AU MEMOIRE CI DESSUS

pendant , sur ce qu'il pourra apprendre dudict sieur de Busay, il continuera ledict traicté. Quant au sieur de Boisdaulphin , le duc de Montbazon a faict entendre au roy ce qu'il désire de lui : sur quoi sa majesté a déclaré audict duc de Montbazon sa volonté , et le fera partir dans deux ou trois jours pour aller trouver ledict sieur de' Boisdaulphin , lequel a faict cognoistre au roy qu'il désire traicter avec ledict sièur de Montbazon seulement, lequel a charge de sa majesté d'advertir ledict sieur Duplessis de ce qu'il advancera en cest affaire. Quant au sieur Talouet et aultres , qui sont encores au parti de M. de Mercœur, sa majesté aura très agréable que ledict sieur Duplessis fasse traicter avec eulx, et qu'il leur offre ce qu'il jugera estre raisonnable , y employant tous les moyens qu'il jugera propres pour les ramener au service du roy.

Quant au prieur de la Trinité, sa majesté n*a espéré dadvantage de lui, que ce que lui en escrit ledict sieur Duplessis.

Sa majesté jugeant estre nécessaire de rompre ladicte conférence , elle prye la royne de s'en revenir au commencement du mois d'avril, si dans ledict temps il ne se prend une bonne resolution de traicter à bon escient. Sadicte majesté escrit à la royne qu'elle a faict commandement à ses députés de partir dans ledict temps, comme il se pêult voir par la copie de la lettre ci enclose à ladicte dame.

Quant au partement pour sa majesté, pour faire son voyage de Lyon , il ne peult estre qu'après Pasques , estant sa majesté reteneue par deçà pour ses affaires, et n'estans celles du costé de Lyon si pressées, comme elles ont esté ci devant, l'armée des ennemis estant fort diminuée et empeschee de s'advancer, à cause

2l8 RESPONSE DU ROY, etc.

de celle dé sa majesté, laquelle estant en Bourgoigne^ se peult rendre dans peu de jours à Lyon.

Si la conférence se rompt, sa majesté trouve bon que lesdicts sieurs députés dressent ung manifeste, et qu'ils le fassent publier incontinent, afin que chacung cognoisse de quel pied sa majesté a marché en ceste occasion.

La response de la lettre dudict sieur Duplessis , du i4 du mois passé , a esté envoyée par l'ung des lac- >, quais de sa majesté , <les le lendemain de la réception d'icelle.

Pour le regard de ceulx du Croisil , sa majesté leur a accordé ci devant abolition de leurs actions passées durant la guerre, et pour faict de guerre , à condition de servir sa majesté et de s'opposer aulx Espaignols. Il les fault entretenir en ceste volonté, et les addressera à M. le mareschal d'Aumont, aûn qu en les confortant et assistant de forces , quand ils en auront besoing , il en tire aussi du service en ce qu'ils pourront pour l'advancement des affaires de sa majesté.

Henry; et plus bas^ Potier.

Faict à Paris, ce 14 mars xôgS.

CXXIIL — INSTRUCTION

Baillée a MM. de La Rochepot et de Marigny ^ dressée par M. Duplessis.

MM. de La Rochepot et président de Marigny sont pryés par MM. les députés du roy en la conférence d'Ancenis , pour l'importance qui a esté recogneue par iceulx en. ce qui s'est passé, de se voulloir

transporter vers sa majesté au plus tost qu'ils pourront pour lui représenter le tout de vive voix, et faire resouldre sadicte majesté à .ce qui*sera estimé le plus expédient pour le bien de son service. Et à ceste fin leur sont baillés les mémoires qui en suivent.

Sa majesté a esté suffisamment advertie par leurs lettres du a 3 febvrier, comme estant iceulx arrivés à Ancenis pour renouer hi conférence , et y ayans attendeu les députés de M. de Mercœur plusieurs jours, lesdicts députés Jeur feirent ung préalable de la délivrance, ou a tout le moins du jugement de la prise du sieur de Heurtant , ne voullans passer oultre ^ qu'il ne leur feust satisfaict sur pest article. Sur quoi demandèrent. enfin iceulx député^ de despescher vers ledict sieur duc, oîi il se perdit près de huict jours, et eurent pour response qu'ils entrassent en conférence par le commandement de la royne.

