XVII. — PROJET DE LA LEGATION

Que monseigneur d'Jnjou, èsleu duc de Brabant^ destinoit en Allemaigne , à la diète dUAusbourgy Van iSSa.

Il semble que ceste légation doit tendre à deux fins. La première , d'empescher que la diète ne nous apporte du mal : la seconde , de tascher qu'elle nous apporte du bien.

Le mal qui est à craindre , c'est que le pape , l'empereur et le roi d'Espaigne principalement, avec leurs adherens, prétendent que les princes d'Allemaigne, c'est à dire l'Empire , se bande contre les Pays Bas , nommément contre monseigneur le duc de Brabant.

Le bien qui s'en peult raisonnablement désirer, c'est que l'élection faicte par les estats soit confirmée par l'Empire , et mondict seigneur le duc receu à foi et hommage , selon la forme des prédécesseurs , et en toutes les prérogatives qui en dépendent; mais pour ceste première fois malaisément se peut elle espérer.

Pour parvenir à ces fins, semble que seroit bon de tenir la procédure qui en suit.

Que ceulx qui seroient depeschés des pays de deçà à la diète impériale, eussent double instruction et doubles créances. Les unes, comme envoyés purement de par les estats geneniux de ces pays; les aultres, comme envoyés avec charge de monseigneur le duc de Brabant, et que cela demeurast secret jusques au besoing.

Qu'arrivant au lieu de la diète, ils ne parlassent que des estats généraux , et demandassent audience en vertu de leurs lettres, au nom d'iceulx, laquelle ne leur

1 34 LEGATION

pourroit estre déniée , veu qu'elle est assemblée pour leur faict, au lieu que, soubs le nom du nouveau duc de Brabant, elle le seroit sans double ; et, icelle octroyée, fissent leur harangue, qui pourroit, pour la justification des actions desdits estats généraux, contenir ce qui en suit :

I. L'obligation mutuelle, qui est naturellement du prince envers les subjects, et des subjects envers le prince , laquelle est de droict divin , veu que nature n'est aultre chose que l'institution de Dieu , et partant , ne se peult ne doibt enfraindre.

a. L'obligation mutuelle, qui est de droict civil par contract et serment réciproque , exprès entre les seigneurs des Pays Bas et leurs subjects, dont fauldra faire apparoir par les joyeuses entrées, etc., confirmative et interprétative de la précédente.

3. Fauldra discourir combien lesdicts estats, tant en gênerai qu'en particulier, ont rendu de tout temps d'obéissance à leurs seigneurs, à l'acquit desdictes obligations naturelle et civile, nommément à l'empereur Charles, et depuis résignation faicte au roi d'Espaigne, son fils; ce qui se pourra confirmer par histoires et tesmoignages.

4. Au contraire, en combien de sortes le roi d'Espagne a violé lesdictes obhgations ; sur quoi sera bon de s'estendre à reciter les principaux articles portés par les contracts mutuels et les infractions d'iceulx.

5. Qu'en ceste oppression, lesdicts des Pays Bas, qui eussent pu, à la rigueur, selon le serment, user de leur puissance, ont eu recours à se plaindre aulx gouverneurs establis par ledict sieur roy; nommément à la duchesse de Parme, sa sœur naturelle , aimant mieux en accuser tout aultre que le roy absent.

IVAUSBOURG. l35

6. Hais que , voyant qu'elle alleguoit le cominandement d'icelui , se seroient résolus d'envoyer des principaux seigneurs du pays sur les lieux, pour mieux informer ledict sieur roy de Testât desdicts pays , lesquels feurent traictés , comme chacun sçait , etc. , et n'en sortit aultre fruict, sinon que, pour ung reformateur, leur feut envoyé ung bourreau, etc., à sçavoir le duc d'Albe.

7. Et ici fauldra raconter les cruautés et tyrannies commises soubs son gouvernement, contre les loix et statuts de ces pays, et contre tout droict dénature, notoires à ung chacun.

