CLXV. — 'V^ LETTRE

De MM, de Bellievre et de Sillery au roy.

Sire , par nostre despesche du 2 de ce mois , nous avons adverti vostre majesté de la resolution des ar* ticles dé la paix. S'estant ici trouvé avec nous le sieur de Berny , que nous avons tousjours cogneu fort fidèle et affectionné à vostre service, nous Tavons employé à escrire le traicté, et aultres actes concernant ce faict; nous estant confiés en lui seul de l'escriture, jugeans et ayans trouvé par effect qu'en partie c'est le secret qui a conservé ceste negotiation. Il dira fidèlement à vostre majesté ce qu'il en a veu et appris de nous^ comme elle a esté advertie.

L'original du traicté a esté remis entre les mains de M. le legat , avec l'acte sur ce faict , dont ledict sieur de Berny présentera les copies à vostre majesté.

Et de l'accord faict avec les députés d'Espaigne, que la royne d'Angleterre et les Provinces Unies seront admises et receues: à traicter dans six mois, et 'de lancessation de toutes entreprises et actes d'hostilité, qui leur a esté accordée en vostre faveur pour deux mois.

LETTRE, ei«. 477

Voslre majesté commandera , s'il lui plaist, qu'ils en soient advertis au plus tost ; et , nous faisant sur ce entendre son bon vôulloir , nous y obéirons avec toute affection et fidélité.

Nous envoyons aussi , avec la présente , l'acte de Ifi cessation de tous actes dliostilité pour ung mois , que nous avons ici traictee , dont des le 3^ de mois nous donnasmes advis à M. le connestable, afin qu'il en advertisse ceulx qui commandent aulx gens de guerre en ses trois gouvernemens, nous ayant esté souvent remonstré, par lesdicts députés, que tous vos serviteurs entreprenoient sur les places de leur maistre; cependant qu'ils faisoient tous debvoir à persuader M. le cardinal d'Autriche de ne vôulloir consentir que l'on entreprist sur celles de vostre majesté, et qu'ils n'estoient pas sans moyens de le faire, pouvant mettre cent mille hommes de pied ensemble; mais que l'asseurdnce que nous leur donnions de la bonne resolution de vostre majesté à la paix les a plus conteneus que la craincte de ne pouvoir exécuter quelque bonne entreprise* C'est chose, sire, qui nous a souvent mis en peine, de peur que ce qui se remueroit du costé de deçà ne traversast Theureuse réduction de vostre pays ^e Bretaigne, sçachant, au vrai, et que vos ennemis se trouvoient avec beaucoup de forces, et que les compaignies de vos gens de guerre qui sont aulx garnisons se trouvent fort mal complètes. Dieu a faict ceste grâce à vostre majesté , que durant son absence il. n'est adve- -^^

Beu chose en ceste frontière qui porte préjudice à ses affaires. '

Sire, nous avons traicté pareille cessation d'actes d'hostilité avec le député de M. de Savoye, dont lui envoyons copie , estant fort requis que les gouverneurs

et vos lieutenans generaulx en Provence, Daulphiné, Lyonnois et fiourgoigne en soient advertis au plus tost; car Taccord porte que ce qui aura esté faict des le jour du traicté au préjudice d'icelui sera reparé.

il est aussi requis que vos lieutenans generauh en Guyenne et Languedoc en soient advertis., à ce qu'il n'advienne contravention du costé de la frontière d'Espaigne , nous ayant asseuré lesdicts députés qu'ils en donneront ad vis, en Espaigfne, à leur maistre et à ses ministres.

Sire, oultr^ le traicté gênerai de la paix, il y en a ung pour les particuliers , comme a tousjours esté faict aulx paix précédentes. Ni les ungs ni les aultres n'y avons pas beaucoup gaigné; et, pour cela, il n'estoit pas raisonnable de rompre le traicté. Enfin chacung des députés s'est resoleu de' ne rien quittex de ce qui est de l'auctorité du maistre.

Les députés d'Espaigne se sont du tout formalisés de ce qu'en façon du monde, nous n'avons vouUeu comprendre M. d'Aumale au traicté particulier.

Nous avons monstre qu'il est suffisamment pourveu à ce qu'il doibt demander et peult obtenir par l'article concernant les subjects qui ont servi en parti contraire, qui est mis dans le traicté gênerai. Ils ont insisté que M. le cardinal d'Autriche a ce faict fort à cœur, et qu'il s'estimera mesprisé si on le refuse de ceste demande.

