XL. —LETTRE DE M. DUPLESSIS A M. le duc de Bouillon

Monsieur, j'estois altéré de vos lettres, quand j'en ai receu par le retour du sieur Dumaurier; mais si brèves qu'elles m'ont plustost allumé qu'esteint la soif. En mon particulier, neantmoins, je vous recognois beaucoup d'obligation de Thonneur que vous me promettes de vostre amitié, et de m'en monstrer les eflfects es occasions qui semblent s'en présenter . par delà. Pour le public, suivant le consentement de sa majesté, quelques assemblées provinciales ont esté teneues préparatoires à la générale, pour l'élection et instruction des députés qui y doibvent estre envoyés. Ce qu'il y a de meilleur, est que personnes ont esté et seront nommées, qui seront capables de porter fidèlement les bons conseils qui leur seront donnés, et de les dextrement représenter. Le mesme a esté faict es synodes provinciaulx pour le gênerai. En ces assemblées deux sortes de propositions se peuvent faire. Les unes absolument bonnes , utiles en tout temps et en tout cas; de s'unir, d'entretenir ceste union , de s'entre recognoistre dedans et dehors; et avec telle discrétion, qu'en faisant le nécessaire on porte le moins d'ombrage qu'on pourra. J'estime que celles là ne se doib-

52 LETTRE DE M. DUPLEiSSIS

vent différer. Les aultres conditionnées selon les subjecls qu'on nous donnera, selon les inconveniens qui nous peuvent surprendre , etc. Je pense que celles ci doibvent prendre et attendre le conseil du temps , mesmes de ces indications qui nous sont critiques , si le roy s'obligera à la guerre contre le roy d'Espaigne et toute la maison de Lorraine , ou s'il pacifiera avec eulx; s'il estreindra alliance avec les princes et estats de nostre relligion, ou s'il se reconciliera avec le pape; s'il mettra ses forces ou partie d'icelles en vos mains et aultres de la relligion ^ ou bien de ceulx seulement qui leur sont contraires. Estant tout certain qu'au premier cas, il ne nous peult, ni veult faire mal; ains se rendra par le cours des affaires capable de nous bien faire. N*est aussi simplement h regarder ce qui est juste, mais aussi ce qui est expédient; ni à ressentir ie mal que nous souffrons, mais à peser la vertu, ou le péril du remède que nous y prétendons; afin que lïi bénédiction de Dieu se rencontre avec la prudence humaine. Ores , monsieur , ces poincts merite- Tôient plus de discours, encores que vostre bon jugement le s<çaura prou estendre ; mais je considère que Ton nous asseure que vous venés bien tost en court , ou par la bouche de personne confidente qui partira d'ici, nous vous pourrons parler plus clairement; et "VOUS, qui serés sur les lieux, plus solidement nous resouldre. M. de La Tremouiiie m'a faict cest honneur de venir ici , et me communiquer vos lettres. Je trouve que de plus en plus il se rend digne de choses bonnes et grandes. Je vous baise , monsieur, très humblement les mains, et supplie le Créateur vous avoir en sa isaincte garde.

Ei par apostille estoit escrit : Monsieur , nous at-