LXVIII. — * LETTRE DU ROY

A M. de Schomberg.

M. de Schomberg > j'ai veu vostre lettre du ao, et les articles de la suspension d'armes qui ont esté accordés à Angers, lesquels je ne doubte pas que le duc de Mercœur n'accorde , si ce n'est pour le temps duquel les députés d'une prat et d'aultre n'ont peu convenir. Je desirerois que ladicte suspension n'eust lieu que jusques au dernier du jour de febvrier ; et que , dans ledict temps , le traicté qu'avés commencé peust estre terminé par une bonne paix, comme il se pourroit faire si ledict duc de Mercœur apportoit autant à l'advancement d'icelle , comme je fais de ma part ; mais d'autant que les députés d'ime part et d'aultre n'y peuvent estre promptement assemblés près de la royne ma belle sœur , à cause des longueurs dont ledict duc

128 LETTftE DÛ ROY

de Mercœur et ses ministres ont accoustumé d'user, j'aurai agréable , au cas que ledict traicté ne soit terminé dans la fin de febvrier, que ladicte suspension continue jusques au dernier de mars : laquelle prolongation la royne et ceulx qui seront de ma part près d'elle pourront accorder; aulx cas, si toutesfois vous jugés, que ledict traicté doibve prendre ce long cours, et que les députés du sieur duc de Mercœur soient resoleus d'avoir des à présent asseurances pour ledict temps , vous ne romprés pour si petite occasion , faisant cognoistre à ung chacung que mon intention est d'accourcir le temps , de laisser suspension pour avoir plustost l'asseurance d'ung plus grand repos par une bonne paix. Vous tiendrés la main pour faire effectuer ce qui est conteneu aulx aultres articles de ladicte suspension ; et parce que le payement qui a esté ci devant faict au duc de Mercœur durant la trefve , doibt continuer pendant l'aultre suspension , et que les levées requises powr ledict payement et pour l'entretenement des gens de guerre qui ont esté ordonnées sur la frontière de Bretaigne , ne se pourroient lever sans beaucoup fouler nos subjects, et qu'à ceste occasion les deniers de mes tailles pourroient estre retardés; ma volonté est que le régiment de Nesde et les cornpaignies de cavallerie qui avoient esté establies en garnison sur ladicte frontière, soient retirées de ces susdicles garnisons et licentiees , et que les deniers qui se levoient pour leur entretenement soient employés , et tiennent lieu pour ce qui doibt estre fourni au duc de Mercœur durant ladicte suspension ; à quoi je vous prye de tenir la main et au licentiement prompt de ces forces, afin que mon peuple en reçoive soulagement. J'ai veu ce que vous me représentés par vostre

dicte lettre, et Testât des affaires de mon pays de Bretaigne, et ce que vous en escrit le sieur Turquam. Sur quoi j'escrirai particulièrement à mon cousin le mareschal de Brissac ce qu'il doibt faire pour se préparer dadvantage à la guerre , s'il fault reprendre les armes après ladicte suspension; vous pryant d'adviser avec les sieurs de Malicorne , de La Rochepot , Duplessis et aultres, mes serviteurs, ce qu'ils doibvent faire pour la conservation des villes qui despendent de leurs charges, et pour estre prests à s'opposer aulx desseings du sieur duc de Mercœur : au cas que , pendant }adicte suspension, ou à la fin d'icelle, ils soient contraincts de reprendre les armes , par le bon ordre qu'ils peuvent donner, mes ennemis ne pourront entréprendre*, et mon peuple sera deschargé de l'entretenement et oppression des gens de guerre, ayant commandé que les garnisons des villes qui sont proches de la Bretaigne, demeurent en Testât de Tannée dernière. Faictes cependant que tous mes subjects cognoissent que la longueur du traicté procède du duc de Mercœur, et travaillés autant que vous pourrés pour advancer ledict Vaicté , vous aidant de Tauctorité de la royne , laquelle peult beaucoup en cela , et n'a moins d'occasion de le désirer, si elle veult la conservation de son frère. Quant aulx poincts du traicté sur lesquels le sieur de La Ragotiere a faict sentir l'intention du duc de Mercœur, tant pour ce qui concerne le faict de la relligion que la réception des officiers, vous debvés donner advis à ceulx de ma court de par* lement de Bretaigne, de ce qui touche le premier , pour leur taire cognoistre les intentions du duc de Mercœur, qui tendent plus à ce qui touche son particulier qu'à ce qui concerne la relligion , et qu'il se sert