8. A ces cruautés et tyrannies s'opposa un temps M. le prince d'Orenge, es provinces de Hollande et Zelande, tant comme appelé par icelles, que pour l'acquit de son debvoir , leur estant gouverneur, comme aussi aulx efforts du grand commandeur qui le suivit; tant que par la mort dudict commandeur, les aultres provinces respirèrent et ressentirent le mal commun , dont non seulement elles se relevèrent de dessous le joug , mais tascherent mesme à délivrer tout le pays des guerres qui Taccabloient.

9. De là nasquit la reconciliation des provinces ensemble, pratiquée en la ville de Gand; et parce que les estats et provinces, pour le grand nombre de gens qui adheroient à la relligion , et s'y adjoignoient de jour en jour, apperceurent que leur estât ne pouvoit estre en paix si les placarts , recherches et persécutions continuoient, feut accordé que telles choses cesseroient , dont lesdicts pays commencèrent à se r'avoir et revenir à leur première splendeur.

10. Mais l'Espaignol, impatient de leur repos, et désireux de leur ruyne , envoya don Juan sous ombre de gouverneur desdicts pays , lequel n'y fust si tost qu'il

1 36 LEGATION

y voulleut remettre le feu par infinies pratiques, etc., dont les estats feurent contraints de prendre les armes, et lui, voyant sa trame rompue, se retira à Namur, dont il saisit le chasteau. Appert, par ses lettres interceptées, qui ont esté ci devant produites.

1 1. Ce feut la cause de r'embraser les troubles, qui depuis n'ont cessé, et encores que, sur ces commencemens, icelui estant desnué de forces, eust esté aisé à ruyner, toutesfois, pour le remettre en son tort, se ressentant de leur obéissance accoustufnee, tentèrent encores tous moyens de paix , tant que les Espaignols feurent rappelés au pays , et toutes choses en pire estât que jam<ais.

J2. Voyant les estats qu'ils ne pouvoient plus rien espérer, ni des gouverneurs leurs capitaux ennemis, ni du roy mesme, qui interpretoit leurs requestes en rébellion , et faisoit mourir leurs députés , etc. , pour n'obmettre aulcune des voies douces , eurent recours , par plusieurs fois h l'empereur et à Tempire, desquels aulcuns desdicts pays meuvent en fief, espérant justice par leur moyen comme du juge légitime entre le seigneur et les vassaux , tant pour Flionneur qu'ils désirent toujours leur rendre, que nommément, etc.

i3. Mais que, par les pratiques des Espaignols et leurs adhérens, et aultres preocupations seroit advenu que, nonobstant qu'ils eussent receu pour gouverneur le frère de l'empereur, etc. ,'ils ont esté abandonnés en leur oppression , et mesmes nullement; assistés , soit en .la guerre, soit en la paix, (i)

j4. Nommément, comme ainsi soit, que pour l'espérance qu'ils auroient eu d'obtenir la paix par le

(i) rs^otez que jamais Tempercur n'a ad?oué sa venue.

D'AUSBOURG. J Sy

moyen et entremise de l'empereur, ils eussent refusé le secours présent du duc d'Âlençon, qui leur estoit nécessaire pour le secours de Maestricht, est toutesfois advenu qu'au traicté de Goulogne, ne leur ont esté proposées que conditions très déraisonnables, asçavoir, conjointes avec le bannissement de ceulxqui font profession de lEvangile es dicts pays, c'est à dire , de la plus grande partie, dont feut advenue la ruyne et désolation totale d'iceulx.

1 5. Et de ce sont tesmoings messeigneurs les électeurs et aultres seigneurs qui ont pris la peine de s'y trouver, et les actes de part et d'aultre en peuvent faire foi.

16. Apres ce traicté, qui feut si long temps entretenu que la ville de Maestricht s'en perdit , que pouvoient faire les estats, forclos de toutes voies équitables, de tout secours en guerre et de toute espérance de paix, sinon d'user de leurs droits, et, selon iceulx, pourvoira leurs nécessités , etc. , cherchant en leur conseil ce qu'ils ne pouvoient trouver, ni chés le roy d'Espaigne , ni par le moyen de l'empereur?

