CCXXXV. — * LETTRE De M. de La Samonere a M. Duplessis

Monsieur, ce seroit mon parfaict contentement, si , en quelque façon que ce soit , je vous pouvois faire paroistre l'affection que j'ai à vostre service , et principalement en vostre dernière affaire , qui ne s'advance gueres en ce lieu , et celui qui est veneu de là hault ne peult avoir response. Vostre partie est à La Guierche , qui depuis n'agueres a esté en sa maison. Si vous pensés que vos amis vous puissent servir, n'espargnés rien, car tout branlera pour cela. En parlant, il y a quelques jours avec ung qui porte qualité

de lieutenant du roy, qui me demanda si une des meilleures places de France se prenoit pour ceulx de la relligion , si les Eglises l'advoueroient , je lui dis que

LETTRE DE M. DE LA. S AMOUERE , etc. 5o I la place estant en l'obéissance du roy, j'y trouvoîs de la difficulté , et que malaiseement ceulx de la relligion vouldroient ils prendre les places du roy; il me dict que la place estoit de telle conséquence, qu'on n'en pourroit faire sortir ceulx qui y seroient, tant elle estoit bonne. Je lui promis de vous en escrire, et de sçavoir voslre advis que je vous supplie me mander promptement. Je vous dirai aussi qu'il y a des personnes qui sont veneues à Pontorson pour faire changer de volonté à Montgommery , et crois qu'il y est disposé. Il a l'ame foible; si elle n'est renforcée, elle tombera. Je vous en donne advis, afin que vous y apportés Tordre que trouvères bbn.

Rennes, ce 7 janvier i5g8.