LETTRE DE M. DE SERRES

CCXXIV LETTRE DE SL DE SERRES(i)

A. M. Duplessis.

Mo]!rsiEinii , vos lettres m'ont consolé et conseillé , ou plustost Dieu par vous. Je vous estois obligé, et comme au nom commun pour avoir participé en vos saincts labeurs, et en particulier pour avoir esté honoré de vostre amitié. Je confesse que je me sens au double. vostre redevable, qui avés faict reverdir mon cœur, quasi flestri parmi les peines de mon si long hiver. Il n'y a riea donc plus coura^ux que la bonne conscience , rien plus victorieux que la vérité. Soubs l'enseigne colonnelte de nostre grand capitaine j'apperçois vostre panache; je me jette de ce costé là parmi la presse, au moins pour ne Ëiillir la file^ Et espère que cehii qui crie du combat, Courage, j'ai vaincu le monde, ne me délaissera pas. Je me resjoui de sentir approcher l'aube de nostre sjnode. En ceste lumière j'espère qu'on comptera mes pas. Dieu veuille m'en donner le firuict que j'espère; mais c'est à ce jugement que je remets et personne et labeurs. Je vous envoje cependant ung eschantillon d'une mienne besoingne, mais digne de vos mains, pleust à Dieu qu'il le feust de vostre loisir, et vous apporterai, aidant Dieu, l'inventaire achevé d'impression, mais non de labeur. Tel toutesfois qu'il est, je vous l'offrirai. Et maintenant vous supplie très humblement donner cela au public,

(i)'Jean de Serres, auctear de l'inventaire gênerai de THistoire de France.

A M. DUPLESSK. 467

de priendre la peine de voir ceste économie. Quoiqu'il y ait de ma , peine en ayant ramiTSisé la matière pour façonner ce crayon , elle sera disposée selon rostre jugement, Qt de la compaignie qui n)e donne lot de parler et de me taire. L'esperaqce que j'ai de vous voir bientQst me relevé d'ung plus Ipng discours, Dieu vous veuille longuement et heureusement, etc.

De Paris , ce 24 avril 1 Sgâ.

A M. de La Fontaine.

Monsieur, que vous dirai je de deçà, quand vous voyés prendre Calais à vostre veue? ou plustost que ne dires vou3 de nostre soit improvidence, soit disgrâce, swe quo alio nomine libet? car qu'y a il plus estrangp qu'une place soit qualifiée bonne quarante ans, pour estre ou yerifiee ou disputée mauvaise au premier jour du besoing ? Le recouvrement m'en semble difficile pour l'assiette; la vengeance aisée sur aultres places jusques à une aultre occasion. Que dirions nous toutesfois, si Dieu avoit voulleu assiéger l'Espaignol en ce coing par tani: de forces rassemblées en ung moment de toute la chrestienté? Mais je ne sçais si nostre destin y est contraire. Et que seroit ce si ung povre huguenot avoit perdeu ou ung Calais, ou ung Cambray, qui lui eust este baillé en garde ? Et cependant ce sopt ceulx qu'on rend tant qu'on peult incapables des charges. Je vous ai escrit de nostre assemblée de Loudun. Chacung y désire la paix, mais chacung y est las de l'incertitude de nostre condition pour la

rigueur nommeement des parlemens et de toutes les justices de ce royaulme, qui exécutent encores les edicts de la Ligue. En vain leur presche on patience. Ils répliquent qu'ils Font eue en vain, qu'il y a sept ans que le roy règne, que leur condition empire tous les jours, qu'on faict pour la Ligue tout ce qu'elle veult, que la court ni les courts ne leur refusent rien, et n'y ^ faict rien l'histoire du prodigue. Au moins ,^ disent ils , après avoir tué le veau gras pour eulx, qu'on ne nous laisse pas la corde au col pour salaire de nostre fidélité. Je m'y trouve empesché, et ai adverti le roy qu'il est temps qu'il y pourvoyc-, et que ces curés palliatives de paroles, de remises, de promesses n'y peuvent plus rien. Et c'est en somme la vérité. Je trouverois à propos si on s'assemble pour conférer d'une plus estroite Ligue, que le'^roy feust exhorté à y penser sérieusement. On se fonde trop sur nostre patience , laquelle par tant d'injustices et de desnis.de justice pourroit changer. J'en considère la conséquence, et y apporte ce que je doibs et puis; mais je désire y estre secoureu de tous costés , etc.