17. Or delà est ensuivie, selon le droict naturel et civil , la répudiation du roy d'Espaigue , pratiquée ci devant en cas semblables, et plusieurs fois en tous pays, en ceulx mesmes dont est question , comme , etc. , n'y ayant rien ni plus naturel ni plus civil, que la resolution d'un contract, par la rupture intervenue par une des deux parties, etc.

18. Quoi faict, ne voulans iceulx vivre sans légitime prince, ni pouvans résister à l'oppression sans secours, ont eu recours à eslire celui qui les recherchoit de long temps; et, pour le Heu dont il est issu , et les vertus dont il est doué , auroit le moyen de les maintenir et conserver, etc.

1 38 LEGATION

19. Premièrement, parce qu'ils se souvenoient que toutfraischementlesdictspaysavoient grandement fleuri sous le juste et légitime gouvernement d'un fils de caste mesme maison , le duc de Bourgoigne , etc. , et ses successeurs.

20. Secondement , que tant lui que les siens avoient toujours tenu bonne amitié avec TAllemaigne, comme appert par les histoires, etc., dont ils esperoient le mesme , et partant se promettoient qu'il seroit agréable à Tempire, qui sauroit bien considérer combien il lui est plus utile d'avoir le Fra«çois voisin que TEspaignol, etc., et là discourir par exemples, quels de tout temps leur ont esté plus amis.

ai. Ticrcement. parce qu'ils l'ont appelé à condition de maintenir lesdicts pays en leurs lois et statuts, en quoi ils ont prétendu que les droicts deubs à l'empire soient conservés et entretenus pareillement.

22. Et surtout , d'autant qu'ils ont espéré , comme ils Tappérçoivent, que ce prince sçauroit bien cognoistre et discerner le debvoir qui lui est deu par ses subjects, et celui qui est deu à Dieu , pour lui reserver ce qui lui appartient, dont ils pensent estre venu tout le mal de ces povres pays, veu ce qui est advenu de pareilles fatiltes en France , Allemaigne, Angleterre et ailleurs.

23. Ces choses considérées espèrent que lesdicts seigneurs ne trouveront mauvais qu'après avoir tenté toutes voies de justice et équité, et usé de toutes les formes requises , ils aient pourveu à la nécessaire defence de leur pays par l'élection de ce prince , nécessaire à leur Estât, non dommageable, ains utile pour le voisinage h l'empire, ains l'approuveront très volontiers, et admireront, au milieu de tant et si longs maux, leur si grande et si longue patience.

D'AUSBOURG. 1 Sg

La harangue estant dressée et prononcée sur ]es snsdicis Mémoires , en fauldra bailler une copie par escrit, et faii*e, s'il est possible, soit par impression, soit aultrement, que tous les princes et seigneurs ^n ayent un exemplaire , auxquels soient adjoints et attachés les principaux papiers cités pour la veriBcation de chacun article.

Puis icelles'estantpourmenee quelques jours , pourront lesdictes ambassades présenter les lettres de créance, et demander audience pour et au nom de monseigneur le duc d'Anjou , taisant le nom du duc de Brabant , afin que, soubs ce prétexte, on ne lui refuse l'audience que plus malaisément on lui peut refuser en ladicte qualité; et, ladicte audience accordée, pourroit estre remonstré ce qui ensuit :

j. Que les estats des Pays Bas ayans eu recours en leur oppression audict seigneur duc , selon la coustume et louable mémoire, tant de ses prédécesseurs, que de tous généreux princes, il auroit volontiers preste Toreille à leur cause, et défendu leur querelle , principalement voyant que toutes équitables conditions de paix leur estoient desniees; toutesfois, pour esprouver s'ils pourroient avoir la paix , leur auroit , non obstant le traicté jà faict avec eulx, accordé de lui, etc.

a. Dont seroit ensuivi, que continuant d'une part l'oppression , et de l'aultre son secours, il auroit esté appelle, esleu, courohné, proclamé, receu, etc., duc de Brabant.

