V^OV

Au roy. •

Sire, j'ai receu par M. de Monglat celles desquelles il a pieu à vostre majesté m'honorer, laquelle se peult soubvenir qu'il y a long temps que je l'importune de terminer l'affaire de la relligion , prévoyant divers accidens qui le pourroient rendre plus difficile; jefeuis teneu neantmoins de tesmoigner à vostre majesté *que la playe d'Amiens a esté ressentie en ceste assemblée avec une extresme douleur , surmontant le vrai naturel en ung chacung les justes plâinotes et douleurs , qui d'ailleurs les pouvoient esmoûvoir. Tant s'en fouit, sire , qu'il soit entré au cœur d'aulcung d'advantager sa condition du malheur public; que Dieu veuille qu'il

ait opéré de mesme sorte en tous les subjects de vostre majesté. Leur unique désir, sire, sans changer de ton, persiste à estre teneus et traictés comme chrestiens, François et loyaulx subjects en ce qui est de leur conscience, condition et mérite : prests, au reste, de répandre aulx pieds de vostre majesté tout ce qu'ils ont de plus cher pour la nécessaire deffense de vostre estât. En quoi, sire, je n'ignore pas les difficultés qu'on peult alléguer; non sur la justice des choses demandées, qui n'est révoquée en doubte, mais sur la dureté des personnes desquelles elles semblent despendre; soubs ombre, ou à l'occasion de laquelle on crainct de les accorder. Mais j'ose espérer, sire, vostre majesté apportant sérieusement son auctorité à choses si justes, que la bénédiction de Dieu , qui ne les destiteue jamais de sa présence, les lui rendra plus faciles qu'elle ne pense. Joinct que je recognois en tous ceulx qui sont assemblés en ce lieu soubs J'auctorité de vostre majesté une si sincère intention , et si répugnée de toute faction; et eulx, d'aultre part, en ceulx qu'il plaist à vostre majesté y entremettre tant d'intégrité et de franchise , pour mieulx espérer de l'exécution des choses qui leur seront promises, que vostre majesté ne doibt doubter qu'ils ne se portent tous entiers à ses commandemens toutes les fois qu'ils penseront avoir de quoi posséder leuA âmes en paix et liberté; leurs biens , vies et honneurs en seureté et repos. Ici je n'oublie pas, sire, à me proposer l'opposition de quelques ungs de messieurs de vos courts souveraines, qui pourront protester de la diminution de leur auctorité, lorsqu'il sembleroit plus à propos de l'accommoder à la concorde publicque,dont humainement despend le salut de vostre estât. Mais ils me pardonneront, si je dis qu'il est

désormais temps que nous apprenions de la nécessité ce qu'à nostre grand ruyne nous n'avons peu ni de la raison ni de l'expérience; qu'il fault s'aqpoustumer à vivre les ungs avec les aultres; puisque nous avons ou à périr, ou à nous conserver soubs vostre auctorité les ungs par les aultres ; dont je m'enhardirai encores de dire que l'exemple doibt principalement venir, et des plus auctorisés, et des plus sages, s'il est jamais à espérer qu'il soit suivi du peuple. Ce que je dis , sire , de l'abondance d'une vraie affection , de voir vostre majesté plus ardemment servie es nécessités qui la pressent par une heureuse fin de cest affaire, duquel je sçais que vostre majesté n'est pas sans peine. Moi certes aussi , sire , qui desirerois vous y pouvoir apporter autant de soulagement comme j'en ai de ressentiment ; car Dieu sçait que je vouldrois racheter le repos et conservation* de vostre estât et de vostre personne, de mon sang propre , n'ayans rien tous les gens de bien tant à appréhender au monde que le malheur de les survivre. Ores je supplie le Créateur, sire, qu'il inspire vostre majesté en ces perplexités, et lui doint en sa grâce heureuse et longue vie.

De Sauhnur, ce s5 mars 1697.

A M. le duc de Mervœur.

Mousieub, la vérité est que j'ai arresté en ce lieu ung courrier soi disant à M. le chancellier , et chargé neantmoins de plusieurs despesches du cardinal d'Autriche. Tant s'en fault , monsieur, qu'il s'advoue aulcu-

176 LETTRE DE M. DUPLESSIS, etc.

nement de vous ni des vostres» J'en donnai aussitost advis au roy, duquel j'attends sur ce les commandement Je pen$e , au reste , avoir si bien faict observer la trefve en ce qui est de ma charge, que j'en suis sans reproche, mesroe jusques ici sans plaincte : moins souffrirais je qu'elle feust enfreinte en chose qui vous tournast en particulier desplaisir; désirant, au contraire, en toute aultre occasion vous faire service. Je supplie le Créateur , monsieur, etc.

