LXX.— MEMOIRE ENVOYÉ AU ROY

Le 1 9 décembre 1 694 ? dressé et minuté par M, Du-

plessis.

Depuis l'arrivée du sieur Duplessis à Saulmur , qui fut le t20 novembre jusques au 12 décembre, le temps s'est passé, partie en recouvrement et envoy des passeports, partie en l'attente de ceulx qui deb voient de part et d'aultre se rendre à la conférence.

Le II se trouvèrent enseiïible à Ancenis les sieurs archevesques de Rheims, Duplessis et de Chasteauneuf, et ce mesme jour les députés de M. de Mer-

cœur, qui feut cause que lesdicts sieurs , pour gaigner temps, et par le commandement 8e la royne, voulleurent entamer la negotiation selon leur pouvoir, qui portoit que quattre ou trois d'entre eulx pourroient negotier. M. de La Hochepot ne s'y peut trouver , qui estoit malade à Angers , et messieurs les presidens , aulxquels neantmoins les passeports de M. de Mercœur avoient esté envoyés, n'y estoient arrivés. Lesdicts sieurs députés du roy feirent entendre à la royne leur charge, et lui feirent peser l'honneur que le roy faisoit à M. de Mercœur son frère d'envoyer traicter près de lui, au lieu que tous les aultres principaulx de son paoti estoient veneus traicter leur reconciliation en son conseil, puis lui communiquèrent le pouvoir qu'ils avoient du roy. Ladicte dame tesmoigna ung grand désir de voir ledict sieur de Mercœur serviteur du roy , ne niant pas qu'il ne lui en feust besoing , feirent neantmoins cognoistre qu'elle eust désiré que ce pouvoir lui eust esté directement addressé, assistée n^ntmoins desdicts députés. A qiioi lui feut satisfàict par les termes du pouvoir , qui obligeoient lesdicts députés à ses commandemens et bons advis, par les termes ordinaires des pouvoirs repugnans à sa dignité, et par l'exemple de la royne, mère du roy, qui, es conférences d'Espernay , Nerac , Xaintonge, etc., n'en avoit poinct eu , parce que ^on auctorité asseuroit assés ceulx avec lesquels elle traictoit, qu'elle n'estoit en doubte de faire ratifier. Il y avoit toutesfois quelques exemples au contraire.

Consequemment feut suppliée la royne de déclarer aulx députés de M. de Mercœur, qu'ils eussent à parler reveremment du roy, le qualifiant roy simplement, auitrement qu'ils ne pouvoient traicter. Sur quoi feut

ïo8 MEMOIRE

respondeu qu'ils ne pouvoient le recognoistreroy , avant que d'estre d*accord ; mais qu'ils en parleroient ayec honneur , Tcippeiant sa majesté.

Les députés du sieur de Mercœur sont l'evesque de Sainct Malo, le président de Launay , les sieurs Tournabuon, du Garrot, vieulx gentilhomme du pays; Ragotiere, leur procureur gênerai; Courrovrene, maistre des comptes ; le prieur de la Trinité , et Minete , dont les trois, sçavoir, Tournabuon, la Trinité et Minete font plus particulièrement pour M. de Mercœur.

Il y en a quelques aultres pretendans faire pour la Normandie , le Poictou , l'Anjou , le Maine , soubs ombre du Mont Sainct Michel , La Ganache , Ghasteau* Gontier et Sablé. Ce qui feut remonstré à la royne n'estre supportable ; mais bien intervenans soubs M. de Mercœur ils pourroient estre receus à parler de leur particulier.

La première difficulté feut sur la forme de traicter , pretendans iceuU représenter le lieu de la Bretaigne , telle qu'elle estoit avant la reunion , et le mariaige de la royne Anne, c'est à dire, traicter pair à pair, sur quoi feut remonstré à la royne que leur accorder cela seroit préjuger la desunion, qui seroit ung deservice trop grand au roy; leur avouer qu'ils représentent la Bretaigne , qui seroit une note à la plus' saine partie d'icelle , qui avoit adhéré fidèlement .à sa majesté , faire tort mesmes à la royne , qui tenoit en ceste conférence la place de sa majesté , et feurent représentés plusieurs exemples pour redarguer ceste impertinence , comme aussi proposés divers expediens pour n'accrocher ung affaire de telle conséquence à une formalité.

