CI.XXIV. — * LETTRE DE M. DE . BUZENVAL

jà M. Duplessis,

Monsieur , nous envoyons ce courrier au roy , pour lever quelque accroche qui s'est rencontré en ung affaire que ces messieurs avoient en ce lieu. Vousjugerés assés, par ce commencement, que c'est en matière de finances où les espines naissent sans y estre plantées. Ils partent de ce lieu dans deux jours pour poursuivre leur Voyage. Ils descouvrent journellement nouvelles occasions de se haster ; car on tient nostre haste pour course, encores que M. de Villeroy, par sa lettre du 6, n'en parle pas si résolument. Mais toutesfois il me

LETTRE DE M. DE BUZENVAL, etc. 5o3

semble en approcher plus qu'il n'a faict par toutes ses précédentes. Les advis et lettres, que nous avons ici trouvés des Pays Bas, nous men^icent de quelques esmotions en quelques endroicts,p on n'y prévoit d'heure et bien sagement. Les ennemis y renforcent leurs practiques. Desjà quelques accidens arrivés en la ville d'Utrecht ne nous présagent rien de bon de ce costé là. Vous sçavés ce que je vous ai dict de do nostro heroe quo nihil ÀTo\tri)iîvîa'(jLîv. Il est bien tard d'apprendre ceste science, en laquelle son père a tant excellé. Mais de nos crainctes et de nos espérances touchant ce subject, vous en aurés de plus solides discours de ceci quand je serai sur les Heux. J'ai leur response de ce que j'avois escrit à M. de Bouillon , sur vostre affaire, quand je partis de Saulmur. Je vous envoyé sa lettre mesmes. Madame la princesse d'Orange m'escrit qu'elle sçait de bon lieu que vous en sortirés avec vostre honneur bientost. C'est, monsieur, le meilleur et le plus grand désir que j'aye pour le présent. J'ai , veu ce matin M. le mareschal de Biron, qui partoit en poste pour aller en Picardie, où il asseure la paix. Tainen nihil nisipugnat et exercitùs narrât. S'il estoit creu , les Espaignols auroient encores de la besoingne pour long temps. Sans doute nous les garantissons d'une grande ruyne, et ouvrons, la porte au cardinal pour aller quérir sa chère espouse. Faictes moi cest honneur de m'aimer et de me tenir tousjours pour celui que avés cogneu et jugé digne de vostre amitié.

A Paris , ce i o mai r 698.

5o4 LETTRE DU ROT

Au pape y escrite de sa main.

Très sainct père , puisque Dieu nous a -donné la paix par le moyen de vostre saincteté, il est bien raisonnable qu'après en avoir loué sa divine majesté comme j'ai faict de tout mon cœur , je ne diffère dadvantage d'en remercier vostre saincteté, et me conjouir avec elle de la gloire que ce bon œuvre adjoustera aulx précédentes de son heureux pontificat , qui ne rendra la mémoire de son sainct nom moins recommandable à la postérité que ses Tertueuses et sainctes actions nous obligent tous à l'honorer, servir et aimer.

Je supplie donc vostre saincteté trouver bon que mon ambassadeur s'acquitte de ce debvoir envers vostre saincteté pour erres de ma gratitude, en attendant que j'y satisfasse publicquement, comme je ferai, avec la grâce de Dieu , quand il sera permis de manifester ledict triaicté qui s'en est ensuivi , qui est certaii^ement deu, apreâ Dieu , à vostre saincteté, à la prudence de son très fidèle et affectionné légat, mon cher cousin et ami , et à la diligence du père gênerai de l'ordre de Sainct François. Très sainct père, c'est ung tesmoignage que nous debvons tous ensemble à leur vertu et mérite, mais auquel je recognois estre, en mon particulier, plus atteneu que nul aultre, par la bienveillance qu'ils ont faict paroistre me porter , et au bien de mon estât en tout ce qui s'est passé ; et comme je sçais qu'ils l'ont faict principalement par le commandement de vostre saincteté, je lui en rends grâces très humbles, et la

AU PAPE. 5o5

supplie aussi affectueusement avoir bien agréable que

je la requierre faire sçavoir et cognoistre à tout le

monde le gré que vostre saincteté leur en sçait, et le

contentement et la satisfaction qui lui en demeure ;

et je vous asseure que je participerai à la recognois-

sance et gratification que vostre saincteté leur depar- ,

tira, non moins qu'à l'obligation qu'ils lui en auront,

comme dira plus amplement et fera entendre à vostre-

dicte saincteté le duc de Piney. De vostre saincteté ,

le, etc.

Du II mai iSgS.

De MM. de Bellievre et de Sillery au roy.

Sire, vostre majesté aura veu par la despesche que lui a portée le sieur de Berny , ce que nous avons ici negotié avec les députés d'Espaigne et de Savoye, estans, grâces a Dieu , les affaires conduicts à ce poinct que, si vostre majesté commandoit aujourd'hui la publication de la paix, on pourroit des demain commencer à l'exécuter.

