XXXVI. — * POUVOIR

Des sieurs président Richardot^ Taxis et Verrejken.

Albert, cardinal par la grâce de Dieu, archiduc d'Autriche , etc. , Heutenant gouverneur et capitaine gênerai des pays par deçà et de Rourgoigne; à tous ceulx qui ces présentes verront, salut. Comme il soit qu'ayant par nostre sainct père le pape Clément VIII, esté faict grande instance vers très hault , très excellent et très puissant prince , le roy mon seigneur, afin de voulloir entrer en traicté de paix avec aussi très hault, très excellent et très puissant prince le roy très chrestien , Henry IV* de ce nom, sa majesté, comme prince catholique, désireux d'icelle , et du repos de toute la republique chrestienne, nous ait envoyé ample pouvoir en langue castillanne à cest effect, dont la teneur s'ensuit de mot à aultre.

« Don Phelipe, por la gracia de Dios, rey de Castiiia , de Léon , de Aragon , de las dos Sicilias, de Hierazalem, de Portugal de Navarra, y de las Indeas, etc.; archiduque de Austria , duque de Borgonna , de Brabante y de Milan; conde de Habspurg, de Flandres y de Tyrol , etc. ; por quanto adviendose movido praticas de paz por su sanctitad, como padre comun de la Christiandad 9 conforme ai sanoto zelo que siempre hatenido y tiene entre mi y ei rey de Francia , écho semé por su nuncio muchas y grandes instancias de su parte ; para ehe me contente de que se continuen por uia de mis estados Baxos, y que io embie alla mis poderes, esperando que potra resultar dello servicio de Dios nostro sennor y exaltamiento de su yglesia catholica y bien y quietud de toda la christiandad , que es el blancho a que siempne hjin tirado mis inteotos, para que este tân importante, pueda llegara effecto f siendo el serenissimo archiduqtie Alberto mi sobrino , governador y capitan gênerai de los dichos mis estados Baxos cuya authoridad y medio sera de tanto provecho , par a todo confirmando me con las satictas amonestationes y voludad de su sanctidad , he tcnido por bien de cometerle y remeterle la conclusion de! Tiegocio y assi par la présente -doy al dichp my sobrino poder y facultad tan complidaly bastante como entai caso se requière, para que por mi en mi nombre pueda trattar, capitular y assentar une paz firme, y duradera con el dicho rey de Francia, o qualquier tregua y suspension de armas larga ocorta en !a forma y mauera y con las condiciones que îe pareciere esperamâo que se ran taies que se consigQ servicio de nosrtro sennor y bien comun de la republica christiana y establesca entre my el dicho sennor , y nostros rey-

DES SIEURS RICHàRDOT, etc. 65

nos, y subditos muy buoDa arrustad, y correspondencia , y todo loque en razon desto el dicho my sobrino capitulara y conciuera, prometo, y don my fey palabra real di estar, y passar por ello y tenerlo por firme, estable y valedero, y assi complirlo puntualmente , sin falta y diminution alguna , y para todo ello le doy entera faculdad, y poder tan complido , y bastante como îo lo tengo y para firmez a dello mande despachar la présente, firmada de mi mano y selladacon mi sello. Dat en San Haranço, a doze de agosto 1597. ^

Ainsi soubscrit : el Ret.

Eê plus bas : Por mandado del nostro sennor,

Et signé dom Martin de Idiaqdes.

Et est ladicte patente scellée du grand scet de sa majesté en forme de placard.

Et pour autant que sa majesté très chrestienne nous a présentement envoyé certain passeport, signé de sa propre main , à comparoir de nostre part avec ceulx députés de la sienne à rassemblée accordée en la ville de Veryins pour la traictation de ladicte paix , sçavoir faisons que nous desirans ensuite de la pieuse et saincte intention de sadicte majesté, satisfaire au bon plaisir d'icelle, et en tout et partout chercher et procurer le bien et repos de ladicte chrestienté, et faire cesser les maulx et inconveniens qui se commettent à Toccasion de ceste présente guerre ; et pour la bonne cognoissance que, avons des sens, vertus, pru- , denee et longue expérience de nos chers et bien amés messire Jean Richardot, chevalier, sieur de Berly , etc. , chef président du conseil privé du roy mon seigneur, et de son conseil d'estat, et messire Jean Baptiste de Taxis , chevalier commandeur de los santos , de l'ordre

