CXIV. — ^LETTRE DE MADAME DE ROHAT

^ madame Duplessis,

Madame , ce porteur vous dira ce que je sçais des nouvelles de deçà , bien que je crois que vous en soyës assés advertie. D'ailleurs je vous dirai seulement pour les miennes particulières , que la présence de M. Duplessis me rejouit en toutes façons , me promettant que si mes affaires se doibvent faire , elles se feront par son moyen; et, s'il ne s'y faict rien, je n'aurai poinct de regret de n'y avoir essayé ce que j'aurai peu , croyant que ce qui ne s'y fera poinct ne s'y pourra. Mes filles ont eu beaucoup de regret de ne vous avoir poinct veue en passant , ni mesme de n'avoir peu avoir commodité d'envoyer sçavoir de vos nouvelles. Mais le peu de gens qu'elles ont, dont encores lors elles ne peurent disposer, les empescha d'avoir ce contentement. Remettant toutes aultres nouvelles à ce porteur, je vous supplierai, madame, faire tousjours estât asseuré de moi, comme vostre obéissante et affectionnée à vous servir.

Gatherijve de Parthenay,

D'Angers, ce 4 avril l5g8.

LETTRE DE M. DUPLESSIS, etc; 177

A sa femme,

M'amie, je sollicite tant que je puis les ordonnances pour les garnisons; car la volonté du receveur n'est pas bonne; mais le principal desordre vient d'ici, où ou préféré la nécessité qu'on y ressent à la nostre. J'ai plainct surtout la peine que tu en reçois ; mais il y sera pourveu, premier que je les laisse en repos une fois pour toutes. Nostre despesche se faict ; M. de Villeroy n y oublie rien. L'homm,e n'est poinct chez lui ; mais se cache chés ses amis, tantost en une maison, tantost en l'aultre. Je prends advis, et mesme avec MM. les presidens , de Tordre qu'on aura à tenir pour la justice, mesme pour ung solliciteur. Pour le surplus, le roy approuvera ce que je ferai. Il fauldra prendre du loisir pour y vaquer. J'ai escrit à M. de La Ganetiere affirmativement , car on le trouva parti. Je t'envoye ung mémoire d'une aultre debte que m'a baillé M. le président Vergne; il s'offre^ de composer. Il me tarde fort que je n'aye nouvelles de M. Petit; car il est impos* sible que tes douleurs de teste continuelles ne te travaillent fort. De 81. 63. je vois ce que tu m'escrit par M. Benoist; ce sont tousjours remises; mais patience, il ne nous en disent rien. Nous ne partons que mercredi. Je t'embrasse, ni'amie, de tout mon cœur. D'Angers , ce 6 avril 1698 , au matin , en hatto.

278 LBTTRE DE M. DUPLESSIS, eie.

A sa femme.

M' AMIE, je pense que nous aurons aujourd'hui nostre ordonnance pour !a garnison , et qu'il y sera pris meilleur ordre pour Tadvenir. J'ai veu la despesche ique faict M. de Viiieroy, où il ne manque rien. Je t'en enverrai copie au premier jour; mais il la fault tenir secrète. M. de Bouillon m'a parlé par deux fois, me conseillant d^adviser aulx moyens d'en sortir, et s'offrant d'en parler au roy, pour resouidre avec MM. les mareschaulx par où il en fauldroit passer. Il ne m'a pôinct dissimulé ce que j'apperçois bien aussi , que c'estoit à l'instance des parens offrant de Tabandonner, s'il ne faisoit ce qui seroit jugé raisonnable. Je lui ai respondeu que l'on ne m'avoit pas donné subject de penser à cela, car je ne voullois pas traverser le chemin de la justice où nous sommes. Je haste nos affaires tant que je puis; mais les publics accrochent les particuliers, et tout se faict ici lentement. Il me tarde pour que je te soulage en tes maulx. M. de Mouy arriva hier au soir ici , que j'ai esté fort aise de voir. Je l'accommoderai avec 'M. de Villeroy. 81. 63. nous vientlroit bien à propos en beaucoup de sortes. Je t'embrasse, m'amie, de tout mon cœur.

• D'Angers y ce 7 arril iSg^.

