ADVERTISSEMENT SUR LA. RECEPTION

miner soigneusement s'il est utile et à propos de la lui accorder ou non.

C'est ung grand préjugé à tous, contre ce Concile, que la pluspart des grands estats de la chrestienté ne Font encores receu,ni veulent recevoir; et que le roy d'Espaigne mesmes qui s'en est voulu servir pour asservir ses subjects , et qui par tous moyens tasche de me* riter le titre de fils aisnë de TEglise, après avoir long* temps tergiversé, ne Ta enfin receu qu'avec plusieurs grandes exceptions, et autant seulement qu'il sert h establir son auctorité et puissance.

Mais ce nous est particulièrement à nous François, non tant en préjugé , qu'ung jugement formé , que le roy Henri II, père de nos roys d'heureuse mémoire , feit déclarer l'an i55i à l'entrée de ce Concile , par ses ambassadeurs, à tous les princes de la chrestienté, qu'il tenoit ledict Concile de Trente pour nul; et comme tel n'y voulut envoyer ambassadeurs, ains défendit mesmes aulx evesques de son obéissance de s'y trouver, comme de faict ils n'y comparurent poinct.

Que pareillement le feu roy (Charles IX, en l'an 1 56o, que ledict Concile feut renoué à Trente, y ayant envoyé ses ambassadeurs les sieurs de Lansac, du Ferrier et du Faur (i), feurent contraints par la mauvaise procédure qu'ils y veirent , après deues protestations , se départir et retirer de l'assemblée , en laquelle on sçait qu'ils avoient charge de remonstrer les justes causes qui avoient meu le roy Henri son père d'interjetter nullités contre ledict Concile.

meit es mains de M. d'Epesses , son advocat gênerai. Feut imprimé à Parb.

(i) Cestoit M. de Pibrac.

Item, que tout le temps qui s'est passé depuis, comme ainsi soit que le pape ait requis et pressé par plusieurs fois la publication dudict Concile en France, se servant à ceste fin des occasions qui la sembloient favoriser, il ne l'a jamais peu obtenir, ains en a tousjours esté vivement débouté par messieurs de la cour de parlement, nonobstant les troubles pourlarelligion, elles animosités qui en estoient ensuivies, et les extrêmes rigueurs et excès du mois d'aoust 1572, qui sembloient avoir ouvert ou la-porte, ou la fenestre au susdict Concile. Or, ces refus sont autant d'àrrests de cour de parlement donnés, parties ouïes, avec deue cognoissance de cause, et au temps que l'affection des juges, si aulcune y en eust eu, eust plustot encline en faveur de la publication qu'aultrement. Et pourtant, le pape debvroitestre justement rebuté de la poursuite;, nous, totalement résolus pour l'honneur de nos roys, et l'auctorité de leurs cours souveraines, de l'en de-, bouter.

Le roy Henri second , oultre plusieurs causes de nullité contre ce Concile, qui lui feurent communes avec la pluspart de la chrestienté , eut ceste particulière; au commencement dudict Concile il y avoit envoyé le président dé Ligueriz, pour en cognoistre la procédure. Le pape, d'entrée de jeu , lui faict présenter ung grand cahier des usurpations qu'il pretendoit que le roy et ses predece^eurs avoient faictes contre le siège romain, appellant usurpations les droicts de regale de nos roys, les privilèges immémoriaux de TEglise gallicane, et la pragmatique sanction , accordée entre nos roys et les papes, et homologuée par les Conciles precedens, auxquelles il desiroit estre par iceulx renoncé expressément. Ledict président, voyant le grand préjudice qu'on

198 ADVERTISSEMENT SUR LA RECEPTION voulloit faire au roy et au royaume, en protesta et s'en revint en France. Or, nonobstant ces protestations^ en la continuation du Concile on a décidé de la pluspart desdicts articles au préjudice des susdicts droicts et privilèges, sans en traicter avec nos roys, et ouïr leurs raisons, comme si nos roys et royaume estoient subjects au pape, veu qu'il s'est, en ce Concile, déclaré supérieur de tous Conciles.

Consequemment le roy Charles IX ayant envoyé l'an i56i , lorsque le Concile feut remis sus, pour débattre ses dicts droicts, y receutune nouvelle offense, qui lui fournit une juste et nouvelle cause de nullité. Car le pape, pour en chasser subtilement ses ambassadeurs, Aulx raisons desquels il eust esté trop malaisé de contredire, voulleut égaler le roy d'Espaigne à nostre roy, et mettre en doubte la préséance, de laquelle de long temps il est en possession; et de ceste ouverture le roy d'Espaigne s'est depuis voulleu prévaloir en aultres lieux contre la dignité de ceste couronne et de nos roys. Ainsi, approuver ce Concile, est mettre en différend l'honneur de ce royaume. Et ne faict rien de dire que ce faict ait depuis esté vidé à Rome ; car, oultrece que la plaie en est demeurée en la cour de l'empereur, et la cicatrice en celle du grand Seigneur et ailleurs, qu'es^ toit il besoing de mettre en compromis la prérogative immémoriale de nos roys ?

Quant à messieurs de la court de parlement de Paris , auxquels appartient de regarder de près, Ne quid detrimenti resp, capiaty ils ont , oultre les susdicts , proposé contre ce Concile plusieurs grands griefs, et remarqué des poincts, des ceste heure dangereux, et à l'avenir de plus dangereuse conséquence, tant pour le corps de Testât, que pour chacune de ses parties, et

DU CONCILE DE TRENTE. igg

tant pour rauctorité du roy , que pour Tutilitë de ses subjects , pour cause desquels iis se sont opposés vertueusement, nonobstant les artifices des plus grands, à la publication et approbation d'icelui Concile.