Mém. ub Duplbssis-Mornay. Tome \iii. 5

militaire de Sainct Jacques de la Espada, dudict conseil d'estat et de guerre de sa majesté ; nous confians à plain de leurs sens , intégrité et bonne diligence ; avons iceulx, en vertu du pouvoir desadicte majesté ci dessus inséré, commis, député et subdelegué, commettons, députons et subdeleguons par cesdictes présentes , et avec eulx pour y entrevenir semblablement et les assister , messire Louis Verreyken, chevalier, audiencier, premier secrétaire et thresorier des chartes dudict conseil d'estat , et de la personne duquel nous avons la mesme cognoissance et confidence, pour se trouver et assembler avec les personnages députés ou à députer par ledict sieur roy très chrestien , garnis de pouvoir suffisant, audict lieu des Yervins, et illec de la part de sadicte majesté et nostre, traicter, conclure et accorder avec eulx une bonne et sincère et entière paix et amitié entre sadicte majesté et ledict sieur roy et ses alliés, s'ils y envoyent leurs députés soubs telles portions, conditions et convenances qu'ils verront estre à faire pour la direction d'içelle paix, de quel poids, grandeur et importance qu'elles soient , tout ainsi et en la mesme forme et manière comme nous mesmes pourrions faire en nostre propre personne, à quoi nous les auctorisons et donnons tout plein pouvoir et auctorité , joinct qu'il y eust chose qui requist mandement plus spécial que par ces présentes n'est exprimé ; si promettons en foi et parole de prince , et pour nostre honneur et obligation de tous et singuliers nos biens presens et à venir, d'avoir agréable, ferme et stable et inviolablement observer mesme , si le besoing est, faire par sadicte majesté solemnellement confirmer, ratifier, et approuver tout ce que par nosdicts procureurs sera faict, concley et traicté en cest endroict, sans jamais y

DES SIEURS RICHANDOT, etc. 67

aller ni venir à Tencontre directement ou indirectement comme qu'il soit ; en tesmoing de ce nous avons signé ceste de nostre main, et y faict apposer nostre scel. Donné en la ville de Bruxelles, le penul^ tiesme jour de janvier, Tan de grâce îSgS.

Ainsi soiibscrit : Albert, cardinal.

El plus bas : Par ordonnance de son altesse ,

Et signé F. Levasseur.

Et est ladicte présente scellée du scel de sadicte altesse , y mis en forme de placard.

A sa femme,

M' AMIE, je suis en peine pour la garnison; car je vois que nostre triennal prend ung chemin auquel il ne le fault pas accoustumer. C'est pourquoi je lui ai escrit ung peu rudement, et ferai de mesure s'il ne s'amende. Ses compaignons en charge n'ont pas ainsi veu. Je suis d'advis qu'on le lui fasse sentir à bon escient une fois pour toutes. J'ai faict une bonne despesche à M. de Pierrefite ; et au reste ne sçais plus que t'adjouster, remettant le surplus sur nostre fils. Sur ce, je te recommande ta santé de tout mon cœur, et supplie le Créateur , m'amie , qu'il te garde , etc.

De Chastellerault , ce i3 febvrier 1 598 , à 9 heures du matin.

^ sa femme.

M' AMIE , tu auras maintenant nostre fils avec toutes nouvelles. Hier je receus des lettres de M. de Pierrefite , que je t'envoye, esquelles tu verras tout ce qui s'est passé en nostre affaire, sans que je te le répète. Il semble que le roy craigne d'altérer quelque chose en ses affaires de Bretaigne , et pour ce désire estre en Anjou, premier que d'y toucher; mais je crois que c'est qu'il vèult prendre l'expédient que proposoit M. de Schomberg dressé par M. de Calignon , comme il appert par la fin de la lettre. Il eust esté neantmoins à désirer que le corps des parens eust demandé justice. Dieu nous en ouvrira, s'il lui plaist, les moyens, et bénira ceulx que nous y cherchons en bonne conscience. J'eusse fort désiré que M. de Pierrefite eust peu Recevoir les despesches que je lui ai faictes d'ici. En tout cas, M. Dumaurier les ouvrira, qui fera entendre le conteneu au roy ou de par lui mesmes ou par tierces personnes, tant y a que ce que le roy aura scea de ceulx qui avoient à lui présenter la requeste lui fera encores plus peser l'affaire. Hier au soir vint ici nouvelle par ung marchand de Poictiers , qu'ung messager y est arrivé de Nantes^ asseurant que la ville s'est eslevee contre M. de Mercœur, et le tient bloqué dedans le chasteau. Vous en aurés les premiers la nouvelle à Saulmur. Rinette, député de M. de Mercœur, qui est ^llé vers le roy, pour avoir raison de Dinan , pris durant la trefve , a eu response que c'es-

