CXLVIII. — LETTRE

De messieurs de rassemblée de Chastellerault à M. de Schomberg, f aide par M. Du pie s sis.

Monsieur , nous avons receu celles qu'il vous a pieu nous escrire du 8 de ce mois; et eussions beaucoup mieulx aimé avoir l'honneur de vous voir ici , selon la promesse que nous en auriés faicte à vostre partement, dont le jour escheoit au dixiesme. Vous jugés assés, monsieur, si tant de longueurs qui ont suivi l'une sur l'aultre , ont deu altérer nostre patience ; veu qu'il s'y est desjà passé plusieurs années, et nous asseurons qu'elles ne peuvent qu'ennuyer grandement à vous mesmes, depuis le temps seulement qu'il a pieu au roy vous employer en cest affaire , qui sçavés considérer que nostre juste contentement ne nous peult estre si longtemps retardé par telles voyes , sans ung mescontentetnent trop juste ; appercevés bien aussi que ceulx

LETTRE, etc. 3l5

qui nous en avoient voulleu frauder par ces longueurs, en frustrant l'espérance du bien que nous avons tousjours voulleu attendre de sa majesté , auroient fraudé évidemment son propre service. Ores, monsieur, quand il iroit de vostre service particulier, il n'y a celui en la compaignie, pour l'honneur qu'il vous porte, et le respect qu'il vous doibt, qui ne vous donnast, au lieu de jours, dessepmaines; et toute ceste assemblée recognoist vous avoir ceste obligation, pour la peine que vous avés prise en ceste negotiation , et la sincère affection que vous avés apportée à l'advancement d'icelle. Mais elle vous laisse à considérer , monsieur , si la trefve que vous procurés aulx provinces de deçà avec M. de Mercœur, retardée pour quelques jours, est de telle conséquence , que ceste pacification qui vous est commise, qui touche généralement toutes les provinces de ce royaulme, et après laquelle nous languissons depuis sept ans, laquelle, sans doubte, une fois conclue, vous rendroit ledict sieur de Mercœur plus capable soit de trefve , soit de paix ; et les conditions plus honorables à sa majesté , plus advantageuses à son peuple, Vous en feroit aussi rechercher par lui, qui auroit de quoi redoubter vos forces; au lieu qu'il vous traisne d'heure à aultre , sans respect , vous en mesure les articles comme il veult, et se rend, au default de ceste conclusion, arbitre de vos délibérations non moins que des siennes. Vous supplie consequemment de juger s'il n'y a pas grande apparence que ledict sieur de Mercœur, duquel vous cognoissés les chicanneries mieulx que tout aultre , prend plaisir de mener la trefve en longueurs affectées , pour allonger ce principal traicté, et retarder d'autant le secours de sa majesté que nous sçavons toulesfois que vous voullésadvancer sur toutes

3l6 LETTRE, etc.

choses, ne faisant pas en cela ledict sieur de Mercœur ung petit service au roy d'Espaigne , ni peu pour ses propres affaires. Si enfin , monsieur, il est supportable qu'ung affaire de telle conséquence, duquel vous avés tousjours estimé l'accélération si nécessaire , soit attaché aulx cavillations et cautelles dudict sieur , lequel , concleu et terminé , obligeroit ledict sieur de Mercœur à vos intentions et procédures , au lieu qu'il vous tient notoirement lié aulx siennes. Ores, monsieur, ce n'est pas pour refuser d'attendre ici le jour que vous nous asseurés d'y estre, soit pour le service de sa majesté, que nous préférons à toutes choses, soit pour vostre considération particulière , qui est de grand poids en nostre endroict ; mais parce que nous voyons par vos lettres, que les instances qui vous sont faictes par mes* sieurs de la province de Bretaigne et des circonvoisines, vous retiennent , et doubtons qu'elles vous pourroient retenir encores plus oultre, desquelles nous serions marris que le repos feust incommodé à nostre occasion, si tant estoit que vous jugeassiés qu'il feust plus à peser pour le service du roy et biçn du royaulme que l'affaire qui vous appelle ici. Nous vous supplions très humblement , en ce cas , monsieur , de ne trouver estrange si nous nous retirons d'ici , et allons attendre la volonté du roy et la commodité de ses affaires et vostres , en aultre lieu ; ne pouvant ceste compaignie , pour plusieurs considérations , après tant de remises , dont les provinces sont au bout de leur patience , en recevoir plus une seule. Sur ce , monsieur , etc.

