LXXXVIL — LETTRE DE M. DE VILLEROY

ji M. Duplessis,

MoirsiEUR , ces messieurs qui ont accoureu au Sainct Esprit , eussent mieulx faict de l'attendre, et in* voquer par de la pour faire la paix ; car ils eussent plus servi au public qu'ils ne feront ici, d'où ils ne peuvent remporter aultre chose sur la difficulté principale, à laquelle ils se sont arrestés, que ce qui vous en a esté déclaré et ordonné à vostre partemënt ; car il y v^ trop du gênerai , et fault que ceulx de Bretaigne acquiescent à la loi publicque. Les gratifications particulières ne sont pas deffendeues ; mais il fault que chacung se range à la loi des aultres. Nostre Sainct Esprit est remis à dimanche à cause de la blesseure du roy , qui se porte très bien maintenant , grâces à Dieu. Cela fait , on vous renvoyera vos gens , et vous dirai en ung mot, qu'il me semble qu'il ne fault poinct laisser traisner vostre negotiation , ni souffrir que les Bretons traictent pour aultres qtie pour eulx. Nous avions opinion que la royné d'Angleterre revoqueroit ses gens de Bretaigne. Toutesfois l'on m'a escrit qu'elle a changé d'advis; mais vous sçayés quelle asseurance il y a en cela ; pourtant faictes en vostre profict , cependant que vous le tenés. Je vous envoyé Testât de vostre garnison^ réglé suivant vostre advis; mais messieurs du conseil n'ont encores départi les assignations. Ce sera au premier jour: cependant je prye Dieu, etc.

De Paris ,*ce 3 janvier iSgS.

LETTRE DU ROY , eie. 1 5 r