LETTRE, etc. 27g

CXVIL — ^LETTRE

De MM. de Bellievre et de Sillery a M, de Villeroy,

Monsieur , par nostre despesche du 3 de ce mois , nous avons faict response aulx deux vostres du 16 du mois passé ; par ceste nous faisons response à vos deux lettres des 129 et dernier dudict mois. Nous vous dirons en premier lieu , que M. Taxis est de retour de Bruxelles, qui nous a asseuré d'avoir les pouvoirs du roy d'Espaigne pour traicter avec la royne d'Angleterre et les Provinces Unies, qui sont en la mesme forme qu'est celui qu'ils nous monstrerent, et dont nous avons envoyé copie au roy pour traicter avec sa majesté.

Us n'estiment pas que ce feust l'honneur de leur maistre d'envoyer à la royne d'Angleterre et Provinces Unies la copie desdicts pouvoirs; mais le président Richardot et ledict Taxis asseurent sur leur honneur de les avoir ; qu'aussitost que les ambassadeurs de ladicte royne et Provinces se présenteront en ceste conférence, qu'ils les leur communiqueront, comme est la coustume entre ambassadeurs qui les recevront à bras ouvert, et leur bailleront tout raisonnable contentement au jugement du roy mesmes et de ses serviteurs; pryeront sa majesté d'y voulloir interposer son auctorité , et donner le tort à celui qui l'aura. Nous les avons pryés, pour donner plus de contentement au roy et adoulcir l'aigreur des humeurs de ceulx de Hollande, de leur accorder des à présent une trefve de six mois ou trois pour le moins'; ils ont dict que l'accord de

aSo LETTRE

ceste trefve, au lieu d'advancer la paix la reculeroit, et que se confians en ceste trefve ils ne feroient compte de venir en ceste conférence pour traicter de la paix; mais que , s'ils se resouldront d'y venir, ils traicleront de toutes choses gracieusement <ivec eulx; ils ne se sont Youlleus obliger à la trefve , mais bien nous en ont ils donné bonne espérance, si tant est qu^ils se résolvent devenir en ceste conférence, à quoi, monsieur, il semble que le roy les doibt conforter, s'ils ont envie de traicter. Il semble que pour ce regard ils seront satisfaicts. S'ils n'ont poinct envie de traicter, nous ne voyons pas qu'il soit fort à propos de remuer le faict de ceste trefve ; nous avons affaire a gens qui voyent fort clair en leurs affaires, qui se défient des Hollandois , et ne croiront qu'aulx effects.

Nous avons veu par vostre lettre , qu'au lieu oîi vous estes l'on est en peine de trois choses , l'une que les ambassadeurs d'Espaigne n'ont pas vouUeu accorder une trefve de six mois à ladicte royne et Provinces ; l'aultre que l'on demande au roy la ratification du traicté , ung mois après que les articles auront esté signés , et après cela le serment ; le troisiesme poinct concerne le refus que faict M. de Savoye de rendre au roy le marquisat de Saluées.

Quant est de la trefve, nous en avons eu bonne espérance , jusques à ce qu'il a falleu conclure le traicté, et ne doubtons poinct qu'ils ne la leur eussent offerte, comme ils ont faict au roy, s'ils feussent veneus traicter. Quand ils l'ont offert, le roy ne l'a pas voulleu ; l'ayant de nouveau offerte, ou surseance d'entreprise, estans entrés en souspçon que le roy ne voulloit pas la paix, à cause de ce que nous rapporte La Fontaine, s'auginentant la deffiance, ils changèrent d'advis, et ont esté

A M. DE VILLEROY. iSl

plus fermes à nous refuser la trefve que nous demandions pour ladicte royne et Provinces. La Fontaine qui TOUS porta nostre lettre, qui vous donnoit Tesperance, porta aussi au mesme voyage une aultre lettre qui contenoit le refus.

Si avons nous desbatteu cest article fort obstineement , ce que pour response ils nous ont dict , est que la dicte trefve ne leur estoit poinct demandée par leurs ennemis, qui ne se declaroient pas seulement de voulloir traicter; au contraire ceulx des Provinces Unies se declaroient de ne voulloir en aulcune sorte entendre à la paix, et partant que le conseil de leur offrir la trefve, seroit très honteux et très dommageable à leur maistre; qu'ils ont faict leurs levées, se trouvent chargés d'une très grosse despense pour Tentretenement de leurs gens de guerre ; que la raison ne veult pas que , pour faire plaisir à leurs ennemis , ils consoiQment leur armée, le temps et leur argent; disent que pour le regard desdictes provinces , ils sont veneus ici garnis de pouvoir suffisant pour traicter avec la royne d'Angleterre, qui n'eust rien concleu sans avoir telle ratification du roy catholique qu'elle eust sceu désirer; à qtiôi le cardinal d'Autriche s'obligeoit; que pour cest effect àvoit despesché courrier exprès en Espaigne. Quand nous les avons requis d'accorder ladicte trefve pour le respect du roy , ils nous ont dict qu'en faveur du roy, ils ont accordé que si la royne d'Angleterre et estats se veullent resouidre à la paix dans six mois après la publication de ce traicté, ils seront receus et coïnpris en ce traicté , soubstenant avoir par làsufSsam- ^lent satisfaict à ce que le roy leur a faict dire, qu'il ne voulloit traicter sans que ses confédérés faussent compris au traicté , ce qu'ils accordent volontiers >

