XLV. —MEMOIRE Envojré à M. de La T remouille en juin \^t

Messieurs de la ville de Tours prétendent en conséquence de Tedict du feu roy, et par la faveur de M. de Souvré , faire ériger une court de parlement à Tours , laquelle soit composée des pays d'Anjou , Touraine et Maine, Loudunois, Hault et Bas Poictou , pays d'Aunix et Angoumois.

Pour à quoi parvenir envoyent leurs députés vers les provinces et villes à ce intéressées, leur représentant les utilités de ceste proposition , et pryant de se joindre à leur requeste.

Sur quoi semble estre à considérer que ceulx de la relligion ont esté jusques ici si mal traictés par les parlemens, qu'ils auroient plustost subject de les récuser comme parties que de les désirer pour juges, et par conséquent en requérir l'eloingnement que la présence , mesmes lorsqu'il a esté question des edicts , réception d'ofBciers de la relligion, establissement de Texercice, etc.

Tellement qu'il y a plus d'apparence que leur proximité auctorise le mal contre lesdicts de la relligion, que non pas d'espoir qu'elle amende leur condition.

A cela , on respond que ce parlement sera composé de personnes mieulx affectionnées ; mais est à considé*

MEMOIRE, etc. 6l

rer que ceulx qui auront à les nommer, n'y apporteront pas les mesmes considérations et afTections que nous. Au contraire, qu'ils seront bien aises de faire choix de gens aulxquels ils puissent librement recommander d'adviser aulx moyens de reprimer Taccroissement de ceulx de la relligion , diminuer leur auctqrité , esmousser leur vigueur , et en somme aulxquels ils puissent donner pareilles instructions qui furent baillées à ceulx qui vindrent aulx grands jours à Poictiers , tant la première que la seconde fois , et d'autant plus que les provinces dont on veult composer ce parlement , ^nt celles où la relligion semble avoir autant de pied.

Ne fault aussi doubter que ceulx qui ont en main rauctorité , pour le choix et composition de ce parlement, se serviront de ceste occasion pour repurger le parlement de Paris, envoyans les plus pernicieux de ceulx qui tenoient pour la Ligue , pour exercer leurs charges à Tours , moyennant quoi ils penseront avoir faict deux effects ; à sçavoir de rendre Paris plus asseuré par Tabsence de ceulx de la Ligue, et ceulx de la relligion plus molestés, et plus affbiblis par leur présence ou proximité. N'estimans toutesfois rien faire par là , au préjudice du repos de la ville de Tours , faisans pour la tranquillité de Paris , parce qu'ils les auront tirés d'ung lieu où ils auroietit leurs accointances en ung aultre, où ils ne cognoissent personne.

Divers moyens peuvent estre teneus pour s'en es*chapper, sans toutesfois se charger de malveillance.

On peult respondre que cest affaire concerne plu»sieurs provinces , et requerroit qu'elles en communiquassent ensemble, ce qui ne se peult maintenant commodément, et qu'iji semble de telle importance qu'il

6â MEMOIRE 9 etc.

seroit à propos que la resolution en feust remise aulx premiers estats, qu'il plairoit à sa majesté assembler, par le moyen desquels lesdictes provinces en peussent conférer, et conjointement requérir sa majesté de ce qui se trouveroit le plus expédient par Tadvis commun.

Et neantmoins est bon de leur faire sentir la juste cause que ceulx de la relligion ont de se plaindre du traictement à eulx faict par les parlemens contFe4'intentioiudu roy , et les edicts des roys ses prédécesseurs et siens , et avec peu de considération de leur fidélité et ïecognoissance de leurs services , assés recogneus en la défense de cest estât , et de leurs voisins lorsqu'ils estoient en plus grand péril.

Se peult délibérer aussi , si on pourroit poinct requérir que la chambre de l'edict promise par sa majesté pour le parlement de Paris feust establie à Tours , et feist mesmes partie du parlement, si tant est qu'il ait lieu 9 composée à la nomination des Eglises, ainsi qu'il est porté par les articles secrets , et qu^à icelle feust nommeement attribuée l'auctorité de recevoir ceulx de la relligion es estais et charges , privativement à toutes aultres , attendeu Tanimosité qui a pareu évidemment en tous les parlemens.

N'est à obmettre que l'entretenement de ce parlement se doibt lever sur toutes les provinces qui en dépendront, qui leur sera une nouvelle charge non petite.