3. Et parce que son desseing n'avoit onc esté d'entreprendre sur l'autrui, ains de rendre à chacun ce qui lui est deu, incontinent qu'il auroit entendu la diète , se seroit délibéré d'y envoyer, comme il faict, etc., pour leur déclarer comme il a accepté et accepte le-

1 4o LEGATION

dict tiltre et seigneurie ; que ce n'est poinct invasion ,

comme Navarre ou Portugal , mais légitime élection,

4. S'offrant à accomplir les traictés, droicts, debvoirs,hommages accoustumés par les prédécesseurs, etc., pareillement à se conformer, des que la guerre lui donnera relasche, à ce qui sera ordonné pour l'utilité de l'empire, suivant l'ordonnance de la journée d'Ausbourg, 1548, etc.; comme aussi ne souffrira que par les siens aulcun tort soit faict à l'empire, ou subjects d'icelui, etc.

5. Conclura par requérir d'eislre receu en foi et hommage, d'avoir séance en l'empire et assesseur à Spire, comme tel, etc., promettant toute amitié, service, etc.

Cela faict , se pourra traicter particulièrement avec les princes , proposant à chacun les raisons qui lui seront plus propres.

Aux électeurs ecclésiastiques, leur remonstrer combien de fois, à Cologne, on leur a prédit ce *qui adviendroit, si>t>n ne proposôit plus équitables conditions de paix , veu qu'ils n'accordèrent oncq que des bannissemens , et virent qu'on ne cherchoit pas de pacifier, mais de diviser. Que ce n'est poinct de la part du sieur duc une invasion, mais une élection juste, telle que leurs prédécesseurs ont aultres fois pratiquée contre des empereurs mesmes , pour n'avoir gardé le serment faict à l'empire.

A l'électeur Palatin , la justice de la cause des Pays Bas , approuvée par tant de gratifications que leur a faict feu M. l'électeur son père, et d'aultre part le voisinage et parentage de France, dont ces prédécesseurs n'ont jamais receu qu'amitié, etc.

A l'électeur de Saxe, lui ramentevoir, pour justifi-

D'AUSBOURG. l4l

cation d'une pareille action, l'entreprise généreuse du duc Maurice contre la tyrannie espaignolle, oultre tout ce que dessus; item au marquis de Brandebourg et aultres.

Au landgrave, oultre les susdictes raisons, alléguer Famitié de la couronne de France, laquelle , en pareille cause , a secouru et délivré feu son père.

Faire aussi signifier, par interposés, au cardinal Madrucce oude Trente , ambassadeur du pape, en quel danger se met le pape, irritant son altesse, de perdre tout le crédit qu'il a en France, qui seroit son extrême ruyne.

Pratiquer les ambassadeurs de Florence , et Ferrare, et Venise, et aultres, pour leurs interests contre la grandeur d'Espagne, etc.

De M^ le duc cC Anjou , etc., a MM, de Bouillon (i) et DuplessiSy allans de sa part a la diète d'Ausbourgs tan i582.

Desclakerowt premièrement à sa majesté impériale (a) et aulx très révérends, très illustres et très notables princes, seigneurs, députés et estats du sainct empire, l'honneur, le respect, TafFection et la bienveillance que monseigneur le duc d'Anjou , fils et firere de rois de France , leur porte et désire à tousjours porter, tant en gênerai qu'en particulier ;, en tesmoi-

(i) Messire Guillaume Robert de la Mark , duc de Bouillon, (a) Cesle ncgocialion feut rompue, et n'y allèrent poînct lesdicts sieurs.

l42 LEGATION

gnaige de quoi il auroit, long temps a, proposé d'en-

Yoyer vers la majesté impériale et les princes et estais dudict sainct empire, pour leur faire entendre, selon l'honneur qu'il leur veult rendre , et le debvoir d'attiittë nécessaire entre princes bons voisins et anciens amis , les causes de ses conseils et desseings, nommément en ce qui touche les affaires des Pays Bas.

Mais en auroit esté quelque temps retenu sur ce qu'il entendit, des le commencent de Tannée présente, que la diète impériale se debvoit tenir, laquelle depuis auroit esté par plusieurs fois différée, estimant qu'il seroit trop plus à propos de leur déclarer le tout en telle très notable et très célèbre assemblée, comme aulx oreilles et à la vue de tout le sainct empire.