Dn 3i mars i5g7*

LXXXIX. —LETTRE DU ROY A M. Duplessis, escrile de sa propre main.

SI. Duplessis y j'ai receu la vostre , et veu «elle que vous a escrit M. de Mercoeur sur la prise du courrier , et vostre response, que j'ai troavec fort à propos. Incontinent que vous aurés appris, et par s» déposition et par ses lettres , l'occasion de son voyage, et ce qu'il y a de plus important, mandés le moi. J'» veu ce que vous avés escrit à Vicose touchant la response, que vous dictes froide, qu'a faict M. de Schomberg aulx députés de ceulx de la relligion; croyés, M. Duplessis, que si vous cognoissiés Testât de mes affaires, que vous advoueriés que maintenant je ne puis dadvantage. Pour ce je vous prye, et vous y conjure par vostre affection à mon service , de les y faire contenter, de peur qu'à faulte de cela , je ne sois contrainct de (aire la paix avec les Espaignols ; chose que vous sçavés à quoi je n'ai jamais voulleu entepdre, et n'entendrai que forcé. Il y a huict jours que nous faillismes Une

entreprise sur la ville d'Arras. J'avois conduict six mille hommes de pied et six cens chevaulx jusques à trois lieues de la ville , ayant faict mettre la noblesse à pied , à une lieue, sans aulcung bruict , si qu'il sembloit ceste entreprise debvoir réussir; car j'arrivai avec les petardiers sur la contrescarpe à la lune couchante , encores que de là au jour il n'y eust que demie heure de temps; mais par quelque malheur les petardiers ayans chargé leurs fusées, l'entreprise ne réussit* J'en ai encores quelques unes pour ceste lune, lesquelles, j'espère, réussiront, , et qui s'exécuteront tandis que je serai à Beau vais, où je m'en vais pour faire ma diette; car j'en ai besoing, pour commencer à me sentir assailli de la gravelle , de quoi je ne m'estois jamais senti , comme vous sçavés ; les aultres, j'y veulx estre en personne. Jtf. de La Rivière m'a promis de me guérir de ce mal présent et de mes maulx. passés. Je serois très aise de vous avoir près de moi , pour beaucoup de choses que je ne vous puis eserire , où vous me serviriés très bien. Et si vous voyiés ma condition , vous la trouveriés pire que du roy de Navarre; car je ne suis assisté de personne. Mon infanterie est très leste ; car depuis que je leur ai faict bailler des habillemens et des piques, vous les prendriés pour les vieilles bandes espaignoles. Je vous prye, encores ung coup, et vous y conjure, de me venir trouver incontinent que vous aurés mis fin au traicté de ceulx de la relligion. Groyés que je vous aime, et que vous me trouvères tousjours très disposé à le vous faire paroistre. A Dieu , M. Duplessis , lequel je prye vous avoir en sa garde. Henry.

A Picqnigny, te 16 avril 1597.

Mrm. ob Dui»LEs*i*-MomjrÀT. Ton yn. 1 2

A M. le mareschal de Brissac.

MoirsrauH , j'ai receu les rostres du t\ et 6 avril ; et pour response, je sçais bien que vous ne prenés pas plaisir que les articles de la trefve soient contreveneus par ceulx qui font là guerre sbubs vostre auctorité ; ce qui est assés vérifié par la patience que vous avés eue après plusieurs contraventions des ennemis. Et de ma part , j'ai me roi à tousjours mieulx estre demandeur que deffendeur là où il va de la conservation de la foi publicque. Mais, veu les deportemens du parti contraire, la defiucte de ceulx de Sainct Mars de la Jaille par les gardes de M. de Mercœur, celle du sieur de Mauny , y joinctes les cruautés et barbaries mentionnées en vostre lettre, le ravage ordinaire du plat pays, dont nous ne voyons que trop d'exemples en ces pays mesmes d'Anjou et de Poictou , et plusieurs actes semblables qui se peuvent alléguer; j'estime, certes1, monsieur, que vous estiés hors des termes de plaittctes et réparations Verbales , et que le temps estoit justement verteu qu'il ftlloit que ceste patience , qu'aultrement ils eussent interprétée à stupidité, esclatast à quelque effect. En quoi j'estime estre à louer non que à non desadvouer, M. de Kergotnar d'avoir eu soing de la réputation des affaires du roy et de sa patrie. Et ne trouve aulcune peint à deffendre ce faict, qui n'a esté que couvrir les defaictes de Mauny et de Sainct Mars, toutes récentes ; n'estant ici question de mesurer le dommage de la revange à celui de l'aggression , mais la justice de l'une à l'injus-

AU M AJfcESCHAL DE BRISSAC. 1 79

liée de^Panltre; bien serais je d'admis de mesnager ceci de sorte selon vostre prudence, que de part et d'aultre il feust pris nng ordre plus certain , pour à l'advenir mteulx conserver le peuple soubs là foi publicque, demeurant pour oublié ce qui se seroit passé jusques ici , à quoi semble vous mettre en chemin la capitulation xlu sieur de La Magnane , parce qu'elle vous donne subject d'entrer «n conférence avec ledict sieur de Mercœur sur lescbange promis par icelle.