Estant le double des articles entre les mains des députés d'Espaigne et de Savoye, ils Font envoyé à leurs maistres , et tenon-s pour certain qu'à Bruxelles et en Savoye plusieurs sçavent ce qui a esté ici traicté, et ne voyons pas qu'il soit possible de le tenir secret.

Il fault que les ostages q^e le cardinal doibt livrer à vostre majesté soient à la frontière sur la fin de ce mois , que la ratification du traicté leur doibt estre baillée , et au mesme temps ils doibvent délivrer les ostages.

5o6 LETTRE ;^

Nous avons nommés pour ostages Tadmiral d'Aragon , qui est de la maison de Mendoce , et le sieur dom Louis de la Velasco, de la maison du connestable de Castille, gouverneur de Milan; nous les tenons pour les plus qualifiés Espaignols qui soient en ces Pays Bas. Pour les deux Flamands, nous avons nommé le duc d'Arscot et le comte d'Aremberg. Le cardinal d'Autriche leur doibt commander de se tenir prests pour faire ce service au roi catholique; s'il est question qu'ils soient en ceste frontière pour la fin de ce mois, il leur fault du temps pour se préparer ; c'est aujourd'hui le 1 2 , et demain arrive à Bruxelles Tung des députés d'Espaigne qui ont traicté avec nous , qui porte la nomination que nous avons faicte desdicls ostages , tellement que par force forcée il fault que ce traiclé soit publié; et quand il ne le seroit à l'occasion desdicts ostages , venant la ratification , il seroit aussi force de le publier; ce qui nous meut, sire, de vous escrire par nostre précédente, et supplier très humblement vostre majesté d'en voulloir advertir vos confédérés, auparavant que de recevoir leur plaincte, qu'on le leur a voulleu cekr. Sire, quand nous monstrerions dés aujourd'hui la ratification à ces députés, cela serviroità faire haster leurs ostages qu'ils doibvent faire venir à Cartbi*ay; vostre majesté commandera, s'il lui plaist, l'ordre que l'on doibt tenir à les recevoir, et comme ils doibvent estre gardés, soit qu'elle le veuille commandes^ à M. le coriiiestable ou à nous; ce mois sera bientost passé, et n'avons plus de temps à perdre.

Sire, vostre majesté nous commande, par sa despesche du i" de ce mois, de haster le faict de Blavet. Nous n'y perdons une seule heure de diligence. Ces députés nous ont dict qu'ils ne sçavent si le gouver-

AU ROY. 5o7

neur de la place faict travailler aulx fortifications ou non. Â nostre instance , ils ont escrit au cardinal d'Autriche de voulloir commander audict gouverneur de faire cesser les fortifications , disant qu'en cela il peult estre excusé pour ce que jusques à présent il n'a poinct receu de commandement.

Ils nous ont voulleu bailler ung paquet dudict cardinal , ou avec sa lettre il y en a une du roy d'Espaigne audict gouverneur; lui est ordonné par ledict cardinal de réduire le nombre de la garnison, et renvoyer en Espaigne ung terzo d'Espaignols qui n'estoient pas logés dans la place de Blavet.

Vostre majesté nous a commandé de leur dire qu'elle les fera accompaigner de vaisseaux pour les porter en Espaigne , en baillant asseurance de les rendre. Ils se sont trouvés empeschés comme ils pourroient trouver caution en France, nous remonslrans qu'en cela on se peult fier à la parole qu'en donnera le cardinal leur maistre; nous avons dict que vostre majesté se fieroit en lui de trop plus grandes choses, mais que ces vaisseaux sont à des particuliers qui vouldront avoir caution de particuliers solvables. Nous sommes tombéft. sur le sieur Zamet qui est cogneu en Flandres, et, s'il en est pryé, pourroit respondre à la restitution des vaisseaux dont on les accommoderoit. Pour ceste occasion, le cardinal d'Autriche lui a escrit une lettre; s'il sçaura que vostre majesté l'aura pour bien agréable , il se rendra encores bien plus facile à cautionner ; sans qu'en ceste occasion on se serve dudict sieur Zamet, il seroit bien difficile de sortir de ce passage.

Nous ne nous sommes pas voulleu charger de la lettre que ledict sieur cardinal archiduc d'Autriche escrit au susdict sieur Zamet, ni aussi dudict paquet

5o8 LETTRE

qu'il addresse au gouverneur de Blavet, pour en réduire ladicte garnison, et en renvoyer ledict terzo d'Espaignols en Espaigne , remonstrans que Ton n'auroit pas grand esgard aulxdictes lettres, si elles estoient présentées par aultres que par les ministres dudict cardinal archiduc.

Pour ceste occasion , ils lui ont escrit d'envoyer ici ung gentilhomme pour les porter, lequel nous attendons pour mercredi prochain sans faulte, et délibérons en mesme temps d'envoyer avec lui le courrier La Fontaine, qui le mènera à vostre majesté pour y recevoir le commandement <ju'elle trouvera bon de lui faire.

