ICJO REGLEMENT DE LA VIE
faillir que Tune ou Taultre ne naisse sans beaucoup tarder ; et pourtant est besoing qu'il y pense des cestas heure, comme les mariniers à leurs appareils, sur t£i muaison de la lune et du vent.
C'est par la grâce de Dieu que les roys régnent, et par la force des loix que les couronnes sont affermies. Il fault donc qu'il s'étudie à pieté et justice; mais sur. tout, d'autant que sa personne est regardée de tant de gens, ne suffit que ses vertus soient cachées en lidi mais est besoing qu'on les voye, et que, selon la lidesuil^ d'auctorité que Dieu lui a donnée, il en monstre riti| eschantillon et ung modèle.
La règle de la vie d'ung prince porte ung grand pt& jugé pour la règle de Testât, voir tel, que quelque ordre qu'il y ait en une maison ou republtcque pâi^ te soing des serviteurs, il ne peult couvrir le desordre de la personne dû prince, d'autant que tous entrent dani sa chambre, et peu en son conseil^ et tous pf*eniient garde à ses desreglemens , peu au règlement de ses affiiires. C'est pourquoi nous désirerions que le roy de Navarre meist quelque règle à sa vie, sans laquelle nul prince ne feut cmcq estimé.
La journée est longue quand elle est bien départie, y en a assés pour les choses sérieuses et pour les ekercices et plaisirs.
Le roy de Navarre poùrroit estre habillé à huict heures au plus tard, et commander au ministre de s*y trouver pour faire la prière ; cela faict , entrer en son cabinet, et y appéller ceulx ausquels il confie ses affaires , en forme de conseil pour vuidcr ce qui se presenteroit d'importance meurement et à loisir, et signer les depesches qui auroient esté resoleues, dont il se ferdl hre celles qui le méritent.
DU ROY DE NAVARRE. igi
Pour ne Fimportuner des choses de peu , ceulx de son conseil s'assembleroient plus matin, despescheroîent les affaires moins importans, esbaucheroient ceulx de conséquence , et les lui rapporteroient demi è'gerés ; visiteroient toutes les despesches , pour cribler ce qui seroit digne de lui , tellement qu'en moins d'une petite heure, sa majesté auroit expédié le surplus ; et qui feroit cela tous les jours, n'auroit gueres affaire quelques jours.
Le surplus jusques au disner se passeroit en tel plaisir ou exercice que le roy trouveroit bon, sauf les jours de presche, et son disner seroit entretenu de ^elques bpns propos, auquel ceulx de son conseil pourroient assister, parce que la règle de ses heures regleroit celles de toute sa maison.
L'apres disnee lui seroit toute libre , sauf qu'une heure devant son souper, ou telle aultre qu il trouveroit bon , il entreroit en son cabinet avec les dessusdicts pour sçavoir ce qu'il y auroit à resouldre , ou ce qui auroit esté faict sur les choses resoleues , et signer les depesches : mesmes , s'il ne se presentoit rien , le roy auroit plaisir à deviser. Plusieurs princes pour réputation le font sans affaires , et, par mine d'en avoir beaucoup , se font priser.
Quelquesfois n'y auroit poinct de mal qu'il se trouvast au conseil de ses affaires domestiques, tant pour esguiilonner ung chacung à son devoir que pour l'auc^ toriser.
Si sa majesté disnoit à dix ou onze heures, elle pourroit souper à six ou sept heures, et se pourroit retirer à neuf ou au plus tard à dix. Toute l'apres souper lui seroit aussi libre, et le ministre se trouveroit à neuf heures ^n sa chambre pour pryer.
iga REGLEMENT DE LA. VIE
Ce faisant , le roy de Navarre feroit toutes choses sans s'ennuyer, et avec ample loisir; et ses serviteurs y auroient cest heur particulier, qu'il cognoistroit cequ^ib font et ce qu'ils valent, dont tout le travail ne leur seroit que plaisir.
Cest ordre monstreroit à ung chacung quel ordre seroit à espérer, quand Dieu Tappelleroit à choses plus grandes; feroit présumer que tout ce qu'il feroit par ceste voie, seroit faict avec la raison , au lieu que ce qu'il fait aultrement est estimé tumultuaire et à la haste, ores mesmes qu'il, soit bon.
Sur tout est besoing que ledict sieur roi se propose ung but digne de lui, auquel il dispose sa personne et sa vie; et ses serviteurs, leurs intentions et actions. Car à ung marinier qui n'a poinct de but , nul vent ne peult servir; à qui en a ung, tout vent sert et abbrege le chemin , mesme le plus tempestueux et le plus contraire.
Le règlement de sa maison suivroit aisément celui de sa personne; car chacung, mesme en particulier, s*y vouldroit conformer. Mais s'il veult faire cognoistre, et aux siens et aux étrangers, que le vice lui deplaist, et qu'il ne règne point en son ame, il fault qu'il le laisse habiter le moins qu'il pourra en sa maison, esloignant les personnes diffamées d'auprès de la sienne , et en approchant les vertueuses et de bon renom ; reprimant toutes foules et concussions qui se pourroient faire par les siens , et soulageant par tous moyens ceulx que Dieu a faict naistre soubs sa subjection; les officiers qui dérobent ses finances 9 méritent chastiment; combien plus ceulx qui dérobent et son peuple, et son honneur ensemble? Et puis, qui verra ses subjects opprimés sous sa maison, qu'espérera il jamais sous sa domination?