et aultre chose leur a esté dicte de la part de sa

majesté.

Quant au second poinct, qui est sur la demande qu'ils font d'avoir la ratification ung mois après que les articles auront esté signés et remis entre les mains de M. le légat, que l'on juge ce que l'on a peu et deu faire.

Le roy, par sa despesche du 16 febvrier, nous ordonne, estant d'accord de tous les poincts, de signer les articles, les remettre, et par la mesme despesche nous commande de faire instance que les places lui soient restituées ung mois après les articles signés. Si nous eussions peu estre d'accord de toutes choses, lorsque nous reçeusmes ladicte despesche, des le j8 du mois passé ils eussent commencé à restituer les places, ce que vous n'estimés pas qu'ils eussent faict, sans avoir en main la ratification ; c'est le moins que l'on pouvoit faire que de leur donner du parchemii) pour avoir de telles places ; cela estant , nostre accord seroit bien plus public qu'il n'est.

La Fontaine n'est pas de retour; et, quand il sera veneu , il »fault negotier , signer et remettre le traicté, et après cela il y a encores ung mois ; mais l'on dict que l'on oblige cependant le roy à ung serment , l'affaire se publie, et il n'a rien en main. Il vous plaira de considérer nostre despesche; en leur baillant la ra-> tification , ils sont teneus de nous bailler les ostages: cela est devant le serment ; depuis qu'ils auront la ratification , l'affaire est publié ; estant le traicté public, comme leur peult on refuser le serment, sans les mettre en defHance, et vous en danger de demeurer frustrés de vos places? et l'exemple et la nature de la chose ne permettroit pas que nous insistassions à leur

A M. DE VILLEROT. 283

refuser la ratification comme ils l'ont demandée, puisque , suivant l'exprès commandement du roy , nous les requérions de ne faillir ung seul jour à la promesse qu'ils ont faicte de la restitution des places. Si vous voullës que l'affaire soit leneu plus longuement secret, ne baillant ratification, et ne faisant serment, il fault par nécessité que l'on se résolve à attendre plus longuement en la restitution des places. Si c'est le service dû roy ou non, nous vous le laissons à juger. Le roy a faict envers ses confédérés tout ce que requiert l'office d'ung bon ami ; il les a advertis des long temps de la résolution qu'il a prise de traicter le paix auparavant que d'entrer à traicter; il a voulleu qu'on lui accordast que ses confédérés seroient compris au traicté. Depuis trois mois en çà, on les attend en ce lieu, où ils n'ont faict compte de venir ; il a faict obtenir les pouvoirs du roy d'Espaigne pour traicter avec eulx tels qu'ils peuvent désirer; il leur faict accorder six mois pour estre compris en ce traicté , si tant est qu'ils le désirent ; il a ordonné à ses ambassadeurs de leur faire en ce traicté toute assistance , et en toutes choses raisonnables les favorisera de son auctorité ; que peuvent ils , avec raison , demander dadvantage de leur ami , si ce n'est qu'ils soient resoleus, par le moyen de telles longueurs, faire en sorte que le roy demeure frustré de la restitution de ses places, engagé à perpétuité en ceste guerre, se jouant le jeu sur son tablier, à la ruyne totale de ses bons subjects ; ce, que ses* dicts confédérés ne doibvent pas voulloir s'ils sont ses amis ; s'ils ne sont ses amis , on ne les doibt pas croire. Nous obmettioils à vous dire que ledict sieur Taxis nous a asseuré d'avoir veu le contresigné de Blavet centre les mains du cardinal d'Autriche, qui asseure

a 84 LETTRE

que pour ce regard il ny aura poinct de faulte, ni

aussi en tout ce qu'ils ont ici promis pour le roy d'Es-

paigne : il nous a aussi dict qu'il n'y a aulcung doubte

que le mariage dudict cardinal ne soit coneleu avec

Tinfante.