Du 3 mars iSgô.

A M, de Buzençal.

Monsieur, le retour de Brouard m'eust apporté contentement particulier en beaucoup de sortes s'il n'cust esté noyé du desplaisir public de Calais; bien qu'on me veuille consoler de l'espoir de reprendre la ville, et secourir la citadelle par la notable et prompte

assistance de la royne d'Angleterre et de messieurs les estats. Mais l'assiette du lieu me représente des difficultés qui ne me le peuvent faire aiseement concevoir. Voilà comment nos places ont réputation d'estre bonnes quarante ans , et puis au besoing nous nous excusons qu'elles ne vallent rien. - Si elles sont bonnes , quelle punition assés grande à qui les deffend si mal ? si mauvaises, quelle improvidence de ne les avoir rendeu bonnes? celle ci mesmes de telle conséquence, qu'elle tiendra seule aujourd'hui trois estats en très fascheux éschec ? Mal à propos est aussi adveneue ceste disgrâce pour ces provinces de deçà, où M. de Mercœur estoit prest à traicter, et avoit ung député de sa part avec moi pour renouer la negotiation à l'insfant de ceste nouvelle. Il proteste fort que cela n*alterera rien en la volonté de son maistre. J'en doubte , parce que je l'ai recogneu tousjours d'ung naturel pencHé sur les espérances avenir, préférant la tyrannie d'ung jour à la légitime auctorité de plusieurs années. Je vous ai escrit de l'assemblée, qui se tient à Loudun soubs l'auctorité du roy, des députés de toutes nos Eglises. Sa majesté m'a commandé de ne m'esloingner encores de ces quartiers, tandis qu'elle tiendra. Je n'en vois ung seul qui n'y cherche la paix , mais ung seul aussi qui n'y veuille et. asseurer, et améliorer la condition de ceulx de la relligion , qui en la pluspart des provinces sont encores traictés par les edicts de la Ligue, l'opiniastreté des parlemens ayant esté telle , que jusques ici ils n'ont rien voulléu relascher de leur passion. Â qui leur presche patience, ils sçavent fort bien respondre qu'elle leur a nui; qu'il y a sept ans que le roy règne, que toute heure est à propos pour contenter injuste-* ment ceulx de la Ligue , nulle pour leur faire droict :

que les parlemens vérifient tout ce qui est pour ceuU là, quelque énorme qu'il soit; refusent au contraire tout ce qui les concerne, pour civil qu'il puisse estre. On a tant négligé ce mal , qu'il s'est rendeu de plus difficile curation ; et je ne m'y trouve pas peu empesché. J'es« tiiifierois à propos que la royne d'Angleterre et mes* sieurs leis estats, traictans de plus estroite alliance avec^ sa majesté , l'exhortassent à penser plus sérieusement à cest affaire , et d'autant plus que la pluspart interprètent à desdain et à mespris , ce que jusques ici on la laissç derrière toutes les aultres, se contentant de cures palliatives. Je viens au particulier. J'ai beaucoup à louer Dieu de la bénédiction qu'il lui plaist donner à mon fils, et à remercier mes amis qui prennent tant de peine à acheminer sa jeunesse à la vertu, à vous particulièrement qui lui faictes office de père , et par conséquent estes au dessus et de to^t remerciement , et de tout service, soit pour son regard , soit pour le mien. Je m'en sens aussi fort obligé à M. d'Aersens, et vouldrois bien le pouvoir recognoistre à l'ehdroict de son fils, lequel je vous asseure proficter et en la crainte de Dieu , et en la cognoissance des affaires, fe plains vostre condition, et plus si telle n'estoit aujourd'hui celle de la pluspart des gens de bien. Mai^ il semble que transien in rem judicatamy que chacung s'accroisse par mal, et dimineue par bien faire ^ et crains que nous nous y accoustumerons tant, qu'il pasde mesme en loi fondamentale. Si j'estôis bons de l'affaire ci dessus, j'irois en court, et lors m'y banderois pour vous de tout mon pouvoir , et vôu§ pourrois aussi mieulx esclaircir de ce qui s'est àdvancé en l'assignation de Nlavarre. Cependant continués tnoi vostre amitié comme vous vous obligés la mientie tous les jours , et

