XIII. — ^ LETTRE DE M. DE LA BOUCHERIE

A M. Duplessis.

MojfSiEUR, je regrette infiniment que lorsque arrivastes à Chastellerault, que n'eus le loisir de vous voir à vostre logis, pour vous faire réitération de mon très humble service. Il ne me restoit plus que le reste de ce jour là, et le vendredi et samedi, pour me retirer de Fresne. Je me suis tousjours fort opposé aulx desseings des ennemis, comme vous avés peu sçavoir de temps en temps, mais particulièrement depuis le commencement du mois de septembre dernier, que j'ai faict la guerre ouverte de ce lieu , et mis bon nombre de gens de guerre. Je n'ai faict naufrage , tant par la force d'ancienneté de . ma maison , qù« par le bon nombre d'amis et créance que j'ai dans le pays; mais voyant qu'oultre TifFauges, qui n'est qu'à une lieue d'ici , ceste maudicte Ligue avoit encores pris Sainct Georges à deux lieues de moi d'ung aultre costé, demeurant entre les deux , et batteu deux jours de canon , et qu'elle venoit à moi sans M. de La Tremouille et noblesse du pays, je me suis resoleu, ce que n'avois jà peu faire, à faire fortifier ma maison contre le canon; et, depuis la mi octobre, ai faict faire deux bastions de soixante et dix pas de courtine en escharpe , d'autant qu'elle est en quarré longuet; et en oultre faict terrasser par le dedans ; j'espère selon que verra le temps en faire faire deux aultres pareils ; et puis quattre plus petits au milieu; M. des Fontaines en a le plan, non comme les quattre petits seront, car on m'a conseillé

A M. DUPLESSIS. a5

de les mettre au dehors du fossé ; comme il y a une ligne tirée , s'il vous plaist prendre la peine de le voir ; et pour conclusion, de peur de vous ennuyer, MM. les ducs de Bouillon et de La Tremouille trouvent que la place n'est poinct mauvaise et le sieur du Tau ; et en oultre d'aussi grande conséquence qu'aulcune que nous ayons, n'y ayant qu'elle entre Fontenay et Nantes oîi il y a vingt lieues. U y en a quatorze d'ici à Beauvoir, et autant d'ici à Talmont , et douze d'ici à Thouars : la plus près c'est où il n'y en a que huict. Le

roy m'y a promis bon entretenement si la guerre contineue : si elle vient contre ceulx de la relligion , on m'en donnera assés; mais, en cas d'ung edict de paix, je desirerois, monsieur, estre mis au nombre de places de seureté, pour estre dans le corps et avoir quelque entretenement , tant pour faire tousjours faire quelque petite fortification ou dedans ou dehors, que pour subvenir aulx frais de la seureté de l'assemblée et despense , n'y ayant de bourgade près ; car M. de La Tousche y a assemblé partie de son Eglise , et ceulx qu'il y a de la relligion en Anjou et en Bretaigne , de quattre à seize lieues, estans ici sur les marches communes : et si j'estois, monsieur, asseuré de quelque chose , je mettrois du mien pour faire encores faire ung espcron ou deux, avec grand nombre de journaliers, avant la définition du faict de M. de Merçœur, qui me donne occasion de travaille^ à ceste fin que changement arrivant, je feusse plus paré à faire résistance. J'y ai trouvé MM. de Bouillon et de La Tremouille bien disposés. Je sçais , monsieur , le pouvoir que vous y avés^ et particulièrement estant du nombre des six qui doibvent faire la distribution des deniers que le roy nous offre , s'il nous en laisse le pouvoir , qui me faict

Î46 LETTRE DE M. DE LA BOUCHERIE, eic.

implorer vostre faveur, estant resoleu d'employer et la vie et la raison pour le parti auquel je suis né et nourri ; je m'asseure que , oultre la place, qu'on ne trou-* vera les personnes de^mon frère et de moi inutiles; et voullant ne rien esperonner, il me semble qu'on doibt pourvoir à nous , soubs l'espérance de l'advenir ; et non nous reserver seulement qu'à la nécessité. Vous m'avés, monsieur, beaucoup rendeu de tesmoignages de Thon* neur de vostre amitié qui me faict bien espérer, et rechercher toute ma vie les occasions d'effectuer vos commandemens. La Boucherie.

Ce lofebvrier 1598.