Leur diront donc que, comme les estats des Pays Bas lui eussent par plusieurs fois unanimement remonstré la misérable servitude dont ils seroient et auroient esté, par longues années, opprimés iniquement par les Espaignols, le debvoir au contraire que de tout temps ils auroient rendu, nommément au roy d'Espaigne, et estoient encoresprests delui rendre, suivant les accords et sermens mutuels; il auroit esté meu premièrement pour le debvoir de nature, et par l'exemple de tous princes généreux, d'embrasser leur défense et protection en une si juste cause, espérant que ledict sieur roy, se resouvenant de la fidélité et obéissance de son peuple , et de la bienveillance réciproque que les princes doibvent à leurs subjects, changeroit d'advis, et mettroit fin, par une bonne et équitable paix, aulx longues et insupportables misères de ses povres pays.

Qu'à ceste fin il y seroit lors venu avec une bonne et florissante armée , et auroit esté receu en plusieurs bonnes et notables villes desdicts pays, desquelles,

D'AUSBOURG. i43

comme chacun sait, il eust peu se prévaloir, si son intention eust esté d'envahir Taultrui; mais qu\iu contraire, voyant la voie de paix ouverte, comme il sembloit, nommément par la médiation de l'empereur et entremise de quelques très révérends princes et illustres personnages du sainct empire , il auroit très volontiers et de lui mesme retiré et abstenu totalement ses forces desdicts pays , pour ne sembler troubler un si sainct et si nécessaire affaire ; encores que par les choses passées il apperceust très bien, et feust aussi de plusieurs parts adverti quesdicts traictés de paix les Espagnols n'avoient aultre but que d'esloigner le secours desdicts pays, et en les entretenant en longues et vaines espérances , leur faire tant plus avantageusement la guerre.

Sur quoi remarqueront particulièrement que combien qu'iceulx sieurs des estats eussent accordé unanimement avec lui d'ung certain terme, en dedans lequel la paix deust estre ou conclue ou rompue, pour ne tenir ses forces inutiles et en suspens (comme appert par le traicté de Tan 1 578 en aoust) ; feut toutesfois mondict seigneur content d'allonger le terme tant qu'il leur pleut et qu'ils jugèrent bon estre, afin que ledict seigneur roy d'Espaigne eust loisir de retourner à soi , et eulx moyen de sonder tout ce qu'ils en pourroient obtenir, n'y faisant icelui aUltre difficulté, sinon qu'il avoit regret de les voir périr pièce à pièce , soubs ombre de vaines espérances, au lieu qu'acceptant à temps le secours qu'il presentoit , ils se pouvoient, parla grâce de Dieu , conserver.

Cependant seroit advenu que la paix, après avoir esté debatue six mois entiers à Coulogne , seroit non seulement venue à néant, mais mesme tournée à leur

l44 LEGATION

grand dommage , ne leur restant du traicté qu'ung desespoir de jamais y revenir, et ung regret d'y avoir tant perdu et d'occasion et de temps , leur estans, non ob* stant leurs remonstrances , proposées les mesmes conditions qui avoient causé leur calamités depuis quinze ans, comme ledict seigneur duc ne doubte que lesdicts sieurs des estats l'auront faict amplement entendre à sa majesté impériale et aulx très révérends , très illustres et très notables princes, seigneurs, députés et estats du sainct empire, sans qu'il soit besoin de la leur ramentevoir en cest endroit.

Qu'en ceste extrémité se ressouvenans lesdicts sieurs des estats de la bonne affection qu'il auroit eue ci devant de les défendre contre l'oppression et tyrannie, après longue et meure délibération, auroient unanimement envoyé vers lui une notable ambassade ( Tan i58o), composée de toutes lesdictes provinces, l'auroient appelé pour leur prince et seigneur, suivant leur puissance et auctorité portée par les loix et statuts dudict pays, moyennant certains articles accordés entr'eulx pour leur bien et repos, dont seroient entrevenus mutuels et réciproques sermens.