A k DE BUZENVAL. 4?^

vous asscurés de mon service , etc. Il semMe que madame de Laval se veuille faire descharger de la gardenoble de M. le comte, son fils, et pour sa personne se mettre près de Madame. Les femmes, qui s'entrecog^ noissent, en tirent ceste conséquence, que c'est à desseing de se marier.

^ Du 3 mai I SgiS.

A M. de ha Noue.

MonsiECH , nous avons tout le discours de Calais. Nostre improvidence ne s'y peult cacher. Cependant nous nous plaignons que 1a placé n'estoit pas bonne ; trop tard, puisque depuis quarante ans nous la vantons aultre , et au bf soing nous la trouvons mauvaise. Nous en serons en mespris et aulx amis et aulx'ennetnis. Si j'avois le moyen je tascherois qu'il ne me peust advenir de mesmes ; mais je ne puis que ce que je puis, et vous le sçavés. Pensés y pendant qu'estes ensemble. Ceci certes vous debvroit estre à tous une Malte. Le roy est retourné à La Fere, craignant d'avoir perdeu l'ung et ne regaigner pas l'aultre. M. de Mayenne dict qu'on n'y a rien faict qui vaille. A la venté, il toucheroit à lui de faire les miracles. On dict que M.^ de Bouillon est passé en Angleterre, soit pour justifier nos diligences, soit pour représenter la conséquence. Je ne sçais si je le doibs croire , parce que cela semble rabattre du voyage de M. de Sancy. Je désire fort sçavoir le jour et le lieu de l'assemblée de Poictou. Je pense, si vous Faictes ce que je dis à M. Texier, qu'il

en réussira du fruict. Nous avons des trouppes en ce gouvernement à qu^ttre lieues d'ici contre la trefve. C'est Perraudiere. Je ne le souffre pas patiemment. J^ai ^sçeu que M. de La Tremouille a tout licentié; s'il y en a des esclats près de vous, je vous supplie de nte mander quels et qui les commande, et me conseiller de qui j'aurai à m'aider et à qui à escrire. J'envoye ce lacquais exprès vers vous. Et sur ce , etc.

De Saulmur, ce 4 ™di 1596.

ji M, de Sainct Luc.

Monsieur , je vous pensois en Basse Bretaigne , quand j'ai sceu par vos lettres que vous alliés en court Je l'estime à propos, parce que je m'asseure que, selon vostre prudence, vous laissés la Bretaigne en paix; car les propos que m'a teneus le sieur de La Ragotiere semblent demander sérieusement le repos; mesme ne lui dissimulant poinct la perte de Calais , il me dict que cela advanceroit plustost que de reculer. Je suis marri neantmoins que ce soit à si cher prix. Mais il fauit prendre ces gens à la voilée. Les laisser songer sur le bond est en danger d'une bricole. Mettons en somme la France en tranquillité de toutes parts, et les ennemis y trouveront peu où faire descente. Je vous remercie humblement de l'ordre que vous avés donné pour nos assignations. Je m'asseure que ce sera si solidement , comme vous, faictes toutes choses , qu'il n'y aura plus à y retourner.

Du 6 mai iSqG.

Au roj.

