Vous faictes estât que M. de Montpensier va en Bret'iigne. Il estoit ainsi resoleu pour satisfaire au désir de la royne. Mais il a esté rompeu à xnesme intention , M. de Beauvoir ayant asseuté sa majesté par lettres que j'ai leues, que la royne estoit rappaisee, et avoit maintenant agréable la demeui^ de M. le mareschal d'Aumont en la province. Le nucces peult estre qu'il

(i) M. D, S. £• à Londres.

a eu à Morlais rendra aussi la chose plus favorable. Nous avons à louer Dieu de ceste grande conspiration découverte. Il monstre évidemment avoir soing de ceste princesse, en la vie de laquelle semble résider celle de son estât. Je l'impute à ce qu'à la vérité elle a esté le logis et la retraicte de l'Eglise en ces temps ; et joins mes pryeres avec celles de tant de bonnes âmes, à ce qu'il plaise à Dieu la maintenir longuement. Cependant je trouve ce traicté avec l'Espaigne dangereux, en ce qu'il est signe, après une telle injure, d'ung foible cœur et conseil. Mais plus, parce que l'attente de telles negotiations nous rend ordinairement negligens à chercher aultres remèdes à nos mauk , pour lesquels advancer nos ennemis ne dorment poinct. Pour nous , en peu de mots, vous jugerés que nous ne sommes pas sans affaires. L'archiduc Ernest s'advance pour attaquer la frontière de Picardie. Le duc de Savoye a pris la ville de Berqueras en Provence sur M. de Lesdiguieres , et tient le chasteau assiégé. Ces deux armées sont grandes. A l'une, sa majesté oppose sa personne, faisant son voyage de Lyon; à l'aultre, une bonne provision qu'il laisse es places, et une forte diversion soubs la conduicte de M. de Bouillon. Avec M. de Mayenne je ne vois pas grande apparence de paix. Il y en a plus avec M. de . 'Guise. Et les divisions, qu'ils espèrent faire renaistre entre nous, mesmes par les mescontentemensdeM. d'Espernon , les pourront rendre moins capables de raison- Quant au pape, par la dernière despesche, il ne prenoit pas encores ung chemin bien pavé pour la recognoissance du roy; au contraire, plein de captions et d'espines. La grande route receue par les chrestiens en Hongrie, et la menace de cent voiles, qui ont

donné à la coste dltalie , pourront adouldr le pape pour parvenir y à Tinstance de Tempereur, à une paix générale. Pour la relligion nous sommes tousjours en mesme poinct, remis à Sainct Germain pour la response des députés envoyés de l'assemblée de Saincte 1 Foy, et crains, sur ces grandes occurrences, qu'il n'y ait encores de la remise. Cependant les esprits s'alte» rent en divers lieux , et y a peine à les retenir. J'aurai soing de M. de Serigny vostre frère. Je l'ai laissé à Saulmur; qu'il se porte bien et vostre sœur aussi. Ma femme les voit souvent ; et à leur considération la vostre sera adjoustee. Sur ce, monsieur, je salue très affectueusement vos bonnes grâces , etc.

De Paris, ce 16 octobre 1594*

A M. de Buzeni^aL

Monsieur, j'ai receu, par Grouy, les vostres du 6 octobre. Je pense aussi que vous en aurés eu deux de moi. Je suis ici, puisque le désirés sçavoir, à l'accoustumee; et, certes, autant que je veulx pour la condition des affaires publicques et particulières. Ce m'a esté ung singulier plaisir de voir madame la princesse d'Orange. Je tasche de mériter sa bonne grâce , sinon par mérites, au moins par services, en recognoissant peu qui lui ressemblent en ce temps. Aussi est elle née d'une souche, et entée en une aultre, qui ont monstre plus de vertu en nos jours. Vous sçaurés, par la depesche qui vous est présentement faicte, ce qui est resoleu pour le desseing auquel vous avés tant