Enfin , sire , pour en sortir avec eulx, nous les avons pryés,de ne nous presser poinct de mettre ung article touchant ledict sieur d'Aumale; que ce seroit cho^ qui, à l'advenir, tourïieroit à son deshonneur, estant né îyostre subject ; et, pour éviter cela, leur avons promis qu'en supplierons vostre majesté , et donné

espérance qu'en faveur dudict sieur cardinal , elle accordera lettres particulières audict sieur d'Aumale , pour TasseudU^de ce qui est conteneu audict traicté. Us nous ont dict que sur nostre parole ils n'insisteroient dadvantage de le faire comprendre au traicté; mais c[{xe plus les lettres seront favorables, plus ledict sieur car- • dinal s'en sentira obligé à vostre majesté.

Sire, nous considérons qu'ayant esté envoyé le ''" double de ce traicté de paix à M. le cardinal d'Autriche, qui l'aura faict voir à ceulx de son conseil , il est mer- -^

veilleusement difficile à croire que la royne d'Angle- ^

terre et provinces unies des Pays Bas n'en soient adverties , si desjà des à présent elles ne le sont.

La ratification et les ostages se doibvent bailler et délivrer dans ung mois, et par là le traicté est publié. D'ici à ce temps , il n'y a plus que vingt cinq jours.

Vostre majesté, par sa prudence , jugera s'il n'est pas plus de sa dignité de faire sçavoir ce qui s'est passé aulx ungs et aulx aultres, les rendant capables de raisons et considérations qui l'ont meu à passer oultre a la conclusion de ce traicté, qui aultrement se rompoit, ne voullant plus longuement séjourner ici M. le légat, et moins encores les trois députés d'Espaigne, qui se {>laignoient grandement qu'on les y entretenoit en vain et a crédit , cependant qu'on leur preparoit une forte guerre.

Vostre majesté nous permettra , s'il lui plaist, de lui dire que nous estimons qu'il est plus honorable et bien plus expédient pour son service qu'elle les advertisse le premier que non pas si elle attend de faire response à leurs plainctes.

Sire, ayant escrit ceste lettre, nous avons receu la despesche de vostre majesté du dernier jour du mois

48o LETTRE

passé. CVst le malheur des serviteurs, quand en toutes choses ils ne peuvent contenter leurs maistres. Nou« appréhendions grandement et craignio^ ce danger, comme il lui aura pieu de voir par nos précédentes lettres du 26 du mois passé, et du lo*' de ce mois; mais nous avons estimé debvoir préférer vostre service à toutes aultres considérations.

Nous espérons que Dieu nous fera la grâce que vostre majesté demeurera satisfaicte de nostre fidélité et de nosti*e diligence. Nous pryons Dieu , etc.

Du 6 mai iSgS.

CLXVL— ^LETTRE

De MM. de Bellievre et de Siîlery à M, de Villeroy.

\ Monsieur, vostre lettre du 27 du mois passé nous a apporté autant de consolation que la précédente , de crainte que le roy deraeurast mal satisfaict de ce que ne lui avons peu escrire si souvent qu'il nous estoit ordonné , et que desirions.

Nostre dernière despesche contient et porte nos excuses; nous vous dirons seulement que si nous eussions peu comprendre que les députés d'Espaigne marchassent de mauvais pied au faict de la paix, que nous n'eussions faict faulte à vous en advertir par courrier exprès, sçachant assés de quelle importance il estoit, se trouvans les ambassadeurs d'Angleterre et de Hollande près du roy, pour le faire resouldre à la guerre, que sa majesté sceust au vrai à quoi elle en estoit avec ces^gens ici , pour ne demeurer comme vous dictes à terre entre deux selles. Nous avons tousjours cogneu

A M. DE VILLÈROY. 48 1

ces députés resoleus à la^paix, et n'avons jamais faict doubte qu'ils n'observent ce qu'ils ont promis; no'^lre fondement n'est pas sur leur parole, mais sur l'interest qu'a le cardinal d'Autriche que ceste paix se fasse, par le moyen de laquelle il peult establir sa fortune, et a interest de haster l'exécution des promesses, cependant que le roy d^Espaigne est en vie.

