CLVII. — * MEMOIRE

Touchant le traicté de paix.

Il est impossible qu'il ne se trouve quelque chose à désirer au traicté de paix que, suivant le commandement du roy, avons ici resoleu avec les députés duroy catholique et de M. de Savoye; ce que pour ce regard nous pouvons considérer est :

Qu'en la préface il se faict mention des progrès que faict le Turc sur les provinces chrestiennes, avec une expresse déclaration qu'ils ont à la conservation desdictes provinces. Si l'on dict que le meilleur eust esté de ne mettre par escrit chose qui puisse mettre le Turc en defBance de l'amitié du roy :

On respond que deux choses nous ont meu de mettre en avant ceste considération. L'une, qu'es traictés de

paix de Madrid , de Cambray et de Crespy en Laonnois, faicts par le feu roy François I** avec l'empereur Charles Y, non seulement a esté faiot mention du danger où se trouve la chrestienté , à cause des entreprises et usurpations des Turcs ; mais on se déclare ouvertement de la resolution que l'on' a prise de s'y opposer et les repousser par les armes. Le semblable est conteoeu au traicté de Chasteau en Cambresis , faict par le feu roy Henry II avec le roy catholique ; et toutesfiMS ledict feu seigneur roy François n'a pas laissé, après lesdicts traictés, de demeurer en bonne amitié et inteliigeiice avec le grand seigneur, comme ont faict nos roys, fils et successeurs dudict roy Henry II, après iedict traicté contenant la déclaration que dessus.

L'aultre considération est que , qui n'eust faict mention du Turc comme a esté faict le plus sobrement que Ton a peu , et beaucoup plus qu'aulx precedens traictés, est que la royne d'Angleterre, le roy de Danemarck et aultres qui se sont séparés de l'Eglise catholique romaine, entreroient en suspicion, et diroient que cest accord se faict principalement pour l'exécution du concile de Trente ; ce que Ton faict desseing de leur faire la guerre ; mesmement qu'il appert par ledict traicté que le pape en est le principal promoteur; que les articles ont esté traictés et resoleuç en présence de son légat.

En ce traicté il y a ung aultre poinct que peult estre on eust désiré en France qu'il eust esté moins exprès. Cest article , qui faict mention de la reconciliation entre les deux princes , renonciation à toutes practiques et intelligences qui seroient au préjudice l'ung de l'aultre. On a tasché de se remettre en ce faict au traicté précèdent ; voyant que l'on ne s'en contentoit pas , bous

avons voulleu mettre l'article avec moins d'expression. Sur ce les députes d'Espaigne ont dict que nous debvons déclarer si nous voulions faire la paix tout de bon ou non; car, s'il estoit question qu'après nous avoir rendeu ung si grand nombre de places , et si importantes à leurs estais et aulx nostrés , ils rentrassent en guerre avec nous, ils seroient teneus pour gens qui n'ont pas le sens commun s'ils entroient en une telle restitution; disans que, s^iliiferont la guerre avec lesdictes places, ils pourront grandement incommoder le pays de France ; et peult estre que , par le moyen d^icelles, ils en pourroient acquérir d'aultres sur nous, comme leur est adveneu que Dourlans leur a donné moyen de surprendre Amiens , oultre que lesdictes places servent de frontière à leur pays, et couvrent fort leurs aultres places. Ils nous ont dict que nous sommes advertis des bruicts que les Holiandois font semer parmi eulx, et par lettres supposées, et par aultre moyen, que le roy très chrestien les a asseurés qu'il les aura tousjours en sa protection ; et ce qu'il traictoit maintenant n'estoit seulement que pour recouvrer ses places ; estans bien advertis que telles inventions des Holiandois mettoient l'esprit du cardinal Albert en ung merveilleux souspçon et defBance de nous , à quoi il estoit confirmé par tous les Espaignols qui sont près de lui, aulxquels desplaist grandement de voir ce démembrement des Pays Bas d'avec la couronne d'Espaigne.

Nous resoleusmes qu'il estoit trop dangereux d'augmenter ce souspçon par le refus d'une chose que d'ailleurs nous leur accordions , sinon si expresseement , pour le moins en telle sorte que , sans user de cavillation , nous n'^eussions peu dire de n'avoir accordé et promis ,

soit pour nous référer en ce faict au précèdent traicté, sans insérer Tarticle en cestui ci, soit pour dresser l'article en paroles ung peu plus couvertes; et, pour ce$te cause, avons jugé que ferions une trop grande faulte du service du roy de refuser l'expression d'une chose que nous ne pouvions nier avec vérité y estre comprise et debvoir estre accordée, n'estant possible que l'on se persuade que l'on fasse paix avec ung prince pour souffrir que, dans deux npLoi||^apres , il lui renouvelle la guerre. Nous remonstrans sur ce, que, s'il fault faire la guerre , ils sont resoleus de la faire, estans et demeurans fortifiés desdictes places, et non pas affoiblis par la restitution d'icelles.

Aussi ont remonstré que nous ne debvions pas estimer que si le roy nostre maistre aidoit leurs ennemis contre eulx , qu'ils soient délibérés de le laisser en repos , afin qu'il ait plus de moyen de secourir de ses forces ceulx qui leur font la guerre.