jl madame duplessis. 69

toit ung préalable au traicté de prendre Nantes et Dinan ^ et que c'est la moitié du chemin faict. M. de Montmartin a demandé le gouvernement du chasteau , et Ta obteneu , reste à en jouir. M. de Schomberg y presse fort le roy de se haster , et semble qu'il lui résolve pour la fin du mois estre à Angers. On asseure cependant qu'il attendra les ambassadeurs d'Angleterre et des estats, qui seront à Dieppe au pre* mier vent Madame la princesse d'Orange partit hier de Paris. Nos députés doibvent estre partis des le 1 2 , et n'estoient despeschés avec partie de contentement ; nous n'en sçavons les particularités. Le cardinal archiduc ne sera que gouverneur héréditaire des Pays Bas. On s'est apperceu que les peuples ne l'eussent accepté pour seigneur; Tinfante aussi ne le veult pour mari , et demande pour dot le duché de Milan et non ung procès. Le traicté d'Espaigne ne s'advance poinct n y a plus d'apparence que la guerre contineue de ceste part; ce que tu bailleras pour consolation à ton fils, et me tarde infiniment que je ne te voye. Je t'emr brasse, etc.

De Chastellerault , ce i5 febvrier i5g8.

Je pense que M. de Pierrefite sera ici dans trois ou quattre jours.

^ MM. de Bellie^^re et de Sillery.

MM. de Bellievre et de Sillery , oe courrier arriva hier au soir ici avec vpstre despesche du 11 de ce mois , laquelle m'a esté leue ce matin, présent mon cou-.

sin le connestable; mon cousin le mareseb^l de Biron y est aussi surveneu ; ]a\ bien considéré avec eulx le conteneu d'icelle , selon son mérite , et recx)gnois que vous m'avés très dignement servi au bon acheminement que vous avés donné aulx affaires que je vous ai commises, qui est ce que je me suis tousjours promis de vous, dont je demeure treâ content, vous pryant de continuer jusques à la perfection de l'œuvre, que j'affectionne comme je fassois quand vous estes partis ; car comme vous sçavés que la resolution que j'ai prise d'entendre à la paix , a esté bastie sur fondemens pleins de justice et d'honneur, assurés vous aussi qu'il n'y a rien qui la puisse esbranier, ni ni'en desmouvoir, que si on voulloit me faire quitter le chemin de l'ung et de l'aultrô ; c'esï pourquoi j'ai pris grand plaisir à la res^ ponseque ^ous avés fai<^te aulx députés avec lesquels vous avés conféré, quand ils- vous ont demandé. si je ne traicterois poinct du tout sans mes confédérés; cap il est très certain qu'il n'y a que Dieu et la raison qui ayent pouvoir sur moi en pareilles odcasions; ^rnais aussi comme le premier me commande et oblige d'avoir sping déé peuples qu'il a mis soubs ma puissance , et l'aultr^ d'>af]((^ctionner le bieifi public de la chrestienté comme ung bon prince doict faire , je ne ^erai jamais si mal conseillé que de suivre les volontés et opinions de ceulx qui , parleurs intérêts* privés, vouldroient me faire perdre l'occasion de bien (aire à tous les deux ensemble. Je veulx croire aussi que ce n'est pas le but de mes confédérés.

