LXXVII. — * LETTRE

Ùe la royne Marguerite a M. Duplessis.

M. Duplessis, j'ai receu, par la lettre que le rieur Erard m'a faict tenir de vous , ung double contentement de me Voir conservée en vostre souvenance, et •encores en vostre amitié, dont ayant lu celle dudict Erard la première, je pensois, par ses calomnies, estre privée; car il m'escrivoit que vous estiés fort offensé de moi, pour ce que M. de Lorme vous avoit adverti que je m'estois plaincte de vous; charité que je ne puis penser que M-. de Lorme m'ait prestee, car il fauldroit qu'il l'eust faicte toute de son ^invention; car je lui en parlai comme l'admiration que j'ai de vos vertus, et la bonne volonté qu'aves tesmoignee à mon bien, m'y obligeoit Me parlant de mes assignations, ledict de Lorme me dict que j'en debvois particulièrement corn» mettre la sollicitation à quelqu'ung qui eust accès au conseil , et qui m'eust de l'affection , et qu'il trouvoit

l58 LETTRE DE LA. ROYNE MARGUERITE le sieur Erard propre à cela. Je lui respondis qu'il ep esloit bien capable , s'il eust esté accompagné d'affection, comme il m'avoit de l'obligation; mais que son ingratitude et l'expérience que j'a vois faicte de sa mauvaise volonté m'empeschoit de m'y fier, et que le roy m 'ayant donné cinquante mille escus par vostre moyen, sans que je les eusse demandés, que j'en avois donné dix mille audict Erard, pour l'^sseurance qu'il me don- -noit de me faire effectuer les promesses du roy, et me mettre mes affaires en tel estât que Je pourrois passer le reste de mes jours en quelque repos d'esprit, qui estoit et est encores le but de mes ambitions ; et qu'au lieu de cela, ledict Erard ne s'estoit soucié de poursuivre mes affaires, et les avoit tellement abandonnés, que j'avois demeuré telle fois ungan sans pouvoir avoir response de lui, ayant esté contraincte d'y employer d'aultres. Lorsqu'il ouït que je vous nommois , il me demanda sur quoi vous m'estiés ami ; je lui dis que de long temps vous m'aviés obligé par beaucoup de bons effects de le croire ainsi ; mais que mon malheur avoit esté tel que à l'heure que j'avois plus de besoing de vostre présence auprès du roy, les affaires de sa majesté avoient porté de vous employer ailleurs, et que j'attribuois à vostre absence, tout le retardement de l'establissement des promesses qu'il avoit pieu au roy de me faire. Je vous prye de monstrer ceste lettre à M. de Lorme, et qu'il die en sa conscience si tout ce que dessus est pas vrai. Neantmoins Erard, par deux lettres, piqué je crois de ce que je dis la vérité de son ingratitude, et voullant se couvrir de vos ailes, m'a escrit qu'estiés fort offensé de moi, et pensant que la lettre que vous escris feut de plaincte et non de courtoisie , et du soing de mes affaires , comme elle est , il m'escrit que je cog-

A M. DUPLESSIS. 1 5g

noistrois tant bien par elle, combien vous estes offensé de ce que j'ai dict à M. de Lorme. Ce sont des passions d'ung homme qui cognoist bien n'avoir pas faict son debvoir; car c'est la coustume de telles gens de penser couvrir une faulte par une faulte; mais il ne sçauroit faire que je n'honore tousjours vostre vertu autant que je me plains de son mauvais naturel. Mais c'est trop ennuyer vostre bel esprit de cest indigne subject. Je vous prye m'en excuser et m 'obliger tant qu'à ceste heure qu'estes auprès du roy , je me ressente du biep de vostre retour, comme j'ai participé du mal de vostre esloingnement ; car mes affaires sont tousjours en mesme estât que lorsque vous les entrepristes. Je suis tousjours à recommencer. J'ai obéi au commandement du roy en tout ; je lui ai rendeu mes terres de Picardie, qui valoient vingt et trois mille escus de rente ; et sur quoi mes créanciers estoient assignés , qui, pour n'avoir ni cela, ni l'assignation que le roy ayoit accordée pour eulx , ils me saisissent et brouillent en tout mon bien. Oultre ce, je suis tous les jours à recommencer pour ma pension ; de sorte que c'est de la seule grâce de Dieu que j'ai receu , depuis que j'ai rendeu lesdictes terres de Picardie , et auriés trop de pitié si vous saviés les peines et ennuis que mes nécessités m'ont apportées. A quoi tant s'en fault qu'Erard m'ait servi ; que c'est par lui que mes créanciers me sont suscités pour me tourmenter; et ceci, je veulx bien qu'il le sache. Mais puisque m'avés tant obligé de voulloir estre mon protecteur auprès du roy, je vous prye faire qu'il fasse commandement à messieurs de ses finances de me faire si bien payer de ma pension qu'il n'en soit plus importuné, et de me donner assignation pour mes créanciers, considérant que je lui ai rendeu

l6o LETTRE DE LA ROYNE MARGUERITE, etc.

