CLXVI. — * LETTRE

De MM. V arche\?esque de Rheims, de La Rochepot, Duplessis et de Chasteauneuf, a M. le mareschcd dAumonL

Monsieur, sur les longueurs de M. de Mercœur à envoyer ses députés,^ nous nous sommes trouvés en ceste ville de Tours pour adviser ensemble ce qui se pourroit pour le roieulx pour le service du roy et debvoir de nostre charge. Nous vous envoyons donc la resolution que nous avons prise; laquelle aussi nous avons' faict entendre au roy, et desclaree à la royne. Cependant, monsieur, vous nous ferés ce bien, s'il vous plaist , de nous mander d'ici le huictiesme d'aoust, ce que vous penserés qu'avons à faire pour le bien du service de sa majesté et de la province, dont vous pouvés juger mieulx que tout aultre, estant sur les lieux. Et sur ce, etc.

Du 20 juillet 1 595,

A M. de BuzemaL

Monsieur., je vous escris plus rarement, parce que reculé comme je suis du monde, j'en ai moins de sub* ject Vos dernières estoient du 19 mai, qui nous faisoient espérer quelque ésclat en vos quartiers. Je doubte qu'il ait moins réussi, parce que je vois l'ennemi fort sur nostre frontière, qui nous a pris le Castelet, perte notable pour ceulx de la relligion , et semble menacer Guise. Je l'impute a nos prospérités précédentes, qui nous ont acquis quelque repos, et relaschent par conséquent nos actions en ce qui est de la guerre. M. de Bouillon n'a poinct réussi en Luxembourg, quelque vertu qu'il y ait apportée. Au contraire , son petit Sedan en a tiré du dommage, en danger de se déserter peu à peu ceulx qui y ont cberché et trouvé ci devant le repos, commençans à y appréhender du mal , mésmes à y sentir de la ruyne. Et certes il eust esté à désirer que ceste guerre espaignole, ou eust esté sursise jusques à plus de con^modité, ou eut esté entreprise avec plus de vigueur, pour esviter le blasme de ceulx qui de long temps s'y sont opposés, et sont bien aises d'avoir à la redarguer par le peu de succès. Ores ailleurs il plaist à Dieu bénir le roy. La Bourgoingne , comme sçavés, est jà toute reduicte, et en peu de temps, à son obéissance ; et . M. de Mayenne a recherché , non tant la paix que la discrétion et bonne grâce de sa majesté. En Bretaigne aussi M. de Mercœur commence à se sentir de ceste influence, oîi MM. le marquis de

Belle Isie et de Boisdaulphin se sont faicts serviteurs du roy, avec les places qu'ils tenoient; reservans néant? moins à se déclarer, quand le roy s'approchera, afin que cest efFect soit imputé à sa veneue , et que l'esbranlement en soit plus grand pour la démolition du reste ; où encores tout fraischement le sieur de Talouet s'est déclaré avec la ville de Bliedon très importante, qui sépare la haute Bretagne de la basse, et oste à M. de Mercœur le moyen de secourir ses places. Et y a encores quelques efFects semblables prests à esclore. Ce que toutesfois ledict sieur de Mercœur pouvoit esviter en traictant avec nous , qui attendons ses députés il y a deux mois, et qui est pressé par les instances très urgentes de la royne douairière de les envoyer. Mais il semble jusques ici que le jugement de Dieu soit stir ces gens, et que leur arrest soit prononcé au ciel, nonobstant qu'on ait teneu tous les moyens de les conserver, et espargner en terre. Parmi tout cela ne pensés pas que nostre Hercule soit sans monstres. M. d'Espernon a pris argent d'Espaigne , qui au premier jour nous taillera nouveaulx labeurs , et pourra neantmoins différer, voyant sa majesté approcher de Lyon; mais pour mesnager^ plustost que pour changer ses intentions. M., malcontent, prétend espouser Theritiere

de Joyeuse et r'attiser Jtous ces tizons fumans , et rembraser ung nouveau feu, si Dieu ne le conseille mieulx. Et sic labor abit in orbem. Ce que je vous prye de retenir à vous, lequel j'estime à propos d'informer de la vérité de nostre estât , pour l'advertir soit des affaires publicques, soit des privées, qui certes en despepdent. C'est oîi je viens maintenant. Vous me parlés d'ung mariage pour vous. Quid hicego^ nisitotalegeperspecta? Sans avoir veu lesubject, que j'estime tout en mariage.