Do 8 aoust 1597.

LETTRE DE M. DUPLESSIS , etc. 3 ! 7

A Af. de Parabere.

Monsieur , nous n'avons poinct de vos nouvelles depuis qu'avés peu voir le secrétaire de M. de La T remouille qui vous a esté despesché; le secours du Croisil en estoit le principal subject, lequel nous craignons ait esté quitte pour l'inopinée descente des Espaignols, et d'autant plus que nous n'avons aulcunes nouvelles de M. de La Tremblaye. Nous vous requérons aussi , après avoir expédié Malelievre, de faire investir Bussy Fontaine , n'estimant vostre esquipage d'artillerie assés solvable pour TifTauges, et désirant oster ceste espine du pied de Saulmur et de Thouars , qui' se pourroit rendre en estât de leur nuire grandement à l'advenir. L'ordre a esté laissé à Saulmur pour cest effect, qui ne pouvoit estre de plus de trois jours. Maintenant, M. de Schomberg sollicite, par M. le comte de Chemilly , de trouver bon le siège de TifTauges ; nous envoya son lacquais, et a désiré que MM. de Bouillon, de La Tremouilleet moi, nous en escrivissions nostre ad vis. Mais nous ne vous en pouvons donner aultre , sinon que vous sçavés mieulx que tout aultre mesurer nos coups, selon la cognoissance que vous avés de vos moyens et de vos forces; estimant que ce sera ung grand service au pays, si vous pouvés enlever TifTauges promptement. Mais si vous l'estimés trop pesant, et que ne puissiés devant la trefve que M. de Schomberg a chargeai expresse d 'accélérer , que vous debvés tourner vostre de6seing à ce qui sera de prompte exécution et de vostre portée.

Vous n'oublierez donc, s'il vous plaist, en ce cas, d'advertir M. de Pierrefite. Nous attendons cejourd'hui MM. de Thou , de Vie et de Calignon , et ne sçavons s'ils vouldront entrer en matière avant l'arrivée de M. de Schomberg, qui n'y sera avant le 18. Ces longueurs ennuyent extresmeraent la compaignie: M. de Constant est de retour, duquel ce voyage n'a pas esté sans fruict, mesmes pour ce qui le menoit ; il seroit à propos que feussiés ici pour achever l'œufvre ; et sur ce , monsieur, etc.

Du i5aoust 1597.

A M. de Schomberg.

Monsieur , j'ai receu les vostres du 1 3 le 1 5 au soir, lesquelles n'ont peu estre respondeues plus tost, parce qu'il les a falleu deschiffrer la nuict, et communiquer ce matin à MM. de Bouillon et de La Tremouille; car quant à messieurs vos collègues et M. de Montmartin , nous ne les aurons que ce soir. Pour la proposition de M. le comte de Ghemilly, ils remettent à MM. de Malicorne et de Parabere à mesurer leurs coups selon les forces et moyens qu'ils ont, qu'ils peuvent mieulx juger sur les lieux. Mais pour la proposition que vous faictes de différer vostre partement jusques au 20, je vous dis franchement que je ne l'ai voulleu faire, parce que j'ai jugé qu'elle seroit très mal prise comme il vous aura peu apparoir par la response que messieurs de l'assemblée vous ont ci devant faicte, et la mienne qui y alloit jointe. Et vous dis encores un coup que tant soit peu

A M. DE SCH0MBER6. 3 19

de reculement, après tant d'aultres, seroit suffisant pour nous cabrer. De Bussy Fontaine, je doubte si les troupes l'investiront ; car nous n'avons poinct response de M. de Parabere, et les Poitevins crient pour Tiffauges. Mais je suis recherché d'en consentir la neutralité 9 dont je me fais pryer; vous me ferés cest honneur, s'il vous plaist, de m'en donner vostre advis ou à M. Pierrefite. Je ne puis m'imaginer au reste comment vous pouvés retirer toutes les forces de Bretaigne , maintenant que nouveaulx Espaignols et nouveaulx chefs y sont descendeus, qui n'auront pas faulte de nouveaulx desseings ; car quand mesmes la trefve serôit faicte pour long temps, qui nous garantira que la facilité d'entreprendre ne la fasse rompre soubs le moindre prétexte; et qui veit jamais desarmer entièrement ung pays, mesmes en pleine paix? Toutesfois j'en laisse faire aulx plus sages, et m'asseure que n'aurés manqué de remonstrances au contraire. Je vous baise , monsieur,

bien humblement, etc.