mes terres de Picardie que tenoient mesdicts créanciers. Quant à ce que vous m'aviés faict donner sur le domaine de Navarre, je n'en ai jamais touché que huit mille escus , et la terre de Saincte Suzanne pour dix huict mille escus, qu'Erard m'a empesché, jusqu'à ceste heure , de pouvoir ni vendre , ni m'en aider à mes créanciers, mesme il m'empesche d'en toucher le reveneu , ayant par divers artifices degousté ceulx de mes créanciers qui.la voulloient prendre. Si cela continue, je me resoulds de rendre tout ledict don au roy. J'en* voie ce lacquais exprès pour me rapporter une déclaration qui m'est nécessaire pour jouir de ma pension cestè année. Je vous prye m'oblfger tant de faire qu'il me la rapporte promptement. Tescris au roy, seulement pour ma pension. Je vous prye lui en parler, et croire que n'obligeras jamais personne qui estime autant vos belles qualités, et les loue et publie dadvantage que moi, à qui vous n'en debvés savoir gré, puisque c'est ung debvoir deu à vostre vertu. Bien désire je estre cogneue de vous, pour celle qui se plaira tousjours le plus à s'en acquitter, par l'inclination que j'ai , de vous estre à jamais vostre très affectionnée et plut -fidèle amie, Marguerite.

A Usson , le 9 fcbvrier i S97.

A M. Erard.

Monsieur, j'ai peu de vos nouvelles, ou poinct, depuis qu'estes parti de Rouen ; je me confie toutesfois que vous ne chosmés pas. Je pensois vous voir

LETTKE DE M. DUPLESSIS, etc. 161

en court , et mes affaires mesmes m'y convioient ; mais je sais reteneu par deçà par commandement très exprès du roy pour plusieurs affaires , entre anltres pour deux , les plus importans penlt estre qui soyent aujourd'hui , celui de la relligion qui est réservé à estre traicté et concieu ici; et celui de Bretaigne, auquel nous travaillons de si long temps, et, cowme j'estime, en vain. Ores considère je bien cependant que vostre maison de Navarre n'en va pas tnieulx, et qu'il ne se prend aulcung ordre pour les créanciers, lesquels, en pensant amender leur condition par se rendre difficiles, l'einpirent et ruynent en ïa ruyne des terres qui leur sont obligées; c'est pourquoi j'aurois pensé de tous dire que M. de Calignon estant employé par deçà , j'estime* rois à propos que les syndics des créanciers , assistés de quelques ongs des principanlx d'entre eulx deuement auctorisés, prissent la peine de venir, ou à Tours, otr en ceste vilïe, avec bons mémoires de ce qu'ils jugeroient estre à faire pour sortir d'affaires; ce que je vous prye de voulloir leur proposer; et selon aussi qu'ils l'auront agréable, vous disposer, et M. de ta Lamberdiere, de vous trouver ici en mesnte temps , parce que je ne prévois pas que sans vostre présence, pour la cognomance que vous avés de la maison , et le maniement qu'avés eu^ de ce négoce, nous puissions rien bien feire, sinon je vous déclare, et vous prie de leur déclarer que je remettrai ma charge entre les mains du roy, avec ceste considération que j'aurai feict ce que j'aurai peu pour les tirer de dommage; et non sans regrets toutesfois de ne les en voir sortis. Vous m'en ferés, s'il vous plaist, response par le premier, et plustost par homme exprès. Et sur ce, monsieur, etc, En ce cas, vous amenerés, s'il vous plaist, M. Dal-

Mém de Duplessïs-Mornày. Tome vti. 1 1

f6a LETTRE DE M. DUPLESSIS

lier, ou M. Le Doux, et vous soubviendrés qu'il se fault haster, afin qu'on puisse retourner pendant la si£pençiop,qui va jusques au 1er jour d'apvril.

Du 17 febvrier 1597.

A M. de Sckomberg..