Ces raisons nous ont faict juger que ceste dispute estoit trop dangereuse, et ne pou voit servir qu'à les mettre en defEance du roy, et estre cause que sa majesté demeurast frustrée de la restitution d'ung si grand nombre de places ; et leur avons en cela accordé ce qu'avec raison on ne pouvoit desbattre. Nous eussions désiré de pouvoir satisfaire au désir du roy d'abréger le temps de la restitution de Blavet et de Calais ; mais, estans choses traictees et resoleues après longues disputes, les députés d'Espaigne ne se sont voulleu despartir de ce qui avoit esté escrit; remonstrans qu'il seroit fort difficile d'advancer le temps ; qu'ils feront volontiers ce qu'ils verront se pouvoir faire pour s'accommoder au désir du roy; mais qu'ils ne se veullent obliger à chose que peult estre ils ne pourroient obser-

ver. Et, pour le regard de Blavet, ils se mettent en debvoir de contenter sa majesté, retranchant la garnison suivant Tordre qui en sera donné par M. le cardinal archiduc , dont le roi sera adverti.

M. le légat a faict grande instance que M. le grand duc de Toscane feust mis au traicté après les Vénitiens. Sa majesté nous a faict entendre que son intention est qu'il soit mis en lieu honorable; en cela nous nous sommes trouvés fort empeschés, non de satisfaire à ce qui nous est ordonné par le roy, car nous ne nous despartirons jamais de ses commandemens ; mais comme nous pourrions contenter mondict sieur le légat , qui nous en parle et escrit avec beaucoup de passion. Nous avons considéré qu'au traicté de l'an iSSg, M. de Lor-f raine précède M. de Savoye , lequel , par sentence, du pape, précède le grand duc de Toscane. Nous n'avons sceu prendre resolution que de suivre Tordre du traicté précèdent ,%t avons respondeu à M. le légat que ce n'est pas à nous à donner ni oster le rang aulx princes; que nous laissons les choses comme nous les avons trouvées. Les députés d'Espaigne en ont usé comme nous.

Nous avons suivi ce qu'il a pieu aM roy nous commander touchant le seigneur de Sedan, et n'avons spécifié la maison de La Marck. Celui qui se trouvera seigneur de Sedan sera compris. Si ceulx de la maison de La Marck s'en plaignent , il y a une clause au traicté an vertu de laquelle, s'il plaira au roy, on les y fera comprendre dans six mois.

Parmi les compris au traicté , nous avions employé la ville de Genève avec les aultres confédérés des Suisses», Les députés d'Espaigne ont dict qu'ils ne pourroient ni oseroient signer le traicté oîi ladicte ville seroit comprise.

Mitf . DB DUPLESSIS-MORITAY. ToAlE VTII. 3o

Nous avons remonstré qu'ils ne font difficulté de signer le traicté où sont compris ceulx de Zurich, de Berne, de Basle, de SchafFouse, et les princes électeurs qui sont de mesme relligion. Ils ont dict qu'eulx mesmes les y comprenVient; mais pour le regard de ladicte ville, qu'ils nous pryoient de les excuser, car ils ne le pouvoient faire. M. le légat s'est en cela tellement formalisé, que sans doubte il se feust desparti d'avec nous plustost que d'accepter la garde de ce traicté, comme nous estions d'accord qu'il feroit. Ce faict nous a mis en une peine extresme, car nous demandions chose raisonnable; mais qu'en façon du monde, il n'a esté en nostre pouvoir d'obtenir.

Nous leur avons dict qu'estans ceulx de Genève confédérés aulx cantons des Suisses, qu'on ne pou voit nier qu'ils ne feussent compris en la clause générale où nous comprenons tous leurs confédérés. A cela ils ne nous ont pas contredict, et avons signé lé traicté comme il est , prevoyans assés que M. le légat , qui le debvoit avoir entre ses mains , ne feindroit d en advertir incontinent le pape, dont pourroit advenir que le roy se trouveroit de nouveau chargé d'une fasclieuse crierie.

Et afin que ceulx de Genève n'estiment que nous n'ayons pensé à eulx, nous avons osté du traicté les, noms des aultres confédérés , qu'on ne peult doubler qu'on ne soit entendeu qu'ils soient et doibvent eslre compris. M. le légat, en recevant ledict traicté, nous a mis en une aultre peine; car ce bon homme, qui est scrupuleux , nous a dict que le pape intervient en ce traicté, et qu'il crainct de faire choses dont sa saincteté soit offensée , si l'on y comprend ceulx qui sont séparés de l'Eglise. Il a longuement insisté sur ce faict , tellement qu'enfin nous avoils esté contraincts de lui dire

que ce traicté se rompra plustost que nous consentions d'en forclorre les anciens amis de la couronne ; et qu'en ayant de tout temps usé de la sorte par nos roys et par les empereurs, qu'il ne falloit pas attendre que pour chose que ce soit nous nous despartions des ordres anciens de ceste couronne. Enfin ce bon seigneur s'est payé de raison, et a receu le traicté pour le garder, selon qu'il a esté resoleu entre nous. Si ceulx de Genève demanderont à sa majesté une déclaration contenant qu'elle entend qu'en la clause générale qui comprend tous les confédérés des Suisses, ils soient compris; nous estimons qu'elle la leur pourra accorder, et qu'ils auront occasion de s'en contenter.

CLVIIl.—'V^ LETTRE DE M. DE BUZENVAL

Au roy.

SiRË, j'ai receu cejourd'hui, sur les trois heures après midi , la lettre qu'il a pieu à vostre majesté dé ni'escrire du i'" de ce mois, laquelle j'ai communiquée à ces MM. les députés, incontinent après estre arrivés^, en ce lieu; ils remercient très Jiumblement vostre. majesté de la continuation du soing qu'il lui plaist avoir au bien de leurs affaires, et seroient bien aises d'user du bénéfice qui leur est procuré par MM. vos ambassadeurs qui sont en la ville de Vervins, s'ils avoient pouvoir de l'accepter; mais, se trou vans sans aulcutie charge, je ne dis pas de conclure, mais seulement de traicter choses semblables c\ celles que l'on propose, touchant une suspension d'armes pour le terme de deux mois, ils ne peuvent asseurer vostre majesté d'aul-