Comme il est certain que je n'ai jamais escrit aulx estats des provinces unies des Pays Bas les lettres dont lesdicts députés vous ont dict qu'ils se vantent avoir re<^ues de moi , je crois aussi que ce n'est qu'une in-

Tention qui tient plus de l'Espaignol que du Hollandois, dont je fais fort peu de [compte, me contentant de suivre la droicte voye que doibt tenir ung prince qui a sa foi et sa réputation aussi chère que sa vie.

Le paquet dedans lequel vous m'avés envoyé la copie des pouvoirs dedicts députés, qui avoit esté oublié à mettre dans ceslui qu'a apporté ledict courrier, est arrivé tout présentement , et ai trouvé , comme vous, leur pouvoir pour traicter avec moi en bonne forme.

il est vrai que j'ai remarqué que le cardinal Albert a voulleu me faire comme demandeur de l'envoi desdicts députés, ayant fondé son pouvoir sur le passeport que j'avois envoyé par le père gênerai pour les faire acheminer, de quoi il eust peu se passer; mais ce sont de leurs ruses accoustumees dont je ne me donnerois aulcune peine , si je n'avois opinion qu'ils ont plus grande envie de me diviser d'avec mesdicts confédérés pour faire leurs affaires à mes despens , que de conclure et exécuter ung bon accord ; toutesfois je ne veulx poinct débattre ledict pouvoir.

Mais il est très certain que la royne d'Angleterre ne se contentera de celui dudict cardinal, ne représentant celui dudict roy d'Ëspaigne, faisant mention d'elle comme vous leur avés remonstré , et m'avés faict plaisir d'y persister ; car, encores que je ne veuille obliger à suivre en ce faict la volonté de ladicte dame, de laquelle je cognois les intentions et fins mieulx que nul aultre, neantmoins je ne veulx pas lui donner occasion de se plaindre de ma foi , comme je ferois si je resolvois et concluois mon traicté sans elle , ou sans lui avoir ouvert le chemin d'y entrer; c'est pourquoi j'approuve l'ouverture qu'ils vous ont faicle d'envoyer ung courrier en Espaigne pour le deman-

7 a LETTRE DU ROY

der et apporter , puis mesmes qu'ils asseurent qu'ils le recevront dans quinze jours ; mais il me semble qu'il sera plus à propos que leur courrier passe soubs le nom de mon cousin le cardinal de Florence , et pour les affaires de nostre sainct père , que soubs celui dudict cardinal Albert ; partant, je le vous envoyé conceu de ceste façon ; dadvantage je veulx que vous l'accompaigniés d'ung aultre de mes courriers , tant pour

faciliter son voyage que pour l'observer par les che-

niins. Ores , je ne double poinct qu'ils n'escrivent par ledict courrier tout ce que bon leur semblera; mais j'aime mieulx courre le hazard du mal qui m'en peult arriver que de leur desnier le moyen de recouvrer et advancer ledict pouvoir pour m'acquitter de mon debvoir envers ladicte royne; pour ceste cause, vous le ferés despescher au plustost. Cependant les députés de ladicte royne , qui n'ont encores passé la mer à cause du mauvais temps, pourront arriver, et je ferai sçavoir par courrier exprès à ladicte royne, ce que vousm'avés escrit qui la regarde, afin qu'elle me mande si elle se contentera de traicter sur le pouvoir dudict cardinal Albert, en attendant que l'aultre soit arrivé, comme il me semble qu'elle pourroit faire ; car il se passera bien quinze jours de temps devant que l'on puisse tomber d'accord avec elle des différends qui sont entre ledict roy d'Espaigne et elle.

Mais je vouldrois que ledict courrier rapportast aussi le contresigne ou commandement dudict roy d'Espaigne pour la redduction de Biavet, afin de n'en faire à deux fois , et de n'en excuser ou retarder Texecution sur ce prétexte ; partant , vous en ferés instance, leur disant que si je n'avois volonté de m'accorder, je ne leur ferois ramentevoir ceste despesche , laquelle