Mais je sçais que vos yeux y auront considéré ce qui se doibt ; la crainte de Dieu , la vertu , l'konneste naissance, la bonne nourriture, Thumeur, et la condition semblable à la vostre; e^ si quid excurriL Reste que vous desiriés mon advis , si vous debvés ficher vostre tabernacle de là; ce qui despend d'une plus haulte question ; si quant nos remp. habituri sumus , etc. Certes, je vois tant de bénédiction de Dieu sur les affaires du roy , tant de malédiction et si manifeste sur les ennemis^ que je ne doubte poinct, quelques maùlx qui nous restent, quelques nouveaulx qui nous menacent, qu'il ne relevé cest estât; les plus grands maulx estans desjà vaincus; ceulx qui semblent se relever n'estans que pour nous entretenir en exercice. Je crois particulièrement que ceulx de no^tre profession s^y maintiendront, parce d'une part, que sa volonté abhorre tous conseils , qui tendent à nous faire mal , «t que le plus hardi de la court ne lui oseroit avoir parlé ; et parce aussi qu'entre les bons transiit in rem judicalam f qu'il nous fault supporter i comme membres nécessaires et parties intégrantes de ce tout; entre les mauvais mesmes, que nous sommes si forts, et, comme les pilotis, si fondés par tant de secousses et d'esbranlemens , qu'ils ne peuvent parvenir à nostre ruyne, qu'il ne leur couste la leur propre, et de Testât. Unum nos maie habet; que nous ne sommes poinct susses soigneux de la postérité; que nous n'avons poinct de successeur hors d'exception, et ne pensons poinct assés sérieusement aulx moyens d'en laisser, tellement que ceste lumière esteinte, nous ne pouvons appréhender que des ténèbres égyptiennes , que l'œil de toute la providence humaine ne peult percer; et dont par conséquent il fault dire avec Abraham, Dominas pro^

çîdebit Je reviens au poinct que je pense que vous vous debvés marier; que vous ne debvés poinct refuser par delà une advantageuse condition ; j'entends teUe , qu'aiseement vous ne trouvassiés pas en vpstre patrie, qu'autant qu'il se pourra , ce doibt cstre animo re-^ deundi sans vous obliger à changer de pays, afin que selon les occasions vous puissiés remuer vostre tente , ' estant certain que vous ne pouvés , nouveau citoyen en ung estât démocratique , parvenir qu'à choses médiocres et communes; auJieu qu'en vostre patrie vous estes né capable des plus honorables. Pour vous retirer d'où vous estes, je ne vous puis conseiller que vous ne soyés certain d'une meilleure condition en France. Chés vous, il vous desplaira, et ne lairrés pas de despendre. Et à la court , vous ruynerés en despenses excessives, parce qu'elle est vagabonde, et oblige à ung équipage de guerre. Adjoustés la nécessité public* que , telle qu'elle ne soulage aulcunement les privées. Je vois M. de Beauvoir tout disposé de retourner en Angleterre; M. de Maisse mesmes en Italie, s'ils en avoient retiré leurs pièces. Je n'ignore pas cependant que vous vous consommés là , qu'on ne vous envoyé poinct d'argent, etc. Je n'y vois qu'ung remède, practiqué desjà par d'aultres. C'est que vous preniés en payement pour le passé . quelque portion du domaine du roy , qui tous les jours se vend, en quelque province où il vous soit en bienséance, soit pour la seureté, soit pour la proximité. Car par argent cotnptant et par bonnes assignation^, vous n'aurés jamais moyen d'en sortir. Et ainsi par mon advis en a faict M. de Fresne Canaye. Pour le don des deqx mille escus, vous avés sceu comme nos créanciers font vendre partie du domaine de Navarre, et tiennent le total saisi jusques au paye-

3oo LETTRE DE M. DUPLESSIS, cic,

ment de tous les arrérages qui ont coureu pendant dix ans de guerre. Nous leur voulions mesmes pourvoir pour le principal. Il y va de sept cens mille escus ou environ. Aussi estoit il impossible que ceste povre mai^ son luttast si long temps contre celle de Yr^nice y Jictilis contra ferream y sans se froisser. Neantmoins j'ai faict saulver ung petit fonds sur la vente d'une forest en Nor^ mandie, oîi j'cspere que vostre partie se trouvera; et me desplaist bien que ce n'a peu estre plus tost. Au reste ma femme n'est poinct ici. Elle a voulleu donner sa bénédiction à son fils , que je pense parti pour Angleterre, d'où il ira passer l-hiver avec vous; voir aussi madame la princesse d'Orange à Paris; et de là elle s'en va aulx eaux de Fougues en Nivernois , ppur ses indispositions. Ce sera pour la revoir ici vers la fin d'aoust , si tant on m'y laisse en repos. C'est, monsieur, ce que vous aurés de moi; sinon une protestation nouvelle de Thonneur et amitié que je vous porte, en saluant humblement , etc.

De Saulmur , ce 20 juillet iSqS.