Les députés de sa majesté ne lui celèrent poinct des lors que ceste accroche leur estoit suspecte d'une longueur affectée, qui leur faisoit doubler de peu d'affection à la paix des l'entrée du traicté.

Sa majesté a aussi esté advertie, par leurs lettres du 3 mars, comme entrans en conférence avec lesdicts députés le 27 febvrier, ils auroient persisté à parler pour toute la province de Bretaigne; et les députés de certains chasteaulx de Poictou , Anjou et le Maine, pour lesdictes provinces entières. Sur quoi leur auroit esté par plusieurs raisons remonstré qu'ils ne pouvoient eslre receus à cela, sans trop grand préjudice de l'auctorité dut roy , et du bien de la province : nonobstant s'y seroient derechef arrestés, et auroient pris resolution d'envoyer les sieurs d'Olivet et Rago- . tiere vers ledict sieur de Mercœur. Quoi voyant les

a 20 INSTRUCTION,

députés du roy, et que le temps se perdroit sans le soulagement du peuple, leur auroient proposé une trefve moyennant Te renvoy des estrangers de part et d'aultre, conformeement à leurs charges et inslruo tions, sans pour ce discontinuer en aulcune façon le traicté de la paix. Dont aussi ils vouUeurent conférer avec ledict sieur de Mercœur.

De ces deux poincts leur feut baillé ung escrit, signé de tous lesdicts sieurs députés du roy, parce qu'à toute heure ils revoquoient en doubte ce qui avoit esté faict et dict auparavant; et d'icelui a esté envoyée copie à sa majesté, avec la despesche du 3 mars.

Par icelle sa majesté aura veu l'intention de ses députés, qui côtoient advertis de toutes parts , et voyoient des signes evidens que ledict sieur de Mercœur ne tcndoit qu'à rompre sur la relligion , pour donner au roy le blasme de la paix non faicté, retenir par ce moyen leurs partisans en rébellion, et aliéner ses bons subjects. En quoi ils feurent de plus en plus confirmés par les lettres interceptées envoyées par sa majesté , desquelles ils feirent plaincte aulx députés dudict sieur de Mercœur, et les leur communiquèrent, s'estans apperceus qu'envers quelques ungs elles n'ont esté sans fruict.

De tout ce que dessus n'ont failli lesdicts députés de faire une bonne despesche à MM. le mareschal d'Aumont et de Sainct Luc , desquels toutesfois , depuis qu'ils sont ensemble, ils n'ont receu nouvelles, encores qu'elles leurs eussent esté fort nécessaires pour la direction des choses.

Les sieurs d'Olivet et de La Ragotiere , estans reveneus le 9 de mars, et ayans demandé ung jour tout

INSTRUCTION. 22 î

entier pour conférer ensemble , l'onziesme en suivant on seroit entré en conférence, en laquelle auroient déclaré les députés du sieur de Mercœur , qu'il estoit resoleu de traicter du faict de la relligion gênera* lement pour toute la province, à ce qu'il n'y eust exercice que la relligion catholique, apostolique et romaine, prest neantmoins de se restreindre pour les . aultres articles dedans ses limites. Et pour le regard de la trefve, que, quand on lui proposeroit conditions plus justes que par le renvoi des estrangers, il en comniuniqueroit avec ses amis, nommeement avec les Espaignols, et y entendroit volontiers. '