Et quant à la cession des Pays Bas en faveur de ce mariage, que le roy d'Espaigne s'y monstre de plus en plus resoleu , ayant mesmement veu le consentement de toutes les provinces ; asseure aussi de la bonne santé du roy d'Espaigne, de l'inclination qu^il a à la paix; c'est ce que nous avons appris de ces ambassadeurs avec lesquels nous avons esté ceste après disnee tout entière.

Ledict sieur Taxis nous a dict que M. le cardinal archiduc supplie le roy d'une courtoisie qui est que, se resolvant ce traicté entre nous, il plaise à sa majesté nous envoyer ici quelques passeports , afin quMl aye moyen d'escrire et se conserver en la bonne graco de sa maistresse. C'est à vous aultres, messieurs, qui estes amoureux, à penser ce qui se doibt accorder à ung amoureux ; si vous dictes que ce cardinal est ung sainct homme, qu'il ne se doibt mesler de telles choses, soub* venés vous de ce que disoit feu M. le cardinal de Bourbon, le roy putatif, qu'il n'y a chaleur que d'ung jeune presbtre.

Il reste h parler du troisiesme poinct qui est la restitution du marquisat de Saluées ; excusés nous, monsieur, si nous vous disons que d'accepter l'arbitrage tel qu'il est proposé , n'est pas faire perdre ce marquisat au roy soubs prétexte dudict arbitrage ; nous désirerions qu'il feust desjà recouvert par la force ; il peult survenir que le roy sera empesché ailleurs, eommeen

ce royaulme, depuis trente cinq aiis en çà, il n'y a eu jamais faulte d'exercice.

Le roy d'Espaigne s'entremettant en cest affaire pour la deffense de son gendre , la partie seroit assés forte , et se pourroit dire qu'il semble qu'il y a plus d'asseurance de recevoir bientost ledict marquisat par le moyen dudict arbitrage , que si on employera les armes. Quand le roy dira au pape qu'il se soubmet à son arbitrage pour estre jugé selon les formes au droict, il est impossible au pape de le condamner en une si juste cause , et M. le légat et père gênerai ne font poinctde doubte que le roy ne gaigne sa cause par la sentence du pape, de l'exécution de laquelle on ne doibt doubter; car le roy d'Espaigne ne sçauroit honnestement soubstenir son gendre en une si mauvaise querelle , et le pape ne souffriroit que Ton se mocquast de son jugement ; et cependant le roy recouvroit les places qui lui sont occupées. Ores, monsieur, bien que nous ayons vivement desbatteu tout ce qui se peult dire pour la justice de la cause du roy, si est ce que voyant que Ton veult imprimer au roy une opinion pour aultre, il nous a semblé de vous en debvoir dire ce que nous en pouvons juger.

Quant à M. le légat, il nous a dict par plusieurs fois qu'il seroit meilleur que ce marquisat feust submergé en la mer, que si, à l'occasion d'ung si petit pays, qui ne peult valloir que quatorze mille escus à son maistre, la clirestienté sera privée de l'espérance qu elle a conceue de jouir d'ung repos universel , qu'il a pieu à Dieu maintenant de mettre entre les mains du roy; nous remonstrant que le pape qui s'est si franchement employé pour persuader le roy d'Espaigne à la restitution des places qu'il occupe sur ce royaulme ,

se promet que le roy ne ie vouldra pas esconduire d'une si saincte pryere qu'il lui faict de vouUoir donner au bien public le mescontentement qu'il a conceu contre M. de Savoye ; ce qui pourroit nourrir et accroistre ung grand feu parmi toute la chrestienté ; car remonstrant ledict duc à son beau père , que, traictant seul avec le roy, sa majesté lui a offert, dix mois y a, de condescendre audicL arbitrage, non comme il Favoit demandé, mais comme sa majesté l'a voulleu accorder et signer de sa main , il semble impossible que ledict roy d'Espaigne le peust abandonner , n^y presser plus avant pour le présent.