Min* Ds DvpLBSsu-MoRVAT* Tome vi. 7

98 LETTRE DE M. DUPLESSÏS

travaillé. H a esté bien remonstré quel interest il y a voit à y satisfaire après en avoir faict rompre un g aultre non moins important et plus préparé. J'espère aussi que M. de Bouillon ne manquera ni au jour , ni au lieu, ni aulx promesses; tant je vois les personnes et les choses bien resoleues et acheminées. Je m'esjouî de la belle navigation qui a esté descouverte par de là. Elle ne pouvoit escheoir en meilleure main. S'il est licite d'en sçavoir dadvantage, je le désire fort. Mais j'ai tousjours creu qu'elle estoit, et qu'il ne tenoit qu'à la chercher, parce qu'au nord est les costes n'approchent pas si près du nord de quattre ou cinq degrés , qu'au nord ouest ; et partant , sont moins glaciales. Ce ne sera sans l'envie de nos voisins; mais le premier vault deux. Et vous n'oublierés pas d'y poser vos logis bien tost aulx lieux plus importans. L'archiduc mehaqe nostre frontière de Picardie. On pourveoit les villes. Le duc de Savoye bat aussi le chasteau de Berqueras en Piedmont, qui sera mal secoureu pour les divisions des chefs, si le roy ne s'advance vers Lyon à temps. Voilà comme nous sommes tirés en diverses parts. Je vous ai adverti d'entretenir M. de Villeroy, qui a succédé à M. de Revol. Il semble vouUoir bien procéder. Par la dernière despesche Rome ne nous estoit eiUîOfes gueres favorable. On se promet que la route des chrestiens en Hongrie la nous rendra plus Iraictable C'est grand pitié d'avoir à s'amender par ung si cuisatit malheur. Je pense, premier que j'eschappe d'ici, que nous ferons quelque chose pour vous. Et sur ce, etc.

De Paris , ce 16 octobre 1 5g4*

A sa femme.

M'amie, ce n'est que pouri t'asseurer que je te verrai bientost, et à cest efFect je diligente nos affaires tant que je puis* mais les longueurs y sont tousjours à Taccoustumee : cela ne peult plus tarder que peu de jours, pendant lesquels tu me feras plaisir de ne t'ennuyer poinct, et d'estre soigneuse 'de ta santé. Dans deux jours je te depescheraî uhg de mes lacquais, car on verra clair en plusieurs choses remises ici générales et particulières. Je t'embrasse de tout mon cœur, m'amie ; et je prye Dieu qu'il te garde et nostre famille. Vostre fidèle et loyal mari à jamais, * Dupl£S$i$. De Sainct Germain, ce a novembre 1594*

Je vouldrois bien que nos Normands se hastassent.

A M. de La Fontaine.

Monsieur, je ne me veulx. esloingner de vous sans vous escrire, sa majesté me commandant d'aller traicter avec M. de Mercœur en Bretaigne. Il semble en monstrer quelque envie par les lettre^ que la royne en escrit à sa majesté , laquelle attendoit ses députés près d'elle, des la fin du passé. Nous verrons, et avec l'aide de Dieu, en l'effect, si elle est telle.

Cependant les affaires de la relligion s'entament ici ,

lOl LETTRE DE M. DUPLESSIS

et y a commissaires ordonnés pour les ouïr et diriger ^ puis en faire le rapport à sa majesté. Autant que j'en puis juger, on les asseurera de faire effectuer ce qui leur feut accordé à Mantes; et si c'est promptement et sérieusement , ce sera quelque chose, bien que fort ésloingné des demandes. Mais que ferés vous ^n ceste mer où nous sommes si peu d'avirons ? oii le vent et la marée nous sont contraires ? Je serois bien aise de ne partir poinct que je ne voye à peu près par où nous aurons à en passer. Sa majesté parle tousjours du voyage de Lyon, et ira; car maulx externes et domestiques l'y appellent; mais non sans premièrement faire ung tour en Picardie , pour armer la frontière contre l'archiduc Ernest, qui s'y pourroit prévaloir de son absence. Le chasteau de Berqueras, en Piedmont, est tousjours assiégé. L'ennemi y a tiré six cens coups de canon en vain, et mfaintenant est à la mine. M. Desdiguieres s'approche pour l'incommoder , et Teust secoureu , s'il eust esté assisté de ceulx qui le deb voient. Le succès du Turc en Hongrie nous adjoinct le pape .; * par l'empereur, de pacifier là chrestienté en ce besoing; encores ye ne sçais si ce faisans nous serons sages. Je salue , etc.