Lesdicts députés du roy feurent tant plus confirmés par cesté obstination en chose si déraisonnable , que l'intention dudict sieur estoit de rompre^ s'il pouvoit, sur la relligion. Et pourtant se resoleurent que c'estoit en vain qu'on lui feroit des ouvertures conformes aulx instructions de sa majesté, parce qu'il tes prendroit à son advantage , et se prevauldroit du refus envers ses partisans. Toutesfois parce qu'ils esperoient l'arrivée du sieur de La Rochegiffard , avec lettres de M. le mareschal d'Aumont , qu'il escrivoit estre de grande importance, feurent d'advis de prendre ung jour pour communiquer avec la royne , aussi que le dimanche intervenoit , premier que leur faire response , laquelle toutesfois ils leur feirent sans avoir veu encores ledict sieur de La Rochegiffard, ni receu les lettres de monsieur le mareschal , lesquelles ils presupposoient bien ne leur pouvoir donner lumière que sur la poursuite plus ou moins vive de la trefve ; dont , en tout cas, les députés dudict sieur de Mercœur n'avoient poinct de charge.

La response desdicts sieurs députés du roy^ le i*)

2ii2 INSTRUCTION,

de mars, feut en somme; poi|r le premier poinct, qu'ils estoient tous prests de leur donner toutes satisfactions tant sur la relligion que sur aultres article s^se retenans dedans les limites de ce qu'ils tenoient. Mais s'ils persistoient en leurs propos, qu'ils ne pouvoient sinon despescher vers sa majesté pour avoir son intention , d'autant que sa majesté n'avoit peu prévoir qu'ils voull^ussent traicter pour les lieux où ils n'avoient puissance , et pourtant n'en avoit chargé leurs instructions, ce qui leur feut deduict par plusieurs raisons. Et pour le second , concernant la trefve , que sa majesté avoit proposé le renvoy des estrangers de part et d'aultre, comme ung bien commun, pour le soulagement de la province. Et puisque ledict sieur duc ne le jugeoit ainsi, qu*e, s'ils voulloient entendre de lui les conditions soubs lesquelles il en pretendoit traicter, et venir avec pouvoir d'en traicter, ils viendroient aussi instruicts et auctorisés de sa majesté à cest effect. Et pour ce feut dict que de part et d'aultre on se retrouveroit près de la royne , au lieu qui par elle seroit ordonné 5 jour nommé, sçavoir, Chenonceaulx, le i5 d'avril , dont a esté faict acte signé de part et d'aultre , dont l'ung signé des députés du roy a esté baillé aulx, députés de M. de Mercœur, et celui qui est signé d'eulx aulx députés de sa majesté. Et de ce feut dressé ung escrit qui leur a esté baillé, signé de la main des députés , dont MM. de La Rochepot et Marigny portent la copie, comme aussi du réciproque, qui a esté tiré d'eulx.

' Les raisons qui ont meu lesdicts députés à se des^ coudre tout doulcement d'avec eulx , encores qu'ils recogneussent assés leur mauvaise volonté , ont esté : 1**. qu'ils ont pensé estre de leur debvoir de laisser au

INSTRUCTION. 3îx3

jugement de sa majesté , selon Testât de ses affaires , la continuation ou la rupture de ceste conférence; a®, que les Anglois, s'estans partie retirés, et le reste en traicté de faire le mesme , ils consideroient que M. le mareschal seroit peult estre bien aise d'avoir maintenant une trefve ; 3®. qu'il estort plus doux et plus esloinjgné de toute calomnie de se séparer sur ung traicté de trefve, que sur quelconq^ue aultre poinct où la relligion feust tant soit peu nieslee, du prétexte de laquelle ils trouveroient tousjours moyen d'abuser; 4". que pendant ce temps on auroit le moyen de rendre les bons subjects du roy capables des mauvaises intentions, et captieuses procédures des ennemis de sa majesté; 5^ que monsieur le mareschal et les eslats de la province auroient aussi le loisir de faire entendre à sa majesté Testât de ses affaires, et les nécessités de son peuple en sa province de Bretaigne.

Et neantmôins trouvoieut lesdicts députés à propos que la royne partist d*Ancenis incontinent après Pasques, pour tirer avec elle le traicté à Chenonceauk,, afin que par son esloingnement fe murmure creust enlre les peuples oppriniés par M, de Mercœur, et que ceulx qui sont las de la guerre, ou désireux de se mettre en la bonne grâce de sa majesté, comjmençassent à penser à leurs afïàires, dont il est certain qu*il y a bon nombre. Et mesme il se peult dire que leurs députés mesmes ne s'en vont pas tous contens des procedures de M. de Mercœur, et de ceulx qui le conseillent.