SiBE, j'ai escrit véritablement à vostre majesté ce qui est de l'assemblée de Loudun. Ils attendent ce que vostre majesté aura respondeu à M. Vulson. Je recognois bien les grands affaires que votre majesté a sur les bras; mais, si lui ose je dire que cestui ci n'est à négliger; et estime qu'il ne seroit hors de propos que vostre majesté envoyast quelqu'ung de sa part pour leur faire entendre sa volonté. Quelque catholique qui ait la réputation d'ainier le repos , y seroit propre ; et cela se ^ourroit faire, comme si vostre majesté l'envoyoit commissaire pour l'exécution de ce qu'elle avoit promis à Lyon. Ce que je dis pour la dignité de voslre majesté. Les plainctes qui y abondent de tous costés leur font requérir les remèdes; et tout fraischement du parlement de Bordeaulx. En ce pays , contre l'article de la trefve, les ennemis tiennent les champs, et neantmoins veullent estre payés. On nous a laissés si courts , qu'il ne nous reste moyen de leur malfaire. Neantmoins je pense que je serai contrainct de monter à cheval pour chasser Perraudiere de Martigny Briand , maison de M. de Brissac, où il s'est logé avec son régiment, et y rallie pour M. de Mercœur toutes les trouppes que M. de La Tremouille a lîcentiees. J'en ai amplement escrit à monseigneur le connestable. Et sur ce , supplie le Créateur , etc.

De Saulmur^ le 11 mai iSgS.

A M. le connestable.

Monseigneur , il est de mon debyoir de vous faire entendre l'estat de ce pays d'Anjou; et je me confie que vous 'me ferés cesl honneur de le prendre en bonne part. Nous avons une trefve qui a encores à durer jusques au i*' de juillet. Pour en jouir , il se levé une somme notable pour ceulx de la Ligue , pour payement de laquelle on leur attribue nombre de paroisses en chaque élection ; il est dict ,>moyennant cela, que nuls gens de guerre ne tiendroflit les champs; ce que nous observons fort bien, et au contraire, les ennemis pillent tout le pays, y font vivre leurs trouppes, en deschargent ce qui leur obéit, aulx despens de ceulx qui recognoissent le roy; et d'autant plus librement que nous ne pouvons entreprendre sur eulx , tant en considération de la trefve que principalement par ce qu'on nous a partout retranché nos garnisons fort court ; et qu'on n'entretient aulcune cavallèrie en toutes ces provinces, présupposant sa majesté qu'elles sont en repos. De là advient que le pays est plus ruyné qu'il ne seroit en pleine guerre; car il paye au roy et aulx ennemis; et neantmoins ne laisse d^estre ravagé impuneement, et y a telle élection sur laquelle , par la rigueur ils n'ont levé mille escus par quartier, qui en est taxée à trois mille, et ne laisse d'en estre branscatee en double. Tout fraischement le sieur de Perraudiere, soubs ombre de bonne foi , s'est logé au chasteau de Martiguy Briand, appartenant à M. le mareschal de

A M. LE CONICESTABLE. I^jS

Brissac , ftvec son régiment , d'où il rançonne tout le pays; et y rallie les trouppes qui ont esté licentiees par M. de La Tremouille , pour M. de Mercœur ; je pense, monseigneur, que sa majesté, comme vous, n'aurés désagréable que je tasche de l'en faire sortir , encores qu'il me fasche assés de tirer sUr moi le blasme de faine chose contre la trefVe, qui ne me pourra toutesfois estre donné que de ceulx mesmes qui ne la tiennent poipct, ou de gens peu affectionnés au service du roy et bien du pays ; mais parce qu'on parle maintenant dé continuer ceste trefve , je pense, monseigneur , qu'il nous doibt estre commandé d'y mettre ung article, qu'au caé que les ennemis tiennent des trouppes aulx champs , ils ne pourront rien demander de la somme qui leur aura esté promise ; et d'ailleurs que, pour les reprimer, sa majesté doibt entretenir quelque peu de cavallerie en la province ; aultrement son service ira en mespris. De ceste heure encores, le sieur de Goulesnes tient son régiment tout proche de Gonnor. Je ne fais double que M. de La Rochepot n'en soit adverti , qjii vous en aura faict remonstrance. 11 vous plaira donc , monseigneur , nous commander comment nous avons à vivre. Et sur ce je supplie le

Créateur qu'il vous doint , etc.

