CXCVII. — LETTRE DU ROY A M. Duplessis

M. Duplessis, j'ai appris par vos lettres du 21 et 24 du mois passé , que vous debviés vous mettre en campaigne pour reprendre le chasteau de ïigny , dont j'aurois à plaisir de Sçavoir le succès. Il fauldra voir aussi ce qu'aura produict le voyage de Sainct Michel : combien que je n estime pas que le duc de Mercœur accepte la trefve , quand ce ne seroit qu'il vouldra devant, estre certain de ce qu'il doict espérer de moi, dont vous sçavés que l'on ne s'est encores esclairci , et semble qu'il désire pe faire par l'entremise du duc de Mayenne. Du moins cestui ci se le promet ainsi, et d'y avoir quelque crédit, qu'il offre mettre en besogne; mais il fauldra en attendre les effects, et ce qu'en rapportera Sainct Michel ; et si Tournabuon est reveneu d'Espaigné j, comme on m'a dict , on y pourra voir plus clair. J'ai tousjours creu qu'il attendroit son retour pour se laisser mieuU entendre ; sur quoi je vous dirai avoir presenti qu'il tend a m'embarquer par son entremise à quelque traicté avec le roy d'Espaigné, protestant ne pouvoir l'abandonner, lui estant obligé comme il est. Ceci a esté escrit à une personne privée , qui me l'a faict dire , et encores que je n'aye aulcune volonté de traicter avec le roy d'Espaigné , contre lequel les derniers exploits m'animent plustost qu'ils ne m'adoulcissent , et quand j'y vouldrois entendre, que je ne le ferois aulcunement par le moyen de mes subjects, et moins dudict duc de Mercœur que d'ung

368 LETTRE DU ROY , etc.

aultre, pour les raisons que pouvés trop mieulx juger; toutesfois j'ai trouvé bon de faire une telle response par celui à qui ceste ouverture a esté faicte, sans qu'il sçache que cela vienne de moi, afin que ledict duc de Mercoéur ait occasion d'en parler plus clairement , et de ne faire chose qui l'engage plus avant avec ledict roy , du moins à mon dommage, et pense qu'il sera à propos que vous suivies ce mesme chemin , si Ton s'en addresse à vous , saQS toutesfois m'y engager plus avant, ni vous aussi ; car j^ vous ai prédit que ce n'est pas mon intention, mais seulement de gaigner temps avec lui, attendant ce qui réussira de la negotiation, qu'il faict faire par. M. de Mayenne, que j'aye pourveu à mes affaires de par deçà, et mis celles de delà en meilleur estât si faire se peult. Sur cela je vous dirai que je me suis resoleu de bloquer La Fera , afin d'occuper les forces que j'ai ici , et tenter si je pourrai par ce moyen recouvrer une partie de nos pertes. Vous verres cependant par le mémoire que je vous envoyé, ce qu'a commencé à produire l'obstination du II fault faire tout ce l'on pourra pour em-

pescher que ceulx qui dépendent de lui ne s'esclatent ailleurs, continuant à l^ur faire cognoistre qu'il est seul cause de son malheur, ayant refusé les advantages que je lui ai faict offrir par mon cousin le con-* n^estable , comme je vous ai ci devant escrit , et neantmoins ne laisser pas de veiller sur eulx pour en tout cas n'y estre surpris. Ce que je vous recommande où vous estes , comme partout ailleurs où vos bons recors se peuvent estendre ; pryant Dieu , M. Duplessis , qu'il vous ait en sa saincte garde.

Escrit au camp de Traversi, ce lo novembre 1695.

LETTRE DE M. DUPLESSIS , etc. 369

A M. de La Rochepot.

' Monsieur, je suis de vostre advis qu'il se fault resouldre , aultrement le mal n'auroit esté si dommageable au pays que le remède m'esme. Les gens de guerre nous sont sur les bras, encores plus au peuple; nos amis se refroidissent et se font accroire que nous ne pensons plus à ce siège. Les ennemis cependant se fortifient et nous rendent difficile avec trois canons, ce qui estoit faisable avec deux. M. de Briacé revient des trouppes de M. de Boisdaulphin , assés mal édifié et pour les desordres de tous , et pour l'incertitude de la foi de partie d'eulx. Je vous prye de ne les faire approcher que n'ayons parlé ensemble; j'estime que nous les pourrions loger en lieu où ils aideroient et ne pourroient nuire, et que le ôorps que nous ferions ensemble suffiroit pour faire nostre effect abondamment, pourveu que nous abrégions. Je suis asseuré de cinq cens arquebusiers feables; les plus esloingnés seront ici en deux jours; j'ai de plus envoyé au sieur de Chasteaurouet, qui a trois cens arquebusiers près de Mirebeau; mais tout cela se lasse de roder. Ce que vous avés desjà, et que vous vous promettes de M. de Laverdin et de M. d'Avaugour, ne peult faire moms; mais pour celles de M. de Laverdin , je serois d'adyis que vous lui demandassiés seulement les sieurs de Buffé, de Charonne et aultres plus coiffidens , et non le tout qui nous tourneroit plus à Confusion qu'à secours. Oultre ce qu'on interpreteroît en mauvaise part et à défiance trop evi-

MeJ». de DUPLBSSIS-MORIÏAT. TOAIE YL *1^

370 LETTRE DE M. DUPLESSIS, etc.

dente que vous fissiés différence entre les trouppes de Perraudiere et les aultres, conviant les unes près de vous, et en esloingnant les aultres; tout cela que je ne vous puis expliquer si clairement par lettres, meriteroit que nous en parlas'sions , au port de Sainct Maur, une heure ensemble, pour faire une fin à toutes difficultés ; aultreuient, tout nous eschappera et n'en demeurera qu'en ruyne «au peuple, et une mauvaise impression contre nous. J'ai considéré les lettres d'Aiicenis : je n'en ai attendeu aultre chose. L'-esIeu Niotte n'estoit allé qu'à 3uby voir mon frère de ma part. On noiis menace de grands retranchemens : j'espère qu'ils feront différence de lieux , car ce pays n'^eo peult souffrir. Je vovs supplie que demain à p^eille heure je puisse ^voir respoDse de celle ci , etc.

D« Saubnur , ce i2 novembre iS^S.