DU ROY DE NAVARRE. igS
La personne donc du roy de Navarre doibt estre ung exemple à sa maison; sa maison , ung modèle d'ung juste gouvernement , et une arre à toute la chretiensté , d'une juste et légitime administration. Moyennant quoi , Dieu jebenira sans doubte y et lui monstrera combien importe aulx princes sa faveur et bénédiction. Amen.
XXXII. — LETTRE DE M. DUPLESSIS JIU, Vander Mjleriy conseiller d' estât au Pays Bas.
Du i) janvier 1 583.
Monsieur, je n'ai receu les vostres du 22 octobre, mais bien du 28. Je vous remercie de la bonne souvenance que vous avës de moi , que je vous prie me continuer; car, encores que Dieu m'ait conduit au fond de Gascogne près du roy de Navarre , je n'oublierai jamais ni vostre pays, ni les amis que j'y ai, surtout s'il se présente occasion de servir. Ce prince est une belle matière dequoi faire quelque chose de grand; car il a de la vigueur, du courage et de l'esprit. L'exercice de ces belles parties y adjousteroit la forme. Mais parce . qu'il dépend de grands moyens, et qu'iceulx doibvent venir d'ailleurs, elles ne peuvent encores ni se desployer, ni s'estendre par les actions et effets. Si croi je que t)ieu le destine à choses grandes, et nommeement a la ruiné d'Espaigne; et d'aultant plus que l'injure qu'on lui retient, l'y esmeut et attire. Si nostre roy se vouUoit déclarer à bon escient , sans grande peine vous en sentiriés du costé de delà grand soulagement. Je suis bien aise qu'aies pris une bonne resolution en vostre assemblée pour assister son altesse en la défense publique.
Quatre millions adjoustes à ses moyens particuliers et
Mem. de Duplbssis-Mornay. Tome ii. I ^
auxiliaires, peuvent entretenir une belle guerre ; mais souvenés vous qu'il vousfault, comme souvent je vous ai dict, dresser ung estât de vostre guerre proportionné à vos moyens , et réduire ou remplir Vos compagnies et regimens, moyennant quoi vos finances sa* tisferont à la guerre défensive et offensive ; sinon, vous dependrés trois armées en ung an , et n'en aurés jamais une. Je sçai que je parle de ces choses de bien loing; mais je pense qu'il me soit permis, parce que je les ai en affection , quoique bien loing. Nous descouvrons de grandes divisions et infirmités en Espaigne. Hoste tantum opus est. Et jamais les princes chrestiens, qui ont la grandeur d'Espaigne suspecte, n'auront beau jeu, tant qu'ils l'aient attaquée chés elle , à l'exemple des Romains qui chassèrent HaYmibal d'Italie en assaillant Carthage. Vous en particulier, au train que vous tenés, en avés pour vingt ans, au lieu que par ceste voie vous sériés soulagés en ung ; et nous de deçà à la longue en pourrions profiter quelque chose, mais le commencement de nos peines seroit apparemment la fin des vostres. Monseigneur, à mon advis , pourroit solliciter le roy de cela. De nostre part , nous avons offert ce que nous avons peu et deu; et certes, quelque chose plus. Or attendant que nous vous puissions aider par la guerre, nous le faisons par Testablissement de la paix, auquel nous travaillons de tout nostre pouvoir. Mais le pape nous envoie en court ung cardinal Borroraee, pour presser la publication du Concile de Trente, qui feut, comme vous sçavés, le commencement de vos ruines, et pourroit estre, s'il n'y est pourveu, le comble de la nostre. Il est subject de l'Espaignol , et créature du pape. Il aura faict ung notable service à tous deux, quand il aura remis la relligion en trouble. Ainsi feut envoyé
A M. VANDER MYLEN. igS
le cardinal Alexandrin Tan 72 , sur le poinct que le roy Charles se voulloit resouldre à la guerre contre le roy d^Espaigne, qui feut convertie au massacre des pauvres huguenots. Nostre roy sera plus sage à mon advis, que de le croire, veu mesmes cest exemple; mais il importe à son altesse d'y tenir la main, tant vers le conseil du roy que vers le parlement de Paris. On se pourra servir des nullités dudict Concile à ce propos; mais me suffit de vous avoir faict ceste ouverture, pour en user selon vostre discrétion et prudence. Et notés que ceci se pratique non loing du temps que nous debvons remettre es mains du roy nos villes d'asseurance, qui sera cause de jetter ceulx de nostre parti en défiance, dont sensuivroit ung refus, et du refus la guerre civile, de laquelle vous sçavés les conséquences et pour vous et pour nous. Pour mon particulier, je n'ai encores resolution de mon homme ; je vous prie l'assister en ce qui sera besoing; et faire au reste estât que n'avés ami au monde qui plus vous honore et révère, et plus soit à vostre service. Monsieur, etc.
De Nerac en Gascogne , etc.
