LXV. — RAISONS

Pour induire le roj h accorder la prolongation des places pour quelques ans h ses subjects de la reU

ligion reformée.

Du 12 aonst i583.

Qu4wn il pleut au roy accorder les places d'asseurance a ses très humbles subjects de la relligion reformée, pour le terme de six ans, ce feut parce qu'il se

RAISONS POUR LA PROLONGATION, etc. 359^ promettoit qu'avant ledict temps expiré, son edict se- Toit effectué en toutes ses parties. Et de faict, en la conférence de Nerac , qui a expliqué Tintention de sa majesté qui d'ailleurs estoit assés claire en cest endroict, l'article j 6 dit exprès que l'edict de pacification , et ce qui auroit esté resoleu en ladicte conférence, seroit exe« cuté en tous ses articles, et que l'exécution s'en commenceroit des le lendemain pour estre continuée sans interruption. Et l'article 1 7 , que les places seront remises audict temps , et que l'edict y sera entièrement exécuté. C'est à dire , que l'exécution totale de Tedict doibt précéder ce qui est ordonné pour lesdictes places, et que l'ordre desdicts articles enclost l'effect du 17, soubs la condition du 16.

Ores que ceci n'eust lieu, le but de sa majesté, en ottroyant lesdictes places à ses subjects de la relligion, est exprimé en son edict , à sçavoir , qu'elles leur sont baillées en garde pour le temps et terme de six ans, attendant que les rancunes et inimitiés soient adoucies, comme aussi la ville de Sainct Jean est baillée à monsieur le prince pour sa demeure , en attendant qu'il peust effectuellement jouir de son gouvernement de Picardie. Par lesquelles clauses est évidemment conditionnée l'intention de sa majesté. Or, est il tout certain que lesdictes rancunes et inimitiés, où qu'en soit la cause, ne cessent poinct encores; qu'en plusieurs lieux elles se sont enaigries et exulcerees, tant pour les attentats particuliers , que par la guerre ouverte qui est entrevenue , comme aussi , d'aultre part , on voit que monsieur le prince n'a encores ung seul pied en son gouvernement, auquel sa majesté l'a promis effectuellement remettre et conserver. ^

Item , est tout évident que, quand sa majesté a parlé

36o RAISONS POUR LA PROLONGATION

de six ans, elle a entendu six ans de paix, c^est à dire six ans propres, ou (comme dient les jurisconsultes) utiles ; à sçavoir, à appaiser les rancunes et inimitiés. Or, est il que ces six ans ont esté interrompus d'ung an de guerre ouverte , et de plusieurs hostilités particulières , qui a arraché le cataplasme et mis le feu à la plaie. Tellement que sa majesté doibt imiter en cela le bon chirurgien qui aura ordonné ung emplastre pour six jours seulement, parce qu'il pense qu'en ce temps le mal cédera au relnede, et appercevant toutesfois au bout du terme, que l'opération n'en est ensuivie telle qu'il esperoit, soit par la malice de l'humeur, soit par ung accident survenu, soit parle remuement du patient qui aura escarté le cataplasme, ne faict difficulté de le remettre encores pour quelques jours dessus, reputant son honneur en la guerison de la plaie, et non en la prefixion du remède.

Geste raison doibt avoir d'autant plus de lieu à Tendroict de sa majesté , que ce n'est poinct l'impatience * proprement de ceulx de la relligion , qui a gratté la plaie et arraché le cataplasme; mais, s'il fault ainsi dire , l'inconsideration et témérité du valet du chirurgien , qui a envenimé et la plaie et le remède, contre le commandement du maistre. Car oultre, diverses entreprinses , qui ont esté faictes sur lesdictes villes, et sont venues jusques au poinct de l'exécution, la Reolle et Perigueux en Guyenne ont esté surprises en effect long temps avant le temps , dont punition aulcune ne s'est ensuivie ; ains sont les aucteurs commandans en icelles, qui, selon l'edict, doibvent estre infâmes et inhabiles à tous estats, et traictés au reste comme crimineux de leze majesté en premier chef. Doibt donc imputer sa majesté à telles gens le

DES PLACES DE SEURETÉ. 36l

iiefardement de la cure , non à ceulx qui portent principalement la douleur de la plaie.