Nous a dict en oultre ledict sieur légat , qu'il n'y a chose en ce monde que sa saincteté affectionne tant que cest accord qui lui est à cœur plus que n'estoit le recouvrement de Ferrare ; car sans Ferrare son estât pou voit subsister ; sans cest accord toute la chrestienté court ung merveilleux danger ; que sa saincteté ne de* mandoit chose qui feust au préjudice, ni de l'honneur, ni des affaires de sa majesté: quant à l'honneur, la mesme raison, et le mesme interest se ponvoit dire et considérer il y a dix mois , quand sa majesté accorda ledict arbitrage , ce qu'elle n'eust faict s'il y feust allé de son honneur.

Quant au bien des affaires de sa majesté , ce qu'on lui accorde de rendre est d'autre considération que n'est ce Marquisat ; par cest accord , il n'est en aucune' sorte prejudicié aulx droicts qu'elle a audict marquisat de Sa* luces : on diffère seulement pour quelque peu de temps la dicte restitution de ce qu'elle estime lui debvoir estre rendeu tout présentement ; et , quand il auroit pieu au roy de consentir à ceste ouverture, nous n'aurions pas failli de déclarer et protester que c'est seu-

leinent pour s'accommoder en la forme , afin d'advancer, ou de n'empescher la conclusion d'une bonne paix; mais que son intention est d'avoir ce qui lui appartient , et ne lui peult estre desnié. Monsieur , nous n'estimions pas qu'il escheust de vous escrire si amplement de ces affaires : vostre lettre nous en a donné le subject : comme nous vous avons dict par nos précédentes , il n'y a rien plus à disputer avec ces ambassadeurs ; il fault prendre ou laisser , à quoi nous confirme ce que nous a dict M. le président Richardot en parlant du retour de nostre courrier ; que s'il ne plaist au roy de trouver bon ce qu'ils nous ont peu accorder, ils n'ont rien plus à faire ici qu'à s'en retourner en leurs maisons. Nous pryons Dieu , monsieur , de voulloir inspirer et mettre au cœur du roy le conseil qui lui est plus utile.

Nous ne pouvons que louer la resolution qu'a prise sa majesté, de ne différer plus long temps à approcher de ceste frontière de Picardie.

Nous ne dirons pas que nous n'aimions la paix , et ne desirions de tout nostre cœur le repos du roy et de son estât , et n'avons plus grande passion que de servir sa majesté selon ses volontés ; si la guerre continue 9 il fauldra boire beaucoup de coup d'arquebuses avant que l'on ait pris par force ce que Ton consent de rendre par accord; oultre que, comme bons subjects nous aimons le roy , nous jugeons que la vie et la mort de ce royaulme dépendent de la conservation ou de la perte de sa majesté , qui ne va pas à la guerre par procureur.

Nous toucherons ung aultre poinct, comme ceulx qui aimons et affectionnons en toutes choses le repos de Testât. Vous ne pouvés ignorer que le pape n'en-

288 LETTRE, etc.

tende avec ung merveilleux degoust ce que l'on accorde de nouveau à ceulx de la relligion , et pleust à Dieu que cela feust seulement à Rome, et que nous feussions tous assés sages en France ! Il n'y a rien qui puisse plus adoucir Tesprit du pape, et Taigreur de ceulx qui veullent estre plus sages que les aultres , que le contentement que l'on recevroit de ceste paix. Toutes choses vous sont devant les yeux mieulx qu'à nous. Dieu , par sa grâce , veuille mettre le tout en bien !

Nous avions sceu ce qu'est adveneu en Daulphiné et Savoye : la prise ,du fort de Barrault nous a remis le cœur; si avés vous peu cognoistre que nous avions pensé à ce que pour ce regard pourroit advancer le service du roy.

Nous estimons que les Savoysiensnesemonslreront pas si impudens que d'en voulloir demander la demo-> lition ; c'est à sa majesté à faire de ce fort ce que bon lui semblera.

Quant à La Fortune , nous estimons qu'il n'est que bien à propos pour le service du roy que ce soldat de fortune soit du tout abandonné de M. de Savoye. Il n'y a pas grande asseurance sur ce qu'ung tel galand a promis à M. le mareschal de Biron.

Pour le regard de Berre, nous n'avons pas sceu qu'aultre que M. de Savoye ou le roy d'Espaigne se meslent d'en payer la garnison ; quoi que ce soit , estant celui qui y commande abandonné desdicts roy et duc , sa journée ne pourra pas beaucoup monter. Nous nous recommandons, etc.

Du 7 avril iSgS.

LETTRE DE M. DE PIERREnTE , etc. 289