Mesdicts sieurs donc ont remémoré que , pendant que les privilèges et libertés de TEglise gallicane estoient en vigueur, elle se portoit trop mieux que depuis^ quand nous nous sommes laschés aulx pratiques et chicaneries de court de Rome. C'est pourquoi ils n'ont peu approuver ce Concile qui les improuvoit, ni casser et annuller avec lui ce qui au contraire mérite d'estre restitué et restabli en sa première auctorité et splendeur.

Alors les deuxjurisdictions, spirituelle et temporelle , fraternisoient en ce royaume ensemble, et tenoient la main Tune à Taultre soubs Tauctorite d'ung souverain. Tous les ans le roy deputoit en chaque province ung prélat et ung comte, qui assembloient les prélats, barons et officiers de la province pour s'informer avec eulx de Testât de l'une et l'aultre. Le rapport s'en faisoit au roy chacung an en une assemblée générale , où il estait assisté de ses princes et conseil. En icelle se fai-* soient institutions et destitutions, suspensions et condamnations d'evesques, abbés, etc. , si besoing estoit. En icelle s'ordonnoient les loix nécessaires pour maintenir la discipline, et repurger les abus de l'Eglise. Ceste assemblée , en ce qui concernoit le temporel , tenoit lieu d esta ts; en ce qui touchoit le spirituel, de Concile; parce qu'elle estoit comme ung abrégé et de Testât politique et de l'Eglise gallicane ensemble. "

Avenant qu'ung evesché ou prelature vaquast, y estoit pourveu , suivant les saincts Conciles , par Telecûon du clergé et approbation du peuple; et néantmoins, pour monstrer tousjours que leur juridiction

20O ADVERTISSEMENT SUR LA RECEPTION spirituelle ne les exemptoit poinct de la subjection séculière, le peuple demandoitau roy congé d'élire, et l'esleu lui faisoit exprès serment et hommage; et, avant îcelui faict, ne pou voit estre consacré par le métropolitain , ni par le pape mesmes.

Cest ordre nous produisoit de bons , doctes et charitables evesques, et ung boç, dévot et innocent peuple. Dieu estoit mieux servi, le roi unanimement obéi, le royaume pareillement en repos et en paix. Ne laissoit cependant le pape d'avoir sa voix d'admonition envers nostre Eglise gallicane , laquelle estoit escoutee, révérée et ensuivie selon les deci^ets des pères , en tant qu'elle tendoit à l'édification et non à la destruction de l'Eglise.

Au contraire, depuis que le temps, qui corrompt toutes choses, et les monopoles et collusions de quelques grands, eurent introduit petit à petit en ce royaume la puissance souveraine et absolue du pape, ont remarqué mesdicts sieurs de la court, que contraires effets s'en seroient ensuivis, au grand dommage et de Testât et de l'Eglise de ce royaume. Ces deux jurisdictions , qui souloient fraterniser, ont commencé à se supplanter l'une et l'aultre; l'une se tenant au souverain de Testât, Taultre s'en émancipant entant qu'elle a peu , pour ne dépendre que du pape , seul prétendu souverain des ecclésiastiques; car le pape a exempté les ecclésiastiques de la jurisdiction séculière, c'est à dire les a soustraits de la subjection du roy, pour les tirer en la sienne; ce qu'il continue, et confirme par tout en ce Concile, et s'est constitué seul juge des evesques et prélats, quelque crime ou delict qu'ils eussent commis en leuc.ôliarge, ou aultrement; privatiyement à tous aultres, et s'en est attribué Tinstilutîbn ,

destitution, suspension, condamnation, etc., et iceulx evesquesa faict juges des prestres, comme délégué de son siège , dont sont ensuivies les appellations en court de Rome, les réservations , expectatives, préventions, iulles, annates, dispenses, indulgences, et aultres moyens de tirer les deniers de France, et presque la France mesmes à Rome; mesmes s'est faict arbitre, et séquestre des povres consciences, et de leur salut. Or, par là est entrée la simonie, et par la simonie l'ignorance et la corruption en l'Eglise. Par là aussi, plusieurs abus, pour lesquels toute la chrestienté soupire, et à cause des abus, les dissensions, divisions et schismes , et par conséquent les troubles, les séditions et les guerres civiles. Ainsi ont esté énervées et esbranlees par ceste déréglée auctorité du pape la pieté et la justice, vraies colomnes de tout estât bien ordonné.

S'en est ensuivie aussi une division et perturbation en Testât, paravant solide et tranquille; car le pape, non content de ceste usurpation sur la jurisdiction spirituelle, par laquelle il a establi ung aultre royaume au milieu de nostre royaume, sans ce qu'on y a tenu de long temps la. main, enjamboit bien avant sur la séculière. Les papes pied à pied s'enliardissoient de faire collectes, et levées de deniers en France sur les ecclésiastiques, comme sur leurs propres subjects, et au contraire empeschoient nos roys d'en faire sur iceulx pour la conservati9n de leur estât , comme s'ils n'eussent plus esté subjects à leur puissance ; et comme nos roys vouloient mamtenir leur auctorité, osoient bien dire, comme Boniface VIII au roi Philippesle Bel, par bulle expresse, que nos roys leur estoient subjects, tant en temporel qu'en spirituel (comme ainsi soit que anciennement les papes feussent créés par le consentement