Méar. de Duplbssis-Moriuy. Tomb vn. Q

i3o LETTRE DU ROY

de ce prétexte avec artifice pour altérer les volontés de uues subjects. Quant à ce qui concerne la réception des officiers et restitution des maisons, vous en serés mieuU esclairci quand vous recommenceras le traicte, ne pouvant à présent vous instruire dadvantage de ma volonté , que par ce qui est porté par vostre instruction., et mes lettres que je vous ai depuis envoyées. SUi si de La Ragotiere continue en la volonté qu'il a faict paroistre de me venir trouver, se promettant plus de faveurs de moi , je vous prye U*i persuader autant que vous pourréi, d'y venir, et lui dine tju'il peuk faire ce voyage , attendant que vous soyés tous ensemble près de la royne, où il pourrait estre de retour assés à temps. J'estime qu'ayant parlé à lui, s'il rapporte fidèlement au duc de Mercœur la créance 'que je lui donnerai , qu'il pourra se disposer dadvantage au repos. J'ai receu la lettre de mon cousin le duc d'Elbœuf , et veu ce que vous m'e&crivés sur ce qui a esté proposé pour la rupture de la neutralité d'Ancenis , à quoi je ne puis à présent faire attitré response , d autant que la suspension d'armes ayant Heu , il n'est besoing de parler dadvantage des foroes qp'il desiroit dans Anceais, ni des conditions avec lesquelles il voulloit rompre ladicte neutralité. Le différend qui est entre le comte de Chemilly et le sieur de La Bossonniere pour le commandement d'une oompaignie, cesse par raesme moyen. Vous me pourrés donner advis de la recompense qui peult estre justement deue au sieur de La Bossonniere, pour l'advance qu'il a faicte; sur quoi je vous manderai ma volonté. S'il reste quelque différend entre les députés sur les articles de ladicte suspension, vous m'en donneras advis. J'estime , comme vous m'escri vés, que mes ennemis jettent l'œil sur ce qui se

A M. DE SCHOMBERG. l3t

passera en l'assemblée qui se faict à Vendosme; maïs tfeulx qui cognoistront l'intérieur de mes intentions, et qui vouldront en juger sincèrement , cognoîstront que mon but ne tend qu'au bien de mon royaulme et au repos de tous mes subjects ; n'ayant rien accordé à eeult de la relligion pretendeue reformée, dont les catholiques se puissent plaindre. Encores que ceulx de ladicte relligion ayent occasion d'estre contens , je suis bien aise que leur ayés faict fournir les deux mille escus qui leur avoient esté assignés. Voilà ce que je puis vous respoudre sur vostre dernière. Et pour le regard du traicté, j'aurai fort agréable que vous vous rendiés près de la royne ma belle sœur, au plus tost que vous pourrés, et que vous pressiés ceulx du sieur duc de Mercœur de s'y trouver incontinent, les y obligeant par la resolution qui se prendra avant que de La Ragot i ère parte d'Angers. L'assemblée qui est en ceste ville finira dans deux ou trois jours après que ceulx de ladicte assemblée m'auront rendeu compte de ce qu'ils auront faict. Je partirai pour m'en aller à Paris, où vous me donnerés ad vis de ce qui se passera v pour le regard dudict traicté. ^Et sur ce je pryerai Dieu , M. de Schomberg , vous avoir en sa garde.

, A Rouen, ce 26 janvier rSoj.

A M. de Schomberg.

MoflSiKUR , je vous remercie bien humblement du soiug qu'il vous a pieu avoir de m'escrire ce qui s'est passé à Angers. Depuis , vous aurés veu M. le presi-

l3a LETTRE DE M. DUPLESSIS

dent, car j'ai eu lettres qu'il a passé à Saulmur. Je n'ai pas opinion que les députés de M. de Mercœur se hastent ni d'aller ni de conclure, puisqu'ils ont ce qu'ils voulloient; et crains fort qu'ils s'obstinent de plus en plus sur leurs injustes demandes; à quoi la foiblesse , non de nos affaires seulement , mais de nos conseils les fortifie; ils feront beaucoup pour nous descharger de ceste envie , de tirer la décision de ce qui reste en différend , mesme pour les places en concours , sauf à achever et fermer le traicté près de la royne. Du voyage de Bourges, j'y vois pour mon regard ung peu de retardement bien nécessaire ; M. de Vie n'est poinct encores arrivé, et ne puis abandonner ceci qu'une conclusion ne soit prise en ceste assemblée. J'ai besoing aussi de faire faire la monstre de ma compaignie, laquelle ne se peult sans moi, comme vous sçavés. Peult estre la procédure de M. de Mercœur nous donnera elle loisir de faire l'ung et l'aultre. Mais, monsieur, permettes que je vous die que j'estime que1 vous ne debvés poinct vous acheminer à Bourges , que vous n'ayés veu le fonds des extensions ou restrictions des députés de M. de Mercœur; et que si vous jugés par icelui que ce soit chose hors de vostre pouvoir, il sembleront à propos ou de les faire retirer vers sa majesté, ou d'avoir son commandement là dessus premier que d'y entrer; au reste, vous sçavés, monsieur, ce que je vous proposai dernièrement. Si vous laissés rompre le régiment de M. de Nesde, vous le degousteres, et aures peine à le retenir; l'expédient seroit de lui entretenir au moins ung levain , sçavoir , cinquante ou quarante hommes pour compaignie, moyennant quoi il s'obligeast de remettre sus ses trouppes au nombre deu, toutesfois et quantes. Vos lettres ont

A M. DE SCHOMBKRG. l33

esté communiquées à M. de La Tremouille et à M. le président. Il me tarde que je n'aye cest honneur de vous voir pour vous dire le surplus; et sur ce, je, etc.

Du a 7 janvier 1697.