Enfin , pour s'en eschapper , feut advisé de traicter en la salle de la royne , auquel lieu la royne conduiroifc

tous les députés de part et d'aultre , bailleroit la place deue et convenable aulx députés du roy, et les lairroit puis après conférer ensemble ; puis sur les difficultés appelleroit près d'elle lesdicts députés du roy , et tiendroit conseil avec eulx à la manière accoustumee, et feut neantmoins trouvé à propos, pour terminer ce poinct sans reprocbe, de le resouldre avec M. de Sainct Luc et M. le président de Marigni , qui debvoient arriver à toute heure pour le lieu et degré qu'ils tenoient en la province ; ne laissèrent cependant les députés de M. de Mercœur d'estre ouis devant la royne en forme d'audience , icelle assistée de ceulx du roy , desquels la harangue feut en substance : a Que c'estoit une belle chose d'avoir ung roy ; mais qu'il falloit qu'il feust réglé aulx loix , nommément à celles de la relligion ; que sans icelle n'y pouvoit avoir de paix , etc. ; qu'ils avoient, au reste à se plaindre qu'en leur parlant de paix on leur envoyast des forces sur les bras , etc. y* Sur ce leur feut le lendemain respondeu par M. de Rheims : a Que Dieu avoit faict ceste grâce à la France d'estre de tout temps régie par monarchie; que, du consentement de toutes les nations , il n'y en avoit poinct qui feust tempérée de meilleures loix ; que particulièrement en ce Siècle il lui avoit donné ung roy , en la personne duquel contestoient la valeur et la clémence , comme il se voyoit tous les jours, soit à ranger , soit à rappellerau debvoir ses ennemis ; que s'il n'estoitné nostre roy, et à nous donné de Dieu comme il est, nous ciurions à l'aller chercher jusques au bout de monde ; qu'il vouUoit de tout son soing conserver la relligion dont il faisoit profession, et y vivre et inourir , et qu'à cela ne tiendroit qu'ils n'eussent la paix; mais aussi falloit il qu'ils s'y aidassent, le conviant par leur humi-

no M£M0IA£

lité à descendre de sa majesté en sa olemence pour leur donner repos ; qu'ils pouvoient juger quel soing il avoit de ceste province , ayant pryé de si long temps la royne d*en mesnager la pacification , nonobstant ses incommodités, et maintenant envoyant de si loing sur les lieux pour les y acheminer , chose non praticquee à 'l'endroict des aultres villes capitales et provinces. Quant aulx forces, qu'ils n'avoient à s'en plaindre , n'estant ni en trefve, ni en suspension d'armes, ni presque en pourparler; qu'il n'estoit raisonnable qu'en ces incertitudes l'Ëspaignol prlst pied en la province aulx despens des ungs et des aultres ; que cela , au contraire, debvoit tant plustot les rappeller pour rechercher tous les moyens d'une bonne paix, etc. »

L'evesque de Sainct Malo répliqua en peu de mots : « Qu'il doubtoit que sa proposition eust esté mal entendeue, lorsqu'il àvoit parlé de la relligion. Que, selon les philosophes, la position de Tune exclut Taultre, et qu'ils entendoient l'exclusion de la contraire ; toutesfois qu'il remettoit à s'en expliquer plus amplement après avoir conféré avec ses confrères. » Cela se passa le i5 et 16 du mois. »

Ces scrupules et formalités amenèrent la conférence du 1 2 jusques au 1 7 , que lesdicts sieurs de Sainct Luc et de Marigny arrivèrent , et approuvèrent l'expédient projette pour la forme de traicter, et le 19 (car le i8 estoit ung dimanche) feut commencée la conférence en la forme que dessus; pour l'entrée aussi de laquelle feut conveneu entre les députés du roy , que les députés du duc de Mercœur ne seroient poinct requis de monstrcr leurs- pouvoirs , d'autant que ce seroit tacitement approuver l'auctorité de ceulx de qui ils les tenoient.

Le 19 donc l'evesque de Sainct Malo remit sus sa proposition : « Qu'ils desiroient voir des effects de la foi et vraie profession du roy , et requeroient à ceste fin que par tout le royaulme il n'y eust qu'une relligion ^ » avec paroles assés aigres et violentes, sur lesquelles il feut pryé de parler modestement , et sans offenser personne.