Nous n'avons pris long terme pour l'exécution; il fault poursuivre vifvement ceste poincte. La peine oii nous avons esté provenoit de ce que le roy nous a commandé d'obtenir la trefve pour la royne d'Angleterre et Hollandois, après que noqs l'avons adverti que n'avions espérance que ledict cardinal y consen* tist, a3'ans esté les députés d'Espaigne sur le poinot de rompre , quand ils nous ont veus resoleus de ne rien faire, si on ne nous accordoit cesl article. Ils prenoient par là opinon, avec les aultres advis qui leur venoient du costé de Hollande , que ce que nous en demandions n'estoit que pour leur faire consommer leurs forces en vain , et les mettoit en une extresme deffiance de la volonté du roy. Monsieur, nous avons paré à ces coups au mieulx que nous avons peu , et peult estre si nous n'eussions esté ici , leur donnant toute asseurance de la ferme resolution à la paix , et qu'ils ne nous ont pas eu en opinion de trompeurs , vous eussiés ouï auparavant vostre retour de Bretaigne que Monstreuil et Bologne estoient assiégés, et Dieu sçait comme ces places sont munies , et les moyens qu'a ici M. le connestable de se mettre en campaigne. Vous sçavés de telles choses plus que nous; mais nous sommes si ptes des lieux, et parlons si souvent à ceulx qui sçavent comme le tout y a , que nous eussions esté sans sentiment, si nous n'eussions craint de voir ung merveilleux desordre en ceste

MÉM. DE DuPLB8Sia»MoR5AY. TOME YI^I. 3 1

frontière. Il est question de bien user des grâces qu'il plaist à Dieu faire à ce royaulme , comme nous yous avons escrit ci devant, attendeu les souspçons que l'on a donnés de nous. Il fault éviter tout ce qui en peult donner occasion , et n'espérés pas que vous aurés pour amis ceulx qui s'appercevront que vous machinés leur ruyne.

Nous venons à respondre à ce que nous escrivés du partement desdicts ambassadeurs d'Angleterre et de Hollande : ils ne servoient plus de rien près du roy. Yous les avés mis en contumace , ayans faict obtenir les pouvoirs qu'ils ont demandés , la déclaration qu^iis seront Ëivorablement admis à traicter ; que pour cest effect nous les avons ici attendeus trois mois , et que d'ici à six mois ils ne laisseront d'y estre admis et receus ; que si présentement ils veullent s'acheminer en ce lieu, ils le peuvent faire; s'ils nous advertissent, nous les attendrons.

Le roy, par la grande instance qu'il en a faicte, leur a moyenne deux mois de trefve , c'est à dire de cessation d'actes d'hostilité : nous ne sçavons et ne voyons qu'avec raison ils puissent demander dadvantage de leur ami.

Nous avons veu la response qu'il a pieu au roy de leur faire , ce qu'ils ont demandé que la paix ne se resoleust sans eulx; nous jugeons que ceste response est pleine de prudence et de toute raison. Ces gens cherchent de faire leur profict de nos malheurs, et surtout la royne d'Angleterre, qui ne peult desmordre ceste pasàou d'avoir Calais , et pour le moins empescher que nous ne layons. Puisqu'elle juge que c'est chose si bonne d'avoir ceste place , nous sommes d'advis que nous la gardions pour le roy et pour ses enfans.

Nous avons considéré le Mémoire que vous avés envoyé des demandes que doibt faire l'ambassadeur d'Angleterre : nous en avons ouvert le propos à MM. Richardot et de Taxis.

Quant au renouvellement de tous les traictés precedens , c'est chose où il ne se trouvera difficulté , comme aussi de passer que qui a perdeu a perdeu. Quant à la restitution des deniçrs que ladicte royne a prestes aulx estats qui feurenf teneus à Bruxelles en Tan 1577, ils disent que ce n'a pas esté pour le service du roy d'Espaigne, et soubstiennent que ce n'est pas chose raisonnable , et qu'elle a des bagues dudict roy en gage qui vallent plus que son argent : nous leur avons dict qu'il ne fault pas que pour argent ceste paix se rompe ; la grosse corde sera de Flessingue; ladicte royne la veult restituer aulx Provinces Unies qui la lui. ont des« posée. En cela , il y a apparence ; mais il est malaisé que le cardinal s'y accorde ; car Flessingue est la clef d'Anvers. Si les provinces estoient comprises en ceste paix, nous aurions opinion qu'elle pourrait rendre au roy d'Espaigne Flessingue, et ce seroit peult estre le plus court moyen pour parvenir à ceste reconciliation. Il est question de l'argent que ladicte dame a preste aulx estats. Nous avons opinion qu'en cela on pouvoit negotier quelque chose, cependant que le cardinal peult user de la bourse du roy d'Espaigne , qui a ce but de s^establir avec sa fille aisnee en la possession des Pays Pas : s'il estoit mort , comme il est fort caduc, il n'est pas à croire que son fils ouvrist si aiseement la bourse , qui se sentira assés grevé de se voir frustré desdicts Pays Bas.