Pour la plaincte qu'aulcungs de h province de Bretaigne font qu'ils sont abandonnés , et que ce qu'ils sont François les empesche de chercher leurs remèdes, tous açavés trop mieulx. , monsieur, quel a esté nostre 'inalbear , et n'oubliés pas à leur bien remonstrer qu'esteras tels, ils ne peuvent -esfffe conservés qu'au salut de :la France. Tandis que le roy se prépare pour secourir la Breta igné , vous voyés comme il a esté violemment transporté en Picardie, où il n'a pas peu d'affaires à f emparer la bresehe qui sîy -est faicte. Je n'ignore pas qwe les ennemis de la France en font leur profict, et, -s'il leur reste rien de François, à leur propre honte et dommage; Maïs si ne fault il pas que les vrais et -généreux1 François, tels que vous en avés, grâces à Dieu , bon nombre en Brctaigne, se relascfaent de courage : moins qu'ils imputent à peu de soing qu'on dit d'eulx ce qui ne se doîbt attribuer qu'à ung desastre, r Aussi vois je bien , par la bonne resolution qu'ils prennent de ne se laisser plus gourmander , qu Hs se raidissent, au lieu de se lascher; comme je vous oserois bien asseurer qoe ce que M. de Meneuf n'a esté si tost despesehé en Angleterre et es Pays fias , pour les affaires que vous lui auriés commandés, aura esté pour joindre cette aegotiation particulière à la générale que

1 8o LETTRE DE M. DUPLESSIS

sa majesté faict esdicts pays- pour la deffense de tout le

royaulme.

Quant à ce qu'on vous dict que le roy est d'accord avec M. de Mercœur , et qu'il le tient pour son serviteur, vous avés trop de prudence pour ne juger cest artifice, qui tend d'une part à allentir les courages de ses bons serviteurs et subjects , et de l'aultre , à retenir ceulx qui sont desvoyés en quelque patience, craignans qu'ils ne cherchent la paix par eulx mesmes, l'ayant jusques ici inutilement espérée en la redduction dudict sieur de Mercœur; tant y a, monsieur, que, ou je ne sçais rien des affaires de la court, ou il n'est du tout rien de cela. Et vous dirai plus , que le sieur de La Ragotiere n'a pas seulement eu charge de me dire si les députés de M. de Mercœur iraient à Bourges. Tant il y a jusques ici peu de progrès de ceste part , ou plustost de volonté en ce qui est de la paix. .

Et de faict , monsieur , s'il vous plaist revoir celles que je vous ai escrites par le passé-, vous y lires que je vous ai tousjoùrs faict fort peu espérer de la paix, encores. qu'à la vérité , pour le bien du roy, je l'ai recherché par tous les sens, et la recherche encores; mais j'ai tousjoùrs jugé que la seule force nous y pouvoit amener , et l'ai escrit à sa majesté en toutes mes despesches. Et ce que j'ai traicté et traicte la trefve, n'a poinct esté par ung nouveau conseil depuis la prise d'Amiens ; mais , certes , partie sur ce qu'il vous a pieu me faire entendre qu'elle estoit nécessaire au pays, comme il a pareu par la prolongation qui s'en est faicte à Ancenis, partie pour donner plus de loisir au roy de secourir la Bretaigne, et partie pour le soulagement de ses povres subjects. .

Et comme je ne pense pas que nous venions à une

AU MARESCHÀL DE BRISS^C. l8r

bonne paix, que par les justes armes du roy, mesmes fortifiées de sa présence, aussi ne vois je poinct que la trefve puisse estre bien entreieneue en Bretaigne, que par le respect que' y ferés rendre à son auctorité et à ses forces , quelque seureté que je tasche d'y apporter par les articles. Tellement que je loue vostje prudent et généreux advis de faire respecter les traictés par craincte de revanges , en repartant gaillardement sur les contraventions notoires qui y seront faictes , et faisant par ce moyen déférer à la vigueur de vos actions , ce qu'on n'aura voulteu à la foi publicque. Ce que vous pourrés, monsieur, et justement et sans jetter la province en péril , puisque vous estes asseuré qu'il n'y descendra poinct d'Espaignols de ceste année; cependant, les moyens que vous attendes d'Angleterre et des Pays Bas vous pourront venir , pour entreprendre plus oultre choses plus grandes pour la délivrance de la province, pour lesquels accélérer, puisqu'il vous plaist, je fais présentement une despesche à sa majesté, etc.

Du 10 avril 1S97.

A M. DuplessiSy escrite de sa propre main.

M. Duplessis, bien tost vous aurésde mes nouvelles par le sieur de Vie que je renvoyerai par delà. La déposition du courrier que vous avés pris, et de Carpentier , to»s deux exécutes, a descouvert beaucoup de choses de très grande importance , et qui debvroîent modérer les demandes de ceulx de la relligion ;

182 LETTHE DU ROY, etc.

car, sans doubte, nous sommés à la veille de beaucoup de mauk , si» Dieu n'a pitié de nous ; je fais de ma part tout ce que je puis, mais je suis si peu assisté , que vous me plaindriés si vous voyés Testât auquel je suis. Encore» suis je en doubte si Ton me donnera le loisir de pourvoir à iba santé, comme j'en ai bon besoing, afin qu'après me trouvant mreulx puttse je mieulx vacquer à tout* Adieu , M. Duplessis. Henry.

A Paris, ce 14 avril 1697.