Feut respondeu , M. de Rheims portant la parole : a Que les députés de sa majesté ni eulxn'estoient pas là pour le royaulme, mais pour la Bretaigne; que le royaulme et les principales parties d'icelui estoient contentes de l'ordre , que le roy y avoit donné et donnoit tous les jours pour la seureté et conservation de la reliigion catholique ; que la plus saine partie aussi de la Bretaigne, qui estoit demeurée en l'obéissance du roy, en estoit de mesme, par ainsi qu'ils n'avoient à parler que pour ceste part qui avoit suivi M. de Mercœur. »

Répliquèrent : « Qu'ils avoient les députés de diverses provinces, Normandie, Anjou, Poictou, le Maine, etc., lesquels ils entendoient comprendre en mesmes conditions; qu'ils seroient aussi advoués de leur proposition par les serviteurs du roy en Bretaigne. »

Leur feut respondeu : « Que ces grandes provinces ne se reduisoient pas à si petit pied , et -ne pouvoient estre représentées par des chasteaux et maisons particulières ; s'ils avoient neantmoins quelque chose à requérir pour leur particulier, qu'ils y seroient receus sous le nom de M. de Mercœur. Quant aulx serviteurs du roy en Bretaigne, qu'on appercevoit assés où tendoient leur propos ; mais que nul d'iceulx ne conseilleroit au roy de troubler son estât pour leur faire plaisir ; i) mais sur le fonds : « Qu'ils ne pouvoient ignorer

Testât et la condition de ce royaulme après l'expérience de tant d'années; si sérieusement ils desiroient la paix, qu'ils se debvoient accommoder aulx loix que le temps avoit rendeu nécessaires; que le roy desiroit maintenir de tout son pouvoir la relligion catholique, ne souspiroit rien tant en son ame, que la deue reunion de tous ses subjects en une relligion par les formes anciennes de l'Eglise ; mais qu'il prendroit aussi au poinct d'honneur qu'aulcung de ses subjects, pour grand qu'il feust , voulleust tirer à soi par ses artifices la protectioa de ladicte relligion, qui lui est affectée, comme il auroit faict encores entendre fraischement au dernier pourparler avec M. de Mayenne. Quant à ceulx de la relligion pretendeue reformée, que le roy prédécesseur leur avoit accordé ung edict en l'an 1577 qu'il leur voulloit maintenir et observer. Que de plusieurs edicts qui leur auroient esté accordés par les precedens roys , et vérifiés par ses courte de parlement, cestui là estoit le moins advantageux pour eulx ; qu'il auroit esté traicté par feu monseigneur de Montpensier de la relligion , duquel on ne pouvoit doubter, qui se glorifioit mesmes d'avoir, moyennant icelui, pacifié la France; que, soubs icelui, on avoit vescu sept ans en une bonne paix , soubs laquelle le royaulme reprenoit sa première vigueur ; au contraire, que, par la rupture d'icelui, il serait rentré en ung gouffre de misères, dont encores on travaille à sortir ; que tant s'en fault mesmes que cela eust succédé aulx aucteurs pour l'advancement de la relligion catholique , qu'au contraire il leur pouvoit estre justement reproché; qu'ils auroient tiré ceulx de ladicte relligion du fond des montagnes, pour les amener et establir au milieu du royaulme , et les appeller de la circonférence au centre ; que le roy , par la grâce de

Dieu , avoit desonnais acquis assés d'auctorité pour ne régner plus aulx passions d'aultrui ; qu'il voulloit estre le père commun de tous ses subjects , estre aussi servi fidèlement de tous, et qu'il lui seroit trop dur de rejetter son estât en trouble, pour contenter le prétexte , et non le vrai subject de ceulx qili seroient armés contre son service en Bretaigne; qu'il ne pouvoit juger des propos et procédures desdicts députés, s'ils y persistoient , sinon qu'ils vouUoient jetter encores la pomme de discorde en cest estât , au lieu d'estre ve* neus pour la paix , et pour le regard de M. de Mercœur , qu'il voulloit avoir ceste gloire par dessus tous les chefs de la Ligue d'avoir faict et obteneu une loi particulière pour ceulx qui l'auroient suivi, afin d'attirer à soi la) protection de la relligion de tous les costés du royaulme; chose trop préjudiciable au roy, et de laquelle il se sçauroit bien garder. »

