XXIX. — * LETTRE DE M. DE MERCCEUR

A messieurs du parlement de Rennes.

Messieurs , tous ceulx de ce pays ont grande occasion de louer Dieu de ce qu'il lui a pieu , en ce temps •plein de troubles et de périls, pour la relligion catholique , apostolique , et de la diversité des partis , faire naistre des juges et ung corps souverain de la justice affectionnée à la conservation de la mesme relligion. Ce bonheur faict espérer que nos misères ne sont sans remède, puisque le plus salutaire despend de la foi , et que la conscience demeure en sa force; et si parmi les armes il m'eust esté loisible de vous conférer, et à toute la noblesse catholique, des moyens que j'ai jugés propres pour conserver la relligion catholique, et mettre le repos en ceste province, je l'eusse faict fort librement, et eussiés cogneu mes intentions n'avoir aultre fin , bien que les artifices de mes ennemis les figurent toutes aultres. La rigueur des armes ne me le permettant, vous en ju gérés par mes actions. Deux ans sont et plus que j'ai recherché les moyens de voir finir la guerre plus tost par une bonne paix et entière que par le hazard des amies; pendant ce temps l'affection que j'ai portée au repos de ce pays extresmem'a faict abandonner tous les conseils de la guerre, et presque desarmer pour continuer le traioté commencé; et en la présence de la royne ê faire les ouvertures que j'estimois propres pour la seu* reté de la relligion , de mettre le repos en ce duché,

entre aultres qu'il n'y eust en la Bretaigne aultre exercice de relligion que de la catholique, et qu'aulcung ne feust receu aulx estats et dignités qu'il ne feust de profession catholique. Et pour éviter à la confusion que la guerre apporte, bien qu'il y allast démon debvoir et de ma conscience , je ne m'opposerois à ce que ceulx de la relligion pretendeue eussent deux lieux ou places pour l'exercice (Ficelle , en quoi ils avoient subject de se contenter, veu que, grâces à Dieu, il y en a peu en ce pays. Ceste proposition conforme à vos délibérations et au consentement des estats, qui auparavant et depuis les troubles auroient demandé et requis les mestnes seuretés, n'a esté rëceue ainsi que j'esperois ; et on a essayé de m'oster la liberté de la faire et de la restreindre aulx, villes et places qui m'ont suivi. Je me pourrois plaindre justement de ceste rigueur, qui est pour limiter des lieux et des places à l'exercice de la seule relligion catholique, qui tend à la diminution de mon auctorité en ce gouvernement, et à me rendre odieux aulx catholiques. Neanlmoins ceulx qui sont interveneus en ceste negotiation, ayant faict cognoistre que ceste proposition seroit mieulx receue de vous et contre la noblesse de vostre parti que de moi , je n'envie cest honneur, et n'y apporte aultre ambition que d'en voir l'effect, et y participer avec le gênerai des catholiques , qui me faict vous pryer de conjurer, comme aussi font les prélats, seigneurs et gentilshommes* qui m'assistent, d'apporter leur auctorité et les remonstrances que jugerés nécessaires , pour obtenir ces deux articles , en la seureté desquels résident la paix , le repos et la liberté de la Bretaigne. Je m'asseure tant de la bonté naturelle de ceulx aulxqueU