CLXVIIL — LETTRE

De MM. les députés du roy pour le traicté de Bretaigne, à sa majesté ^Jaicte par M. Duplessis.

Sire, vostre majesté aura veu par nostre despesche du vingtiesme de ce mois , la resolution que nous prismes à Tours, de nous retirer chacung en nos charges ou maisons, voyant la longueur dont usoit le duc de Mercœur à envoyer ses députés vers la royne, nous estans toute$fois réservés de retourner vers elle , si ,

LETTRE AU ROY. 3oi

dans le huictiesme d'aoust^ les députés dudict sieur de Mercœur y estoient arrivés, et de ceste nostre resolution nous donnasmes ad vis à ladicte dame, des le jour inesme , laquelle , avant avoir receu nostre lettre , notis escrivit qu'elle avoit nouvelles que le sieur de La Ragolfere , l'ung des députés de son frère , debvoit arri- -ver ledict jour, et nous pryoit d'attendre sa veneue, avant que prendre aulcune resolution, Ceste lettre arriva depuis que nous nous feusmes séparés, dont toutes^fois MM. de Rheims et de La Rochepot , qui estoient encores à Tours , donnèrent advis à M. de Gesvre. Le lendemain, ledict Ragotière arriva, lequel, après avoir esté près d'une heure avec la royne , et rendeu bien au long compte de sa charge, sa majesté nou^ appella en son cabinet , où , en présence dudict La Ragotière , nous dict qu'elle avoit beaucoup de regret de voir tant de longueurs en ceste negotiation; lesquelles M. de Mercœur rejettoit sur les serviteurs du roy qui sont en Bretaigne , vers lesquels ayant envoyé depuis l'arrivée du sieur président de Riz, il n'en auroit sceu avoir aulcune response , dont il se plaignoit; et que, durant qu'on lui parloit de trefve, M. le mareschal avoit as* siégé Comper , et lui avoit enlevé deux ou trois aultres places; que ledict sieur de Mercœur offroit faire une trefve pour deux mois, à commencer du premier jour d'aoust ; et dans le 20 septembre promettoit et asseuroit de faire trouvAr ses députés à Chenonceaux ; que c'estoit en somme tout ce que ledict sieur de La Ragotière lui avoit apporté , dont elle monstroit beaucoup de desplaisir; adjousta de plus , qu'ayant pressé ledicl La Ragotière de lui dire pourquoi ledict sieur de Mercœur prenoit ung si long délai d'envoyer ses députés, qu'il lui avoit dict que c'estoit pour attendre response

3o2 LETTRE

du roy d'Espaigne, vers lequel il avoit envoyé, et laquelle il desiroit avoir avant que de les faire acheminer. Ledict Bagotiere estoit présent à tout ce que dessus , et nous déclara que c'estoit toute la charge qu'il avoit de M^ de Mércœur. Nous trouvasmes, sire^ ceste response si esloingnee de ce que nous attendions* que nous ne feusmes pas en doubte de la response que nous debvions «faire. Toutesfois , nous estant retirés à part , et appelle avec nous le sieur comte de Fiesque^ nous fismes response à la royne : que nous estions très marris de voir la fin que prenoit nostre negotiation, et que, sçachant fort bien l'intention de vostre majesté, qui ne voulloit au Icunement que ses subjects, pour revenir en son obéissance, ymeslassent Tauctorité, consentement ni intervention du roy d'Espaigne, nous la supplions de nous donner congé de nous retirer; que nous le prenions des maintenant d'elle , et lui decla<rions que nous révoquions la resolution que nous avions prise à Tours , de revenir au hiiictiesme d'aoust, ne vouUant en sorte aulcune traicter ni negotier avec ceulx qui vouUoient faire intervenir le roy d'Espaigne en leur^ traictés avec vostre majesté, laquelle seroit très grandement offensée contre nous si nous avions séjourné une heure en ce lieu après 4 voir ouï ceste proposition et charge que ledict La Ragotiere dict avoir ; que nous en advertirions vostre majesté en toute diligence , non pour attendre ici §bfi commandement la dessus, en estans assés informés, mais pour lui lever toute l'espérance que l'on lui eust peu donner de l'isseue de ceste negotiation par la doulceur. A la vérité , sire , la royne faisoit assés paroistre par son visage le desplaisir qu'elle avoit de la response dudict sieur de Mercœur, et n'oublia rien pour monstrer au-