Ce qui particulièrement leur feut respondeu à Foc* casion des propos qu'ils entrejettoient souvent : a Qu'ils seroient advoués de ce qu'ils pronosoient mesmes de tous les serviteurs que le roy avoit en Bretaigne. »

Et neantmoins après que M. de Rheims leur eut respondeu ce que dessus, auquel M. de Sainct Luc et aultres ajousterent ce qu'ils estimèrent du service de sa majesté , leur feut déclaré : a Que si , demeurant l'edict de 77 en son entier, ils demandoient estre gratifiés de sa majesté en quelques particularités, elle seroit exhortée et suppliée de leur y donner tout le contentement qui se pourroit, encores que la vérité estoit que leur instruction ne portoit rjen plus avant, MM. de Rheims et de Sainct Luc, qui s'en alloient pour l'ordre du Sainct Esprit vers le roy , lui en porte-

MÉM. DB DUPLESSIS-MORITAY. ToMS VI. 8

Il4 MEMOIRE

roient la parole. » Sur laquelle proposition ils dirent

qu'ils eonfereroient ensemble.

Ce propos fini, leur feut proposé par les députés du roy : « Qu'ils auroient eu commandement exprès de sa majesté de commencer la negotiation par le faict des Espaignols, sans la résolution duquel toute paix estoit vaine. Toutesfois qu'ils avoient vouUeu donner cela à leur contentement de leur laisser faire leur proposition ; qu'il estoit donc question de sçavoir si M. de Mercœur entendoit pas, en paix faisant ,Jes mettre hors, et par quels moyens , offrant sa majesté en ce cas de renvoyer incontinent les Anglois, estant cela ung préalable, parce que la province ne pouvoit estre deschargée de la foule des gens de guerre , tandis que les estrangers y demeureroient. » Ce qui feut estendeu plus au long.

$ur ce poinct ils tergiversèrent longuement , et en« û^ s'en esclaircirent : « Que quand ils verroient seureié en la relligion , ils en dechargeroient la province ^ et neantmoins qu'ils desiroient d'en conférer tou» ensiçmble. 9>

L^ 20 au matin se rassemblèrent les députés de part et d'aultre , et protesta l'evesque de Sainct Malo en sa requiisition , qu'il n'y eust qu'une relligion en Bretaigne sans s'en départir, le mesme pour les provinces susdictes qu'il pretendoit associées; sur quoi Ragotiere leur procureur gênerai plaida les privilèges de Bretaigne , au préjudice desquels lesdicts edicts de pacification ne pouvoient avoir, esté faicts, et nonobstant qu'il leur feust. vivement remonstré que ce qu'ils de<^ mandoient ne pouvoit compatir avec la paix, et que, soubs l'en tretenement des edicts de pacification, la Bre-

ENVOYÉ AU ROY. ' k 1 5

taigne avpit fleuri , au lieu que par la rupture elle estoit aujourd'hui misérable, partant qu'ils pensassent i l'ouverture qui leur avoit esté faicte , d'estre particulièrement gratifiés du roy en quelques circonstances sans rompre ung edict universel ; remirent iceulx le tout à une despesche qu'ils en feroient a M. de Mercœur.

Le mesme respondirent ils aussi pour le renvoi des Espaignols, sur Tinstance fort expresse qui leur en feut derechef faicte, comme aussi sur la difficulté qu'on leur faisoit de recevoir les députés de quelques villettes et chasteaux à parler pour les- provinces, dont mesmes ils ne (àisoient pas une juste partie.

Le 21 donc après disner, ayans les députés de M. de Hercœur receu la response , l'exposèrent aulx députés du roy, et feut telle qu'il en suit sur la reliigion : « Qu'il$ desiroient avoir la response du chef, qui leur pour<roit donner contentement sur ce poinct. » ( Ce furent leurs mots. ) Sur les Espaignols : « Que jusques à ce qu'ils vissent la reliigion asseuree par le traicté, ils n'y pouYoient entrer, d Sur la qualité des pretendeus députés : « Que M. de Mercœur se faisoit bien fort pour ce qui concernoit Poictou et Normandie ; mais pour ceulx d'Anjou et du Maine, il verroit bientost M. de Boisdaulphin, avec lequel il en confereroit. »