Sa niajesté se resouvîendra, s'il lui plaist , qu'au mois d'octobre dernier passé , parla h lui , introduict parM. de Schomberg , ung nommé Jean Vallet, prieur de la Trinité, confident de M. de Mercœur, et intime ami de

à24 INSTRUCTION.

Tournabuon , leqirel feit des ouvertures de ce traicté , concerta certains articles de paix , qu'il bailla à M. de Schoniberg, comme ayans à estre agréés par M. de Mercœur, et depuis lui escrh/it de Nogent le Rotroa par lettres du i*' novembre ( dont, comme aussi desdicts articles , MM. de La Rochepot et de Marigny ont copie ) , qu'il avoit lettres fort amples et expresses dudict sieur de Mercoeur , qui avoit pris tel gôust et tel contentement en ces articles, qu'envoyant des députés au plus tost, infailliblement la paix se feroit.

Sur ces articles et lettres feut fondé principalement l'envoy desdicts députés, leurs instructions dressées au plus près d'iceulx, mesm^es en ce qui est de la relligion, parce que par le premier il est dict que l'edict de 77 aura lieu, comme par tout le royaulme, sauf quelques réservations qu'ils demandent en faveur de Nantes ^ et des villes du parti dudict sieur de Mercœur. Promettoit aussi ledict de la Trinité de se trouver ,en la conférence, et s'y rendre entremetteur sur les difficultés qui y intervicndroient.

A la première conférence , le sieur Duplessis fait parler à lui , lequel le veint secrètement voir, se plaignit de ses premières duretés sur la séance, sur ung interrègne pretendeu , et semblables impertinences , bien esloingnees de ce qu'il avoit proposé et escrit. Il persista qu'il estoit bien fondé en tout ce qu'il avoit dict et escrit à M. de Schomberg, et qu'il louoit la patience des députés du roy , et la peine qu'ils prenoient à s^accommoder à leurs absurdités , asseurant tousjours que de ces commencemens difBciles la fia seroit au contentement de sa majesté et de ceulx qui s'y employoient.

En ceste seconde, voyant le sieur Duplessis les

DNTSTIltJCTION. 22 5

mesmes choses croistre plustost que continuer, Taccroche de Heurtaut , l'obstination à traicter pour toute la province , la hagarde façon de leurs députés , ^les presches séditieux de Nantes , les lettres interceptées de M. de Mercœur, les captieuses voyes qu'ils tenoient pour faire tomber la rupture sur la relligion, etc.; et surtout considérant qu'il n'oyoit plus parler de ce pretendeu entremetteur, encores qu'il le vist tous les jours; ledict sieur Duplessis, qui avoit gardé cest affaire par devers soi, se resoleut d'en donner cognoissance à MM. de Rheims, de La Rochepot et de Chasteauneuf , afin qu'ils vissent plus clair en la mauvaise foi , et lui donnassent advis de ce qu'en ce faict il auroit à faire.

Par leur advis , pendant que les sieurs d'Olivet et Ragotiere alloient trouver M. de Mercœur, le sieur Duplessis envoya ung billet audict sieur de la Trinité, se plaignant de ce qu'il n'oyoit plus parler de* lui, et le pryant de s'entrevoir.

Sur ce ledict sieur de la Trinité le veint voir le soir 7 mars; et après lui avoir le sieur Duplessis recapitulé tout ce qui s'estoit passé , comme sur l'asseurance qu'il avoit donnée de bonne foi à Paris, le roy auroit envoyé ses députés; comme sur les articles par lui baillés, leurs instructions auroient esté à peu près dressées, et comme neantmoins leurs procédures estoient totalement contraires à ses ouvertures, il lui dict librement que tout cela estoit vrai , et ne le pourvoit nier; au contraire, que, pour plus ample justification de sa sincérité, il lui protestoit devant Dieu que M. de Mercœur à son retour lui avoit sceu grand gré de ce qu'il avoit fait en court, l'en avoit fort remercié , et lui avoit fraischement dict qu'il ne s'esloin*