La principale plaie qu'il falloit guérir , c'estoit la desfiance. Au contraire, à mesure que ceulx de la reliigion s'en sont voulleu despouiller , en remettant les places, selon Tedict, ceulx qui ne vivent que de trouve , comme les barbiers d'ulcères , ont tasché à la leur redoubler en toutes sortes. Les places n'ont esté si tost remises, qu'on y a mis garnisons etbasti citadelles, ou démoli les murailles, contre les mots exprès des edicts. Ce n'est pas pour convier celles qui restent à faire le semblable. Ceulx qui les ont laissées , n'en ont pas sitost esté dehors, que, nonobstant toutes promesses et abolitions , ils n'ayent esté poursuivis , pris , exécutés , massacrés. Quand on est dissuadé par les effects , mallaisenient est on persuadé par les paroles. Bref, on en est venu là , qu'on ne pense ville remise à bon escient, s'il y demeure ung de la relligion en auctorité , si leur vie n'est à la discrétion pure et simple du moindre ennemi qu'ils ayent. Tandis que la foi a si peu de lieu , il est malaisé dé lever la desfiance.

Ne veullent ceulx de la relligion doubter de la droicte intention de sa majesté. Mais leur doibt aussi estre permis , veu le passé , de se desfier de ceulx qui en abusent, et qui pensent, veu leurs charges, avoir droict d'en abuser. Or est il que la publication du Concile de Trente qu'on avoit laissé dormir si long temps, mesmes l'an 7a , qu'on estimoit fatal à ceulx de ladicte relligion , a esté remise sus ceste année , et plus pressée qu'oncques auparavant ; que jamais on n'a negotié avec le pape tant que ceste année; que les jésuites, qui sont les boutefeux de l'inquisition , croissent de jour en jour en auctorité ; que les prescheurs en chaire

362 RAISONS POUR LA PROLONGATION, eic. prononcent publicquement , que l'an de la ruyne dey* dicts de la relligion , etc. N'ignorent là dessus les principauU de ceulx. de la relligion que sa majesté n'a garde de consentir à telles choses , mesmes audict Concile/ pour Tinterest qu'y a , tant la couronne que l'Eglise gallicane. Mais le peuple , qui ne pénètre pas si avant, . en a pris une allarme, qui ne lui peult estre tost ostee, estant enseigné pour toute escrime de ne regarder, m la face , ni la personne , mais seulement la poincte de l'espee.

Toutes choses considérées, à denier la prolongation du terme sa majesté a quelque interest; car elle mettra^ peult estre , au desespoir quelque partie de son peuple. A l'accorder, elle n'en a du tout poinct; car il est assés évident qu'il n'y a François plus François en Fraâtkoe qu'eulx. L'edict les déclare capables de toutes charges et dignités , et jusques ici ne sont en possession de cest article. Il seroit donc raisonnable qu'en ce peu de places, ils en ressentissent aulcunement l'effect. Au reste, quand ils en sortiront , on vouldra que d'aultres entrent en leur place; sa majesté considère là dessus, si elle en doibt avoir plus de fiance ; au contraire , si d'aulcung elle n'a occasion de juste défiance ; ce que , grâce à Dieu , elle ne peult avoir d'eulx.

j4 m. de Harlajj premier président en la court de par-

lement de Paris.

Du 12 aoust i583.

Monsieur , il y a long temps que j'ai désiré cest heur d'eslre cogneu de vous, et tousjours l'occasion m'en

LETTRE DE M. DUPLESSIS , etc. 363

est eschappee; mais pour cela n'ai je laissé de m^obliger de service à vostre vertu, digne d'ung meilleur sifcle, et qui toutesfois, en la rouilleure de cestui ci, se sçait faire honorer de tous ceulx qui en ont quelque sentiment. Je suis ici appelle auprès d'ung prince qui la prise beaucoup en tous , et en vous particulièrement la révère. Si j'estois solvable de si grande chose, je vous asseurerois que sa volonté tend toute au bien de cest estât ; et surtout à ce bien , qui seul faict jouir de tous les aultres biens, qui est, à rhon ad vis, la paix. Le roy lui a faict cest honneur de lui mander qu'il tiendra , ce mois de septembre, à Paris, une assemblée des plus notables personnages de ce royaume, pour le soulagement de son peuple. C'est l'efFect du tiltre de très chrestien. Mais vous savés que tous les beaux reglemens, qu'on y sçauroit minuter , s'en vont en vain , si la paix n'y est grossoiee ; comme les remèdes topiques et particuliers , quelque bons qu'ils soient en eulx mesmes , sont inutiles, si on permet qu'ung mal universel prenne possession du corps. M. de Clervant est en* voyé, de la part du roy de Navarre, vers sa majesté pour cest effect , personnage plein de modération et intégrité , et digne en somme de si digne charge. Il a commandement de vous en communiquer particulièrement. Ce qui me reste , monsieur, c'est de vous dire que je suis vostre serviteur, non simplement pour vostre dignité, mais doublement pour la dignité dont Tavés honorée; et sur ce, vous ayant bien humblement baisé les mains , supplierai le Créateur , monsieur, etc.

De. Saincte Foi d'Agenois.

364 NEGOTIATION DE M. DUPLESSIS

»^^i»^^>»»<fc>%^»^^%^ 9M^