A cela leur feut respondeu, après avoir les députés du roy conféré ensemble par la bouche de M. de Sfrinot Luc ( car M. de Rheims estoit parti): <x Que, puisqu'ils attendoient l'intention du roy sur ung poinct, et la conférence avec le sieur de Boisdaulphin sur ung aullre , ils voyoîent qu'il ne se pouvoit passer oultre sur ces articles; mais afin que ceste conférence ne^frustrast poinct les désirs et les espérances d'ung si grand peuple , qu'ils les pryoient de leur tailler de la besogne

Il6 MEMOIRE

pour employer les jours suivans , en proposant les aul«tres articles pour tousjours gaigner temps , veu qu'ils disoient eulx mesmes en avoir plus de quarante en nombre à proposer. »

Mais , quelque instance qu'il leur en feust faicte , mesmes par la royne, ils s'excusèrent de pouvoir passer oultre, requerans neantmoins que ceste interruption ne feust pas une rupture du traicté ; mais qu'il feust conveneu d'ung jour pour se retrouver; lequel feut pris au 1 5 janvier, en dedans lequel on se promettoit le retour.de MM. de.Rheims et de Sainct Luc, et ce , sans attendre de part ni d'aultre nouvelle semonce.

Feurent là dessus pryés , puisque pour Fbeure ne se pouvoit mieulx pour le gênerai, de donner ce contentement au pays que les ecclésiastiques, les veuves et mineurs de part et d'aultre jouissent de leurs biens. Ce qui paravant a voit esté proposé par M. le mareschai d'Aumont, et non refusé par M. de Mercœur. A cela il refusèrent aussi de toucher, remettant le tout à la conférence générale.

Reste ici à noter que ceste interruption est veneue à propos de leur part aulx députés de sa majesté; car le 20 les sieurs de Sainct Luc et Duplessis receurent lettres de M. le mareschal d'Aumont, se plaignant que les députés de Bretaigne avoient testé nommé sans que sa majesté eiï priM son advis; ce qu'il n'imputoit toutesfois à sa majesté , mais à l'artifice et ignorance d'aulcungs; protestant d'abandonner l'armée, feust-il mesmes à ung siège , si aulcung d'eulx èstoit receu en Ja conférence ; sur quoi estoient lesdicts sieurs députés du roy en peine, parce que, par Tabsence de M. de Sainct Luc , le traicté ne pouvoit continuer, à moins de trois »

auquel cas M. le président de Marigny y entreviendroit , qui est de Bretaigne.

N'eussent toutesfois lesdicts députés laissé de continuer , s'ils y eussent veu apparente utilité , principalement si M. de Mercœur eust voulleu s'ouvrir sur son particulier , ce que jamais on n'auroit peu obtenir , esperans que ledict sieur mareschal prendroit en bonne part ce qui lui estoit remonstré par leurs lettres, et sçachant bien aussi que sa majesté le pouvoit aisément contenter là dessus.

Lesdicts députés du roy ont eu ce but en ceste con* ference de faire voir aulx peuples que sa majesté voul* loit la paix, et de laisser le blasme des longueurs , qui y interviendroient, à ceulx de' la Ligue, ce qu'ils pensent avoir rendeu clair , mesmes à la royne , tant par leurs sincères procédures, que par la remarque des tergiversations du parti contraire , et afin que la vérité en soit cogneue lors , et vers ceulx qu'il sera besoing , en ont envoyé amples mémoires à M. le mareschal d'Aumont.

Et quant au jugement qu'ils peuvent faire de l'isseue , ont biea opinion que M. de Mercœur vouldroit venir à un^paix, m,ais si advantageuse qu'elle lui affermisse sa condition, et l'auctorise mesmes grandement en son parti , quand on le verra plus obtenir que les aultres. Pourtant pour le faire venir à raison, a esté escrit à

M. le nâareschal d'Aumont , que ses fortes persuasions, sçavoir, les forces qu'il a en main, pourront plus en ceste conférence que les bonnes paroles.

A quoi il est jà assés enclin de soi mesmes^ comme apperra à sa majesté par le conseil qu'il donne de ne faire poinct la trefve. Dx>nt aussi Les députés du roy sont bien d'advis, et les députés de M. de Mercœur