Du 1 1 mai iSgG.

j M. de La Rochepot.

Monsieur, je vous escrivis il n'y a que deux jours. Je vous vois engagé en une charge qui vous desro-

476 LETTRE DE M. DUtLESSIS

bera, et ai je peur plus longuement que ne pensiés, à ces pays ; si sera il bientost temps de renouer la trefve ou de nous préparer à la guerre : de la f^çon que nous vivons, je ne sçais lequel désirer; car nous payons de grosses sommes , capables , si elles estoient bien emplpyees, de ruyner les enpemis par la guerre, ^t ce* pendant ils n'ont pas laissé de branscater toutes les paroisses jusques aulx portes d'Angers; et le régiment de M. de Goulesnes est tousjours aulx Manges, et depuis trois jours loge dans le chasteau de Marti gny, qui y rallie les trouppes licentiees par M. de La Tremouille. J'en ai protesté contre ceulx de Rochefort ; ils disent en estre marris. Je pense que le plus court sera d'assembler ses amis pour le deffendre. J'escris à M. le connestable amplement de cest affaire, afin qu'il nous soit donné ordre pour reprimer les ennemis , soit guerre , soit trefve; car aultrement n'obéiront ils jamais aulx conditions. Vous estçs sur les lieux, et le faict vous touche. Vous me ferés cest honneur, s'il vous plaist , en ce qui me concernera , de faire comme pour vostre serviteur. Vous me pourrés dire qu'on ne parle que de ^Picardie à la court ; et pleust à Dieu que ce feust avec moins de subject ! mais si ne fault il pas qu'une province se perde pour l'aultre. Je vous ai mandé que nous avons si bien besoigné pour le faict de Tigny , que n'avés plus à vous mettre en peur par delà. Je le vous répète; mais il n'en fault faire mention, si vous m'avés tant obligé que d'en avoir peu faire autant pour mes 3,5oo livres de Chasteaugontier, je ne sçaurai par quel service le recognoistre; car de trefve en trefve je m'en suiâ tousjours déporté ,^et je vois qu'elle aura à continuer encores, et me seroit autant de perdeu: puisque je relasche mes-^^signations pour le public,

DE M. Xm LA ROCHEPOT. 477

qu'y a il plus juste qu'elles soient rejettees sur le public, avec la sornrne destinée pour la trefve. Mes compaignons n'en mangent , et ne vous puis que dire. Je verrai en somme si vous aurës aussi bien sceu besoigner au conseil que nous au bureau. Je n'ai eu pour tout qu'une lettre de vous depuis vostre partement. Et sur ce, etc.

^ Du 1 1 mai 1 596.

j^u rojr.

Sire, je ne prends pas plaisir à travailler inutilement vostre majesté ; mais l'affection envers vostre service m'excusera. Présentement j'ai advis, de bon lieu, qu'il est arrivé cette sepmaine cinquante canons à Blavet. Je le tiens d'homme qui est veneu d'Espaigne avec cest attirail , et qui a apporté à M. de Mercœur une despesche de Tournabuon. Il adjouste qu'il y a à Laredo et à Sainct Sebastien six mille, hommes de guerre prests à embarquer pour Bretaigne , qui debvoient partir le 2 5 du présent. Il en peult dire plus qu'il n'y en a ; mais il est bien certain que les vieilles garnisons d'Italie et de Sicile sont «arrivées en douze gallions , que le roy d'Espaigne a faict venir de la mer de Levant, lesquelles il a rabaissées du bord pour servir plus commodeement aulx costes de deçà ; et que tous les grands d'Espaigne ont esté taxés chaçung à notable somme pour les frais de cet embarquement. Ce que j'estime que vostre majesté aura sceu plus particulièrement d'ailleurs. Vos serviteurs craignent sur-

478 LETTRE DE M. DUPLESSIS, eic

tout ]^e$t. M. de Mercœur mesmes semble n'y prendre

plaisir. Je supplie le Créateur , etc.

Du 20 mai i5g6.