Monsieur , ce que j'ai appris depuis mon arrivée en ceste ville, ne me promet rien de meilleur des actions de M. de Mercœur. Peraudiere est dans Tiffauges, qui faict ouvertement la guerre, petarde maisons, presse les corvées et prend prisonniers; et M. de Mercœur les adjuge. Jeudi dernier encores, il donna dans le faulxbourg de Clisson , avec douze chevaulx , pour les attirer en embuscade de trois cens hommes de pied, qu'il avoit relaissés auprès; La Grange Maronniere qui commande les chevaulx légers de M. de Mercœur et les bandéurs de madame, a pris la grange Barbast, appartenant à feu M. de Sainct Estienne, où il s'est logé avec eulx., s'y fortifie et court lePoictou. A Rochefort, ils ont quattre compaignies de gens de pied, et en font aultres quattre qui ont faict monstre ceste sepmaine. Ils disent que c'est le régiment dudict sieur duc, mesmes on tient que le régiment du comte de la Magnive doibt passer la Loire. Tout cela se rapportant fort aulx advis que vous avés des monopoles de Pôictou. Le comte de Cbemilly faict fortifier par cornes la ville de Chemilly , et sera bientost en deffense. Nous eusmes bien de la peine à l'arracher des mains de / Peraudiere, et sommes en danger qu'il ne s'y reloge

A M. DE SCHOMBERG. l63

des qu'il la verra en estai. M. de La Rochepot a signifié à ses officiers qu'ils ayent à faire cesser. Le remède estibible. Le sieur de Nesde n'en est pas loing, auquel il pourroit estre commandé de, s'y loger, et desmolir ce qui peult nuire; il y seroit aussi porté pour ung bon effect en aultre lieu. Ce qu on avoit dressé de coin paignies de gens de cheval enPoictou est licencie. Je n'ose vous dire qu'on veult asseurer que Courbejoliere, offensé contre M. d'Avaugour, vit vendredi M. de Mercœur au chasteau de Nantes, et y feut deux jours, ayant esté introduict par la poterne qui respond sur la rivière. Je ne le veulx croire aiseement. Mais tout cela ne va pas loing des remuemens dont on nous menace. Madame de Rohan est ici depuis huict jours, désirant se trouver à la conférence de Bourges. Je pense qu'elle vous ira voir à Tours pour s'en resouldre. Au reste, monsieur, ma compaignie est preste, et la verres belle sans l'aide du prevost. Mais j'attends de vos nouvelles , premier que lui faire faire monstre, mesmes puisqu'elles ne peuvent tarder. U me fascheroit fort que nous en demeurassions desarmés quand les ennemis s'arment , et vois de la difficulté à relever ce qui aura esté licencié. Je vous baise, etc.

Du 22 febvrier 1 597»

A M. de Schomberg.

Monsieur, je plains vostre maladie, et pour le public et pour le particulier , mesmes en ceste saison ; et vouldrois qu'il me feust aussi aisé de vous avictuailler

l64 LETTRE DE M. DÛPLESSIS

que de vous dispenser. Nous sommes ici parmi ung peuple superstitieux, que nous craignons de scandaliser; mais nous avons donné à vostre pourvoyeur telles adresses qu'avons peu , et cependant ma femme vous envoyé de sa chasse.

Je pense le régiment de M. de Nesde maintenant logé à Sainct Florent ; au moins m'a il asseuré qu'il s'y en alloit; et n'attendoit sinon que les vivres qu'on lui debvoit fournir là, feussent prests. Il ne s'est au reste présenté aulcunes trouppes des ennemis à passer la rivière ; mais bien ceulx de Rochêfort ont qualtre compaignies en campaigne , et d'ailleurs ont logé ung nommé des Esves à Gueuzy, avec une trouppe , lequel desmolit en diligence.

Le retour de M. de Baradat nous tarde fort, je pense que je serai contrainct de faire la monstre de ma compaignie ; mais il me fascheroit fort de l'avoir mise sus, si elle n'estoit entreteneue; car elle est belle et forte ; et ce seroit avoir autant desgousté ses amis.

Pour ce que désirés sçavoir de Testât des élections de deçà , je vous advise de certain qu'es élections de Monstreuil , de Mirebeau et de Loudun , plusieurs paroisses ont rapporté les commissions ; en ceste ci six ou sept, laquelle ne consiste qu'en soixante. Et jugés si c'est avec raison; car desjà les commissions envoyées pour ceste année montent soixante mille escus; c'est à raison de mille escus l'une portant Taultre. Les années passées , elle ne portoit pas soixante mille livres. Ces jours que j'ai esté aulx champs , j'ai veu les paroisses désespérées. Celles qui ont plus de courage ne pensent pouvoir porter ce fardeau ung an; car elles ne payent plus de leurs fruicts , mais de leurs fonds, bestiaulx, instrumens de labourage, etc.

A Bf. DE SCHOMBERG. l65

Si sçais je que j'ai faict ce que j'ai peu pour conserver ceste élection. J'ai creu ci devant que le ravage des gens de guerre cessant, le peuple se. pouvoit soub* tenir. Je sçais maintenant que c'est le fardeau des sub^ sides qui l'accable.

