LXXIV. — RESPONSE

jii V instruction de M, de Laverdin^ em^oyé de la part de Monseigneur vers le roy de Navarre.

Le roy de Navarre ne feut jamais plus vivement touché au cœur que quand il entendit l'occasion du soudain partement de la royne sa femme , pour l'interest inséparable qu'il a en tout ce qui la touche, et ne cèlera à son altesse que ce lui eust esté ung grand soulagement en ce malheur de se veoir assisté de son prudent advis par l'envoi de quelqu'ung de sa part poui* l'aider à en sortir; mais ce lui eust esté aussi trop d«

RESPONSE A L'INSTRUCTION, etc. Sgi

regret pour la prospérité qu'il . lui désire , que cest affaire eust en rien retardé les aultres plus urgens qu'il )M>uvoiit lor&^yoir, et pourtant, maintenant qu'il en est souJagé , il le remercie très humblement du soing qu'il a eu de le visiter, mesmes par le sieur de Laverdin, de raffection et fidélité duquel il a tiré de si notables preuve^.

Nedoubte ledict seigneur roy de Navarre que son altesse aura très bien entendu que si tost qu'il sceut ce qui estoit advenu à l'endroict de la royne sa femme , il depescha gentilhomme exprès vers le roy, duquel prin» dpalement dependoit le remède , avec instructions par lesquelles il feit assez cognoistre combien il estoit soigneux de Thonneur et réputation de ladicte royne sa femme ; et pense en cela , ledict sieur roy , n'avoir rien obmis de ce qui pouvoit entretenir leur bon mesnage, tant s'en fault que par là il ait en rien facilité les artifices de ceulx qui auroient vouUeu essayer le con- . traire.

Et , quant à ceulx qui par ce moyen auroient pre-* tendu le desunir d'avec le roy et son altesse, ne sçait ledict seigneur roy de Navarre quels ils peuvent estre ; et, si aulcungs y en a , les estime bien loing de compte , soit pour le bon naturel de leursdjctes majesté et altesse , soit pour le service très humble qu'il leur a désiré .rendre toute sa vie ; mais particulièrement lui dira ledict seigneur roy de Navarre , que le roy lui feit cest honneur d'avoir pour très agréable la façon dont il procéda lors en ce fàict, pour le debvoir qu'il rendit à sa majesté en gardant son honneur, comme encores tout fraisdiement il lui a tesmoigné par le sieur de Bellievre ; et ^ pour le regard de son altesse, qui lui faict ceste faveur d'estre jaloux de leur honneur comme du sien propre,

Sga RESPONSE A L'INSTRUCTION

il ne peult doubler qu'elle n'en ait receu pareil cou*

lentement.

C'est aussi ceste considération de leur hotineur commun et non aultre , qui auroit faict que ledict roy de Navarre auroit procédé plus lentepent en la réception de la royne sa femme , préférant la satisfaction deue à sa réputation , à toutes aultres affections qui tiennent communément les hommes ; et craignant aussi avec quelque raison que leur rapprochement ne feust cause d'esloigner cru empescher ladicte satisfaction. Pour cette raison donc , il supplie très humblement son altesse voulloir tenir la main et à bon escient , selon la promesse et offre qu'il lui plaist lui en faire, contre tous ceulx qui se vouldroient opposer à chose si juste et raisonnable ; et s'asseure tant de l'amitié qu'il leur porta, et de l'affection qu'il lui plaist apporter à ung afiàire qui leur importe tant, qu'il employera son auctorité pour lever au plustost les obstacles qui mal à propos ont esté suscités , mesmes en ce pays , pour l'en retarder.

Ne veult entrer ledict seigneur roy aulx causes des inconveniens advenus, se contentant d'en rechercher les remèdes là où il espère les debvoir trouver. Mais bien lui dira que ce qu'il en a entendu de tout ce faict, ne lui est poinctvenu par billets, ni par rapports, desquels, en tel cas, il requerroit aussi peu de satisfaction comme ils méritent de créance. Ains qu'il n'en a rien sceu que ce qu'il a pieu au roy lui mander ou escrire , ou qui s'est faict et sceu si publicquement qu'il n'estoit pas possible qu'il en féust seul ignorant.

Et quant à l'entresuite d'affaires ruyneux qui lai pourroient procéder de ce faict, qu'il estime s'y estre si bien gouverné jusques ici au gré du roy et sien, que

DE M. DÉ LAVERDIN. SgS

leur bonne . grâce lui sera assés d'appui et de défense contre tous ceulx qui oseroient rien entreprendre contre lui. Et pour le regard de ceulx que son altesse pense aacteurs et inventeurs de ce mal , que tant s'en fault qu'il les puisse craindre , qu'il se promet que le roy , s'il s'en trouve de tels, lui en fera justice , comme derechef il supplie très humblement son altesse, pour l'honneur qu'il a de lui estre ce qu'il est, d'y apporter la main.

En ce faisant, son altesse obligera de plus en plus ledict sieur roy de Navarre et la roy ne sa sœur^ de lui rendre l'honneur, obéissance et service qu'ils lui doibvent. Ce qu'il a pryé le sieur de Laverdin de lui déclarer plus amplement, dont il lui fera ceste faveur de le croire, selon l'ancienne cognoissance qu'il a du plus intérieur de son cœur.

Gomme aussi a pryé ledict sieur de Laverdin de tenir son altesse bien particulièrement advertie de Testât des choses -de deçà, tant pour le soing qu'il lui a pieu avoir de les pacifier, que pour le bien que peult apporter l'entremise de son auctorité contre les troubles qui y semblent naistre.

A M,, de Montaigne.