Mix. DB Duplessis-Moritât. Towb yi. 1 5

gneroit jamais des articles par lui traictés avec M. de Schomberg. Bien estoit il yrai que, sur le parlement dernier, lui remonstrant que sans l'edict de 77 il ne parviendroit jamais à la paix , et qu'il avoit assés i^ssenti de M. de Schomberg que la raison de Testât du royaulme ne le permiettoit aultremènt, il lui avoit coupé court , qu'il y alloit de son ame , qu'il le laissast faire de cela, et qu'il ne voulloit qu'une relligion en Bretaigne.

Le sieur Duplessis l'enquerant d'où venoit ce changement, lui dict du cominencement qu'il ne sçavoit à quoi l'imputer , que M. de Mercœur ne sçavoit comment se départir d'ung prétexte tant de fois réitéré; mais qu'il pensoit qu'il ne se pouvoit rien faire avec une cohue de tant de gens de diverses opinions , et que. si la royne se retiroit à Chenonceaux, M. de Mercœur pourroit donner congé à ceste multitude « comme leur charge estant expirée, et envoyer près d'elle deux ou trois personnes confidentes , avec lesquelles il se feroit plus en trois jours qu'avec ces députés en trois sepmaines.

Ledict sieur Duplessis ne rejetta cest expédient. Seulement lui dict qu'il advisast que ceste conférence restreinte à peu de gens ne s'en allast à néant , comme ceste plus grande ; ce qu'il adviendroit , s'il n'estoit plus asseuré de l'intention de M. de Mercœur, qu'il n'avoit esté du commencement, dont ne s'ensuivroit , sinon que le roy en seroit tant plus offensé, et la royne, du nom et présence de laquelle on abusoit, tant plus mesprisee.

Sur cela il s'advança qu*il ne lui debvoit celer qu'ung temps M. de Mayenne et M. de Mercœur n'avoient pas esté bien ensemble ; que maintenant ils es*

INSTRUCTIOPf. -^«27

toient très bien , recevans tous^ les jours advîs et conseils l'ung de Faultre, et qu'il n'y avoit apparence qu'ils feissent l'ung sans Taultre. Mais que si sa majesté avoit agréable une conférence, où se trouvassent députés des sieurs de Mayenne , de Mercœur et de Nemours , pour traicter avec ceulx que sa majesté ordonneroit, ils estoient resoleus d'accepter d'ung commun ad vis les offres que sa majesté avoit faict à chacung d'eulx en particulier , et s'accommoderoient tous ensemble à Fedict de 77, ce qu'ils ne pensoient pouvoir faire honorablement cbacung à part.

Ledict sieur Duplessis ne voulleut aussi rebuter cest expédient ; mais bien lui dict qu'il ne lui pouvoit celer que sa majesté l'interpreteroit à une deffaicte , pour avoir esté tant de fois frustré de ce qu'on lui promettoit et protestoit de la part de M. de Mayenne , et auroit occasion de penser que joindre ses affaires avec ceulx de M. de Mayenne estoit procéder de mesme foi, et à mesme fin par mesmes artifices; toutesfois qu'ils ne laisseront d'en advertir sa majesté.

La fin feut qu'il n'avoit dict à personne qu'il le feust veneu voir, sinon à Tournabuon, qu'il en avoit vouUeu avoir pour garand vers M. de Mercœur pour éviter calomnie ; et qu'il le pryoit de croire que nul ne poussoit M. de Mercœur tant à la paix que ledict Tournabuon , et qu'ils avoient concerté ensemble les moyens susdicts.

Ce qui , rapporté en commun , feut suspect à tous , estant certain , mesme par le tesmoignage des meilleurs d'entre eulx , que nul ne s'opposoit tant à la paix que Tournabuon , que tous les allonges et captions vien-nent de ses artifices , et que cestuy ci de la Trinité est en ce fàict son principal ministre qui a parlé pu-

aaS INSTRUCTION.

bliquement, et à tous venans à Nantes de ce qui s'estoit passé entre M. de Schomb&rg et lui , ainsi que M. de La Rochepot peult dire plus au long ; et est creu n'avoir proposé ces articles , lorsqu'il estoit à Paris , que pour destourner le cours et progrès des armes de M. le mareschal d'Aumont en Bretaigne.

