CLXXVI. —LETTRE

De messieurs de rassemblée de Chastelleraull ,

a M. Duplessis.

Monsieur , ce feut hier assés tard que nous receusmes par M. de La Tremouille l'advis de vostre blessure, qui certes nous toucha au cœur, comme vous pouvés penser, selon les occasions grandes que vous nous avés données de tenir chère vostre personne, et en affectionner la longue santé. Tout soubdain nous avons pryé M. de Cazes, présent porteur, de voulloir prendre la peine de vous aller voir de nostre part; tant afin de nous pouvoir esclaircir des motifs et aultres circonstances de ceste tragédie, que pour vous offrir ce que vous penserés estre en nous, avec asseurance que nous l'y employerons srvec autant de promptitude que pour aultre qui se puisse présenter. Ceste affection que nous vous portons , et le besoing que nous

LETTRE, etc. 379

avons de vous, nous font appréhender les choses beaucoup plus grandes qu'elles ne sont portées par l'advis qui nous a esté donné. Et ne sçaurions estre bien à nostre aise que nous ne soyons bien particulièrement asseurés de vostre disposition , laquelle nous pryons Dieu vous voulloir rendre bonne , afin que vous puissiés continuer aussi vigoureusement et heureusement comme par le passé, à estre utile aulx Eglises, aulxquelles nous sçavons que vous vous estes tout dédié; et cependant vous pryons de croire que nous sommes, monsieur, etc.

Du 5 novembre 1 597.

CLXXV1I. —LETTRE DU ROY A M. de Schomberg.

M. de Schomberg, je ne suis pas seulement très marri de l'accident adveneu au sieur Duplessis, duquel j'ai esté adverti par vos lettres du 1 de ce mois, et par ce que m'en a dict le sieur de La Bastide ; mais j'en suis très offensé. Le coup aussi n'a moins blessé mon auctorité que sa personne estant publicque et qualifiée comme elle est, ayant esté appellee pour mon service où elle a esté oultragee, et pour une occasion qui regarde du tout le bien d'icelui ; partant , je veulx en avoir la raison ; et fault que tous ceulx aulxquels Sainct Phal appartient, se résolvent de me rendre ce debvoir, s'ils désirent que je demeure satisfaict d'eulx. Quoi ! qu'il soit au pouvoir d'ung indiscret et mal ad visé, comme est ledict Sainct Phal, d'outrager ung gentilhomme d'honneur de la quarté dudict sieur Duplessis,

38ô LETTRE DU ROY , etc.

qui a si bien mérité de moi , et que j'aime et affectionne comme lui, pour avoir eu plus de soing de mon service que n'eust désiré ledict Sainct Phal , et qui n'eust peu faire moins pour son debvoir envers moi, en l'occasion qui s'est offerte , que de recevoir et ouvrir les paquets dont il est question ! Je ne l'endurerai poinct. Pour ceste cause, j'envoye par delà un g exempt de mes gardes exprès pour se saisir de la personne dudict Sainct Phal , et le mettre en lieu de seureté , où il puisse me respondre de sa témérité , quand et pardevant qui il appartiendra , comme je manderai à mon cousin le mareschal de Brissac et au sieur de La Rochepot par ledict exempt. Cependant je vous prye de disposer les choses à ce poinct ; c'est à sçavoir à ce que ledict Sainct Phal soit sans faulte livré audict exempt, quand il arrivera par delà , pour estre mis et gardé dedans mon chasteau d'Angers, jusques à ce que j'en aye autrement ordonné. Ne voullant qu'il soit parlé de satisfaire et contenter ledict sieur Duplessis, que je ne le sois comme il appartient , pour plusieurs raisons qui importent à mon service, auxquelles les plus proches et affectionnés parens dudict Sainct Phal doibvent pour son bien et le leur acquiescer , puisqu'il est question de mon contentement et de mon auctorité , ainsi que vous leur remonstrerés avec vostre accoustumee prudence , en attendant l'arrivée par delà dudict exempt, que je ferai partir des aujourd'hui , ou demain au plus tard , etc.

Heurt; et plus bas, De Neufville.

' Escrit à Fontainebleau , ce 5 novembre 1597.

LETTRE DE M. DUPLESSIS, etc. 38 1

A sajèmme.

M'amie , je t'ai envoyé la recette par Pillot ; ce lacquais va te confirmer ma santé, qui , grâces à Dieu, ne feut jamais meilleure; que pleust à Dieu feusse je bien asseuré que tu feusses de mesmes. Je n'escris pour le coup que celle ci, parce que je ne feus jamais plus occupé ; respondre à tous ceulx qui s'offrent de toutes parts à moi ; et de faict , il semble que ceste affliction nous ait esté envoyée pour cognoistre nos amis. Madame de Fronteveaux , messieurs de l'assemblée , M. de Malicorne, tous les gouverneurs circon voisins m'ont envoyé cejourd'hui visiter avec offres de tous leurs amis. Madame de Malicorne mesmes t'escrit; nous verrons ce qu'aura faict M. de La Bastide. J'avois hier ici ung secrétaire de M. de Bouillon exprès pour me dire de ses nouvelles. Madame sa femme a esté vingt deux jours à l'extrémité d'une fièvre contineue ; elle est hors; mais il est fort en peine, parce qu'on lui a celé la mort de son fils , et elle demande à le voir. Madame la princesse m'escrit que dans la fin de ce mois elle sera ici avec madame sa fille ; on en a faict gros bruict en court Madame de Rohan est conseillée de se jetter à la traverse pour son fils, et en a voulleu avoir mon advis. Je l'en ai desmeue ; elles monstrent toutes deux estre en peine de ta santé. M. de Schomberg part demain pour Bretaigne; M. le mareschal de Brissac en mesme temps qui amené ma partie. Ce n'est pas si loing que je n'y aye beaucoup d'amis; il me tarde

38a LETTRE DE M. DUPLESSIS , etc.

infiniment que je ne te voye , s'il y a moyen , sans préjudice de ta santé. Ton fils te consolera par le chemin ;' car je ne le veulx voir qu'avec toi. Madame Devaux diffère son voyage du Maine, jusqu'à ce qu'elle t'ait veue ; mais tant de rechutes et de malheurs me traversent mes espérances. Messieurs de l'assemblée m'ont envoyé ici M. de Cazes , me pryant instamment de faire ung tour à Chastellerault ; mais je les ai pryé de m excuser sur l'attente où je suis de toi. M. de Tremouille y est allé; et, si M. de Clairville estoit de retour , ils se resouldroient peult estre à venir ici. Il y en a au conseil qui disputent les choses conveneues; mais le roy veult qu'on passe par dessus : que te dirois je plus ? Il commence fort à^m'ennuyer d'escrire. Je prye Dieu qu'il bénie ton retour plus que ton séjour , et ta présence plus que ton absence. Il fault prendre bons mémoires de M. Petit, aussi ung médecin ordinaire qui ait soing de toi , et n'estre plus si prodigue de croire à quiconque veult s'essayer ; mais , à mon grand regret, ceste prudence me vient tard. Si tu te feusses contentée des eaujxet de la douche, je pense que tout se feustbien porté. Ores , m'amie , je t'embrasse de tout mon cœur.

De Saulmur , ce 5 novembre 1697.