A MM. DE BELLIEVRE ET DE SILLERT. 73 peult grandement advancer et faciliter les affaires ; et plus ils me recognoissent soigneux de m'acquitter de mon debvoir envers mes amis ; ils doibvent mieulx espérer de ma foi , et priser mon amitié , estant vraisemblable que si je ne passois légèrement par dessus ce qui les concerne, contre ce que^e leur ai promis, qu'ils auroient d'autant moins de cause de se fier de moi , qu'ayant ainsi manqué à mesdicts amis , il me demeureroit tousjours quelque regret et remords de conscience d'en avoir ainsi usé, oultre ce qu'ils me tiendroient pour ung prince léger et dç peu de foi ; je veulx donc mettre mesdicts amis en leur tort, en justifiant ma foi et mes actions , tant envers eulx qu'à l'endroiçt d'ung chacung, s'il fanlt que je me sépare d'eulx pour le bien de la paix ; et puisqu'ils ont ung pouvoir particulier du roy d'Espaigne pour traicter lesdicts estats, il n'en fault poinct chercher d'aultre pour cela , dont j'advertirai leurs députés quand ils seront arrivés, et despescherai devers eulx pour les faire advancer, n'estimant pas qu'il soit à propos de parler des six mois ou d'ung an de trefve pour leur regard , que nous n'ayons eu response de ladicte royne ou desdicts estats , ou veu leursdicts ambassadeurs pour sçavoir leurs volontés.

Mais deffendés vous tousjours du passeport qu'ils ont demandé pour envoyer devers le duc de Mercœur , ou Élire venir devers eulx ung député de sa p<irt ; car resoluement je ne l'accorderai jamais pour les raisons portées par vostre instruction , qui se rendent tous les jours plus pregnantes , sa foiblesse et sa mauvaise foi se descouvrant plus grandes que jamais , aussi bien envers eulx qu'envers moi ; car il m'a faict dire par le dernier qu'il m'a envoyé, qu'il quitteroit plustost son

gouvernement que de traicter et le conserver par le moyen des Espaignols , desquels il se plainct grandement, et je crois qu'il leur en a faict dire autant de moi ; mais j'espère que les dissimulations et tromperies dont il use , advanceront sa punition , et la rendront inévitable avec l'aide de Dieu , au moyen de quoi persistes constamment au refus dudict passeport , et de comprendre audict traicté ledict duc de Mercœur.

Et puisqu'ils ont accordé de rendre toutes mes villes avec les fortifications qui y sont , excepté Blavet qu'ils entendent d^smenteler, et de laisser en Testât qu'il estoit quand ils s'en sont saisis, il n'est plus question que de convenir du temps qu'ils les rendront , et de l'artillerie , pouldres et balles à canon qu'ils y laisseront , ayans promis de bailler des ostages comme vous avés demandé ; sur quoi je vous dirai quUl me semble que ladicte restitution pourroit s'accomplir et parfaire dedans ung mois , comme vous leur avés proposé , s'ils voulloient s'y bien employer, mesmement ayant receu le commandement et contresigne pour Blavet , par le courrier qu'ils doibvent envoyer présentement ; partant, continués à les presser de se contenter dudict terme d'ung mois , à compter du jour de la signature du traicté, faicte par nos députés, comme vous leur avés proposé , ou bien demandés et obtenés que les villes de Calais et Ardres , par lesquelles ils accordent de commencer ladicte restitution , me soient rendeues douze ou quinze jours au plus après la signature susdicte des articles , et que les aultres places soient entièrement rendeuee dedans six sepmaines,ou bien dedans lesdicts deux mois dont ils ont parlé , si vous ne pouvés mieulx obtenir sans aultre prolongation , de quoi ils ne doibvent fairef difficulté, s'ils ont telle vo-

A MM. DE BELLIEVRE ET DE SILLERY. 7 5 lonté d'effectuer ce qu'ils promettent et font entendre ; lesdictes villes de Calais et Ardres estant rendeues , elles serviront d'arrhes et de gages certains de la restitution pleniere des aultres.