XLVL — -^LETTRE DE M. BUPLESSIS

A M, de La Bastide:

Monsieur, vous me touchés deux poincts en vos lettres, le siège de Bazoges, et la cessation d'armes, sur lesquels j'avois faiçt respTonse au capitaine Monela, par lequel me faisiés ceste faveur d'en demander mon advîs. Pour le premier il n'y a doubte qu'il ne soit très utile de l'attaquer, premier que l'ennemi s'y fortifie; et, pour ce, je suis d'advis que dressiés ung petit estât des forces , tant de pied que de cheval, que pouvés mettre en campaigne promptcment, premièrement des garnisons d'Anjou ; et pour celles qui despendent de moi, elles ne vous y manqueront poinct; en après, des provinces voisines, Poictou, Touraine et le Maine; esquelles aussi j'employerai mes amis de tout mon pouvoir ; mais je crois que vous sçavés bien que M. de Souvré est parti ; et partie des troupes de M. de Lambdin pour aller trouver sa majesté. Par ce petit estât , vous pourrésmieulx juger, et plus seurement entreprendre , mesmes maintenant que M. de Mercpeur s'approche d'Anjou avec quelques forces ; toustesfois vous estes plus près que moi, pour y voir plus clair. Pour le second, je ne doubte poinct des grandes occasions que vous avés à penser à la cessation d'armes , pour laquelle vous avés despesehé vers le roy, et considérer que rapprochement de M. de Mercœur, que me représentés, vous peult apporter de nouveaulx dommages; j'eusse désiré sçavoir quelle satisfaction M. de Boisdaulphin vous donne sur les deux poincts que je vous ai touchés de la dignité du roy et du soulagement du

64 LETTRE DE M. DUPL£S$IS> etc.

peuple, et quel est yostre jugement sur le$ expediens que je vous avois ouverts sur l'ung et sur i'aultre , par la despesche que je vous envoyai par le capitaine provençal, Âicanoir; que, pour éviter ces mots de chefs des deux partis, s'ils ne veullent recognoistre le roy, qu'il ne soit traicté que de gouverneur à gouverneur, et plustost de bouche que par escrit; attendant la volonté du roy pour l'espace de quinze jours, pendant lesquels elle viendra, et semblablement que, pour n'empirer la conditipn des subjects de sa majesté au lieu de l'amender, il soit limité jusques où les sergens de ceulx de la Ligue auront à venir en chaque élection ; n'estant raisonnable qu'ils atteignent plus loing par la diligence de leurs sergens en trefve que par les courses de leurs gens de guerre ; sur quoi je vous dirai qu'à trois lieues d'ici nous ne payons poinct à la Ligue ; bien «st il que par ceste belle trefve générale , qui a pensé tout ruyner, ils pretendoient tout lever jusques à nos faulxbourgs; mais nous les empescbasmes par les prevosts des mareschaulx; et je ne veulx plus pour mon regard tomber en cest inconvénient; estant neantmoins prest , pour le bien du public , de m'accorder à tout ce qui sera jugé raisonnable. C'est, monsieur, ce que je vous puis dire ; et sur ce saluerai humblement vos bonnes grâces, en vous remerciant de tant de soing que prenés de me faire part de vos nouvelles, et pryant Dieu , monsieur , vous avoir en sa saincte garde.

De Saulmuri ce ai juin 1594.

LETTRE DE M. DE MONTPENSIER , etc. 65

XLVII. — LETTRE De monseigneur de Montpensier à M, Duplessis,

M. Duplessis ^ je sçais combien vous estes soigneux de ce qui me touche ; c'est pourquoi avec plus de liberté je vous en parlerai ; et commencerai à vous dire, que le roy est resoleu de mener madame sa sœur à Laon, et partira pour.cest eilect dans deux ou trois jours , se resolvant par mesme moyen d'attaquer Hon- ^fleur. Je crois que ceste resolution m'e$t tellement advantageuse que vous ne me conseillères poinct de la changer. Et parce que je ne puis si librement que je desirerois vous escrire de certains poincts , très nécessaires toutesfois à Tadvancement de ce que je re« cherche, je m'en remettrai sur la lettre de madame de Rohan , qui a voulleu prendre la peine de s'en charger. Je vous supplie donc , M. Duplessis , surtout qu'il vpus plaist désirer le bonheur d'ung, qui le tiendra en par* tie de vous, de vous voulloir employer sur ce subject, et d'advancer vostre parlement pour venir trouver le roy; ni'asseurant tant en la faveur de vos bons of&ces, qu'ils ne me seront non plus desniés à l'advenir que par le passé. Ce sera combler d'obligation vostre très fidèle et très afTectionné ami , Henry de Bourbon.

Du 4 juin i594«

MÉai. MB DUPLESSIS-MORKAY. ToME Vt.