Du 5 novembre 1594.

A M. de Buzewal.

Monsieur , je vous ai àdverti que M. de Villeroy est à présent remis en son lieu , et faict les despesches que saduloit M. de Revol. Il sera à propos que vous l'en-

A M. DE BUZENVAL. lOl

treteniés; car il m'a parlé favorablement de vous, et neantmoins s'esbahissant de n'avoir de vos nouvelles; Ce que j'ai imputé à la mer et à la brièveté dti temps* M. de Sancy aussi fera plus qu'aulcung aulx finances ,* quoi que sa majesté n'en ait poinct encores establi de surintendans en tiltre. Escrivés lui souvent, et desjà il m'a promis de vous faire payer les deux, mille escus dont madame la princesse m'a parlé, et que vous serés mieulx traicté l'année prochaine. De mpi je suis commandé d'aller traicter avec M. de Mçrcœur; voyage auquel je n'ai apporté , à cause des scrupules de la relligion , neque motum , neque nutum , neque votum^ sinon autant que le commandement m'y a porté. Toutesfois j'espère que Dieu me fera la grâce d'y bien servir sa majesté. Et je vous advertirai du progrès et succès d'icelui. Je languis jusques aulx nouvelles de la conjonction de M. de Bouillon avec les trouppes de vos quartiers ; car de ce commencement despend le milieu et la fin. Et plus ceste charge lui a esté enviée, plus le desastre lui en seroit onéreux. Mais, comme ceste première difGculté sera vaincue, je ne fais double aussi que les aultres ne cèdent facilement , et à sa vertii , et à sa prudence. -Cependant madame la princesse d'Orange part d'ici pour aller faire ses affaires àChastillon, et de là conduire madamoiselle sa fille à' Sedan, pour accomplir l'œuvre que sçavés. Vous croirés, monsieur, que j'ai tasché de mériter sa bonne grâce par tous debvoirs et services, ne- pouvant certes parler ni à elle , ni d'elle , que la mémoire du père et du mari ne me touchent le cœur, tant l'obligation que nous leur avons tous m'est récente; mais particulièrement la considération de sa propre verteu , autant digne de l'ung et de Taultre , que ce misérable siècle s'en ren-

ioa LETTRE DE M. DUPLE5SIS, etc.

doit indigne. Je crois que la voyant elle vous tesmoignera que j'ai obteneu quelque part en sa bonne grâce. Le roy est tousjours sur son voyage de Lyon , duquel la nécessité croist de jour à aultre, et non moins pour les roaulx domestiques qu'externes; tant ce corps est altéré et douloureux de toutes parts. Sa présence, ce dict on, en est le seul remède. Toutesfois sa majesté pourra faire ung court voyage en Picardie , pour régler la frontière , afin que par son absence l'archiduc Ernest ne vienne à l'attaquer impunément. Le chasteau de Berqueras se deffend fort, ayant jà enduré six mille coups de canon , et quelques efforts ; et tant enfin que Tennemi désespéré de la batterie s'est reduict à la mine. Le mieulx qu'il lui en peult arriver, mesmes en le prenant, c'est la dissipation de son armée. Le progrès du Turc semble nous rendre le pape plus propice , pressé de traicter une paix générale , en souffrant nostre relligion. Jugés à quoi en est la çhrestienté. Que si le Turc suit la rive intérieure du Danube par la Moravie , il s'en ira fourrageant sans contredit jusques au Rhin. Et neantmoins nostre condition est telle par l'obstination de l'Espaignpl, que nous sommes presque contrains de rire des larmes de la chrestienté, et d'applaudir à nostre propre ruyne. Ores, faictes moi tousjours part de vos nouvelles. Je salue, monsieur, humblement vos bonnes grâces, et prye Dieu vous avoir en sa saincte garde.

A' Sainct Germain, ce 8 uovembre i5g4*

DE PAR LE ROY. lo3