Mais je ne puis leur laisser emporter toutes les pièces d artillerie qui estoient esdictes villes, qi^and elles ont esté prises, principalement celles qui sont à la marque de France, avec les balles du calibre d'icelle; bien suis je content me départir de la demande des aultres avec la pouldre à canon; vous sçavés que mon royaiilme est si mal pourveu d'artillerie, que s'ils emportent toute celle qui est dans lesdictes villes , elles en demeureront toutes. desgarnies, et me sera difficile d'y en remettre d'auitres de long temps en nombre qu'il fault pour les garder : continues donc à faire instance de ce poinct , et piustost que d'en estre du tout esconduicts, restraingnés ladicte restitution à ung certain nombre de pièces pour chacune place , et qu il y ait le plus de canons et de'couleuj^nes que faire se pourra, accompaignees de bdlilets du mesme calibre , n'estant la raison de leur refus desdictes pièces digne d'estre receue ; car, puisque pour ung bien de paix, -ils me veullent rendre mes villes , lesquelles leur sont aussi bien acquises que mon artillerie , ils peuvent aussi bien m'accorder ladicte artillerie pour mesme considération , et vous asseure que si mon rayaulme en estoit garni comme il a esté aultresfois, je n'en ferois si grande instance : persistes y donc, je vous prye, et ne croyés pas qu'ils veuillent pour peu révoquer le plus ou le principal qu'ils ont desjà accordé ; car ils feroient une trop lourde £aiulte, en laquelle la nécessité de leurs affaires les gardera bien de tomber après les avoir bien contraincts de passer si avant qu'ils ont faict; toutes-

j6 LETTRE DU ROY

fois conduises , le tout avec vostre prudence accoustumee, de laquelle je me confie entièrement , etc.

Orés, j'ai bien remarqué l'instance qu'ils vous ont faicte, de mettre par escrit et signer ce qui a esté traicté entre nous et eulx , avec la plaincte que vous m'avës escrite qu'ils ont faicte du refus que vous en avës faict , à cause du commandement que je vous en ai faict par vostre instruction.

Sur quoi je vous dirai que les mesmes raisons qui m'ont iheu de vous faire commandement de ne vous engager dadvantage en ce traicté, me semblent plus fortes et considérables qu'elles n'estoient lorsque vous estes partis, puisqu'ils n'ont apporté, comme nous pensions qu'ils feroient , ung pouvoir dudict roy d'Espaigne suffisant pour comprendre au traicté de la royne d'Angleterre, comme vous les avés sagement remonstré; de sorte qu'il fault qu'ils s'accusent de la longueur et difficulté dont ils se plaignent, sans s'en prendre à moi ni à vous; et fault que je vous die que la plaincte qu'ils en font m'est très suspecte , croyant qu'ils la font» sonner si hault pour justifier leur procédure, en cas qu'ils se retirent sans rien faire ; ou pour, en tirant ledict escrit de vous, s'en prevalloir envers mesdicts confédérés , devant que d'avoir accordé avec moi pour ceste cause; il me semble qu'il fault estrefort reteneu en ce faict; dadvantage, je considère que leur baillant par escrit les poincts et articles à mesure qu'on en tombera d'accord, devant que toutes choses soient resoleues et accordees^il sera en eulx de proposer tousjours quand ils vouldront nouveaulx faicts, et sur iceulx rompre ledict traicté, et après faire profict à mon dommage des fragmens d'icelui qui seroient demeurés entre leurs mains, chose que je veulx éviter;

A MM. DE BELLIEVRE ET DE SILLERY. 77 ear c'a tousjours esté ma craincte et mon opinion qu'ils ne voulioient procéder rondement ni de bonne foi en ceste negotiation, comme vous sçavé^ que je fais avec eulx. Au moyen de quoi je vouidrois, devant que d'escrire, que nous feussions bien d'accord de tous les poincts et articles desquels on prétend traicter, sans qu'il feust loisible aulx ungs ni aulx aultres de faire après nouvelles demandes et jpropositions; mais, cela faict, je ne trouverois mauvais qu'il feust faict et signé ung escrit de part et d'aultre, qui feust baillé en garde à mon cousin le cardinal de Florence , représentant ta personne de nostre sainct père , afin d'estre teneu secret ; de quoi je ne ferois difficulté de me fier en lui comme en moi mesmes, jusques au retour dudict courrier qui doibt estre envoyé en Espaigne , avec le pouvoir pour traicter avec ladicte royne d'Angleterre, et le commandement dudict roy d'Ëspaigne pour la restitution dudict Blavet, ou qu'ayant ouï parler les ambassadeurs de ladicte royne et desdicts estats, j'aye esté esclairci de leur intention et satisfaict à la promesse que je leur ai faicte par le traicté que j'ai faict avec eulx à ma descharge. Car, par ce moyen, toutes choses pourroient estre resoleues, sans perdre le tempâ ni faire préjudice à mon service et à ma réputation, estans conduictes comme elles doibvent estre. Considérés cest expédient; je vous en fais ouverture, meu de l'affection que j'ai de faire le bien sans me faire mal, s'il est possible, qui est tout ce que l'on peult et doibt désirer de moi , et dont je me remets à vos pru* dences d'user ainsi que vous jugerés d'estre à faire pour le mieulx , sans rien précipiter qui nous puisse charger de reproche pour craincte de la rupture de c^ traicté, et qu'un^ aultre entre en ma place; car, d'ung

