CLXXIV. — * LETTRE

Z>w mareschal de Brissac au rojr.

Sire, je n'eusse manqué, si j'eusse esté à Angers, comme il semble par sa lettre que vostre majesté l'estimoit, de satisfaire selon mon pouvoir, à son commandement. Mais estant ici en lieu où je ne puis sitost feire trouver des trouppes pour y conduire seurement mon frère, j'ai estimé que sa majesté auroit agréable qu'il n allas t pas encores jusques là. Je la remercie neantmoins très humblement de ce qu'il lui plaist m'en voulloir descharger, et ne me tient poinct à cœur, bien qu'aulcungs en ayent voulleu imposer, qu'ils le tiennent mal asseuré en mes mains, ayant trop faict paroistre que je preferois à mon propre sang, non seulement le ressentiment de l'offense qui vous auroit esté faiete , sire; car je me promets qu'il sjr en trouve peu ou poinct; mais le contentemenfseul de vostre majesté, que j'ose dire avoir esté, en ceste occasion, servi de moi avec surabondance de ce qu'ung aultre eust estimé despendre de son debvoir. Aussi ne penserois je jamais qu'elle croye que ceulx qui le servent au chasteau d'Angers le puissent faire avec plus de fidélité, et ne m'est poinct arrivé encores de paroistre personne contre mon debvoir et ma charge. Je supplie donc humblement vostre majesté de se reposer sur moi de mon frère y et sur la parole qu'il donne, par sa lettre à vostre majesté, de ne bouger d'où je lui ai ordonné, de sa part. J'espère qu'il lui fera ung jour quelque bon et remarquable service. Il en est de la qualité, du

courage et de l'affection. Il est à vos pieds, sire, et vous demande pardon de vous avoif despieu, Il aimeroit mieulx mille morts que d'avoir sincèrement offensé vostre majesté; il maudiroit toute sa vie ce malheur inespéré, s'il ne se promettait qu'elle lui produira de la force et de l'occasion pour servir son roy , duquel il attend toute grâce, comme de celui seul auquel il doibt et a dédié sa vie et son très humble service. De moi, sire, vostre majesté peult payer le cruel desplaisir que j'ai de cest accident, mesme M. Duplessis, qui est mon allié , m' estant veneu voir , je vouldrois, avec le hazard de ma vie et prix de mon sang, l'avoir peu empescher : je n'y eusse perdeu ni temps ni heure. Mais, sire, la fidélité de mon frère à vostre très humble service , ce qu'il plaist à Dieu qu'il ne soit, sa jeunesse et ignorance en cest acte particulier, où sa loyauté a son rqjr révoquée en doubte fa transporté , me faict très humblement supplier vostre majesté , en lui pardonnant, en voulloir tirer M. Duplessis et lui de ce dangereux affaire. Il a ung frère jeune et valeureux; il a beaucoup d'aultres parens et d'amis cogneus de sa majesté. M. Duplessis en a bon nombre : vostre majesté les sauhera tous. Mon frère, sire, il n'est que trop malheureux , se voyant hors de vos bonnes grâces, dont je lui avois faict pénitence à la Guierche , place de garnison où il faict bien fort mal plaisant , et où la prispn est beaucoup plus rude qu'au chasteau d'Angers; mais il y a seureté d'aller d'ici là, et y a trop de danger de là à Angers, pour le faire passer oultre. S'il arrivoit inconvénient de sa personne par le chemin , vostre majesté en seroit marri ou à l'exempt ou ceulx qui le conduiront; elle en pourroit jetter le blasme sur moi qui l'ai eu. Je l'ai , par ladicte despesche,

376 LETTRE DU MARESCHAL DE BRISSAC informé de tout ce qui s'est passé en çeste querelle, et de mon advis sur F accord , qui m'empeschera de l'ennuyer dadvantage, etc.

Du • . novembre 1597.

Observations faictes par M. Duplessis sur ces te lettre, (Câpres la copie qui lui en /eut envoyée.

ballast pas encores. Il n'y a rien si aisé que de lui en fournir de suffisantes , et depuis le temps il l'auroit peu faire. M. de Schomberg mesme l'y pouvoit conduire à son retour.

Qu'il s'y en trouve peu ou poinct. Il ne prétend poinct que le roy soit offensé en l'oultrage d'ung de ses serviteurs de ceste qualité, estant là actuellement pour son service , et recherché pour acte despendant de sa charge et concernant le service de sa majesté.

Surabondance. Ceste surabondance a esté pour soubstraire sur la chaulde l'ordinaire.

Le puissent faire. Il n'est question ici de comparaison, mais de raison , si ung beau frère doit estre gardien et dépositaire de l'aultre, en faict criminel.

«Se reposer sur moi de mon frère, et sur la parole qu9 il donne. Quelle apparence d'alléguer pour caution la parole du criminel !

De vous avoir despieu. Il craint de dire offensç.

Mon allie m* estant veneu voir. Il obmet à sa pryere et instance par lettres, et par l'envoi d'ung gentilhomme exprès.

Sa loyauté à son roy révoquée en doubte Va transporté. Le roy est tesmoing si jamais le sieur Duplessis lui en escrivit rien , encores qu'à la rigueur il y avoit du subject

Ce dangereux affaire. Il ne pcult y avoir danger pour le criminel, puisque, par la grâce de Dieu, l'assassinat n'a réussi.

Prostré majesté les saulvera tous. Il est question de venger ung crime et non une querelle.

Pénitence h la Guierchey ville de garnison. Pénitence en la ville de la Guierche, qui est maison dudict sieur mareschal.

S'il arrivoit inconvénient de sa personne. C'est une tacite menace d'estre secouru par les ennemis.

Mon advis Sur V accord. Il n'est point d'accord ou l'injure est hors des termes de querelle.