Ores , voyant lesdicts sieurs députés du roy par le retour des sieurs d'Olivet et Ragotiere, que M. de Mercœur s'opiniastroit en son premier propos , et qu'aulcungs se pouvoient imaginer qu'il ne tenoit qu'à eulx qu'on ne procedast plus avant, ce qu'ils voyoient bien qui seroit non seulement en vain, mais avec dommage , feurent d'advis , joinct le mauvais tesmoignage que chacung rendoit audict de la Trinité, que le sieur Duplessis declarast cest affaire à la royne. Ce qu'il feit, tant par le discours de tout ce que dessus que par la lecture des articles et lettres par lui baillées et escrites : par oii^ elle cogneut que le fondement de la negotiation avoit manqué, et en est demeurée fort offensée contre M. de Mercœur son frère , en a faict reproche aulx sieurs Tournabuôn et de la Trinité , appelés exprès devant elle, comme il sera plus amplement discoureu par lesdicts sieurs, et se resoult de voir ledict sieur son frère là dessus pour s'en plaindre elle mesmes , et en estre satisfaicte.

MM. les presidens de Marigny et de La Grée ont esté aussi fort esclaircis de la mauvaise foi des ennemis en ceste negotiation, aulxquels ont esté baillées copies authentiques desdictes lettres et articles, pour faire voir à monsieur le mareschal , à M. de Sainct Luc et aultres personnes d'importance, comment ledict sieur de Mercœur abuse des noms de relligion et de paix pour faire ses affaires.

INSTRUCTION. a 2g

Et neantmoins le sieur Duplessis a supplié la royne de se contenter d'estre bien esclaircie de la sincère intention du roy , de la bonne procédure de ses députés , du juste souspçon contre ceulx du parti contraire, sans presser dadvantage cest affaire contre ledict de la Trinité, qui peult avoir esté trompé le premier pour plus confidemnient amuser les serviteurs du roy^ et alleiitir ses desseings.

De ce que dessus résultera que cest affaire bien mesnagé aura donné le tort de la paix non ensuivie à M. de Mercœur vers la royne , et vers les serviteurs et subjects du roy. Et peult estre en aura passé et passera l'opération jusques à partie de ceulx du parti contraire.

Mais , pour en tirer maintenant profîct , semble qu'il seroit à propos , encores que sa majesté contineue les termes, soit de paix, soit de trefve, que sa majesté s'effbrçast par toutes voyes de donner moyen à M. le mareschal d'Aumont de tenir la campaigne maintenant, en attendant ung plus grand effort, moyennant quoi les humeurs, qui sont esmeues par la mauvaise foi recogneue en ce traicté , se pourront eschauffer ; au lieu qu'à faulte de ce, voyant reprendre la campaigne aulx ennemis,' elles viendront à s'amortir; en danger, comme souvent il advient, qu^ leur tort de» vienne droict, si on voit qu'ils ayeïit la force.

Gela n'empeschera poinct cependant que sa majesté, pour contenter les désirs et nécessités de son peuple , ne fasse continuer la conférence près de la royne, pour parvenir à une paix ; au moins , s'il ne se peult si tost , à une trefve , aulx meilleures conditions qu'il se pourra, pour le soulagement de ses subjects de Bretaigne, pendant laquelle on puisse acheminer la

a3o INSTRUCTION,

paix. Et afin que sa majesté puisse plustost recevoir l'advis de M. le mareschal d'Aumont sur icelle, M. le président de La Grée , qui Test allé trouver pour lui représenter tout ce qui s'est passé en ceste conférence^ s'est chargé de le pryer de la part desdicts sieurs députés^ d'en faire au plus tost une bonne et ample des* pesche à sa majesté.

Faict à Ancenis, ce i5 mars iSgS. .