costé, je crois qu'il est difficile que cela advienne, et de l'aultre, j'aime mieulx courre la fortune de la guerre que de faire bresche à ma foi et à ma réputation^ avec laquelle vous sçavés que j'ai restauré et saulvé ma couronne, etc.

Mais, pour suivre ce chemin, il fault vuider le faict qui concerne mon royaulme de Navarre, comme toii^ les aultres dont vostre instruction faict mention , afin de ne rien Jaisser en arrière.

Il fauldrort pareillement resouldre celui du duc de Savoye , puisqu'on est resoleu de le comprendre en ce traicté. Sur quoi je vous dirai que je veulx sçavoir quelles ouvertures fera son député pour s'accorder avec moi , devant que vous donner ung dernier commandement sur ce qui le concerne; car je ne veulx pas qu'il y demeure rien du mien.

Et pense -estre bien fondé à demander Savillan , comme le marquisat de Saluées, puisqu'il est certain que ceste ville lui feut rendeue avec Pignerol par le feii roy, au retour de Polongne, à force d'argent, dont il corrompit ses serviteurs, et sans aulcune raison. Partant ne faictes difficulté d'en faire instance , quand vous la debvriés fonder sur la recompense des ruynes que ledict duc a faictes à mon royaulme, qu'il a assailli , comme il a usurpé ledict marquisat contre toute raison et justice; puis, selon la response dudict député, on pourra se conduire.

Mais^ en vérité, je serois très aise de pouvoir traicter avec ledict cardinal sans y comprendre ledict duc de Savoye; toutesfois, s'ils ne le veullent faire, il fauldra rendre sa condition la moins advantageuse que faire se pourra.

Et s'il y a d'aultres poincts en vostre instruction sur

A MM. DE BELLIEVRE ET DE SILLERY. 79 lesquels vous estimés estre nécessaire qu'il vous soit permis de vous en dispenser, me les cottans, je vous en resouldrai par ma première despesche.

Je désire aussi. que vous me fassiés sçavoir par la vostre ce que vous aurés appris, tant de Testât du mariage du cardinal Albert avec Tinfante d'Espaigne, et de l'exécution de la donation que ledict roy d'Espaigne a faicte en faveur d'icelui , que de la disposition des affaires des Pays Bas; quelles forces ils y ont; si ledict roy a composé avec les nvarchands , quels deniers ils ont receus et attendent audict pays, comme ils espèrent avoir la raison desdicts estais, s'ils refusent d'entier en ce traicté avec moi , et se deffendre de la royne d'Angleterre en cas pareil; si ladicte infante doibt passer ceste année aulxdicts Pays Bas, quand et comment se fera ledict mariage, quels advis ils ont de la disposition dudict roy d'Espaigne , s'il secourra ledict duc de Mercœur, et avec quelles forces; qui gouverne à présent les affaires en Espaigne ; si le prince est bien d'accord avec l'infante sa sœur, et s'il approuve la susdicte donation ; et pareillement le traicté que faict avec moi ledict cardinal , et tout ce que vous aurés peu apprendre, tant en gênerai qu'en particulier , et qui mérite estre escrit.

Et je vous dirai que je fais compte de partir dans

mercredi prochain pour aller en Bretaigne sans plus

reculer, attendant de jour à aultre la prise du chas-

teau de Dinan , assiégé par le mareschal de Brissac ,

assisté de tous mes aultres serviteurs et bons subjects

du pays. Je prye Dieu, etic.

Du i5 febvrier 1598.