AU ROY. 3o3

dîct La Ragotiere le tort qu'il se faisoit d'user de ces remises; comme aussi iedict La Ragotiere n'oublia rien pour nous persuader que le délai que iedict sieur de* mandoit n estoit poinct pour attendre ni Tadvis ni la permission du roy d'Espaigne; lequel il nentendoit nullement mesler au traicté qu'il voulloit faire avec vostre majesté ; mais que s'estant Iedict sieur duc de Mercœur resoieu à bon escient à ceste fois de traicter avec vostre majesté, il estimoit estre de- son debvoir, puisqu'il avoit tiré secours du roy d'Espaigne, de lui en donner advis, et se faciliter le moyen, lorsqu'il auroit concleu son traicté avec vostre majesté, de mettre les Espaignols hors de la province avec doulceur; prévoyant que ce seroit rentrer en une guerre , dans la province, plus grande que celle que l'on taschoit d'appaiser; que, cependant, il offroit de faire la trefve pour deux mois avec M. le mareschal d'Aumont, laquelle il eust traictee il y a plus d'ung mois, si Iedict sieur mareschal n'eust poinct assiégé Comper. Nous persistasmes, sire , en nostre resolution de nous retirer, le renvoyant , pour la trefve dont il nous parloit , audict sieur mareschal , auquel nous donnons advis de nostre resolution , et envoyons copie de la présente despesche , et dismes audict La Ragotiere que l'experience de quinze mois qu'il y a que ce traicté est encommencé, le peu de fruict qui en est réussi, nous faict assés cognoistre ce que nous pouvions espérer à Tad venir; que la dignité de vostre majesté, nostre debvoir et honneur ne nous permet plus de nous lais* ser abuser de paroles, ou dissimuler à vostre majesté nos advis, craignans que Passeurance ou espérance que nous lui donnerions d'une bonne isseue de ceste negotialion nous feust imputée à blasme, et d'avoir,

3o4 LETTRE AU ROY.

à ceste occasion , retardé les remèdes que vostre majesté peult apporter à la redductîon de la Bretaigne en son obeissanoe , comme elle a faict aulx aultres provinces, dont nous espérons que Dieu lui fera la grâce , et en bref I puisque la présence de la royne , qui a pris la peine d'aller jusques sur les lieux , accompagnée de personnages de la qualité et rang qu'il plaist à vostre majesté que nous tenions en son service , ne les a peu ranger à le recognoistre contre leur debvoir naturel , la bonté et clémence de vostre majesté , à laquelle nous pouvons dire que, parmi le regret que nous avons de voir que nous n'ayons peu parachever cette negotiation parla doulceur, à tout le moins avons nous le , contentement d'avoir reduict vos ennemis à ce poinct, que chacung recognoistra , et par leur bouche mesme, que la rupture de ce traicté est sur le faict des £spaignols , et non de la reUigion, comme ils ont voulleu publier ci devant; chose que nous publierons par toute la province, qui apportera ung grand bien à vostre service , ainsi que nous espérons , etc.

Du 22 juillet 1595.

A M, de Chasteauneuf.

Monsieur, je vis hier M* de La Rpchepot, et ne puis rien espérer de bon après les propos de Ragotiere ; car, encores qu'il ait corrigé son plaidoyer, le changement de ses propos n'induict pas le changement de Tintention de son maistre ; je l'impute aulx remonstrances vives de la'royne , desquelles il a voulleu s'es-

LETTRE DE M. DUPLESSIS, etc. 3o5

chapper tellement quellement , et qu'il n'a voulleu se charger du blasme de cette rupture , à laquelle vous estiésresoleu. Et s'il est permis de dire gon advis d'une chose faicte , je pense qu'il eu^t esté meilleur de persévérer en la resolution qu'aviés prise , que non pas de la modérer sur l'adoucissement de son langage, car nous ne pouvons rompre plus advantageusement pour le roy, que sur la confession que La Ragotiere avoit faicte, que M. de Mercœur ne pouvoit traicter sans l'advis du roy d'Espaigne avec lequel la France a guerre ouverte. Je respondrois bien que vous mesmes eussiés^ esté de cest advis; vous verres, par celles que M. le mareschal d'Aumont escrit à la royne , que semblable response a esté faicte à M. le président de Là Grée sur la trefve, qu'il ne la pouvoit faire sans communiquer avec les Espaignols, lesquels il avoit esté contrainct d'appeller à son secours. Cependant , je n'y apperçois point de finesse , si ce n'est ou qu'il s'attende à quelque nouveau mouvement en France qui le frustrera, si Dieu plaist , ou qu'il soit resoleu de prendre parti avec l'Espaignol, duquel il attend ung renfort, c'est à dire resoleu à sa ruyne. Je ne plains pas nos pas mal employés , mais bien certes le nom , la peine et le regret de la royne, qui me sont sensibles pour* le service que je lui doibs , et l'honneur que j'ai receu de sa bonne

grâce, etc.

De Saulmur , ce 26 juillet i5g5.

MÛM, t»S DUPLESAIS-MORITAY. «TOME Tl. 20

3o6 LETTEE D£ M. DUPLESSIS