CCLI. — * LETTRE DE M. D'ÀVÀUGOUR

A Ml Duplessis.

Monsieur , estant en ce lieu , ayant trouvé à parler avec ung gentilhomme que M. le mareschal de Brissac avoit envoyé par devers M. de Sainct Phal, et voyant par icelles que ce qui s'est passé au regret de tous les gens de bien , ne peult empirer , et sa majesté de par là de plus entrer en mescontentement , me faict comme naturellement obligé au bien et soulagement dudict sieur de Sainct Phal, et ne voullant ni d'ailleurs rien en cela entreprendre qui puisse vous faire croire que je veuille me départir de la bienveillance et amitié de laquelle nous nous sommes estimés jusques à présent, me faict vous supplier avoir agréable que je vous recherche de quel-

5*4 LETTRE DE M. D' ÀVÀUGOUR , etc.

que accord et satisfaction que je suis d'advis que ledict sieur de Sainct Phal vous fasse , par l'advis commua des seigneurs, parens et amis de vous deux ; vous pryant me permettre de vous dire librement que l'opinion commune de beaucoup de seigneurs est qu'il est nécessaire de commencer la resolution de cest affaire par quelque intelligence sur vostre satisfaction pour appaiser le courroux du roy, que ledict sieur de Sainct Phal se représente de telle sorte qu'il semble debvoir plustost quitter le royaulme , ou partir d'icelui de lui mesmes, que d'estre veuen ce royaulme privé de toutes bonnes grâces, et entreteneu au courroux auquel il voit que sa majesté est. Vous regarderés donc , monsieur , je vous en supplie , s'il y a quelque moyen par lequel on puisse vous satisfaire, pour adoulcir les rigueurs de cest affaire , aultrement que par une prison , qui ne peult , me semble , apporter particulière commodité ni aulx ungs ni aulx au 1 très. Sur ce j'en attendrai vostre intention, s'il vous plaist, en demeurant, monsieur, vostre plus humble, prest pour vous foire service.

Charles de Bretaighe.

Monsieur, je vous supplie d'esclaircir moi de vostre intention par ce gentilhomme présent porteur.

Angers, ce 1 8 janvier 1598.