CLXIX. — * MEMOIRE

Envoyé au roy par M. de Schomberg, sur le/aict de Sainct Pkal, *avec des notes fournies sur cest exposé, par M. Duplessis.

Est à présupposer que le sieur de Vernay ayant mis la dame de Chavigny hors du chasteau de Chinon, feut attenté quelques jours après une entreprise sur icelui, en l'exécution de laquelle feurent pris Bonoval, son fils, et aultres.

Et en ce temps, le sieur de Sainct Phal despeséha ung des siens , nommé Moncenis , à Chinon , lequel feut pris par quelques ungs de Montreuil Bellay, qui estoient allés à la guerre vers Mirebeau , lui voyant tenir le chemin de la ville de Mirebeau , révoltée du service du roy, en feut icelui par eulx amené audict Montreuil, saisi d'ung paquet de plusieurs lettres.

Le président et le capitaine de Montreuil escrivirent aussitost au sieur Duplessis qu'ils avoient pris ung homme qui sembloit estre personne d'affaires, et qu'ils estitnoient, quoiqu'il dict estre à M. de Mercœur, et qu'ils lui envoyoient les lettres dont il estoit trouvé chargé , par lesquelles il en peust mîeulx juger et leur ordonner ce qu'ils auroient à en faire, soit pour le retenir, ou mesmes le lui conduire en seureté.

Le sieur Duplessis examina les preuves , puis leut celles des lettres qu'ils avoient jà ouvertes ; et n'y pouvant avoir assés de jugement , en ouvrit quelques aultres, non toutesfois toutes, et entre aultres ne toucha pas à celle qui s'adressoit à M. de Souvray ;