A M. DE PIERREFITE

laissé pour cela de m'ofTrir son espee et de ses amis. Je serai bien aise que par telle voye que sçaurés mieulx choisir, le roy le sçache, et juge de quel esprit cela vient. J'ai esté adverti aussi que M. d'Espernon avoit dict à personne d'honneur que Saînct Pliai , en ce qu'il avoit faict contre moi , l'avoit preveneu , et fault que je vous die que, depuis que vous estes parti, je n'ai que semblables advis de toutes parts, qui n'est pas m'acheminer à ce que M, de Schomberg me proposoit. Mes amis voyans ces mauvais desseings accumulés sur ce premier, me conseillent de l'assiéger et m'en ouvrent et offrent les moyens. J'en suspends la resolution jusqu'à ce que j'aye de vos nouvelles, et suis tout en esmoi d'avoir ung seul mot du roy , sans aultre advis qu'il ne le trouvoit poinct mauvais. Je vous propose tout cela pour en mieulx juger sur les lieux; et vous prye que j'aye de vos nouvelles, ce que je n'ai encores eu. Nous attendons MM. de Courtaumer et de Gazes, desquels le retour avec contentement portera ung grand coup à ceste negotiation. Sur ce , etc.

Du 12 febvrier i5g8.