Du 1 8 décembre 1 583 i

MoirsiEXjR, nous appercevons, par les lettres que M. de Bellievre escrit au roy de Navarre, que le roy a esté mal informé de ce qui s'est passé ici. Sur fausses presuppositions , on ne peult que conclurre faux. Et j'espère, quand il aura sceu la vérité, tant par lettres de

394 LETTRE DE M. DUPLESSIS , eic.

M. de Bellievre, que par les nostres, qu'il prendra le tout en meilleure part. Ce qui est véniel à M. de Joyeuse, ne nous doibt poinct estre mortel. Encores nostre action en toutes circonstances est elle plus supportable. Cependant on nous circuit de garnisons pour tirer la chose en conséquence. On n'a poinct ainsi procédé contre les aultres; et cette inégalité ne peult procéder que de la passion de quelques ungs. Ce prince ne pense qu'à la paix; et je désire fort qu'on ne le presse poinct oultre mesure : vous le cognoissés. Mesmes lors qu'il doibt craindre , il ne le veult pas. Je pense que la prudence de M. de Bellievre modérera toutes choses. Ces înconveniens appaisés, video cœtera proclma; et vous en aurés des marques, mais qui doibvent estre aidées. Je suis, et serai tousjours vostre,etc.

Du Mont de Marsan.

A M. de Chassincourt sur la demande de tassembUt

générale des églises.

Du 23 décembre i583.

Le sieur de Chassincourt fera entendre au roy, qu'ayant le roy de Navarre entendu, par le retour de M. de Clervant , la saincte intention qu'a sa majesté d'affermir de plus en plus la paix, et, à ceste fin, faire exécuter ce qui reste de part et d'aultre pour l'entière observation d'icelle, il se seroit résolu d'apporter de sa part, pour faciliter une œuvre si nécessaire, tout ce que Dieu lui auroit donné d'auctorité soubs celle de sadicte majesté, afin qu'elle puisse , après tant de peines, avoir ce contentement tant désiré, de voir, non seulement les

INSTRUCTION A M. DE 'CHASSINCOtJRT. 395 pkjesdes malheurs passés bien refermées, mais mesmes, en tant que possible seroit, les marques et cicatrices d'icelles entièrement effacées.

£t parce que , pour parvenir aux efFects que dessus sa majesté auroit estimé nécessaire d'envoyer certains commissaires es provinces , personnages dignes et qualifiés, tant pour remettre ledict seigneur roy de Navarre, et monseigneur le prince de Condé, en la pleine et réelle jouissance de leurs gouvernemens , que pour aussi recevoir des mains de ses subjects de la relligion reformée les places qu'il auroit pieu à sa majesté leur bailler en garde pour certaines années , dont l'ung despend de la seule auctorité et simple vollonté de sadicte majesté; l'aultre de la confiance qu'il est requis que sesdicts subjects de la relligion reformée prennent de la bienveillance de sa majesté pour se remettre totalement en elle ; ledict seigneur roy de Navarre , pour les y induire et persuader, estime très nécessaire, pour le service de sa majesté, qu'il se tienne , avec son bon plaisir, une assemblée générale des députés des églises de la relligion reformée de son royaume, où ledict seigneur roy de Navarre se trouvera en personne pour leur proposer la volonté de sa majesté, délibérer avec eulx des plus propres et faciles moyens de l'effectuer, et, selon ou au plus près d'icelle, le faire resouldre. Moyennant quoi , espère ledict seigneur roy de Navarre, que lesdicts sieurs commissaires de sa majesté trouveront les chemins si applanis , et les cœurs si disposés à l'exécution de leur commission et satisfaction de sa majesté, qu'elle cognoistra enfin que ce qu'il a désiré retenir auctorité et créance entre sesdicts subjects de la relligion reformée , a esté principalement pour en rendre l'auctorité et volonté de sa majesté tant plus facilement obeie,

quoique plusieurs ayent tasché et taschent journellement de lui faire entendre le contraire.

Adjoustera ledict sieur de Chassincourt que sa ma* jesté a faict souvent cest honneur au roy de Navarre, de lui déclarer le desplaisir qu'elle avoit des courses, '•. entreprises et attentats, et aultres menus remucmens qui s'exerçoient et commettoient en divers lieux de ^ quelques provinces, tant de part que d'aultre, pour auxquels remédier, ledict seigneur roy de Navarre , en tant qu'en lui a esté, se seroit tousjours diligentement employé ; mais non avec tel succès partout qu'il eust bien désiré, tant pour les défiances qu'aulcuns prennent plaisir d'esveiller et d'attiser, à mesure qu'il prend peine de les amortir et esteindre , que particulièrement pour la circonstance de ce temps, auquel se parle de remettre les susdictes villes, dont plusieurs esprits entrent en peine et anxiété , ne voyans encores les choses en Testât qu'on esperoit que le terme de six ans les pouvoit réduire.

Pour donc les resouldre de leurs défiances et incertitudes, en les asseurant de la bonne et saincte intention de sa majesté, a pensé, ledict seigneur roy de Navarre , que ladicte assemblée générale des églises viendroit très à propos. Car icellc estant amenée par les raisons qui pourront estre alléguées à la raison qu'on desire, lesdictes églises s'emploieront, puis après, tant plus volontiers à resouldre les doubtes, défiances et incertitudes des particuliers dont est question. Et en ce cas qu'ils ne s'y voulleussent ranger, les feront soubs le commandement de sa majesté ployer à son intention, dont elles auront esté pleinement esclaircies. Joint que 9 si aulcuns prétendent quelque cause de se plaindre, ils en attendront te remède par le retour de ladicte assem-*