Du i6aou$t 1597.

fc*%^*^**»^»«'»%*»^%*»^»^^^«'»<^%%^,'%^%'%^%<»*«^'*-*'»^* %>■»'» ^i-**

A sa femme.

M' amie , tu auras eu de mes lettres , tant par l'homme de Bleré que par Barbenoire , qui t'auront trouvée à la Beutriere ung peu au delà. Je n'en ai poinct eu depuis de toi , dont je suis en peine , si ce n'estoit que je pense que tu auras voulleu attendre ton arrivée aulx eaux. Je n'en suis pas toutesfois hors pour cela. Je prye Dieu qu'il te les bénie, et en espère d'au-

3ao LETTRE DE M. DUPLESSIS

tant mieulx que depuis quelques jours la saison a eslé fort bonne. M. de Schomberg a signé la trefve pour le reste de Tannée. Le sieur de La Roche des Aubiers Ta porté signer à M. de Mercœur, et cependant M. de Schomberg arrive demain ici. J'avois faict approcher les trouppes pour investir Bussy Fontaine , que les ennemis m'avoient faict proposer de mettre en neutralité, le laissant au gentilhomme par la trefve, ils doibvent sortir et le remettre en sa maison. De mesme de Chas» tier Renaud , La Flosselliere et Malelievre ont esté reduicts. Nous avions pourveu que le Croisil feust se* coureu de cinq cens arquebusiers; mais M. de La Tremblaye n'y a arresté que deux jours, et en a emmené grand butin et force prisonniers. La cause a esté qu'en mesme temps sont arrivés en la rivière sept galères et trois navires, avec quinze cens Espaignols, qui lui donnèrent juste allarme. Le povre peuple en aura beaucoup souffert inutilement. MM. de Thou, de Vie et de Calignon sont ici depuis deux jours; ils nous ont apporté des modifications à ce que M. de Schomberg avoit accordé , qui nous rendent les affaires difficiles, poinct qui ne nous vient pas à propos pour le secours d'Amiens qui nous est critique. Nous verrons, M. de Schomberg arrivé, ce qui s'y pourra faire. M. de Calignon m'a asseuré que M. Erard est du tout hors de peine. Il a assigné ici madame Lamberdiere et de Goux, pour ad viser à prendre quelques conclusions sur les affaires des créanciers ; ung secrétaire de s'y doibt trouver pour faire une fin de ce qui le touche. Quant à l'achat de Chasteau Gontier , ils ont enfin trouvé qu'il n'y avoit pas grand fondement, parce que M. de Villiers Charlemaigne prétend, après le marché faict, venir par derrière, comme

A MADAME DUPLESSIS. 3a i

créancier, en vertu de quelques anciennes prétentions. Je n'oublierai rien de tout ce qui s'y pourra pour sortirde nos responsions et aultres affaires. Nos maris font estât de s'en aller à leur mesnage après la trefve publiée. Tout se comporte fort bien à Saulmur. M. le comte de Chemilly a esté tué en une charge en Poio tou 9 après avoir defaict le sieur de La Courbe. Il laisse une fille qui aura soixante mille livres de rente. J'ai pensé que ce seroit le cas de M. de et en es-

crtrai à celle que tu sçais. La mère n'est poinct contraire à M. Despeaux le grand père a cinquante mille livres en ses coffres et de grands meubles. M. le raareschal de Biron a le gouvernement de Guyenne, le marescbal d'Ornano la lieutenance , M. Lesdiguieres celle du Daulphiné; mais ledict sieur marescbal entend avoir cela pourra tirer au loing. Je suis après à pourvoir que tu ne manques poinct d'argent aulx eaux ni moi ici. Si je puis mesme desrober quelque temps pour t'y voir, je le ferai; ce qui despendra de la trefve et du progrès de nos affaires de la relligion. Je t'envoye forée lettres. Je t'embrasse , etc.

De Chaaidlenralt, ce iS aoust 1597, an matin.