Monsieur, nous attendons d'heure à aultre la response que le cardinal d'Autriche fera à ses députés

sur la diminution de la garnison de Blavet , ainsi qu'i/s nous ont promis qu'il fera ; mais ils attendent Tordre qu'il veult estre donné en cela, dont nous vous advertirons incontinent.

Ils disent avoir ici besoing de passeports pour. envoyer des courriers en Espaigne et à Blavet. Le passeport que vous nous avés envoyé est pour ung gentîlr homme 9 et pour la diligence ils veuUent despescher ung courrier; nous escrirons, afin qu'il passe seurement avec le passeport que nous avons ; envoyés nous en 9 s'il vous plaist, six ou huict pour des courriers, et ung ou deux pour des gentilshommes. II. fault manier ce faict vifvement ; nous ne dormirons de bon sommeil que nous ne voyons le roy dedans Calais et Ardres ; nous tirerons ceste charrue avec vous , estant bien délibérés de vous faire perdre l'opinion que nous sommes paresseux.

Il y a l'ambassadeur de Savoye qui désire retourner en Savoye par la France. Il mené sa femme qu'il a prise depuis qu'il est veneu pour ceste légation; c'est la veufve du feu comte d'Egmont , qui feut tué en la bataille d'Ivry. Gest ambassadeur a ici vingt cinq chevaulx; sa femme aussi , qui est de la maison d'Horne , a du train ; il demande passeport pour quarante chevaulx.

Les députés d'Espaigne désirent qu'il plaise au roy d'envoyer quelques passeports au gouverneur de Bayonne, pour les courriers que le roy d'Espaigne vouldra despescher en ces quartiers ; le mesme désire l'ambassadeur de Savoye, que l'on envoyé des passeports à M: de La Guiche pour les courriers que ledict duc de Savdye vouldra envoyer en ce lieu; ce qu'il vous plaira de considérer. Enfin, il y aura de la longueur, si nous ne les accommodons des chemins.

Comme vous verres par la lettre du roy , nous nous sommes deffendeus tant qu'il nous a esté possible de comprendre M. d'Aumale au traicté particulier : nous estimons, puisqu'il plaist au roy de le retirer, que le meilleur est de le favoriser d'une lettre qui lui puisse donner contentement.

Nous ne debvons obmettre à vous dire que le^ service du roy requiert et demande que la ratification soit ici envoyée le plus tost que faire se pourra ; sans cela nous ne pouvons avoir les ostages, ni haster en aulcune façon la restitution , comme nous vous avons ci devant escrit.

Auparavant que de restituer , if est accordé qu'on les contentera du serment; s'il fault qu'ils, aillent en Bretaigne pour jurer, il ira beaucoup de temps, et la restitution sera reculée.

Le retour du roy en ces quartiers nous feroit gaigner le temps qu'ils seront contraincts de mettre au voyage , et donneroit chaleur à la negotiation.

Il est à propos que le roy ordonne de ceulx. qu'il veult employer pour estre presens au serment du cardinal d'Autriche. On peult mettre en considération qui le fera le premier. Je ne m'arresterois pas à ceste cérémonie, s'il ne tient qu'à jurer que le roy n'aye ses places ; il fault plus tost faire ressusciter M. d'O.

Monsieur , nos deux précédentes despesches satisfont à ce que vous désirés de nous par la vostre du dernier du mois passé, à quoi nous nous remettionSyCt àlalettre que nous avions escrite, quand le courrier nous a rendeu vostre despesche; adjousterons seulement que nous craignons que le voyage que le roy faict à Rennes n'apporte reculement à la restitution des places. Faictes entendre , s'il vous plaist , à sa majesté que son retour

en ces quartiers est très requis pour advancer Texecution de ce qui nous a esté promis. S'il fault que ces gens aillent en Bretaigne pour prendre le serment , ce ne sera jamais faict. Nous vous supplions de penser à cela comme chose très importante et nécessaire.