Ils nous ont dict. avoir pryé ledict cardinal archiduc d'y envoyer ung Espaignol qui est près de lui , et personnage d'entendement, de bon sens , et qui parle françois.

Nous escrirons au sieur Zamet afin qu'il se dispose de faire ce service et nous aider àhaster ceste besoigne; ces negotiations , sire , ne permettent que ce traicté soit teneu secret, chacung en parle en ce pays, et comme l'on ^ous dict , c'est ici le lieu où l'on en parle le moins , pour ce que l'on craint de nous offenser,

M. le connestabke a adverti le gouverneur des places d'observer , pour tout ce présent mois, ladicte cessation d'armes que vostre majesté a ordonné aulx frontières.

Ceulx des villes d'Arras, de Dourlans et aultres places du roy d'Espaigtie, quelque chose que ces députés leur ayent escrit, Tout publiée; les peuples ne se peuvent contenir, tant ceste paix est désirée et souhaitée. Nous disons que ceste cessation d'armes n'est que pour ce

AU ROY. 5o9

mois ; mais ce bruict de la paix est desjà si grand qu'on la tient pour faicte.

Cette faulte ne procède pas d'aulcung de vos serviteurs, sire, qui ne peuvent estre maistres en aulcune façon ni des langues ni des volontés des aultres.

Ce bruict, pour huict ou dix jours seulement, incommodera quelque peu le service de vostre majesté, mais en recompense cela lui faict donner une infinité de louanges et de bénédictions. Nous pryons Dieu, sire, etc.

Du la mai iSgS.

CLXXVII. ~ * LETTRE De MM. de Bellies^re et de Sillery a M, de Villeroy.

MoissikUR , vous ayés veu ce que vous a porté M. de Berny; il ne reste rien àescrire, mais il est question d'exécuter ce que l'on a escrit. Nous attendons la ratification, et n'y a plus de temps à perdre.

Vous verres ce que nous escrivons au roy touchant Blavet

Il est impossible de negotier l'exécution de ce grand affaire, et le tenir secret. Par nostre précédente, nous vous en avons escrit si amplement que nous n'y pouvons rien iidjouster.

L'ambassadeur de Venise, qui est à Paris, a ici envoyé son secrétaire pour se congratuler avec M. le légat et les députés, de ce traicté, de la bonne resolution qui a esté prise touchant 'la paix.

Nous lui avons dict que nous le remercions de tant de bonne volonté qu'il nous déclare, et quant à

la paix que nous en avons bonne espérance. C'est tout ce qu'il a remporté de nous ; mais faisons ce que nous Youidrons. Je m'asseure maintenant qu'il se parle en Italie de ceste paix plus beaucoup que l'on ne fàict ici. Quand ung mariage est faict, forcé est de souffirir que Ton en parle ; s'il y a de la faulte de la publication de ceste nouvelle, elle ne vient de nous, et debvons estre excusés , puisque nous avons faict tout ce qui se peult pour tenir l'affaire secret. Nous ne sommes pas maistres des langues ni des volontés des aultres.

Nous avons à louer Dieu de la grâce singulière qu'il a faicte au roy et à ce royaulme, nous donnant la plus honorable paix qui ait esté faicle depuis cinq cens ans en çà, et nous nous sentoiis très obligés à Dieu premièrement , et au roy de l'honneur que nous recevons d'avoir servi en chose si utile à cest estât , et à toute la chrestienté. Une grande partie de ceste negotiation vous est deue , qui avés si vertueusement travaillé avec tant de jugement et de dextérité que la France vous est obligée ; ce que nous tesmoignerons tout le temps de nostre vie, et en quelque lieu que nous soyons; les grandes difficultés qui se sont présentées en ceste negotiation n'ont pas esté surmontées sans que vous ayés dormi de mauvaises nuicts. Nous sçavons assés la corruption qui est demeurée encores au cœur de'beaucoup de François, qui n'ont rien moins au cœur que de voir le roy maistre absoleu en repos et à son aise ; mais, Dieu aidant, il le sera malgré eulx et malgré leurs dents; enfin on le nommera par noms et par surnoms, et ne craindrons jamais d'avoir pour ennemis ceulx que nous sçaurons estre ennemis du roy et de Testât.

Vous verres, monsieur, ce que nous escrivons au roy, touchant M. Zamet. Nous estimons qu'il aura faict

la caution auparavant que ceste ci vous soit rendeue, ce neantinoins il n'en peult que bien advenir, si le roy ou vous lui en escrivés. Nous ladvertissons que par sa procuration il ne fasse poinct de mention du service du roy, car nous entendons que les Espaignols seuls lui en ^demeurent obliges. Monsieur, si le roy veult charger sur nous que nous avons advancé cest affaire plus beaucoup qu'il n'eus t espéré , nous avons, de fort bonnes espaules pour supporter tout ce dont on vous vouldra bien les charger pour le service de nostre maistre. Cependant nous nous recommandons, etc.

Du 12 mai 1698.