C'est pour revenir à la conclusion que vous prenés, qu'il est temps de mettre le malade au lict , et lui donner repos dedans et dehors. Mais si les desseings de dehors- s'y accommodent peu , je ne sçais si les humeurs de dçdans en sont plus capables , et crains fort qu'il n'y ait que la seule mort qui nous puisse guarir. Il me tardera que vous ne soyés ici pour terminer l'affaire de la relligion , à quoi il semble que la court se dispose > selon ce que j'en apprends. Partie de nostre chemin seroit faict, si nous pouvions avoir à bon escient despouillé ces animosités , etc.

Du 33 febvrier 1697.

LXXXI. — LETTRE DU ROY A Af* Dupleisis , escrite de sa propre main.

AL Duplessis, j'ai veu celles que m'avés escrite* , et à Lomenie. Je ne sçais sur quel subject on parle que je veuk traicter avec les Espaignols. En cor es que je ne doibve rendre compte de mes actions à personne du monde, et moins à mes subjects; si est ce qu'à vous, qui estes de long temps mon searviteur, et auquel je n'ai jamais celé l'intérieur de mon cœur, je vous dirai que je n'y ai point songé, et ne le ferai si je n'y suis porté par ceulx qui me debvroiënt aider à leur faire la guerre , et contrainct contre ma volonté , de quoi vous

1 66 LETTRE DU ROY , etc.

pouvés asseurer tous ceulx qui vous en parleront , et leur en donner ma foi , comme je la vous donne par ceste ci. Je serai très aise que celui que vous m'avés mandé par le sieur de Pierrefite , fasse ce qu'il vous a asseuré pour mon service (i). Pour ce qui s'est passé à Vendosme entre les députés de ceulx de la relligion, et les sieurs de Vie et Calignon , que j'y avois envoyés, vous aurés bientost 'de mes nouvelles par ledict sieur de Calignon. Continués h m'y bien servir, asseuré que je le recognoistrai , et que si vous ne recevés de moi tout le contentement que vous désirés , croyés que vous en serés seul la cause ; car je vous aime. Sur ce, Dieu vous ait , M. Duplessis, en sa garde.

Henry.

A Paris, le i6febvrier 1597.

LXXXIL — * LETTRE

De madame de Rohan à madame Duplessis.

Madame , envoyant ce lacquais à Paris , je ne veulx laisser passer ceste commodité sans vous dire que je receus hier une lettre de vous qui me confirme la prise de Dinan, comme je l'avois desjà sceue certaine; ce qui m'en avoit faict doubter estoit que j'en avois eu les nouvelles fort promptement ; et que plus de six jours après m'estant veneues lettres du costé de Blein , on ne m'en mandoit rien , ni n'en sçavoit on rien ici, qui me feit craindre d'avoir esté mal ad ver de , ne me soub-

(1) Il estoit question d'ung desseing de se saisir de la personne de M. de Mercœur à Indrette.

LETTRE DE MADAME DE ROHAN, etc. 167 venant plus que tous ces quartiers ici tiennent de là Basse Bretaigne , où on ne sçait les nouvelles que six mois après qu'elles sont adveneues. Je suis bien marrie que celles que je vous avois mandées des galères ne sont entièrement véritables , mats au lieu de six galères il ne s'en est perdeu que deux ; le roy receut ung extresme contentement de la prise de Dinan. Sa majesté Ta sceu la nuict, estant couché en ung petit village, n'ayant que cinq ou six avec lui, dont mon fils en estoit ung, qui couchoit tout habillé dans sa chambre. Il le fit esveiller sur l'heure pour lui dire ceste bonne nouvelle. Je recognois en ceci de grands jugemens de Dieu , et eusse presque dict , comme ce prince incre- ' dule il y a quelque temps , que quand Dieu eust faict des fenestres aux cieulx , cela ne feust peu advenir. Il ne m'est pas besoin que Dieu se contente de me faire selon ma foi, car en cest endrotct mesmement elle estoit bien petite, vous ne croiriés poinct encores les rodomontades dés gens de monseigneur : lorsque je >eins ici, il avoit, ce disoient ils, quattre couronnes qui lui pendoient sur la teste ; et de toutes ces quattre, il n'y en avoit pas une qui feust couronnée ; mais leurs propos s'enfioient de tels mots ; ils insistoient fort que monseigneur ne voulloit pas estre pressé ni mené par force , et qu'il donneroit la paix lorsqu'il seroit contenté sur le faict de sa relligion. Quant à Blein , il ne falloit pas parler de le ravoir, s'il n'es toit pour le moins démantelé ; mesme monseigneur s'advisa à entretenir ung gentilhomme que je lui avois envoyé pour avoir ung passeport pour essayer à me persuader de me rendre catholique , me remonstrant qu'il ne falloit jamais que j'espérasse advancement pour mes enfans qu'en ce faisant , et qu'il estoit hors de la puissance du