Mais que ledict seigneur duc désirant esteindre la guerre en France, premier que partir, suivant le pouvoir qu'il en auroit eu du roy très chrestien, son très honoré seigneur et frère , y auroit tardé assés long temps pour establir la pîiix : depuis auroit secouru la ville de Cambray assiégée par le parti d'Espaigne, et seroit peu après passé en Angleterre pour très grands et importans affaires qu'il a voit avec la serenissime royne d'Angleterre ; pendant lequel temps , qui contient près de deux ans, ledict sieur roy d'Espaigne auroit eu «issés de loisir de s'amender envers son peuple , et présenter

D'AUSBOURG. l45

conditions recevables pour asseurer leur vies et con* tenter leurs consciences; quoi faisant, eust apperceu queledict seigneur duc ne tendoit poinct par ses armes à usurper 1 aultrui, mais, selon le debvoir de tous princes bien nés , à conserver et r'establir un chacun , autant qu'en lui est, en ce qui de droit lui appartient contre la violence de ceulx qui, se fondans sur leurs seules forces,, veulent fouler tous droits et toutes loix aulx pieds.

Qu'ainsi doncle roy d'Espaigne, continuant de plus en plus à opprimer lesdicts sieurs des estats, et iceulx d'aultre part à reclamer son aide en ceste griefve oppression, très volontiers seroit venu es dicts pays, enauroit accepté les titres et seigneuries selon les solemnités accoustumees , et y auroit apporté tout ce que Dieu lui a donné d'auctorité, de forces, de moyens pour la tuition et desfense d'iceulx; et espère ledict sieur duc que Dieu lui fera la grâce, tant de deffendre et de délivrer de toute oppression ung si grand peuple, qui , pour la bonne opinion qu'il en a eue, a fnict elec* lion de lui , et s'est jette entre ses bras , qu'aussi de conserver et maintenir la principauté et seigneurie qui lui en est si légitimement acquise, et à laquelle' il se sent vrai* ment appelle de Dieu mesme, puis qu'il y est venu aulx souhaits de tant de gens de bien de toutes qualités , et aux cris redoublés de tant de povre peuple, opprimé sous la servitude espaignole.

Et ce d'autant plus, que ce n'est point une conqueste de gaieté de cœur, procédante ou de pure ambition, ou de la seule bienséance desdicts pays, comme le roy d'Espaigne en tient et en a entrepris, et de fresche mémoire, nommément le duché de Milan, fief ancien et chambre de l'empire , le royaume de Navarre , et à

Mùr. DE Du px<B5sit-MoBir AT. Tome n. 10

l46 LEGATION

présent celui de Portugal , etc. , lesquelles ne sont fondées que sur la seule force et contrainte, et partant suivies d'une servitude extrême des pays et du peuple ; mais certes, de la part desdict» eslats des Pays Bas, une nécessité et oppression extrême, de la part dudict seigneur duc une affection de les soulager pure et simple, attendu , comme il est tout évident, qu'il ne lui en revient pour le présent (qui toutesfois vient tousjours le premier en considération), que beaucoup de travaux, de haines et de frais , et que de telle entreprise , veu le lieu que par la grâce de Dieu il tient , il se pouvoit honorablement et utilement passer, si l'amour de justice et la compassion des affligés, qui tousjours ont eu beaucoup de puissance sur les cœurs généreux , ne Vy eussent poussé et conduict.

Suivant ceste mesme intention , déclareront à S. M. impériale, et aulx très révérends, très illustres, très notables princes , seigneurs , députés , et estats du sainct empire , que ledict seigneur duc de Br^bant et d'Anjou, etc., comme il est légitimement entré en la seigneurie desdicts Pays Bas, prétend aussi observer et accomplir soigneusement tous les traictés, qui sont d'ancienneté entre tous les princes et estats voisins , et sesdicts estats des Pays Bas. Nommeement s'offriront de sa part à faire le deu et accoustumé hommage à l'empereur et au sainct empire des terres et seigneuries qu'il en relevé, selon la forme qu'il a esté faict par le feu empereur Charles et le roy d'Espaigne, ses prédécesseurs , et à icelui requerront présentement estre receus en ceste tant célèbre assemblée.

En conséquence de quoi requerront que ledict seigneur duc de Brabant, etc. , soit avec les susdicts pays receu en la protection du sainct empire , et honoré de