Nous ne voyons pas que ceste afiaire se puisse tenir plus secrète de nostre pai*t : nous y faisons le possible; mais nous ne tenons pas les langues des aultres. Considérés s'il n'est pas à propos que le roy en advertisse ses confédérés y auparavant que de recevoir leurs plainctes. On nous escrit que Ton accourcisse le temps de la restitution : quand des aujourd'hui mesmes l'on commenceroit là l'exécution , c'est tout ce que l'on pourroit fiiire d'en venir à bout dans le temps promis.

Monsieur, il est nécessaire que M, de Berny ne tarde à nous remporter la ratification , afin que, l'ayant entre nos mains , nous soyons plus hardis à solliciter les députés d'Espaigne de l'exécution de leurs promesses, et par ce moyen , nous essayerons si le temps se peult accourcir , dont nous ne serons hors d'espérance, si en toutes choses l'on se conduict comme l'on doibt faire; et cependant nous pryons Dieu , etc«

Da 7 mai 1598.

CLXVII. — A^ LETTRE De MM. de Bellieçre et de Sillery au roy.

Sire, ayant escrit nostre aultre lettre, nous avons reccu la despesche de vostre majesté du j*' de ce mois, par laquelle il plaist à sa bonté nous tesmoigner si favorablement le contentement qu'elle reçoit du fidèle

service que lui avons peu faire en ceste negotiation de paix , que nous en louerons Dieu tout le temps de nostre vie, et en remercierons vostre majesté avec toute Thumilité que peuvent et doibvent obeissans sub*^ jects à leur bon roy et leur bon maistre. La gloire soit à Dieu , qui contineue d'assister de ses grâces les bonnes intentions de vostre majesté ; nous sommes veneus à bout du plus grand, plus espineux et plus important affaire qui ait esté traicté en la chrestienté depuis cent ans ençà. Vostre majesté a l'honneur d'avoir remis en son entier ceste grande monarchie de France par ses armes et par sa vertu ; maintenant il plaist à Dieu d'honorer vostre bonté de ceste couronne de gloire , que par sa prudence elle donne la paix et le repos non seulement à ce sien royaulme de France, mais aussi à tout le surplus des provinces cbrestiennes. Nous pryons Dieu , sire , de vous continuer et accroistre ce contentement, prolonger vos jours en sa grâce , tout heur et félicité^ et mettre au cœur de vos subjects et de toute la chrestienté de recognoistre avec gratitude le bien de ceste heureuse paix, que vous leux" avés donnée et moyennee.

. Sire , nous avons veu ce qu'il plaist à vosti^e majesté de nous escrire, qu'elle a dict le a4 ^t 25 du mois passé à l'ambassadeur d'Angleterre qu'elle ne ratifiera poinct les articles dé ceste paix de quarante jours après ; nous avons signé les articles le 2 de ce mois. Le 2 de juin escherra le jour que nous avons promis de fournir la ratification. Depuis le jour de la promesse de vostre majesté jusques au a juin il y a trente huict jours; il ne resteroit que deux jours pour faire les quarante, d'où nous sortirons.

Mais, sire, nous estimons qu'il est du tout requis

pour le bien de vosire service, que nous ayons îcî au plus tost la ratification, qui pourra estre envoyée estant la date en blanc, que nous remplirons, ainsi que vostre majesté nous le commandera , estant besoing que nous fassions voir à ces députés d'Espaigne que nous l'avons entre les mains , et par ce mesme moyen les bastions d'accomplir leurs promesses, conservant la fiance qu'ils ont pris de nous , nous ayans trouvés tousjours en toutes cboses fort véritables, qui est Tune des choses qui ont autant servi que nulle aultre à faire arrester les entreprises que le cardinal pouvoit avoir sur vos places, et à effacer les mauvais bruicts que les Hollandois leur voulloient imprimer, que vostre ma- jesté, ayant recouvert ses places, estoit resoleue du tout de continuer la guerrcet leur protection ; nous avons servi en cela au mieulx que nous avons sceu, et ferons le possible pour leur faire perdre ceste opinion.

Sire, nous avons veu ce qu'il plaist à vostre majesté de nous commander touchant Blavet; lesdicts députés attendent sur cela response du cardinal archiduc leur maistre. Nous leur en ferons encores une forte recharge, et au premier jour nous advertirons vostre majesté de ce que nous aurons peu obtenir, la suppliant très humblement de nous vouUoir tousjours continuer au nombre de ses plus fidèles et plus obeissans

serviteurs , etc.

Du 7 mai ï5qS,