8o LETTRE DE M. DE VILLEROY

XL. — ^LETTRE DE M. DE VILLEROY A MM. de BelUevre et de Sillery,

Messieurs, vous estes plus expérimentés aulx affaires du monde de la court que moi, c'est pourquoi je déférerai tousjours à vos ad vis en toutes choses; mais vous sçavés que Dieu conduict les cœurs de nos princes , et qii'ils suivent souvent plustost leurs voloutés en leurs affaires que les conseils de leurs serviteurs, soit qu'ils soient portés à ce faire par des raisons incogneues aulx aultres, ou qu'ils veuillent que chacung fléchisse eX s'accommode à leurs intentions.

Le roy veult la paix autant que jamais , mais il veult aussi descharger sa conscience, et satisfaire à sa foi envers ses confédérés, ainsi que vous cognoistrés par sa lettre, et vous asseure que sa majesté s'est fort peu esmeue de la jalousie que l'on lui veult donner de la royne d'Angleten*e ; car elle est bien asseuree que ladicte dame ne traictera poinct avec eulx sans Calais , et qu'ils ne lui rendront jamais ladicte ville qu'elle ne leur rende aussi celle qu'elle tient en Zelande , desquelles sa majesté sçait très bien qu'elle ne peult pas disposer; dadvantage , elle aime quasi mieulx perdre Calais que de perdre sa réputation, et manquer de foi et de respect à ses amis. Mais j'estime que toutes choses se pourront accommoder avec le temps, les conduisant par degré sans les précipiter. Nous sçavons bien aussi que les estats ne traicteront poinct sans le roy , encores estimons nous qu'ils ne le feront qu'avec sa majesté, quoique M. le cardinal d'Autriche leur ait faict escrire.

A MM, DE BELLIEVRE ET DE SILLERY. 8l

et à M. le prince Maurice , par M. le prince d'Orange , son frère; de sorte qu'il semble à sa majesté qu'elle ne doibt rien précipiter; aussi ne veult elle perdre loccasion d'advancer ses affaires, comme vous coUigerés de la lettre qu'elle vous escrit, qui est si ample, et respond si clairement et particulièrement à tous les poincts de la vostre, que je n'y puis rien adjouster. J'ai faict voir au roy l'extraict de la lettre veneue de Rome à M. le légat que vous m'avés envoyé , auquel sa majesté a pris ung grand plaisir.

Par lettres de Lyon du 12 de ce mois, nous avons eu confirmation de l'accord de Ferrare , sans toutesfois que l'on nous en escrive les particularités; mais on nous a escrit que celui pour lequel M. de Savoye avoit faict demander ung passeport à M. de La Guiche, par M. l'evesque d'A versa, pour envoyer devers le roy, depuis l'avoir receu a pris aultre brisée; de quoi ledict sieur de La Guiche s'est plainct à sa majesté, qui l'a trouvé estrange , et dict que ledict duc a faict tort audict evesque, et par conséquent, à sa saincteté, de l'employer en ceci pour en abuser. Je ne vous puis représenter l'estonnement auquel l'on nous rapporte tous les jours que M. de Mercœur est entré depuis la prise de la ville de Dinan, sur la déclaration que ceulx de Nantes lui ont faicte en public de voulloir envoyer devers le roy pour la paix; mesme les ecclésiastiques lui ont protesté qu'ils ne pouvoient plus , en saine conscience, s'abstenir de pryer Dieu pour le roy, puisque le pape Tavoit approuvé et commandé. Jugés en quels termes il se trouve, et s'il a besoing d'estre persuadé par MM. le président Richardot et commandeur Taxis pour s'accorder avec nous. Pour Dieu, qu'ils ne parlent plus de cela , s'ils désirent l'amitié de sa majesté , la-

MRSr. DK DUPLKSSIS-MORNAY. ToME VHI. 6

82 LETTRE DE M. DE VILLEROY, «te.

quelle faict estât de partir après demain sans plus différer. Si elle ne feust allée à la chasse aujourd'hui , ce courrier eust esté despesché des ce matin. Ne vous prenés donc à ihot du retardement, et me continués vos bonnes grâces, que je salue, etc.

Du 16 febvrier iSgS.