AU ROY HENRY III

certes, je crois que messieurs de la chambre, qui ont assés de besoigne taillée plus près en Perigord, Limosin et ailleurs, ne seront marris d'estre deschargés de ceste peine. Quant à ce que les conseillers catholiques qui doibvent servir à ladicte chambre de l'edict du ressort du parlement de Thoulouse, allèguent les voleries qui se font es pays ou ils ont à résider, je ne fais doubte qu'il n'y a poinct faulte de gens mal conditionnés en ces quartiers là, tant d'une que d'aultre relligion; et c'est pourquoi, depuis deux ans, j'ai tant faict d'instance pour l'establissement de ladicte chambre. Et de ma part, monseigneur, j'apporterai tout ce que Dieu m'a donné de moyen , sans acception de personnes, et exception de relligion , pour y faire obéir vostre volonté et justice ; comme aussi es senechaulsees d'Armagnac , Querci , Roiiergue , et tous aultres lieux qu'il appartiendra. Mais il fauKt que je vous die, monseigneur, que des plus criminels hantent familièrement des principaux de la court de parlement de Thoulouse, tant s'en fault qu'ils s'attendent de ceste part d'estre recherchés par eulx. Du faict de la maison de du Casse, j'ai ci devant escrit à vostre majesté comme il est passé. Plusieurs gens de bien ont esté bien aises de l'exécution , pour l'enormité de ceulx qui y sont demeurés : mais j'ai esté marri de l'excès, et vouldrois qu'on eust suivi aultre procédure , encores que la main forte que j'ai baillée ait esté à la réquisition des marchands intéressés, portant un arrest de condamnation à mort, et contre personnes nommeement qui avoient tousjours suivi le parti de la relligion ; je vous supplie très humblement de l'oublier , et en considération de la nécessité de ce pays , et des inconveniens qui aultrement seroient à craindre, en octroyer une abolition, en laquelle toutes-

l68 LETTRE DU ROT DE NAVARRE

fois je n'entends parler pour celui qui auroit tue le jeune la Fitle de sang froid, ains tiendrai volontiers la main à la punition. Te ne requiers ceci, monseigneur, pour favoriser à la violence; car je sçais que c'est par la seule justice que les rois régnent et que les estats se maintiennent; et qu'ayant cest honneur de vous appartenir de si près, et d'avoir esté nourri avec vous, je doibs estre principal exécuteur de vostre justice et de Tos commandemens. Mais je cognois ung peu les mœurs et humeurs de ce pays, auquel une estincelle allume souvent ung grand feu par lequel plusieurs innocens pourroient pastir en la poursuite de quelques coupables, qui seroit, en voullant punir une injustice, perdre le but et Tintenlion de la justice, qui tend principalement à la conservation des bons. Et à la vérité , mon* seigneur, si j*eusse peu trouver aultre remède à ce mal que celui de ladicte interdiction pour les cas assoupis par l'edict, et de l'abolition pour le faict de du Casse, je n'eusse voulleu, ne vouldrois en requérir vostre majesté , tant pour ne lui estre désagréable , que pour la conséquence. Au reste , monseigneur , j'espère vous faire paroistre, et à tout le monde, par bons et visibles effects, que, sans distinction , je désire voir la punition des mesclians en ce pays , comme j'en ai^ devisé plus amplement avec M. le mareschal de Matignon. Seulement , je supplie vostre majesté de donner ceste faulte au bien et repos d'icelui, pour avoir tant plus de moyen d*en poursuivre d'aultres plus pernicieuses et plus dommageables que celle ci, qui certes a esté plus en la forme qu'en la matière, veu que, toutes choses considérées, ca bien esté une exécution extraordinaire et mal conduite, mais d'ung juste arrest contre des mescbans recogneus d'ung chacun. Quant au mur de