CLXV. — * CE QUI SE PASSA A ANGERS

A Angers, le 28 octobre 1597, environ cinq mois après que les lettres dont il est question feurent ouvertes, le sieur Duplessis y estant arrivé avec le sieur de Schomberg le 27, à la pryere de M. le mareschal de Brissac, pour les affaires de Bretaigne, s'en retour-* nant du logis du sieur de La Rochepot en celui dudict sieur de Schomberg, accompaigné d'ung gentilhomme , de celui qui faict sa despense, d'ung commis, d'ung receveur de Saulmur , d'ung soldat de la garnison de ladicte ville, et d'ung page , et, parlant avec le sieur de Launay Blavon , conseiller au parlement de Bretaigne, le sieur de Sainct Phal le suit, accompaigné de sept , lesquels on vit suivis de près de quattre aultres hommes, et lui demander de parler à lui; ce qu'il accorde, et commence par la plaincte des susdictes lettres , prises et ouvertes, adjoustant qu'il en voulloit avoir la raison. Le sieur Duplessis lui dict simplement comme le faict estoit passé ; comme il persistoit à dire qu'il falloit qu'il lui en feist la raison , lui répliqua par plusieurs fois, que si celle là ne le contentoit, il seroit tousjours prest de la lui faire quand et en telle façon qu'il vouldroit. Le sieur de Sainct Phal lui demanda s'il lui en donnoit sa parole; il lui dict derechef que oui. Il continua néantmoins, s'il feroit advouer aulx président et capitaine de Mon treuil ce qu'il disoit; lui dict qu'il n'en faisoit aulcung doubte; lui demanda quand; lui dict, à la première commodité. Il le pressa qu'il le voulloit sçavoir; lors, se sentant trop pressé, lui dict le sieur Duplessis, que ce n'estoit pas par ces termes qu'il le pretendoit

35a CE QUI SE PASSA A ANGERS,

faire , n'estant teneu, en ce qui estoit de sa charge et du service du roy> comme il estoit en ce faict, d'en rendre compte qu'au roy ; mais ce qu'il en feroit seroit pour le désir qu'il avoit de contenter ung chacung. Le sieur de Sainct Phal lui dict lors : Doublés vous que je n'en puisse avoir les raisons quand je vouldrai ? Il lui dict qu'il n'en doubtoit poinct, parce qu'il lui avoit jà plusieurs fois dict qu'il la lui voulloit Taire. Lui demanda enfin s'il ne lui en voulloit dire aultre chose; il lui respondit qu'il ne lui en pouvoit dire dadvantage; lors il frappa le sieur Duplessis a la tempe, dungbaston qu'il cachoil derrière, dont il tomba ; et, en chancelant, lui feurent tirées deux estocades par ceulx dudict sieur de Sainct Phal, qui ne portèrent poinct, partie que la charité les destournast , en partie qu'ung des siens se mit Tespee au poing au devant, qui lui donna loisir de se relever et mettre Cespee a la main. Mais il trouva qu'à l'instant du coupt ledict sieur de Sainct Phal s'estoit retiré pour gaigner son cheval; et combien qu'il y eust de haye à travers de la rue, de sept ou huict hommes , l'espee neue en la main, noantmoins deux de ceulx du sieur Duplessis le suivirent, lesquels feurent blessés , I ung d'ung estramaçon sur ung bras , J aultre d'une estocade par derrière, et force coups dans les habiUemens. Le sieur Duplessis voyant les aultres retirés, s'en alla au logis du sieur de Schomberg, où il avoit une chambre, et y feut pansé du coup qu'il avoit receu en la teste.

Notes sur cest exposé.

Accompaignè de sept. Ils se sont trouvés qu'ils estaient plus de douze ou quatorze avec lui, qui mirent l'espee en main.